YANGA YAAMBULIA POINTI MOJA MZUNGUKO WA KWANZA KOMBE A SHIRIKISHO AFRIKA.

Na Prince Akbar, DAR ES SALAAM
YANGA SC imekamilisha mechi za mzunguko wa kwanza wa Kundi A Kombe la Shirikisho Afrika bila ushindi, kufuatia kulazimishwa sare ya kufungana bao 1-1 na Medeama ya Ghana jioni ya leo Uwanja wa Taifa, Dar es Salaam.

Matokeo hayo yanaifanya Yanga iokote pointi ya kwanza, baada ya awali kufungwa 1-0 mara mbili mfululizo na MO Bejaia nchini Algeria na TP Mazembe ya DRC Dar es Salaam pia.

Yanga inaendelea kukamata mkia kwenye kundi lake, wakati Medeama inabaki nafasi ya tatu kwa pointi zake mbili, nyuma ya MO Bejaia yenye pointi nne na TP Mazembe pointi sita. 

Katika mchezo huo uliochezeshwa na refa Ibrahim Nour El Din, aliyesaidiwa na washika vibendera Ayman Degaish na Samir Gamal Saad wote wa Misri, hadi mapumziko tayari timu hizo zilikuwa zimefungana bao 1-1.

DK KIGWANGALLA AWAAHIDI WANAKIJIJI CHA IPALA KUTATUA MGOGORO WA HIFADHI NA WANANCHI

Mbunge wa Nzega Vijijini ambaye pia ni Naibu Waziri wa Afya, Maendeleo ya Jamii, Jinsia, Wazee na Watoto Mhe. Dk. Hamisi Kigwangalla akizungumza na badhi ya wananchi wa Kijiji cha Ipala. Dk. Kigwangalla amewataka wananchi hao kuendelea kusubiria kwani tatizo hilo analitatua kwa njia ya mazungumzo na tayari Waziri mwenye dhamana amekubali kufika eneo hilo kwa ajili ya kujionea. (Picha zote na Andrew Chale,Nzega-Tabora).

Dk. Kigwangalla- “Tutatatua mgogoro wa Wanakijiji na Hifadhi ya Msitu wa Ipala kwa mazungumzo”

Mbunge wa Nzega Vijijini ambaye pia ni Naibu Waziri wa Afya, Maendeleo ya Jamii, Jinsia, Wazee na Watoto Mhe. Dk. Hamisi Kigwangalla amewaomba wananchi wa Kijiji cha Ipala ambao wamekuwa na mgogoro wa muda mrefu na watu hifadhi ya Msitu wa Ipala kuwa na subira kwa kipindi hiki kwani tatizo lao linashughulikiwa ambapo Waziri mwenye dhamana anatarajiwa kufika kwenye kijiji hicho kwa ajili ya hatua Zaidi za kitatuzi.

Kijiji hicho cha Ipala chenye Zaidi ya Kaya 700, Wanakijiji wake wamekuwa wakiishi huko kuanzia mwaka 1952 ambapo wameendelea kuishi humo na familia na kufanya shughuli zao za kijamii za kila siku Dk. Kigwangalla amesema kuwa, tayari Serikali suala hilo wanalitambua hivyo wanatumia njia za mazungumzo katika kutatua mgogoro huo kwa sasa wanatarajia ujio wa Waziri Mwenye dhamana kutembelea eneo hilo.

“Matatizo yenu nayajua na Serikali pia inalifahamu suala hili muda mrefu hivyo nawaomba wananchi muwe na subira kwa kipindi hiki na mimi Mbunge wenu natarajia kurudi hapa na Mh. Waziri wa Maliasili na Utalii na atafika huku kuja kushuhudia mgogoro huu.” Alieleza Dk. Kigwangalla kwa wananchi hao huku akishangiliwa na wanakijiji hao waliofurika kwa wingi katika eneo la uwanja wa kituo cha Ipala.

Tazama MO tv, Dk. Kigwangalla alipohutubia Wanakijiji hao wa Ipala hapa:

Mbunge wa Nzega Vijijini ambaye pia ni Naibu Waziri wa Afya, Maendeleo ya Jamii, Jinsia, Wazee na Watoto Mhe. Dk. Hamisi Kigwangalla akiwasili kwenye kijiji cha Ipala huku akipokelewa na baadhi ya wananchi wa vijiji hivyo

Msululu wa wananchi wakiwa wamempokea Dk. Kigwangalla wakati akiwasili kwenye kijiji cha Ipala.

ALIYEONGOZA MTIHANI KIDATO CHA 6 NI TUNDA LA SHULE YA KATA, KALELEWA NA BIBI YAKE AELEZA ALIVYODHARAULIWA.

