MBUNGE NEEMA LUGANGIRA AFANIKISHA MAFUNZO YA UCHAGUZI KWA MABALOZI 227 WA CCM BUKOBA MJINI

 

Mabalozi 227 wa Chama Cha Mapinduzi; CCM, Bukoba Mjini wamenufaika na mafunzo yaliyotolewa katika semina iliyoandaliwa na Mbunge wa Viti Maalumu, Neema Lugangira kuhusu Sheria za Uchaguzi na Vyama Vya Siasa, Kanuni za Uchaguzi wa Serikali za Mitaa na Ushiriki wa Wanawake katika Siasa

AZİZ Kİ AKOSA PENALTI YANGA YAPIGWA 3-1 CHAMAZI

 

MABINGWA watetezi, Yanga SC Alhamisi ya tarehe 7 Nov 2024, wamekutana na kipigo cha pili mfululizo baada ya kuchapwa mabao 3-1 na Tabora United katika mchezo wa Ligi Kuu ya NBC Tanzania Bara Uwanja wa Azam Complex, Chamazi Jijini Dar es Salaam.

Hadi mapumziko Tabora United walikuwa wanaongoza 2-0, mabao yote yakifungwa na nyota mzawa, Offen Francis Chikola mawili dakika za 19 na 45’+4 mara zote akimalizia pasi za kiungo mwenzake mshambuliaji, Yacouba Songe.

Chikola alifunga bao la pili kwa shambulizi la kujibu baada ya kipa Hussein Masalanga kudaka mkwaju wa penalti wa kiungo Mburkinabe, Stephane Aziz Ki uliotolewa kufuatia kiungo Muivory Coast, Peodoh Pacome Zouzoua kuangushwa kwenye boksi.

Kipindi cha Tabora walipata bao la tatu lililofungwa na kiungo Mkongo, Nelson Omba Munganga dakika ya 78 akimalizia pasi ya mshambuliaji mzawa, Ibrahim Ahmada ‘Hilika', kabla ya mshambuliaji mwingine mzawa, Clement Francis Mzize kuifungia Yanga bao la kufutia machozi dakika ya 90’+5 akimalizia pasi ya mshambuliaji Mzimbabwe, Prince Dube Mpumelelo.

Kwa ushindi huo, Tabora United inafikisha pointi 17 katika mchezo wa 11 na kusogea nafasi ya sita, wakati Yanga inabaki na pointi zake 24 nafasi ya pili ikizidiwa pointi moja na watani, Simba baada ya wote kucheza mechi 10.

UJUMBE WA MFUKO WA KIMATAIFA WA MAENDELEO YA KILIMO "IFAD" WATEMBELEA PROGRAMU YA KUENDELEZA KILIMO NA UVUVI "AFDP" TANZANIA

 

Ujumbe kutoka Mfuko wa Kimataifa wa Maendeleo ya Kilimo (IFAD) ukiwa umeambatana na watumishi wa Programu ya kuendeleza Kilimo na Uvuvi (AFDP), kutoka  Ofisi ya Waziri Mkuu (Sera, Bunge na Uratibu) pamoja na watekelezaji wa programu hiyo kutoka Wizara ya Mifugo na Uvuvi, TAMISEMI na Wizara ya Uchumi wa Buluu na uvuvi Zanzibar na Sekretariet ya Mkoa wa Morogoro wakijadiliana jambo na wanakikundi cha UWASAMO leo tarehe 6/11/2024

Ujumbe wa Timu ya wataalam kutoka Mfuko wa Kimataifa wa Maendeleo ya Kilimo (IFAD),  Ofisi ya Waziri Mkuu (Sera, Bunge na Uratibu), Wizara ya Mifugo na Uvuvi, TAMISEMI, Wizara ya Uchumi wa Buluu na uvuvi Zanzibar wakijadiliana jambo na wanakikundi cha UWASAMO wakati walipotembelea baadhi ya mabwawa ya Kikundi cha UWASAMO yanayotumika kwa ajili ya ufugaji samaki aina ya SATO yaliyopo katika kijiji cha Kingo

Ujumbe kutoka Mfuko wa Kimataifa wa Maendeleo ya Kilimo (IFAD) ukiwa umeambatana na watumishi wa Programu ya kuendeleza Kilimo na Uvuvi (AFDP), kutoka  Ofisi ya Waziri Mkuu (Sera, Bunge na Uratibu) pamoja na watekelezaji wa programu hiyo kutoka Wizara ya Mifugo na Uvuvi, Ofisi ya Rais, TAMISEMI, Wizara ya Uchumi wa Buluu na uvuvi Zanzibar  wamekitembelea Kikundi cha Ufugaji wa samaki kiitwacho UWASAMO, katika kata ya Mzinga Mtaa wa Konga Manispaa ya Morogoro, ili kuona mafanikio ya ufugajiwa samaki kwa wanakikundi baada ya kupata mafunzo ya Ufugaji samaki, biashara na utunzaji wa kumbukumbu kutoka  kituo cha Kingolwira.

