TAKUKURU YAONYA WANANCHI KAULI YA "UNATUACHAJE SASA" KWA WAGOMBEA

 NA ALBERT G.SENGO/MWANZA

TAKUKURU MKOA WA MWANZA YATOA ELIMU Kwa kipindi cha mwezi Julai hadi Septemba kuelekea kipindi cha Uchaguzi wa Serikali za Mitaa wa mwaka huu,Takukuru Mkoa wa Mwanza imetoa elimu ya dhana na madhara ya Rushwa kwenye uchaguzi, makatazo dhidi ya rushwa na wajibu wa wananchi kushiriki kuzuia vitendo vya rushwa kabla,wakati na baada ya uchaguzi ikiwemo na kutoa taarifa za vitendo vya rushwa. Takukuru Mkoa wa Mwanza kupitia kazi ya Uchambuzi wa mfumo kuhusu mapato yatokanayo na mauzo ya mifugo katika mnada wa Misasi Wilayani Misungwi imewezesha kuongezeka kwa mapato kutoka wastani wa shilingi milioni 2 laki 5 hadi milioni tatu mpaka kufikia milioni saba hadi milioni nane kwa mnada mmoja ambalo ni ongezeko la zaidi ya asilimia 100

KATIBU MKUU DKT ISLAM AONGOZA MAJUMUISHO BAADA YA ZOEZI LA USIMAMIZI WA PROGRAMU YA KUENDELEZA KILIMO NA UVUVI AFDP

 

 

Katibu Mkuu, Ofisi ya Makamu wa Pili wa Rais Serikali ya Mapinduzi Zanzibar,  Dkt. Islam Seif Salum, Ameongoza majumuisho (wrap-up meeting), baada ya zoezi la usimamizi wa Programu ya Kuendeleza Kilimo na Uvuvi (AFDP) inayoratibiwa na Ofisi ya Waziri Mkuu Sera, Bunge na Uratibu,  lililofanywa na  Mfuko wa Kimataifa wa Kuendeleza Kilimo (IFAD) na Serikali kukagua maeneo yanayotekeleza Programu ya AFDP.

KATIBU MKUU WA NLD AZINDUA RASMI KAMPENI HANDENI, ATOA WITO KWA VIONGOZI VYAMA VA SIASA KUFANYA SIASA ZA KISTAARABU

 

Na Oscar Assenga,HANDENI.

 

KATIBU Mkuu wa Chama cha NLD Doyo Hassan Doyo amezindua rasmi kampeni za wagombea wa chama hicho kuelekea kwenye uchaguzi wa Serikali za Mitaa Kata ya Kwedukwazu wilayani Handeni huku akitoa wito kwa viongozi wa chama hicho hapa nchini wafanye siasa za kistaarabu ambazo haziendi kutweza utu wa mtu.

 

Uchaguzi huo unatarajiwa kufanyika Novemba 27 mwaka huu ambapo vyama vya siasa ambazo zimeweka wagombea zitachuana ili kuweza kuwapata washindi ambao wataongoza Serikali za Mitaa, Vijiji na Vitongoji na wajumbe wa mitaa katika maeneo mbalimbali nchini.

 

Doyo aliyasema hayo mara baada ya kuzindua rasmi kampeni za chama hicho katika Kijiji cha Kwedikwazu Magharibu Kata ya Kabuku wilayani Handeni mkoani Tanga ambapo katika pamoja na mambo mengine aliwanadi wagombea ambao watachuana na vyama vyengine kwenye uchaguzi wa Serikali za Mitaa.

 

Alisema anatoa wito huo kwa sababu chama cha siasa kina kazi kubwa ya kuwaunganisha watanzania na chama ambacho kitawa sambaratisha wasikipe nafasi katika uchaguzi huo ambao ni muhimu kwa maendeleo.

 

“Nitoe wito kwa Chama changu cha NLD sehemu tunazokwenda kufanya kampeni tufanye siasa za Kistaarabu ambazo zinakwenda kuwaunganisha watanzania na sio vyengivyo”Alisisitiza Katibu Mkuu huyo wa chama cha NLD.

 

Aidha pia alitoa wito kwa vyama vyote za siasa ambazo vimesimamisha wagombea katika uchaguzi huo wasifanye kampeni za kukwaza watu bali viheshimu watu na vinadi sera ili watanzania waweze kuamua chama gani kinaweza kuwasaidia katika kipindi cha miaka mitano ngazi ya mtaa na vitongoji.