 
Mwanafunzi aliyeongoza katika matokeo ya kidato cha sita yaliyotangazwa jana na Baraza la Mitihani la Tanzania (NECTA), Hassan Gwaay ameonesha moja kati ya tunda bora lililodhihirisha faida ya kuanzishwa kwa shule za kata na Serikali ya awamu ya nne iliyoongozwa na Dk. Jakaya Kikwete. 

Gwaay mwenye umri wa miaka 19 ameeleza kuwa alisoma katika shule ya kata ya Mirerani Benjamin W. Mkapa mkoani Manyara alipopata elimu ya kidato cha nne na kupata ufaulu mzuri uliomuwezesha kuchaguliwa kujiunga na shule ya wavulana ya Tabora (Tabora Boys) kuendelea na elimu yake ya kidato cha tano. 

Amesema kuwa alipokuwa akisoma katika shule hiyo ya kata, wanafunzi waliokuwa wanasoma katika shule za watu binafsi zenye mazingira bora zaidi ya walikuwa wakimuonesha dharau lakini alitaka kuwadhihirishia kuwa hata katika shule hiyo anaweza kufanya vizuri zaidi yao. 

“Sikujali kelele na dharau za watoto waliosoma kwenye shule za kulipia, ambao mara kwa mara walikuwa wakiibeza shule yetu. Nilipomaliza kidato cha nne, nilipata daraja la kwanza alama 10 (Division 1 ya point 10). Ndipo nilipowadhihirishia kuwa hata kwenye shule za kata watu wanafaulu,” Gwaay anakaririwa na gazeti la Jambo Leo. 

Mwanafunzi huyo ambaye amelelewa na bibi yake kwa muda mrefu baada ya mama yake kufariki huku akiishi mbali na baba yake (anamsapoti), alisema kuwa baada ya kujiunga na shule ya wavulana ya Tabora kusoma masomo ya Fizikia, Kemia na Hesabu (PCM), aliweka bidii zaidi hasa baada ya kugundua kuwa wanafunzi aliokutana nao hapo wote walikuwa na akili sana. 

Alisema kuwa alipofanya mtihani wa ‘Mock’ alipata Fizikia (A), Kemia (A) na Hesabu (B) na kwaba aliumia sana kuona amepata B. Aliongeza bidi hadi kuibuka na alama A kwenye mitihani yote katika Mtihani wa Taifa na kutangazwa kuwa mwanafunzi aliyeongoza. 

Changamoto ya upungufu wa walimu hususan wa Sayansi katika shule nyingi za umma nchini lilimkumba pia Gwaay katika shule ya wavulana ya Tabora, lakini aliipanda ngazi hiyo ndefu kwa nguvu ya ziada bila kukata tamaa. 

“Hakuwa na Mwalimu wa Fizikia pale. Tangu najiunga sikuwahi kumwona zaidi ya wakuazimwa ambaye alikuwa akija jioni na mwisho mwa wiki tu na alikuwa akija mara chache. Muda mwingi tulitumia kujisome wenyewe lakini hatukukata tamaa,” alisema. 

Shule ya wavulana ya Tabora mwaka huu imerudi kwenye nafasi yake ya ubora ulioaminika miaka mingi iliyopita. Imeshika nafasi ya 5 kati ya shule zote.

Mshambuliaji Diego Costa mguu ndani mguu nje ndani ya Chelsea..

Mshambuliaji nyota wa Chelsea, Diego Costa anadaiwa kutaka kuondoka Stamford Bridge na kujiunga na Atletico Madrid. Taarifa zinadai kuwa klabu hiyo ya Ligi Kuu inafahamu nia ya mshambuliaji huyo na tayari wameshakataa ofa ya kwanza iliyotolewa na Atletico. Meneja mpya wa Chelsea Antonio Conte anatarajiwa kumshawishi Costa abakie katika klabu hiyo, kutokana na timu hiyo kushindwa kusajili mshambuliaji wa aina yake mpaka sasa. Costa amebakia kuwa chaguo la juu la Atletico na klabu hiyo ya Hispania inatarajiwa kutoa ofa nyingine kabla ya kufungwa kwa dirisha la majira ya kiangazi.

NECTA Iimetangaza Shule 10 za mwanzo na 10 za mwisho matokeo ya kidato cha 6.

Baraza la mitihani Tanzania(NECTA) imetangaza matokeo ya kidato cha sita 2016, na Kuzitaja shule zilizo fanya vizuri zaidi Kitaifa na zile ambazo hazikufanya vizuri Kitaifa.