Ziara hiyo imefanyika leo tarehe 6/11/2024 kwenye Kituo kinachojishughulisha na utoaji mafunzo ya ufugaji samaki, pamoja na uuzaji wa vifaranga vya samaki.

Akizungumza kwa niaba ya wanakikundi ndugu Asungushe Patrick Msugupakulya amesema, wao kama kikundi wanaishukuru serika kwa kuwaletea mradi wa IFAD, ambao umewasaidia katika kuunda ushirika wao ambao mpaka sasa wanaendelea kupata msaada wa Elimu ya ufugaji wa samaki kwa wakati.

Pamoja na hayo wanakikundi cha UWASAMO, wamefurahishwa na ziara ya viongozi, ambapo wanaamini kwa kutembelewa huko, misaada zaidi watapata ili kuendeleza mtaji wao wa ufugaji wa samaki na kuleta maendeleo yenye tija kwa familia na Tanzania kwa ujumla wake.

JEAN CHARLES AHUA APIGA MBILI SIMBA IKIITANDIKA KMC 4-0 MWENGE

 

TIMU ya Simba Sports Club imefanikiwa kupanda kileleni mwa Ligi Kuu ya NBC Tanzania Bara baada ya ushindi wa mabao 4-0 dhidi ya KMC Uwanja wa Halmashauri ya Manispaa ya Kinondoni, KMC Complex, Mwenge, Dar es Salaam.

Alianza kiungo Awesu Ally Awesu kuiadhibu timu yake ya zamani dakika ya 25, kabla ya kiungo mwingine, Muivory Coast, Jean Charles Ahoua kufunga mara mbili dakika ya 38 kwa penalty na 69 na kiungo mwingine, huku bao lingine likifungwa winga Edwin Balua dakika ya 66.

Kwa ushindi huo, Simba imefikisha pointi 25 katika mchezo wa 10 na kupanda kileleni, ikiwazidi pointi moja mabingwa watetezi, Yanga SC ambao pia wana mechi moja mkononi, wakati KMC inabaki na pointi zake 

OCODE YATUA BAGAMOYO KUTOA MAFUNZO YA STADI ZA MAISHA KUWAKOMBOA VIJANA

VICTOR MASANGU/BAGAMOYO PWANI

SAUTI BY GSENGO.

Shirika lisilokuwa la kiserikali la Organization for Community Development (OCODE) katika kushirikiana na serikali ya awamu ya sita kuwakomboa vijana limeamua kutoa mafunzo ya stadi za maisha na maadili kwa viongozi wa dini,wajumbe wa kamati za umoja wa walimu na wazazi (UWAWA) pamoja na kamati za shule Wilaya ya Bagamoyo lengo ikiwa ni kwenda kutoa elimu zaidi kwa vijana hao.

Hayo yamebainishwa na mratibu wa stadi za maisha Wilaya ya Bagamoyo kutoka Shirika hilo la Ocode Tunu Sanga wakati wa mafunzo hayo ambayo yamefanyika kwa siku moja katika shule ya msingi Nia Njema iliyopo Wilaya ya Bagamoyo na kuwashirikisha washiriki wapatao 37 ambao wamepatiwa uelewa juu ya umuhimu wa stadi za maisha.

Katika mafunzo hayo ya siku moja ambayo yameandaliwa na shirika la Ocode washiriki hao wapatao 37 kutoka Wilaya ya Bagamoyo mkoani Pwani wameweza kupatiwa elimu hiyo juu  ya stadi za maisha pamoja na maadili ili  wawe mabalozi wa kwenda  kuwaelimisha  vijana wao.

ZAIDI YA BILIONI 11 KUSAMBAZA UMEME VITONGOJINI SHINYANGA

📌Kunufaisha Kaya 2,970 katika Vitongoji 90 ndani ya Wilaya Tatu.

📌RC Macha asema Umeme ni kipaumbele cha Rais Samia.