 

“Huu ni wito nautoa kwa viongozi wa chama cha NLD nchi mzima wahakikisha wanafanya kampeni za kistaarabu na wasifanye zile ambazo zinakwenda kukwaza watu bali waheshimu watu na tunadi sera ili uchaguzi ukiisha waendelee kuheshimiana”Alisema  

 

Alisema wameamua kuzindua kampeni hizo katika Kijiji hicho kutokana na kwamba kwenye vitongoji 10 NLD imepata wagombea vitongoji vyote wakiwemo wajumbe, Mwenyekiti na wale wa viti maalumu ambao watachukua na vyama vya upinzani katika kinyang’anyiro hicho.

 

Awali Mwenyekiti wa NLD wilaya ya Handeni Rajabu Zakaria Doyo alimuomba Rais Dkt Samia Suluhu watupie macho kwenye ngazi ya usimamizi wa uchaguzi kwenye wilaya kwa sababu kuna katatizo ambako wenzao wanakileta wakati wa uchaguzi.

                       

Alisema kwa sababu wanapokwenda kusimamia watu kwa bunduki kwani watu hawagombani na wasimamizi ni mawakala ambao wamewateua na wao wanawasainisha na kisheria.

 

“Chumba cha kura hairuhusiwi mtu kuja na bunduki katika chumba cha kura wala kueleza kwamba wao ni viongozi wakubwa kwa sababu kuna watu wameteuliwa kusimamia uchaguzi huo lakini kubwa tumejipanga kufanya kampeni za kistaarabu”Alisema  Mwenyekiti Rajabu..

 

KUKAMILIKA KWA MV MWANZA HAPA KAZI TU FURSA NJE NJE - VIJANA MSHINDWE WENYEWE

 

KATIBU MKUU CCM DKT. EMMANUEL NCHIMBI ANAHUNGURUMA JIJINI MWANZA, UZINDUZI KAMPENI UCHAGUZI

 

RAIS DKT. SAMIA AKITEMBELEA ENEO LILOTOKEA AJALI YA KARIAKOO JIJINI DAR ES SALAAM.

 Rais wa Jamhuri ya Muungano wa Tanzania Mhe. Dkt. Samia Suluhu Hassan akitembelea eneo lililotokea Ajali ya Kuporomoka Ghorofa kariakoo Jijini Dar es Salaam, leo tarehe 20 Novemba, 2024.

BASHUNGWA ATINGA UWANJANI KUSHUHUDIA KIVUMBI CHA FAINALI ZA KASEKENYA CUP 2024

 

NA MWANDISHI WETU

Waziri wa Ujenzi, Innocent Bashungwa amehitimisha kwa kishindo Ligi ya mpira wa miguu Kasekenya Cup’ iliyoandaliwa na Mbunge wa Ileje, Eng. Godfrey Kasekenya ambapo timu ya Iyuli kutoka Mlal iliibuka bingwa baada ya kuifunga timu ya Jibanda kutoka Lusisi kwa penati 5 kwa 3 baada ya kutoka sare ya goli 1 kwa 1 katika dakika 90 ya mchezo.

Mashindano hayo yaliyoshirikisha jumla ya timu 84 yamehitimishwa katika Uwanja wa Mwenge uliopo Wilayani Ileje Mkoani Songwe kwa kushuhudiwa na viongozi wa Serikali, Chama cha Mapinduzi (CCM) na wananchi wakiongozwa na Mkuu wa Mkoa wa Songwe, Daniel Chongolo.

Awali, Finali hizo zilitanguliwa kwa kumtafuta mshindi wa tatu kwa mchezo kati ya timu ya Kimbunga FC kutoka Itale iliyoifunga timu ya Isoko kwa Penati 4 kwa 3 baada ya kutoka suluhu katika dakika 90 za mchezo.

Akizungumza na wananchi wa Ileje, Bashungwa amempongeza Eng. Kasekenya kwa udhamini na kufanikisha mashindano hayo kwa wananchi wa Ileje na kusisitiza kuwa michezo ni fursa kwa vijana kuimarisha afya, umoja na kuibua vipaji ambapo ni sehemu ya utekelezaji wa Ilani ya Chama cha Mapinduzi.

“Nikupongeze Mheshimiwa Kasekenya kwa kuendesha hii ligi na kuifanikisha kama tulivyoshuhudia, nikuahidi tutaendelea kukuunga mkono kwa asilimia mia moja hata katika ligi nyingine ya mwakani”, amesema Bashungwa.

Kwa upande wake, Mbunge wa Ileje, Eng. Godfrey Kasekenya, amewashukuru wananchi wa Ileje kwa ushiriki katika michuano ya ligi hiyo ambayo ilianza katika vijiji 71 na timu zote zilipata fursa ya kushiriki ligi hiyo na kwenda katika Kata 18 pamoja na Tarafa 2 ambapo katika kila mchezo kila mshindi alipata zawadi.