Ubora wa shule umepagwa kwa kutumia kigezo cha Wastani wa Pointi (Grade Point Average – GPA) ambapo A=1, B=2, C=3, D=4, E=5 na F=7. 

Aidha, upangaji wa shule zilizofanya vizuri umezingatia shule zenye idadi ya watahiniwa wasiopungua 30 kama ifuatavyoa:

==>Shule 10 Bora Kitaifa

1. Kisimiri (Government)

2. Feza Boys (Private)

3. Mwanza Alliance Girls (Private)

4. Feza Girls (Private)

5. Tabora Boys (Government)

6. Marian Boys (Private)

7. Kibaha (Government)

8. Mzumbe (Government)

9. Ilboru (Government)

10. Tandahimba (Private)


==>Shule 10  za  Mwisho Kitaifa
1.Mpendae (Unguja)

2.Ben bella ( Unguja)

3.Tumekuja (Unguja) 

4.Green Bird Boys (Kilimanjaro)

5.Jang'ombe (Unguja )

6.Kiembesamaki (Unguja ) 

7.Tanzania Adventist ( Arusha )

8.Al-Ihsan Girls ( Unguja )

9.Azania (Dar es salaam )

10: Lumumba (Unguja

MATOKEO YA KIDATO CHA SITA NA UALIMU 2016 HAYA HAPA.

Matokeo Ya Kidato Cha Sita (ACSEE) Na Ualimu (DSEE Na GATCE) 2016 Yametangazwa….. Bofya hapa Kuyaangalia

 0

BY CHOICETZ ON JULY 15, 2016NEWS

Matokeo  ya  Kidato  cha  Sita  2016  Yametoka….Bofya  hapo chini  Kuyaangalia

1.( Form Six ) ==> BOFYA  HAPA  KUYAANGALIA>>

2.DSEE==>>  Bofya Hapa

3.GATCE==> Bofya Hapa

HONGERA ZITTO KABWA KWA KUFUNGA NDOA.

Sasa ni Mr. & Mrs, mbunge wa kigoma mjini na kiongozi mkuu wa chama cha ACT Wazalendo Zitto Kabweamemuoa mpenzi wake aliyemvisha pete ya uchumba miezi miwili iliyopita, ndoa na tafrija zote zimefanyika Zanzibar.

WALIOBEBA COCAINE YA SH 1.5 TRILIONI HATIANI.

Kwa ufupi

Mahakama Kuu ya Glasgow, mji mkuu wa Scotland iliwakuta watu hao, Mumin Sahin na Emin Ozmen na hatia ya kukutwa na dawa hizo za daraja A zenye thamani ya Paundi 500 milioni za Uingereza (sawa na Sh1.49 trilioni).

ADVERTISEMENT

By Florence Majani, Mwananchi fmajani@mwananchi.co.tz

Dar es Salaam. Watu wawili raia wa Uturuki wamepatikana na hatia ya kuhusika katika usafishaji wa zaidi ya tani tatu za dawa za kulevya aina ya cocaine kwa kutumia meli iliyosajiliwa Tanzania ambayo ilikamatwa kwenye ufukwe wa Aberdeen, Scotland mwaka jana.

Mahakama Kuu ya Glasgow, mji mkuu wa Scotland iliwakuta watu hao, Mumin Sahin na Emin Ozmen na hatia ya kukutwa na dawa hizo za daraja A zenye thamani ya Paundi 500 milioni za Uingereza (sawa na Sh1.49 trilioni).

Washtakiwa wengine kwenye kesi hiyo, Kayacan Dalgakiran, Mustafa Guven, Umit Colakel na Ibrahim Dag hawakupatikana na hatia.

Dawa hizo zilizokuwa tani 3.2 aina ya cocaine zilifichwa kwenye meli ya MV Hamal iliyokuwa inapeperusha bendera ya Tanzania.

Inaaminika kuwa meli hiyo, inayomilikiwa na kampuni ya Kiev Shipping and Trading Corporation, ilitia nanga kwa muda mrefu Guyana, nchi ambayo hutumiwa kupakia cocaine kwa ajili ya kupeleka Amerika Kaskazini na Ulaya.

Taarifa kutoka Ubalozi wa Uingereza nchini zinaeleza kuwa meli hiyo iliyokamatwa Aprili 23, mwaka huu, ilikuwa imetia nanga maili 100 kutoka ufukwe wa Aberdeen, Uingereza baada ya kuzuiwa kuingia.