Serikali kupitia Wakala wa Nishati Vijijini (REA) inatekeleza mradi wa Shilingi Bilioni 11.18 wa kusambaza umeme katika vitongoji 90 utakaonufaisha Kaya 2,970 Mkoani Shinyanga.

Msimamizi wa Miradi ya REA Kanda ya Magharibi, Mhandisi Robert Dulle amebainisha hayo Novemba 05, 2024 Mkoani Shinyanga mbele ya Mkuu wa Mkoa huo, Mhe. Anamringi Macha wakati wa kumtambulisha Mkandarasi aliyeshinda zabuni ya kutekeleza mradi huo Kampuni ya wazawa ya Derm Group (T) Limited ya Jijini Dar es Salaam.

“Tunamshukuru Rais wetu Mheshimiwa Dkt. Samia Suluhu Hassan kwa kuridhia kiasi cha shilingi 11,184,759,397.2 kitumike kusambaza umeme katika vitongoji 90 Mkoani hapa, leo hii tumefika hapa kumtambulisha Mkandarasi na tayari maandalizi ya awali ya kutekeleza mradi yameanza,” alisema Mhandisi Dulle.

Mkuu wa Mkoa wa Shinyanga Mhe. Anamringi Macha aliipongeza REA kwa kutekeleza majukumu yake kwa uwazi na kwa utaratibu iliyojiwekea wa kutambulisha wakandarasi kwa viongozi wa Mkoa na Wilaya kote nchini.

“Ujio wenu hapa ni habari njema sana kwa mustakabali mzima wa maendeleo ya Mkoa wetu; pamoja na huduma zingine za jamii huduma ya umeme imepewa kipaumbele kikubwa na Serikali inayoongozwa na Mhe. Dkt Samia Suluhu Hassan, umeme ni injini ya uchumi hili halina ubishi na sasa matumizi ya umeme yameongezeka, mahitaji kwa ajii ya majumbani na pia kiuchumi,” alisema Mhe. Macha

Alisema Mkoa wa Shinyanga unaendelea kukua kwa kasi na kwamba kwa sasa shughuli za kiuchumi zimeongezeka ikiwemo uwepo wa viwanda vidogo na vikubwa ambavyo vyote vinahitaji umeme.

“Hapa Shinyanga mbali na madini pia tunashughulika na kilimo cha mpunga na tungependa kuona mkulima akiongeza thamani ya mazao yake hukohuko unapozalishwa mpunga kwa kukoboa na kupata mchele na hapa faida itaongezeka sambamba na kuandaa ajira na fursa zingine vijijini,” alisema.

Aidha, alimtaka Mkandarasi kuhakikisha anatekeleza mradi kwa ubora na anakamilisha kwa wakati kwani tayari miundombinu ipo hivyo hakuna changamoto yoyote itakayokwamisha utekelezaji wa mradi.

KWANINI DAGAA WA MWANZA WAWE NA MCHANGA CBE YAJA NA MAFUNZO BURE KUNUFAISHA WAVUVI & WAJASILIAMALI

 NA ALBERT G. SENGO/MWANZA

Wafanyabiashara wengi wa samaki na dagaa jijini Mwanza wanafanya biashara hiyo kwa mazoea, hawaioni biashara ya samaki na dagaa kama inaweza kuwa kubwa na kuwatoa katika hatua moja ya chini na kuwapeleka hatua nyingine kubwa ya kimaendeleo. Mbinu za biashara ya ni zile zile miaka nenda miaka rudi hali inayopelekea soko kuwa gumu Licha ya kuhifadhiwa maeneo yasiyo na ukavu na ubora, uanikaji na utayarishaji wa bidhaa hususani dagaa bado ni duni ukiathiriwa na vitendea kazi hali inayopelekea bidhaa hizo kuvunda na kuwa na takataka mbalimbali kwani huanikwa maeneo ya miamba, kwenye nyasi, huku wengine wakianika aridhini (mahala ambapo hapajasakafiwa), hali inayopelekea dagaa wengi kuwa na mchanga. Kwa kuyaona yote hayo ikiwa ni baada ya kufanya utafiti maalum, Chuo Cha Elimu Ya Biashara (CBE) kimeamua kuja na mpango wa kutoa elimu kupitia masomo maalum ya kozi za muda mfupi kwa wafanyabiashara wadogo na wajasiliamali mkoani Mwanza ili kuwawezesha wapate matokeo yenye tija katika bishara hiyo ya mazao ya samaki. Jeh Mpango huo umelenga kuwafikia wajasiliamali wangapi? Jeh kuna gharama au masharti yoyote yenye vigezo na sifa vinazozingatiwa hasa ukizingatia wavuvi wengi baadhi yao hawana elimu za viwango vya juu na wengine hawajasoma kabisa? Dr. Robert Galan Mashenene ambaye ni Mkurugenzi wa CBE Campas ya Mwanza anazungumza nasi......... #cbe #samiasuluhuhassan #mwanza