Mashindano ya Ligi ya Kasekenya yameshirikisha michezo mbalimbali ikiwemo Soka la wanaume na wanawake, muziki wa dansi, ngoma za asili, riadha na kukimbiza kuku ambapo washindi wametunukiwa zawadi mbalimbali ikwemo Kombe, Jezi, Medali ya Shaba, zawadi ya mipira na Fedha Taslim.

WAZIRI AWESO AMPA SIKU SABA MKANDARASI WA MAJI MUHEZA

 

Na Oscar Assenga,MUHEZA.

WAZIRI wa Maji Jumaa Aweso ametoa siku saba kwa mkandarasi anayejenga mradi wa Maji wa Miji 28 kwa wilaya ya Muheza Mkoani Tanga kuanza ujenzi wa tenki katika eneo la Kilulu kutokana na ujenzi wake kutokuanza tofauti na ilivyo kwa wilaya nyengine zinazotekeleza mradi huo.

Aweso alitoa agizo hilo wakati wa muendelezo wa muendelezo wa ziara yake ya kukagua miradi ya maji hasa ile miji 28 inayoendelea mkoani Tanga ambapo akiwa wilayani Muheza kwenye mradi wa Kilulu alieleza na Mkuu wa wilaya hiyo Zainabu Abdallah kwamba mpaka sasa mkandarasi amechimba mashimo na hatuna kinachoendelea.

Kutokana na taarifa hiyo Waziri huyo alilazimika kutoa maelekezo hayo kwa mkandarasi huyo kuhakikisha pia wanafanya kazi Kwa ufanisi ili uweze kukamilika na wananchi waweze kupata huduma ya maji

Awali akizungumza Mkuu wa wilaya ya Muheza Zainabu Abdallah alimuomba Waziri Aweso kumchukulia hatua za mkandarasi huyo kutokana na mpaka sasa kuchimba mashimo tu na hakuna hatua yoyote inayoendelea .

"Mh Waziri tunashuku Kwa ziara hii na tunaamini ujio wako utakuwa faraja Kwa wananchi kwani utawasaidia kuusukuma mradi ufanye kazi kwa haraka na wananchi wapate maji"Alisema

Awali akizungumza kwa upande wake Mwenyekit wa Halmashari ya Muheza Erasto Mhina alisema Baraza la Madiwani walikaa na kujadili suala hilo na mbunge ila hata walipotoa agizo bado hakuna kilichoendelea mpaka sasa  hivyo kumuomba waziri achukua hatua ili ujenzi wake uanze.

Naye Kwa upande wake Meneja wa Ruwasa wilaya ya Muheza Cleophace Maharangata wakandarasi hao amekiri kutokuridhishwa  na ujenzi wa matenki hayo na hivyo kuhaidia mbele ya Waziri kwamba watahakikisha wanaisimamia ujenzi huo kwa ukaribu zaidi.

Mradi wa Miji 28 wa HTM kwa mkoa wa Tanga unahusisha wilaya ya Handeni,Muheza,Pangani na Korogwe ambapo utagharimu kiasi cha sh Bilioni 170 hadi kukamilika kwake kwa hatua za awali.

BARRICK YATUNUKIWA TUZO YA MDHAMINI MKUU WA MKUTANO WA KIMATAIFA WA MADINI TANZANIA 2024

 

Waziri Mkuu Mh.Kassim Majaliwa akikabidhi cheti cha tuzo ya udhamini mkuu wa mkutano wa kimataifa wa sekta ya madini kwa Meneja wa Barrick nchini, Melkiory Ngido.

Baadhi ya wafanyakazi wa Barrick wakifurahia tuzo ya udhamini wa mkutano wa kimataifa wa sekta ya madini unaoendelea nchini.

Mmoja wa washiriki wa mkutano wa sekta ya madini nchini akipata maelezo ya shughuli za Barrick kwenye banda la maonesho la kampuni hiyo lililopo katika ukumbi wa kimataifa wa Mwalimu Nyerere, Dar es Salaam.

Na Mwandishi Wetu.

Kampuni ya Dhahabu ya Barrick inayoendesha shughuli zake nchini kwa ubia na Serikali ya Tanzania kupitia kampuni ya Twiga Minerals, imetunikiwa tuzo ya udhamini mkuu wa mkutano wa uwekezaji katika sekta ya Madini Tanzania unaoendelea katika ukumbi wa mikutano wa Mwalimu Nyerere jijini Dar es Salaam.