Hiyo ni meli ya tatu kukakamatwa ikiwa imebeba mzigo mkubwa wa dawa za kulevya baada ya ile iliyokamatwa Italia ikiwa na usajili wa Tanzania ikiwa na tani 30 za cocaine na nyingine ya Canada iliyokamatwa katika Bahari ya Hindi nchini ikiwa na kilo 283 za cocaine.

Kiwango hicho cha dawa hizo ni kikubwa kuwahi kukamatwa baharini barani Ulaya na usafirishaji huo umeelezewa na maofisa wa polisi kuwa wa utaalamu wa hali ya juu.

Meli hiyo ilikuwa ikisafiri kutoka Istanbul, Uturuki kwenda Tenerife, visiwa vya Canary na baadaye Bahari ya Kaskazi kabla ya kusimamishwa na polisi wa Aprili 23, 2015.

Sahin (47) na Ozmen (51), walipatikana na hatia ya kufahamu kuwa walibeba cocaine kwenye meli yao kati ya Februari 20 na Aprili 23, 2015, na kuhusika kwenye usambazaji wa dawa hizo kati ya Aprili 21 na Aprili 23, 2015.

Jaji Kinclaven, aliyeongoza jopo la majaji 14, alipanga tarehe ya hukumu hiyo kuwa Agosti 12.

Kwa mujibu wa sheria za majini za kimataifa (Territorial Seas/Waters) ilikuwa ni lazima kwa Tanzania kutoa ruhusa kwa mamlaka za Uingereza kuingia katika nyanda hizo za bahari za kimataifa.

“Ilibidi tupate kibali kutoka Tanzania kwa sababu meli hiyo ilikuwa imesajiliwa na inapeperusha bendera ya Tanzania,” inaeleza taarifa hiyo ya Ubalozi.

Kadhalika, taarifa hiyo inaeleza kuwa baada ya Mshauri wa Haki za Kijinai wa Uingereza, Andy Stephen kuomba kibali cha ukaguzi kutoka ofisi ya Mwanasheria Mkuu wa Serikali na ofisi ya Mkurugenzi wa Mashtaka, wanausalama wa Uingereza walifanya ukaguzi na kubaini kiasi hicho kikubwa cha dawa za kulevya, kikiwa kimefichwa kwenye boti ndogo ndani ya meli hiyo.

“Baada ya meli kuwasili badarini hapo, ukaguzi ulifanyika kwa siku tatu na wataalamu kutoka kikosi cha mipaka cha Uingereza, wakishirikiana na kitengo cha makosa ya jinai cha Uingereza (NCA) na timu ya mamlaka uchunguzi wa kipolisi ya Scotland, meli hiyo iligundulika kuwa imebeba kiasi kikubwa cha dawa za kulevya aina ya cocaine,” inasema taarifa ya Ubalozi.

Akizungumzia kukamatwa kwa meli hiyo, Balozi wa Uingereza nchini, Dianna Melrose amesema kunaonyesha jinsi ulimwengu ulipofikia katika masuala ya usafirishaji wa dawa za kulevya na makosa makubwa ya jinai.

“Kwa kufanya kazi pamoja, ndipo tutaweza kukabiliana na hili. Operesheni ya kuzuia meli hii imefanikisha kukamatwa kwa kiasi kikubwa cha cocaine,” amesema.

Kadhalika, Melrose amezishukuru mamlaka za Tanzania zilizofanikisha kukamatwa kwa dawa hizo  na kutoa ruhusa kwa vyombo vya usalama vya Uingereza kuzuia uhalifu huu.

Kamishna mstaafu wa Kitengo cha Dawa za Kulevya, Godfrey Nzowa alisema tani 3.2 ni kiasi kikubwa cha dawa hizo ambazo humuathiri mtumiaji yeyote.

“Ni kama ukiumwa mafua, halafu ukatumia cocaine, yanapona hapohapo, lakini ikifika ule muda uliokunywa jana, mafua yanarudi mara tano zaidi ya yale ya jana. Hiyo ndiyo inaitwa alosto,” alisema Kamanda Nzowa.

Mtaalamu wa Kitengo cha Dawa za Kupunguza Uraibu wa Dawa za Kulevya, Dk Ndindi alisema tani 3.2 ni kiasi kikubwa kinachoweza kuwaathiri Watanzania wote kama zikisambazwa.

“Kwa mtu anayetumia gramu moja, huyo ni mtumiaji mkubwa au nguli, kwa hiyo tani 3.2 ni janga,” alisema.

Kadhalika, Dk Ndindi amesema kwa mtu kuathirika na cocaine hutegemea vinasaba, umri, damu na ni mara ngapi ametumia.