OCODE YAWANOA ELIMU YA STADI ZA MAISHA WAJUMBE 109 WILAYANI BAGAMOYO

 

NA VICTOR MASANGU,BAGAMOYO 

Shirika lisilokuwa la kiserikali la Organization for Community Development (OCODE) limetoa mafunzo maalumu juu ya stadi za maisha kwa  wazazi,walimu pamoja  na watoto waliopo majumbani kwa lengo la kuweza kukabiliana na changamoto mbali mbali za kimaisha.

Hayo yamebainishwa na mratibu wa stadi za maisha Wilaya ya Bagamoyo kutoka shirika la Ocode  Tunu Sanga wakati wa kutoa  mafunzo hayo ambayo yamefanyika katika shule ya msingi Nianjema.

Alisema kwamba shughuli hiyo ya kuto elimu ya stadi za maisha imeweza kuwafukia jumla wa wajumbe wapatao 109 kutoka maeneo mbali mbali ya Wilaya ya Bagamoyo.

Alisema kwamba katika mafunzo hayo pia wameamua kuwashirikisha na viongozi mbali mbali wa dini ambao wataweza kutoa elimu kwa wananchi wengine kuhusians na umuhimu wa stadi za maisha.

"Tumekutana na makundi mbali mbali ikiwemo wazazi,walimu na watoto waliopo majumbani ili kuweza kukaa nao kwa pamoja na kuwapatia namna bora ya kuweza kukuza hizi stadi za maisha hasa kwa wale watoto waliopo majumbani,"alisema Tunu.

Kadhalika Tunu alifafanua kwamba wameweza kufundisha namna ya kuweza kujiamini,stadi ya ushirikiano,masuala mbali mbali ya kutatua matatizo,heshima pamoja na mambo ya ubunifu.

Mratibu huyo alifafanua kuwa pia  katika mafunzo pia  yamewajumuisha w wajumbe wa kamati za shule mbali mbali ,umoja wa walimu (UWAWA) ambao nao wataweza kusaidia katika suala zima la stadi  za maisha.

Naye mgeni rasmi katika mafunzo hayo Afisa elimu maalumu Sekondari Wilaya ya Bagamoyo Frank Kwayu amelipomgeza shirika la. Ocode kwa kuweza kutoa stadi za maisha ambazo zitakwenda kuwasaidia walimu,wazazi na wanafunzi katika kutatua changamoto zao.

Afisa Elimu huyo alisema kwamba shirika la Ocode limeweza kufanya kitu kizuri kwa kuamua kushirikiana bega kwa bega na serikali ya Wilaya ya Bagamoyo katika suala zima la stadi za maisha na kwamba mafunzo hayo yataweza kuwa chachu ya  maendeleo.

"Tunashukuru sana kwa wenzetu wa shirika la Ocode kwa kuweza kuja Wilayani kwetu na kuweza kutoa mafunzo  juu ya stadi za maisha kwa makundi mbali mbali na sisi tutawapa ushirikiano katika shughuli zao,"alisema Afisa elimu huyo.

Shirika  la Ocode kwa sasa limeshafanikiwa kutoa mafunzo hayo kwa zaidi ya wajumbe wapatao  109  na kuweza kuzifikia shule nne nne za msingi katika kutoa elimu hiyo ikiwemo shule ya Msingi Mataya,Bigilo,Ukuni pamoja na shule ya msingi Nia njema zote za Wilaya ya Bagamoyo.

