HALMASHAURI YA KIBAHA MJI YATEKELEZA AGIZO LA RAIS YATOA MADAWATI 4000

 

NA VICTOR MASANGU, KIBAHA

 
Halmashauri ya mji Kibaha iliyopo Mkoa wa  Pwani katika kukuza na kuinua kiwango cha elimu imetekeleza kwa vitendo  maelekezo ya Rais wa awamu ya sita Dkt. Samia Suluhu Hassan kwa kukabidhi madawati 4000 katika shule za msingi 46 na sekondari 20  ambayo yatakuwa ni mkombozi mkubwa kwa wanafunzi kuondokana na kero na changamoto ya wanafunzi  kukaa chini na kusoma kwa mlundikano.

Akikabidhi Madawati hayo Mbunge wa Jimbo la Kibaha mjini Silvestry Koka katika halfa iliyofanyika katika shule ya msingi Mkoani  na kuhudhuliwa na viongozi mbali mbali wa chama na serikali amesema kwamba lengo kubwa la serikali ya awamu ya sita ni kuhakikisha kwamba inaweka mipango madhubuti kwa ajili ya kuwawezesha wanafunzi waweze kusoma katika mazingira  ambayo ni rafiki.

Koka alisema kwamba uwepo wa madawati hayo kutakwenda kumaliza changamoto ya wanafunzi kusoma katika hali ya mlundikano na kwamba wanafunzi hao wataongeza kasi ya  hali ya kiwango cha ufaulu kutokana na kusoma  wakiwa wamekaa katika madawati bila ya kulundikana.

Pia Mbunge huyo aliupongeza uongozi wa Halmashauri ya mji Kibaha kwa kuweka mikakati ya kuamua kununua madawati hayo elfu 4000 kupitia makusanyo yao ya mapato ya ndani ili kumaliza kero  za wanafunzi ambazo zilikuwepo katika baadhi ya  shule za msingi na sekondari ya kuwa na uhaba wa madawati.

"Kwa kweli napenda kuchukua fursa hii ya kipekee katika kuwapongeza viongozi mbali mbali wa chama pamoja na serikali wakiongozwa na Rais wetu mpendwa Dkt. Samia Suluhu Hassan kwa kuweza kutenga fedha nyingi katika maeneo mbali mbali ndani ya Jimbo la Kibaha katika sekta ya elimu ambazo zimekwenda kujenga hata shule mpya za msingi na sekondari.

Alifafanua kwamba sekta ya elimu ndio ufungua wa maisha na kwamba ataendelea kushirikiana bega kwa bega na wananchi pamoja na serikali katika kuboresha sekta ya elimu ikiwemo miundombinu ya vyumba vya madarasa sambamba na kuongeza zaidi viti na meza ili wanafunzi waweze kusoma bila changamoto yoyote.

Kwa upande wake Mkurugenzi mtendaji wa Halmashauri ya mji Kibaha Dkt.Rogers Shemwelekwa amesema kwamba mpango wa kununua madawati hayo ni maelekezo ya Rais wa awamu ya sita Dkt. Samia Suluhu Hassan ili kuweza kuboresha sekta ya elimu na kuwaondolea  na kitatua kero  za wanafunzi kusoma katika mazingira magumu.

Aidha alisema kwamba kwa sasa Halmashauri ya mji Kibaha ina jumla ya shule  zipatazo 66 za serikali ambapo kati ya hizo shule za msingi ni 46 na shule za sekondari zikiwa ni 20 zenye jumla ya wanafunzi wapatao 17,424.

"Tumekabidhi madawati yapatayo 4000 ambayo yatakwenda katika shule za msingi 46 na mengine tutagawa katika shule za sekondari 20 ikiwa ni moja ni moja ya utekelezaji wa maelekezo ya Rais wetu Dkt. Samia Suluhu Hassan katika kuhakikisha wanasoma katika mazingirarafiki na kuondokana na kero za kusoma katika mlundikano," alisema Shemwelekwa.