“Wapo watu wana vinasaba vya kipekee ambao hata akitumia kiasi gani, haathiriki lakini wengine wakitumia kidogo tu wanapata uraibu,” amesema

CHANZO: MWANANCHI.

WIZI PEMBE ZA NDOVU.

Watu kumi wamefikishwa katika mahakama ya hakimu mkazi Kisutu baada ya kukutwa na meno ya tembo kinyume cha sheria.

JESHI LA POLISI MBEYA LAMSHIKILIA BABA MZAZI WA KIJANA EMANUEL FEDRICK ALIYEFUNGIWA NDANI

Baba Mzazi wa kijana Emanuel Fedrick (20) mwenye tatizo la akili na viungo , aliyejitambulisha kwa majina ya Fedrick John Mkazi wa Mwambenja Iganjo Mbeya ,ambaye anadaiwa kumfungia ndani mtoto wake kwa zaidi ya miaka 11 bila kumpatia matunzo yoyotte katika kipindi chote hicho.

Kijana Emanuel Fedrick (20) Mkazi wa Mwambeenja kata ya Iganzo mwnye tatizo la akili na mwili akiwa amelala kitandani kwa zazidi ya miaka 11 sasa kutokona na ulemavu wake wa akili na viungo huku  wazaziwake wakishindwa kumlea vyema na kumpa huduma bora kama walivyo watoto wengine.

Kijana EmanueL Fedrick (20) wenye tatizo la akili akiwa amepaktwa na shangazi yake Stella John mara baada kumaliza kupatiwa chakula.

Na EmanuelMadafa,JamiiMojablog-Mbeya

JESHI la Polisi kupitia dawati la jinsia na watoto linamshikilia Baba mzazi wa  kijana mwenye tatizo la ulemavu wa viungo na akili ,Emanuel Fedrick iambaye alifungiwa ndani  kwa zaidi ya miaka 11 na wazazi wake.

  

Kijana huyo, mwenye umri wa miaka 20, Fredrick Emmanuel  Mkazi wa Mwambeja Kata ya Iganjo jijini hapa amekuwa akiishi ndani bila ya kutolewa nje kwa kipindi cha miaka 11, hali iliyochangia kwa kiasi kikubwa kudhohofisha mwili wa kijana huyo kiafya.

             

Tukio la kukamatwa kwa mzazi huyo limetokea Julai 14 ,2015 majira ya asubuhi nyumbani kwakwe katika eneo la Mwambenja Kata ya Ilemi lililopo Jijini hapa.

  

 Akizungumzia hilo, Mkuu wa dawati la jinsia Mkoa wa Mbeya, Afisa wa Polisi Janet Masangano, amesema baba mzazi wa kijana huyo Emmanuel John, anashikiliwa na polisi kwa ajili ya mahojiano kufuatia tuhuma zinazomkabili za kumficha mtoto ndani kwa zaidi ya miaka 11 hali ambayo imetafsiliwa kuwa ni ukatili wa kijinsia kwa motto huyo.

  

Amesema, sheria ya mtoto ilipitishwa na serikali mwaka wa 2009, sheria hiyo huwalinda watoto dhidi ya mazingira hatarishi na unyanyasaji na kwamba Kama kila mtu mzima akilea mtoto mmoja, watoto (wote) wa Tanzania watakuwa katika mazingira salama.

Amefafanua kuwa , maelezo ya awali ya wazazi wa kijana huyo, yameweka bayana kwamba walezi hao baada ya kumuhangaikia kwa muda mrefu ya bila kupata nafuu, sasa wameamua kumtelekeza kijana huyo na  kuamua kumfungia ndani na kumuachia mungu kama walivyoeleza.

Akizungumzia hilo, Mwenyekiti wa mtaa wa Mwambenja, Rosemary Jama, amesema taarifa za Ferdrick kuishi ndani ya nyumba hiyo  walikuwa nazo lakini hawakuwahi kupata taarifa za kwamba kijana huyo hatolewi nje.

Kugundulika kwa kijana huyo kunatokana na taarifa zilizotolewa na mmoja wa wanafamilia ambaye hakupendezwa namna kijana  huyo anavyo hudumiwa na wazazi wa mtoto huyo.