WANA CCM TUSIBWETEKE UCHAGUZI HUU HAKUNA KUPITA BILA KUPINGWA

Katibu wa Halmashauri Kuu ya Chama Cha Mapinduzi Taifa (NEC) Itikadi, Uenezi na Mafunzo, CPA Amos Makalla akizungumza na Wanachama pamoja na Viongozi wa Chama Cha Mapinduzi Wilaya ya Kinondoni katika Ukumbi wa Kiramuu Hall, leo NOV 04, 2024. Amesema kwenye kipindi cha kampeni hakuna kulala Wana CCM wapambane watafute kura ili kukiwezesha Chama cha Mapinduzi kushinda kwa kishindo kwani Uchaguzi huu hakuna ile kushinda bila kupingwa japo kuwa kuna Mitaa ,Vijiji na Vitongoji wenzetu hawajaweka watu. "Pamoja na kwamba kuna dalili za wenzentu kutosimamisha wagombea kwenye maeneo mbalimbali itakapotea naomba niongee na wana CCM wa Kinondoni na Nchi nzima kwamba Uchaguzi huu hauna kupita bila kupingwa msibweteke kwani mmesikia Chama fulani kimesema kitahakikisha hata kama CCM ndo wameteuliwa tutawapigia kampeni ya kupigiwa kura ya hapana." #CCM #samiasuluhuhassan

ZINGATIENI MISINGI YA UTAWALA BORA KATIKA USIMAMIZI WA RASILIMALI WATU-MAJALIWA

Waziri Mkuu Kassim Majaliwa ametoa wito kwa wasimamizi wote wa rasilimaliwatu wazingatie misingi ya utawala bora na weledi katika kuisimamia rasilimali hiyo katika Sekta ya Umma Barani Afrika.

Amesema kuwa kufanya hivyo kutasaidia kwa kiasi kikubwa kuwezesha kutoa huduma bora na kudumisha imani ya wananchi kwa Serikali zao.

Ametoa wito huo leo (Jumatatu, Novemba 04, 2024) alipomuwakilisha Rais Dkt. Samia Suluhu Hassan katika ufunguzi wa Mkutano wa Tisa wa Mwaka wa Mtandao wa Wasimamizi na Mameneja wa Rasilimaliwatu Katika Sekta ya Umma Barani Afrika (APS-HRMnet) jijini Arusha.

“Rasilimaliwatu ina mchango mkubwa katika kuiwezesha Serikali kufikia malengo ya maendeleo iliyojiwekea pamoja na Malengo ya Maendeleo Endelevu. Hivyo ninyi, kwa kuwa ni wataalam katika usimamizi wa Rasilimaliwatu mnao wajibu na dhamana kubwa ya kuhakikisha mnasimamia ipasavyo Rasilimali hiyo muhimu na ya thamani”

Amesema kuwa ili kuimarisha  usimamizi wa kimkakati wa rasilimaliwatu na kukabiliana na changamoto zake, viongozi hao wanapaswa kuendelea kutoa mafunzo ya mara kwa mara kwa  watumishi wao waendane na mabadiliko ya kidunia na waweze kufanya kazi kwa weledi.

Aidha, amewataka Kukuza ujuzi wa watumishi na kuwawezesha kujifunza stadi mpya kulingana na majukumu yao. “Ongozeni kwa maono, ubunifu, uadilifu na kuzingatia Sheria, Kanuni na Taratibu za Nchi husika katika kutumikia wananchi kwenye maeneo yenu”

Kadhalika, Mheshimiwa Majaliwa  amewataka viongozi hao kutafsiri kwa vitendo Dira ya APS-HRMnet ya kuunda mtandao thabiti wa kitaalamu wa mameneja wa rasilimaliwatu katika sekta ya umma kwa kufanikisha malengo ya huduma bora.

Kwa upande wake, Waziri wa Nchi Ofisi ya Rais, Menejimenti ya Utumishi wa Umma na Utawala Bora Mhe. George Simbachawene amesema kuwa mkutano huo umefanyika katika kipindi ambacho dunia ina changamoto zinazohitaji mijadala, kubadilishana mawazo ili kujibu masuala magumu yanayosababisha watumishi wa umma kutofanya majukumu yao sawasawa.

Naye, Rais wa Mtandao huo Xavier Mrope Daudi amesema kuwa lengo lao ni kukuza ubora, uadilifu na viwango vya taaluma katika utendaji wa usimamizi wa rasilimali watu kwenye sekta ya umma barani Afrika.

“Pia lengo jingine ni kutambua na kushirikisha mbinu bora katika usimamizi wa rasilimali watu ili kusaidia sekta ya umma kuboresha utendaji kazi katika usimamizi wa rasilimali watu.