Kadhalika mkurugenzi huyo aliongeza kwamba hali ya uboreshwaji wa miundombinu ya madarasa 217 pamoja na matundu ya vyoo tayari yameshajengwa na kwamba wanaendelea kutekeleza maelekezo ya Rais Samia ambapo wamefanikiwa kutengeneza madawati 2,100 kwa shule za msingi pamoja na viti na meza 2,000 kwa shule za sekondari.

Naye Mwenyekiti wa Halmashauri ya mji Kibaha Mussa Ndomba amesema kwamba kitu kikubwa ambacho wamejiwekea kama madiwani ni kuhakikisha wanatatua kero katika nyanja mbali mbali ikiwemo kuboresha sekta ya elimu ili kuweza kuongeza kasi ya kiwango cha ufaulu kwa wanafunzi.

 
Mkuu wa Wilaya ya Kibaha Nickson Simon hakusita kuipongeza kwa dhati halmashauri ya mji Kibaha kwa kuweka mipango mikakati ya kuongezeka kwa kasi ya  ukusanyaji wa mapato ambao ndio umepelekea kupatikanika kwa fedha ambazo zimeweza kununua madawati hayo elfu 4000 ambayo yatasambazwa katika shule za msingi pamoja na sekondari.

TANGA KUTANGAZA MAFANIKIO YA RAIS DKT SAMIA KUPITIA KONGAMANO LA SAMIA CHALLENGE

 

 

Na Oscar Assenga, TANGA.

MKUU wa wilaya ya Tanga Jaffary Kubecha amesema kwamba lengo la Kongamano la Samia Challenge linalotarajiwa kufanyika kesho Jijini Tanga ni kupima uelewa wa vijana pamoja na watoto juu ya maendeleo yaliyopatikana kwenye wilaya hiyo mkoani tanga.

WAZIRI BASHUNGWA AWAMWASHIA MOTO MKANDARASI BARABARA YA NYAMWAGE UTETE

 

 

NA VICTOR MASANGU,RUFIJI 

Waziri wa Ujenzi, Innocent Bashungwa hajaridhishwa na usimamizi na kasi ya ujenzi wa wa barabara ya Nyamwage - Utete (km 33.7) kwa kiwango cha lami na kumuagiza Meneja wa Wakala ya Barabara (TANROADS) Mkoa wa Pwani, Eng. Baraka Mwambage kumsimamia Mkandarasi China Railway Seventh Group (CRSG) akamilishe kuleta Wataalam pamoja na Mitambo itakayomwezesha kutekeleza mradi kwa wakati na kwa mujibu wa mkataba.

Bashungwa ametoa agizo hilo leo Oktoba 24, 2024 Wilayani Rufiji Mkoani Pwani wakati akikagua maendeleo ya ujenzi wa barabara hiyo na kutoridhishwa na utendaji kazi wa Mkandarasi huyo ambapo hadi sasa utekelezaji wake umefikia asilimia 7.

“Meneja wa TANROADS hakikisha unamsimamia Mkandarasi kama mikataba inavyosema, nitarudi hapa kukagua nataka nione timu yote ya wataalam wakiwa wamejipanga pamoja na vifaa vya kazi vikiwa site, hiyo siku ukiwa hujasimamia haya narudi na wewe Dodoma”, amesisitiza Bashungwa.

Bashungwa ameeleza kuwa Mheshimiwa  Rais Dkt. Samia Suluhu Hassan ameshaiwezesha Wizara ya Ujenzi fedha za ujenzi wa barabara hiyo ambapo Mkandarasi hadai malipo kwa sasa kwahiyo hana sababu yoyote ya msingi ya kutoongeza kasi ya ujenzi wa barabara hiyo.

Aidha, Bashungwa amemtaka Mkandarasi CRSG kujitathimini katika miradi yote anayoitekeleza kwa kuwa amekuwa akisua sua katika baadhi ya miradi ya ujenzi wa barabara ikiwa ni pamoja katika Mikoa ya Mara, Katavi, Ruvuma, Dar es Salaam na Pwani.