DIAMOND PLATNUMZ FT P'SQUARE KIDOGO (Official Video)

This Song was written by Diamond Platnumz & P- Square in Lagos, Nigeria Square Records on the 10th of january 2015... The beat was produced by SHIRKO from Tanzania and mixed by V-TECK from Nigeria, aslo got some touches by Producer LAIZER from Wasafi Records 

TANZANIA DISTILLERIES LIMITED (TDL) YAZINDUA KAMPENI YA NUNUA, UZA, SHINDA NA KONYAGI KWA WASAMBAZAJI WAKE NCHINI

 Meneja Masoko na Udhamini wa TBL Group,George kavishe akiongea na baadhi ya mawakala wakati wa uzindinduzi wa kampeni ya NUNUA, UZA, SHINDA NA KONYAGI kwa wasambazaji wa bidhaa zake .Hafla ya uzinduzi ilifanyika katika ukumbi wa Protea jijini Dar es Salaam.

 Mmoja wa mawakala wa kampuni ya Kampuni ya Tanzania Distilleriers Limited (TDL), Bi.Grace Ulomi akihojiwa na waandishi wa habari wakati wa hafla ya uzinduzi

 Meneja Masoko na udhamini wa TBL Group, George Kavishe akiongea na waandishi wa habari wakati wa uzindinduzi wa kampeni ya NUNUA, UZA, SHINDA NA KONYAGI kwa wasambazaji wa bidhaa zake .Wengine pichani ni Maofisa wa kampuni hiyo.

Baadhi ya mawakala waliohudhuria hafla hiyo wakifuatilia matukio mbalimbali katika hafla hiyo.

 --- Kampuni ya Tanzania Distilleriers Limited (TDL) inayotengeneza na kusambaza kinywaji maarufu cha Konyagi na jamii zake, leo imezindua rasmi kampeni ya NUNUA, UZA, SHINDA NA KONYAGI kwa wasambazaji wa bidhaa zake itakayodumu kwa muda wa wiki 12.

 Akizungumza katika uzinduzi wa kampeni hiyo iliyofanyika katika Hotel ya Protea Oystebay - Dar es salaam, Mwakilishi wa Kampuni ya TDL, Meneja Masoko na Udhamini Bwana George Kavishe alisema; “Dhumuni kuu la kampuni yetu ya TDL kuzindua kampeni ni kwanza kabisa kuwainua wasambazaji wa biashara zetu. Tutaweza kufikia lengo hili kwani washindi wa kampeni hii watajishidia magari mapya mawili ya usambazaji (Eicher 3 Tonne Truck). 

Tunaamini kwa magari haya wasambazaji wetu wataweza kurahisishwa utendaji wao ndani ya maeneo yao ya mauzo” Pia, kupitia shindano hili tutaweza kuchangia maendeleo ya kichumi nchini pamoja na jamii kwa ujumla. 

Aliendelea kusema. Naye Meneja Mkuu wa TDL; Devis Deogratius alisema “Katika shindano hili wasambazaji wa bidhaa zetu wamewekewa viwango vya mauzo; na washiriki wote watakaofikia vigezo wataingia kwenye droo kubwa ya kupata mshindi baada ya miezi 10. 

Tunaamini kabisa kampeni hii itaongeza ufanisi kwa wasambazaji wetu nao watoongezea chachu ya manunuzi ya bidhaa zetu”.

SHAA - SAWA OFFICIAL AUDIO

Haya .....haya tena baada ya kinya cha muda hata wengi wakadhani kuwa ndiyo hivyo huwenda safari yake ya muziki ndiyo bye-bye! La Hasha. Hatimaye Mwanadada anayekimbiza nchini kwa mikito ya BongoFleva za Kiswazi yaani mchanganyiko wa ladha ya viduku, miduara mnanda na mchiriku, Shaa kafumua jisongi lingine linaloitwa Sawa, chini ya productio za mtayarishaji wa muziki nchini Tanzania Shirko. 

Pata nasafi ya kuisikiliza ngoma hiyo. 

BOFYA PLAY KUSIKILIZA 

BREAKING NEWS: UINGEREZA WAPATA WAZIRI MKUU MPYA NI THERESA MAY BAADA YA CAMEROON.

• Facebook
• Twitter
• Google Plus
• Embed

 How Theresa May became Britain's new Prime Minister 2:42

LONDON — Mwanamama Theresa May ameteuliwa kuchukuwa madaraka ya U-waziri Mkuu wa Uingereza hii leo baada ya kipindi cha wiki kadhaa kuishuhudia nchi hiyo ikijiendesha bila ya Waziri Mkuu.

The steely 59-year-old replaced David Cameron, who became the first political casualty of last month's referendum when he announced his intention to quit hours after the result.

She is the second woman in the job, following in the steps of fellow Conservative Margaret Thatcher — who was nicknamed the "Iron Lady" and whose decade-long political partnership with President Ronald Reagan helped reshape the global order in the 1980s.