Tuzo hizo kwa makampuni yaliyodhamini mkutano huu mkubwa wa kimataifa wa sekta ya madini zimekabidhiwa na Waziri Mkuu, Kassim Majaliwa, ambaye alikuwa mgeni rasmi akimwakilisha Rais wa Jamhuri ya Muungano, Dkt.Samia Suluhu Hassan, baada ya ufunguzi wa mkutano huo

Mkutano huo mkubwa wa kimataifa unawakutanisha wadau wa madini wanaojishughulisha na utafutaji, uchimbaji, uchenjuaji, uongezaji thamani madini, wasimamizi wa Sekta kutoka Serikalini, watoa huduma migodini na wafanyabiashara na kauli mbiu yake mwaka huu ni “Uongezaji wa Thamani ya Madini kwa Maendeleo ya Kiuchumi”.

Akiongea katika mkutano huo kabla ya kukabidhiwa tuzo hizo, Meneja wa Barrick nchini, Melkiory Ngido, amewaeleza wajumbe wa mkutano huo jinsi ubia wa Barrick na Twiga unavyoendelea kupata mafanikio makubwa na kuwa mfano wa kimataifa unaodhihirisha kuwa Serikali inaweza kushirikiana na sekta binafsi na kuleta mapinduzi makubwa ya kiuchumi.

Ngido, ameeleza kuwa katika kipindi kifupi kupitia ubia huu, umeweza kuchangia pato la taifa kwa kiasi kikubwa kupitia kodi na tozo mbalimbali za Serikali, kuongeza ajira kwa watanzania, kufanikisha miradi mikubwa ya kijamii hususani katika sekta ya barabara, afya, maji, na elimu pia umefanikisha kuinua uchumi wa wazabuni wa kitanzania wanaouza bidhaa mbalimbali kwenye migodi yake ya North Mara, Bulyanhulu na Buzwagi

HIZI NDIZO SABABU ZA KAMPUNI YA HUDUMA ZA MELI KUBADILI JINA NA KUWA TASHICO

Na ALBERT G.SENGO, MWANZA.

NAIBU waziri wa Wizira ya Uchukizi David Kihenzile, amezindua jina jipya na nembo ya Kampuni ya Meli Tanzania,kutoka Kampuni ya Huduma ya Meli na kuitwa Kampuni ya Meli Tanzani,(TASHICO) au Tanzania Shipping Company.

Akizungumza kwa niaba ya Waziri wa Uchukuzi, Makame Mbarawa,katika hafla fupi ya uzinduzi huo, Kihenzile, amesema hatua ya kubadilisha jina ni mhimu sana katika kuimarisha miundombinu ya kusafirisha shehena za mizigo, hivyo TASHICO inapaswa kuweka mipango thabiti ya kuendelea kuimarika.

Amesema kuna baadhi ya watendaji wanapewa dhamana ya kusimamia miradi, lakini wanaharibu fedha na kuleta miundombinu haina viwango, hivyo TASHICO, fedha wanazokusanya wahakikishe zinatumika kwa utaratibu na kuongeza mkakati wa masoko, huku akiwataka mpango wa kuongeza Meli Bahari ya Hindi ufanyike haraka maana wateja wanusubiri kwa hamu safari hizo.

WAZIRI BASHUNGWA AFUNGUKA KUANZIA JANUARI 2025, VIVUKO VITAKUWA VINASUBIRIA ABIRIA,

Waziri wa Ujenzi, Innocent Bashungwa ameeleza kuwa Serikali kupitia Wakala wa Ufundi na Umeme (TEMESA) kwa kushirikiana Kampuni ya Azam Marine zinaendelea kuboresha utoaji wa huduma za usafiri wa vivuko katika eneo la Magogoni – Kigamboni jijini Dar es Salaam ambapo kufikia mwezi Januari 2025 vitaongezwa vivuko vidogo (sea tax) kufikia sita (6) ambapo ushirikiano huo utaondoa changamoto kwa wananchi kusubiri vivuko kwa muda mrefu. 

Bashungwa ameeleza hayo leo Novemba 19, 2024 Dar es salaam wakati akikagua huduma za usafiri wa vivuko ambapo ameeleza kutokana na changamoto iliyopo sasa, kuanzia kesho (Novemba 20,2024) Azam Marine kwa kutumia sea tax itaongeza muda wa kutoa huduma kulingana na ilivyokuwa awali ili kupunguza msongamano wakati wa asubuhi na jioni. 

“Nimeelekeza  kufika Disemba 31, 2024 majengo ya kisasa ya abiria yawe yamekamilika na tuingie mwaka mpya wa 2025 tukiwa na Sea tax za Azam sita, hilo lina maanisha kuanzia Januari 01, 2025 vivuko vitakuwa vinasubiria abiria badala ya abiria kusubiria vivuko ambapo mwananchi atasubiri kivuko kwa dakika zisizozidi 3”, amesema Bashungwa. 