Kaulimbinu ya mkutano huo ni  “Utawala stahimilivu na Ubunifu: Kukuza Sekta ya Umma ijayo kupitia Uongozi wa Rasilimaliwatu”

WAZIRI MKUU AKUTANA NA BALOZI WA DENMARK NCHINI

Waziri Mkuu, Kassim Majaliwa leo November 4, 2024 amefanya mazungumzo Balozi wa Denmark nchini, Mhe. Jespper Kammersgaard, kwenye Ofisi Ndogo ya Waziri Mkuu, Magogoni jijini Dar es salaam,

Waziri Mkuu, Kassim Majaliwa leo November 4, 2024 amefanya mazungumzo Balozi wa Denmark nchini, Mhe. Jespper Kammersgaard, kwenye Ofisi Ndogo ya Waziri Mkuu, Magogoni jijini Dar es salaam,

Waziri Mkuu, Kassim Majaliwa leo November 4, 2024 amefanya mazungumzo Balozi wa Denmark nchini, Mhe. Jespper Kammersgaard, kwenye Ofisi Ndogo ya Waziri Mkuu, Magogoni jijini Dar es salaam,

Waziri Mkuu, Kassim Majaliwa leo November 4, 2024 amefanya mazungumzo Balozi wa Denmark nchini, Mhe. Jespper Kammersgaard, kwenye Ofisi Ndogo ya Waziri Mkuu, Magogoni jijini Dar es salaam,

ADEM YAWAKUTANISHA WALIMU WAKUU 816 MKOANI RUVUMA KUWAPATIA MAFUNZO

 

NA VICTOR MASANGU

Katika kuunga mkono juhudi za Rais wa awamu ya sita Dkt.Samia Suluhu Hassan kukuza sekta ya elimu hapa nchini Walimu Wakuu wametakiwa  kufahamu majukumu,  maono na miongozo inayotolewa na Wizara ya Elimu, Sayansi na Teknolojia kwa lengo la kutoa elimu bora kwa wanafunzi.

Aidha wakuu hao wamehumizwa kuweka misingi imara ya kutekeleza  maagizo ambayo yanatolewa na Ofisi ya Rais Tawala za mikoa na serikali za mitaa (TAMISEMI) kwa lengo la kuwafundisha watoto kwa kuzingatia misingi ya  weledi ambayo itawafanya waweze kuongeza kiwango cha ufaulu pamoja na kutimiza ndoto zao.

Hayo yamebainishwa na  Mtendaji Mkuu wa ADEM Dkt. Maulid J. Maulid wakati wa  kufunga rasmi  mafunzo ya Walimu Wakuu  wa shule za msingi  wapatao  816 kutoka Mkoani Ruvuma ambayo yamefanyika katika Shule ya Sekondari ya Wasichana ya Songea.

“Sekta ya elimu ina jukumu la kuwaandaa Watoto ili kuleta maendeleo katika sekta zingine, hivyo walimu Wakuu mkatekeleze zana ya uongozi bora kwa kuwasimamia walimu shuleni kufundisha kwa ufanisi unaotakiwa ili wanafunzi watimize ndoto zao”. Amesema Dkt. Maulid.

Naye  Afisa elimu Mkoa wa Ruvuma, Bi. Edith Mpenzile akizungumza na walimu wakuu hao amemshukuru Mhe. Rais Dkt. Samia Suluhu Hassan kwa kuipa kipaumbele Sekta ya elimu hasa katika eneo la uboreshaji wa miundombinu ya elimu Mkoani Ruvuma. 

Aidha Mwalimu  Mpenzile amewasisitiza Walimu Wakuu hao kwenda kusimamia ustawi na usalama wa wanafunzi shuleni kwani Watoto wanapokuwa shuleni usalama na ustawi wao ni jukumu la mwalimu. 

“Tukawe mfano na chanzo cha mabadiliko ya uongozi na usimamizi wa shule, tusimamie usalama na ustawi wa wanafunzi, nasisitiza tuipe taaluma kipaumbele lakini malezi ya watoto tusiache nyuma”. Amesema Mwl. Mpenzile

Wakala wa Maendeleo ya Uongozi wa Elimu-ADEM umeendesha Mafunzo ya Uongozi na Usimamizi wa Shule kwa Walimu Wakuu 816 wa Mkoa wa Ruvuma kwa siku tatu kuanzia tarehe 30 Oktoba hadi tarehe 1 Novemba, 2024 yakilenga kuwajengea uwezo walimu wakuu kuhusu uongozi, usimamizi na uendeshaji fanisi wa shule katika halmashauri zote za Mkoa wa Ruvuma.

Hii ni awamu ya tatu ya mafunzo hayo ambayo yanafanyika katika Mikoa 13 ya Tanzania Bara ikiwa ni pamoja na Mkoa wa Ruvuma ikihusisha jumla ya Walimu Wakuu 8,551 yakiendeshwa na ADEM chini ya mradi wa BOOST.