A male Conservative party grandee who served under Thatcher and supports May was last week caught in a "hot mic" moment describing her as a "bloody difficult woman." The unguarded comment likely endeared May to grassroots party members who fondly recall Thatcher's headstrong and stubborn approach to leadership.

The backhanded compliment has since been reclaimed by many women on social media and May also later embraced it, telling The Telegraph that "politics could do with some bloody difficult women actually."

ZIARA RC MWANZA UJENZI WA BARABARA YA MAKONGORO

Mhe. John Mongella Mkuu wa Mkoa wa Mwanza akiongea na waandishi wa habari mara baada yakufanya ziara ya kukagua barabara ya Makongoro Uwanja wa Ndege inayopanuliwa na Mkandarasi Nyanza Road ya Jijini Mwanza na kutoa maelekezo yakuikabidhi barabara hiyo ifikapo Novemba, 2016.

Mkuu wa Mkoa wa Mwanza akiwasili katika Eneo la Ghana tayari kwa ukaguzi wa barabara inayopanuliwa na kujengwa kwa lami kwa kiwango cha Km 2.7.

Mkuu wa Mkoa wa Mwanza Mhe. John Mongella, akitoa maelekezo kwa Mtaalaam mshauri, namna gani wafanye ili kuweza kuepusha athari ya mafuriko pindi mvua zitakapo nyesha.

Moja ya Mainjinia wa Nyanza Roads works, alipokutwa kazini, wakati wa ziara ya Mhe, John Mongella  Mkuu wa Mkoa wa Mwanza, kwenye ukaguzi wa barabara hiyo.

Mhandisi wa Maji mjini Mwanza, Mhandisi Sanga, akitoa maelezo kwa waandishi wa habari namna walivyo tekeleza, maazimio yakuhamisha miundo mbinu ya maji ili kupisha upanuzi wa barabara hiyo ya makongoro.(Picha zote na Ofisi ya Mkuu wa Mkoa).

WAKULIMA WA PAMBA KAHAMA WALIA NA SERIKALI.

 WAKULIMA wa Pamba Wilayani Kahama Mkoani Shinyanga wameiomba Serikali kuondoa ushuru wa asilimia tano unaotoka kwao kwenda Halmashauri za Wilaya kwa kile kinachodaiwa kuwa fedha hizo haziwaziwanufaishi katika kutengneza miundombinu ya makapuni ya ununuzi  kufika mashambani kwao wakati wa msimu.

Katibu wa Chama cha Wakuilima wa Pamba Wilayani Kahama (TAKOGA) Paul Ntelya ameyasema hayo leo wakati akizungumza na wandishi wa habari ofisini kwake nakudai kuwa wakulima hao wamekuwa wakitozwa asilimia tanoya mauzo ya Pamba yao kwenda Halmashauri ya Wilaya lakini wamekuwa hawatengenezi miundombinu.

Katibu huyo wa Takoga aliiomba pia Serikali kuhakikisha kuwa inavifufua viwanada vya Pamba vilivyokufa ilikuweza kumrahisishia Mkulima kulima Pamba yenye tija huku akiwa na na uhakika kupata masoko kwa urahisi hali ambayo inaweza kuchangia kuongeza uzalisha mara dufu kuliko ilivyokwa sasa.

Mmoja wa Walima wa zao hilo kutoka katika kata ya Idahina katika Halmasahauri ya Ushetu Juma Makashi aamesema kuwa licha ya msimu wa zao la Pamba kufunguliwa juni 21 lakini hakuna Makampuni yamegoma kununua Pamba hiyo kwa bei elekezi ya Serikali ya shilingi 1000 kwa kilo na badalayake Makampuni hayo yanataka kununua kwa bei ya shilingi 800.

Aidha Makashi amesema kuwa  kutokana na hali hiyo wakulima wa Pamba wameamua kukaa na Pamba yao majumbani kwa kuwa bei hiyo haina tija kwao na hivyokupelekea kusimama kwa shughuli za kiuchumi hali ambayo pia imesababisha hata wanafunzi kusimama kwenda shule kutokana na wazazi waokutokuwa na fedha.

Pia ameongeza kuwa kuna tetesi za kuwa na Walanguzi wanaonunua Pamba kwa bei ya shilingi 700 kwa kuwabana Wakulima kutokana na kuwa na ugumu wa maisha hali ambayo wakulima hao tayari wameishaanza kuuza ilikukidhi mahitaji yao ya Msingi.

Nae Mkaguzi wa zao la Pamba Wilayani Kahama Emmanuel kilewo alipoulizwa kuhusu hali hiyo alisema kuwa tayari vikao vilikuwa vinaendelea baina ya Bodi ya Pamba pamoja na Wanunuzi nakuongeza kuwa makubaliano yanaenda vizuri na tayari baadhi ya Makampuni ya ununuzi yameanza kupeleka vifaa katika sehemu husika tayari kwa kuanza kazi hiyo.