Bashungwa ameeleza kuwa uboreshaji wa utoaji wa huduma za usafiri wa vivuko unaenda sambamba na ujenzi wa majengo ya abiria ya kisasa na uboreshaji wa majengo yaliyokuwepo ambapo ameagiza kazi hiyo ikamilike ifikapo Disemba 31, 2024.

Aidha, Bashungwa ameeleza kuwa Serikali inaendelea na mazungumzo na kampuni ya Azam Marine kwa ajili ya kuboresha huduma ya usafiri wa vivuko kwa wananchi wa Mafia ili kurahisisha huduma za usafiri na usafirishaji na kuchochea shughuli ya Utalii na Uchumi kwa wananchi wa mkoa wa Pwani. 

Katika hatua nyingine, Bashungwa amekagua ukarabati mkubwa wa Kivuko cha MV Kigamboni katika karakana ya Songoro Marine ambapo amebainisha kuwa Serikali tayari imemlipa kiasi cha Shilingi Bilioni 5.6 kwa ajili ya ukarabati wa vivuko mbalimbali nchini, hivyo amemtaka Mkandarasi huyo kukamilisha ukarabati kwa kivuko hicho kwa wakati ili kiweze kutoa huduma kwa wananchi wa Kigamboni.

Wakati huo, Bashungwa ametoa onyo kali kwa wavuvi wanaofanya shughuli zao katika njia za vivuko na kupelekea nyavu kunasa kwenye vivuko na kusababisha hitilafu ambazo zimekuwa zikijitokeza mara kwa mara.

 

Kwa upande wake, Mtendaji Mkuu wa TEMESA, Lazaro Kilahala ameeleza ushirikiano na kampuni ya Azam Marine umeongeza utoaji  huduma ya usafirishaji kwa wananchi wakati ukarabati wa Vivuko vya MV Kigamboni na MV Magogoni ukiendelea na kufafanua kuwa changamoto iliyojitokeza imetokana na sea tax moja kupata hitilafu.

Naye, Mkurugenzi Mwendeshaji wa Kampuni Azam Marine, Abubakar Aziz ameeleza kuwa mpaka sasa ujenzi wa majengo ya abiria kwa upande wa Magogoni umefikia asilimia 70 na upande wa Kigamboni umefikia asilimia 60, majengo hayo yatahusisha ofisi za mawakala wa mauzo ya tiketi kwa njia ya kielektroniki.

MSUVA AIPELEKA TAIFA STARS AFCON 2025

 

HATIMAYE Tanzania imefanikiwa kufuzu Fainali za Kombe la Mataifa ya Afrika (AFCON) ya mwakani nchini Morocco baada ya ushindi wa bao 1-0 dhidi ya Guinea katika mchezo wa Kundi H Uwanja wa Benjamin Mkapa Jijini Dar es Salaam.

Pongezi kwa mfungaji wa bao hilo pekee, mshambuliaji wa Al Talaba ya Iraq, Simon Happygod Msuva dakika ya 61 akimalizia pasi nzuri ya kiungo wa Yanga ya nyumbani, Dar es Salaam, Mudathir Yahya Abbas. 

Kwa ushindi huo, Taifa Stars inafikisha pointi 10 baada ya mechi zote sita za kundi hilo na kuungana na Jamhuri ya Kidemokrasia ya Kongo (DRC) yenye pointi 12 za mechi tano kufuzu AFCON ya mwakani.

Guinea inabaki na pointi zake tisa baada ya mechi zote sita za kundi katika nafasi ya tatu, mbele ya Ethiopia yenye pointi moja katika mechi tano. 

Mechi ya mwisho ya Kundi H DRC wanamenyana na Ethiopia tangu Saa 1:00 usiku Uwanja wa Martyrs de la Pentecôte Jijini Kinshasa.

Hii inakuwa mara ya nne kihistoria Tanzania kufuzu AFCON baada ya mwaka 1980 nchini Nigeria, 2019 Misri na 2023 nchini Ivory Coast na mara ya kwanza kufuzu Fainali mbili mfululizo.

Ikumbukwe kwa tiketi ya uenyeji wakishirikiana na Kenya na Uganda – Tanzania pia watacheza Fainali za AFCON za mwaka 2027.

AWESO ATAKA MRADI WA MAJI MIJI 28 UKAMILIKE KABLA YA WAKATI

 

Na Oscar Assenga, Pangani 

Waziri wa maji Jumaa Aweso amemuagiza mkandarasi anajenga mradi wa maji wa miji 28 kuhakikisha unakamilika kabla ya wakati Ili kuwaondolea wananchi adha ya ukosefu wa maji.

Maagizo hayo ameyatoa wilayani Pangani wakati alipotembelea ujenzi wa matenki ya kuhifadhi maji katika eneo la Madanga na kimang'a 

" Huu mradi fedha zake zipo tayari hivyo nimtake mkandarasi aongeze nguvu kazi Ili uweze kukamilika kabla ya wakati wake na wananchi waweze kupata huduma karibu na maeneo yao"amesema Waziri Aweso.

Mradi wa maji wa miji 28 unatekelezwa katika wilaya nne za mkoa wa Tanga ambapo msimamizi wa mradi huo Mhandisi Yohana Mgaza amesema kuwa mradi huo mpaka Sasa umefikia asilimia 60.

"Mradi unatarajiwa kujenga matanki ya kuhifadhi maji nane na tayari bomba zimeshalazwa umbali wa zaidi ya km 107 kati ya 188 yanayohitajika"amesema Mgaza.

Mradi wa maji wa miji 28 ulitikiwa ukamilike mnamo mwezi Disemba mwaka 2025 hata hivyo unatarajiwa kukamilika mwezi wa sita mwakani huku ukiwa tayari umefikia asilimia 60

RAIS SAMIA AONGEZA MUDA UOKOAJI KARIAKOO

 NA ALBERT G SENGO

RAIS Dk. Samia Suluhu Hassan amemuelekeza Waziri Mkuu Kassim Majaliwa Majaliwa kuongeza saa 24 za uokoaji katika jengo lililoporomoka eneo la Kariakoo. Akiwa eneo la tukio, Mkurugenzi wa Idara ya Habari-Maelezo na Msemaji Mkuu wa Serikali, Bw. Thobias Makoba amefunguka haya.......

TAARIFA ZAIDI Rais Dk. Samia ametoa maelekezo hayo wakati akizungumza kwa njia ya simu kutoka Brazil na Waziri Mkuu Majaliwa kuhusiana na zoezi la uokoaji na kusema: “Mheshimiwa Waziri Mkuu, ninatambua utaratibu wa uokoaji una muda maalum wa saa 72 mpaka kusitisha zoezi hilo. Binafsi nina matumaini kuwa Mwenyezi Mungu anaweza akatenda miujiza yake na kuweza kuwanusuru ndugu zetu wengine ambao bado wamenasa kwenye jengo hilo.

Ninakupa maelekezo ya kutositisha zoezi la uokoaji na kuongeza muda wa saa 24 zaidi ili kuwapambania ndugu zetu ambao tunaamini bado wako hai.” Aidha, Rais Dkt. Samia pia ameongeza kusema kuwa: “Kwa vikosi vyetu vyote na wananchi wote wanaopambana kuokoa maisha ya ndugu zetu katika zoezi hilo ninaomba ufikishe salamu zangu na uwaeleze kuwa natambua na nina wathamini sana. Wameonyesha utu, uzalendo mkubwa na uchapakazi wa hali ya juu sana. Hivyo nawatia moyo na kuwapa nguvu ya kuendelea kuwapambania ndugu zetu kwani ninyi ni mashujaa wa taifa letu.” Rais Dk. Samia anawaombea kwa Mungu awalinde na kuwapa nguvu muda wote wakiwa wanateleleza jukumu hilo kubwa na la kizalendo.

Kwa upande mwingine, Rais Dk. Samia amewasihi wananchi, ndugu na jamaa kuendelea kuwa na subira na kama taifa tuendelee kuwaombea ndugu zetu na wapiganaji wetu ili kufanikishe zoezi hilo kwa mafanikio makubwa. “Mwenyezi Mungu tunakuomba utufanyie wepesi kwenye zoezi hili. Amin,” amesema Rais Dk. Samia.

WAZIRI BASHUNGWA AWASHA MOTO KWA TANRODS AWAAGIZA KUFUNGA MIZANI MITATU YA MAGARI TUNDUMA

 

NA MWANDISHI WETU

Waziri wa Ujenzi, Innocent Bashungwa ameuelekeza Wakala ya Barabara (TANROADS) kufunga mizani mitatu inayohamishika (mobile weighbridge) ya kudhibiti uzito wa magari katika eneo la Tunduma ili kuongeza kasi ya upimaji wa magari na kupunguza msongamano wa malori yanayosubiria kwa muda mrefu kupima katika mzani mmoja wa Mpemba unaopima Magari yanayoelekea Tunduma mpakani mwa Tanzania na Zambia.

Bashungwa ametoa agizo hilo Novemba 18, 2024 Wilayani Tunduma Mkoani Songwe na kueleza kuwa Serikali inatambua changamoto wanayopitia Wasafarishaji na wananchi katika eneo hilo kutokana na msongamano wa malori wa muda mrefu na kukwamisha matumzi ya barabara kwa watumiaji wengine.