Kilewo pia amesema kuwa kuhusu Walanguzi wa zao hilo katika masoko yaliopo Vijini, Serikali haiwatambui kama ni wanunuzi nawanakwenda kinyume cha Sheria na kuwataka Wakulimakutoa taarifa za kuwepo kwa watu hao ili waweze kukamatwa na kuchukuliwa hatua za kisheria.

MTOTO AGUNDULIKA AKIWA AMEFUNGIWA NDANI NA WAZAZI WAKE KWA MIAKA 11 MBEYA

Kijana Emanuel Fedrick (20) Mkazi wa Mwambenja Kata ya Ilemi jijini Mbeya   mwenye tatizo la ulemavu wa viungo na akili akiwa amelala ndani ,kwa zaidi ya miaka 11 sasa kwa kile kinacho elezwa kuwa ni kufichwa ndani na wazazi wake ili kuondoa aibu ya familia .

Mahali anapo lala  kijana Emanuel Fedrick (20)Mkazi wa Mwambeja Kata ya Ilemi jijini kwa zaidi ya Miaka 11 sasa kwa kile kinachoelezwa kuwa ni kuficha aibu ya familia.

Kijana Emanuel Fedrick (20)  mwenye tatizo la utindio wa ubongo akiwa amebebwa na shangazi yake Stella Mbuligwe  mara baada ya kutoka kufanyiwa usafi wa mwili kutokana na wazazi wake kutoweza kutoa ushirikiano kwa kijana huyo..

Kijana Emanuel Fedrick (20) Mkazi wa Mwambenja Ilemi jijini Mbeya ambaye anatatizo la akili na ulemavu wa viungo akipelekwa ndani na shangazi yake ,Stella Mbuligwe mara baada yaa kufanyiwa usafi na kupatiwa chakula

Na EmanuelMadafa,Mbeya

Katika hali isiyokuwa ya kawaida kijana  mwenye tatizo la ulemavu wa viungo na akili, amegundulika kufungiwa ndani  kwa zaidi ya miaka 11 na wazazi wake katika eneo la Mwambenja Kata ya Ilemi Jijini hapa.

                                                                    

Kijana huyo, mwenye umri wa miaka 20, ambaye amejulikana kwa jina la Fredrick Emmanuel ametajwa kuwa amekuwa akiishi ndani bila ya kutolewa nje  hali iliyochangia kwa kiasi kikubwa kudhohofisha mwili wake .

Mmoja wa majirani ambaye hakutaka jina lake litajwe amesema kuwa Kijana huyo licha ya kuzaliwa akiwa na ulemavu wa viungo vya mikono na miguu,pia amezaliwa akiwa na utindio wa ubongo hali inayomfanya kushindwa kuongea.

Amesema wazazi wa mtoto huyo wamekuwa wakimfungia ndani ambapo hata wao hawakuluhusiwa kuingia ndani ya nyumba hali iliyowafanya washituke na kutoa taarifa ili kumuokoa  kijana huyo.

Akizungumzia tukio hilo , Mwenyekiti wa mtaa wa Mwambenja, Rosemary Jama, amesema taarifa za Ferdrick kuishi ndani ya nyumba hiyo  walikuwa nazo lakini hawakuwahi kupata taarifa za kwamba kijana huyo hatolewi nje.

“Sisi tunafahamu ndani ya nyumba ya Emmanuel kuna mtoto ambaye ni mlemavu lakini hatukuweza kufahamu mazingira anayoishi kijana huyu, nimeshuhudia kweli huu ni unyanyasaji wa kijinsia, licha ya kutotolewa nje lakini kijana huyu anaonekana amekosa chakula,”alisema.

Akizungumza huku akionesha kutojali  , Baba wa kijana huyo Emmanuel John , anasema mwanae Fedrick, alizaliwa mwaka 2007 ukiwa ni uzao wake wa kwanza katika familia hiyo na akufuatiwa na wenzake watatu ambao wote mungu amewajalia na kuzaliwa wakiwa wazima.

Kufuatia tukio hilo baadhi ya majirani wameomba mamlaka husika kuingila kati ili kumsaidia kijana huyo kwani maisha yake yapo hatarini kutokana na wazazi kutoonesha kujali .

 Mwisho

Imeandaliwa na Mtandao wa kijamii wa JamiiMojablog-Mbeya  na Mtandao wa FahariNews0759-406070,0712199378.