“Kutokana na changamoto za upimaji wa magari eneo la Mpemba nimeelekeza mizani mitatu ije ikae pale mpemba mmoja ukiharibika wanaweka mwingine ili kuondokana na adha hii ya foleni, nimemuelekeza  Meneja wa TANROADS Mkoa Songwe kufikia Jumatano [tarehe 20 Novemba 2024] wafunge mzani wa kuhamishika”, amesisitiza Bashungwa.

Bashungwa ameeleza kuwa Serikali inatafuta fedha kwa ajili ya ujenzi wa mzani mpya katika eneo la Iboya ili kurahisisha wasafirishaji wanaotoka Zambia kuelekea Mbeya na maeneo mengine ya nchi kupima magari yao bila ya kikwazo chochote.

Aidha, Bashungwa ametoa mwezi mmoja kwa  TANROADS Mkoa Songwe kukamilisha ujenzi wa kituo cha maegesho katika eneo la Chimbuya ili kufikia wiki ya kwanza ya mwezi wa Disemba, maegesho hayo yaanze kutumika kwa kupunguza foleni ya malori kukaa barabarani.

 

Kadhalika,  Bashungwa amemuagiza Katibu Mkuu wa Wizara ya Ujenzi, Balozi Eng. Aisha Amour pamoja na Mtendaji Mkuu wa TANROADS, Eng. Mohamed Besta ndani ya mwezi mmoja kufanya usanifu utakaowezesha kujenga barabara ya michepuo katika maeneo ya milima mitatu ya Mbalizi, Nyoka na Igawa katika barabara ya Mbeya - Tunduma ambapo  magari makubwa na madogo yanapita kwa kupokezana.

Naye, Mkuu wa Mkoa wa Songwe, Daniel Chongolo ameeleza kuwa Mkoa tayari umepata eneo la hekari 1,800 kwa ajili ya ujenzi wa bandari kavu katika eneo la Tunduma ili  kupunguza changamoto za foleni ya magari ambapo hivi sasa wanaendelea na zoezi la ulipaji wa fidia kwa wananchi.

Kwa upande wake, Naibu Waziri wa Kilimo na Mbunge wa Jimbo la Tunduma, David Silinde amemshukuru Waziri Bashungwa kwa kusikia kilio na kufika kujionea adha ya foleni katika mji wa Tunduma ambapo kwa siku takribani magari makubwa 3,000 yanavuka katika mpaka wa Tanzania na Zambia ambayo ni asilima 72 ya mizigo inayopakuliwa kutoka Bandari ya Dar es Salaam

Mbunge wa Jimbo la Vwawa, Japhet Hasunga ameiomba Serikali kushughulikia changamoto ya msongamano wa malori katika eneo la Tunduma kwani inasababisha ongezeko la gharama kwa wafanyabiashara na Wasafirishaji kutumia muda mrefu barabarani.

WAZIRI AWESO ATOA SIKU 60 KWA MAMENEJA WA MAMLAKA ZA MAJI KILINDI

 

Na Oscar Assenga, Kilindi 

Waziri wa maji Jumaa Aweso ametoa siku 60 Kwa  mameneja wa maji wa Mamlaka ya mji mdogo songe na RUWASA wilaya Kilindi kubadilika kiutendaji kuleta matokeo chanya ya changamoto ya huduma ya maji kwenye wilaya hiyo 

Hatua ya kauli ya Waziri huyo inatokana na kutokuridhishwa na utendaji wao hasa katika kuhakikisha wanawapatia wananchi maji huduma ya maji  safi na salama katika mji wa Songe na Bokwa 

Aliyasema hayo  wakati akizungumza na wataalamu wa Ruwasa wilaya ya Kilindi na Mamlaka ya  Mji Mdogo Songe ambapo alisema kwamba lazima viongozi hao wabadilike waonyeshe dhamira ya dhati ya kuwasaidia wananchi wa mji huo kuondokana na changamoto ya upatikanaji wa maji katika maeneo yao.

Vile vile alimpaka siku 60  Mkurungenzi wa Bonde la Mto Pangani Segule Segule kufanya utafiti wa vyanzo vya maji ya ardhi katika eneo la Bokwa na kusimamia uchimbaji wa visima kuhakikisha kazi hiyo ianze ya kufanya tafiti ya uhakika kuhakikisha wananchi wanapata maji ya uhakika katika eneo la Bokwa na Songe .

"Niwaambie kwamba nyie ni wataalamu wa Maji hapa Kilindi tufanye kazi kwa waledi kuhakikisha wananchi wanapata huduma ya maji na kama mtafanya vile kawaida nitawaondoa  hivyo badilikeni na faraja ya mradi wa maji ni watu wapate maji"Alisema 

Aidha aliwataka wafanye tafiti na waisimamie na wajue kwamba lita walizozikadiria wanakwenda Ili kuwasaidia wananchi wa mji wa Kilindi na maeneo mengine kupata huduma ya uhakika ya maji na kuondokana na adha waliokuwa wakikumbana hayo awali.

Awali Mbunge wa Jimbo la Kilindi Omari Kigua aliiomba serikali kuhakikisha utekelezaji wa mradi wa maji Kwediguluma ambao utaweza kuwa suluhu ya Kudumu ya changamoto ya maji kwenye wilaya hiyo.

"Wilaya hii Ina vijiji 102 na vitongoji 613 lakini eneo kubwa halina huduma ya maji hivyo Kwa utekelezaji wa mradi huo utamaliza changamoto katika eneo kubwa la wilaya hiyo"alisema Kigua.

Awali Mkuu wa wilaya ya Kilindi Hashim Mgandilwa akisoma taarifa ya utekelezaji wa miradi ya maji alisema kuwa kuna miradi mitano ambayo ipo katika hatua za ukamilikaji kinachohitajika ni fedha tuu Ili iweze kumalizika.

"Serikali ilituletea mradi wa sh Bil 22 lakini bado haujaanza hivyo tunaomba Waziri itusaidie kutilia mkazo Ili mradi huo uweze kuanza na kuweza kuleta matokeo chanya Kwa wilaya yetu katika changamoto ya uhaba wa maji"alisema DC huyo.

WAFANYABIASHARA ZINGA BAGAMOYO WATEMA CHECHE JUU YA KUJENGEWA VYOO NA MACHINJIO YA KISASA

 NA VICTOR MASANGU,BAGAMOYO 

Wafugaji wakiwemo baadhi ya wafanyabiashara katika soko la  mnada wa mifugo uliopo lata ya  Zinga wameiomba serikali ya Halmashauri ya Wilaya ya Bagamoyo kuhakikisha inawajengea  miundombinu ya machinjio ya kisasa pamoja na choo kwa lengo la kuweza kupata eneo lenye  ubora na mazingira mazuri ya kufanyia kazi.

Baadhi ya wafanyabiashara hao wakizungumza na waandishi wa habari kwa nyakati tofauti  katika eneo hilo  la Zinga kwamtoro wamesema kwamba kwa kwa sasa eneo ambalo wanalitumia kwa ajili yakuchinjia  mazingira yake ni mabaya na  haliko katika ubora mazuri hivyo kunaitajika uboreshaji wa machinjio na pamoja na miundombinu ya vyoo.

Mmoja wa wafanyabiashara katika eneo hilo Idd Omari  amesema kwamba soko hilo ni sehemu ya kukuza uchumi kwa wakazi wa Zinga na Bagamoyo hivyo ni vema Serikali ikaona umuhimu wa kujenga miundombinu imara ya machinjio na zizi la Mifugo.

"Awali tulikuwa tunauza mbuzi watatu hadi wa nne siku ya mnada ila kwasasa ni kuanzia mbuzi kumi hii ni sehemu yetu ya biashara inayokuza uchumi wetu tunachoomba ni kujengewa miundombinu imara Ili tufanye biashara zetu vizuri," alisema Omari.

Akizungumzia suala la kukosekana kwa Zizi Omari alisema wapo wafugaji wanaleta mifugo yao mingi lakini hawana sehemu ya kuihifadhia hivyo endapo kutakuwa na zizi itawasaidia kubeba Mifugo mingi zaidi.

Naye Suzana Kazimoto alisema kuanzishwa kwa soko hilo la mnada katika eneo la Zinga kinakwenda kuinua uchumi wa wafanyabiashara na Wanawake wajasiriamali katika eneo hilo.

Muro Shakaire mfanyabiashara katika soko hilo aliishukuru Serikali kwa kuanzisha mnada huo ambapo alisema Ili wafanye kazi vizuri Halmashauri ijenge miundombinu imara ikiwemo machinjio Bora.

Kutokana na kikwazo kingine cha maji katika soko la mnada huo Kampuni ya EGCORE inayojishughulisha na mambo ya kijamii imeahidi kuchimba visima kukabiliana na tatizo hilo

Kaimu Mkurugenzi wa Kampuni hiyo Yusuph Mjema alisema wanatarajia kutumia sh. Miln 28 kwa ajili ya kuchimba visima hivyo kwenye kila kibanda katika soko hilo kuweze kupata huduma ya maji karibu.

 Mjema alisema uwepo wa visima hivyo hautazuia jitihada za Serikali kuunganisha miundombinu ya maji katika soko hilo na kwamba maji yatokanayo na visima hivyo pia mbali ya kutumia na wafanyabiashara wananchi waishio karibu na soko la mnada huo watanufaika nayo.