Aidha, Bashungwa ametoa wito kwa wananchi kutoa ushirikiano wakati wa utekelezaji wa ujenzi wa barabara hiyo ili iweze kukamilika kwa wakati.

Kwa upande wake, Mkuu wa Mkoa wa Pwani, Abubakar Kunenge amesema kuwa Mheshimiwa Rais Dkt. Samia ameidhinisha kuanza kwa maandalizi ya ujenzi wa barabara mpya km 354 inayotoka Chalinze - Magindu- Bwawa la Mwalimu Nyerere - Utete.

Nae, Meneja wa TANROADS, mkoa wa Pwani Eng. Baraka Mwambage ameahidi kumsimamia mkandarasi huyo ili aweze kuongeza kasi ya kufanya kazi wastani wa asilimia 8 kwa mwezi ambapo sasa anafanya kazi wastani wa asilimia 2.1 kwa mwezi.

BASHUNGWA ATEMA CHECHE AZINDUA RASMI MIRADI NA KUIKAGUA MKURANGA

NA VICTOR MASANGU,MKURANGA

Waziri wa Ujenzi, Innocent Bashungwa amezindua jengo la utawala katika Shule ya Sekondari ya Mwandege lililojengwa na kukamilika kupitia fedha za mapato ya ndani ya Halmashauri ya Wilaya ya Mkuranga lililogharimu kiasi cha Shilingi Milioni 119.9.

Bashungwa amezindua jengo hilo leo Oktoba 23,   2024 Wilayani Mkuranga Mkoani Pwani ikiwa ni muendelezo wa ziara yake maalum katika Mkoa huo ya kukagua utekelezaji na kuzindua miradi ya maendeleo pamoja na kuzungumza na wananchi.

Bashungwa amemshukuru Mhe. Rais Dkt. Samia Suluhu Hassan kwa kuendelea kutoa fedha za miradi ya maendeleo kwenye Sekta mbalimbali katika Mkoa wa Pwani na ameipongeza Halmashauri ya Wilaya ya Mkuranga kwa kazi nzuri ya usimamizi wa fedha hizo.

Katika hatua nyingine, Waziri Bashungwa amezindua daraja katika barabara ya Mwanambaya – Mipeko eneo la bonde la mto Mzinga lililojengwa na kusimamiwa  na Wakala ya Barabara za Mijini na Vijijini (TARURA) kwa ajili ya kuimarisha miundombinu ya barabara na kuwezesha mawasiliano katika Kata ya Mipeko, Mwanambaya na Mbande ili kurahisisha shughuli za kiuchumi na huduma za kijamii kwa Wilaya za Mkuranga na Temeke.

Aidha, Bashungwa ameeleza kuwa Serikali inaendelea kumtafuta Mkandarasi kwa ajili ya kujenga daraja la kisasa la Mto Mzinga ili kusaidia kupunguza foleni katika barabara kuu ya Dar es Salaam - Lindi hususan eneo la Mbagala.

Bashungwa amepokea ombi la Mkuu wa Mkoa wa Pwani la kupandisha hadhi barabara ya Vikindu - Vianzi - Sangatini inayounganisha Wilaya ya Mkuranga na Kigamboni ili iweze kuhudumiwa na Wakala ya Barabara (TANROADS).

Vilevile, Bashungwa amemuelekeza Kaimu Mtendaji Mkuu wa TANROADS, Eng. Dorothy Mtenga kuhakikisha wanashirikiana na Ofisi ya  Mkuu wa Pwani katika usanifu wa upanuzi wa barabara za Mkoa huo ili ziende sambamba na mikakati na mipango ya uboreshaji wa Mkoa ikiwemo ujenzi wa Stendi ya Kisasa ya Mabasi inayotarajiwa kujengwa Mkuranga.

Kwa upande wake, Mkuu wa Mkoa wa Pwani, Abubakar Kunenge amemshukuru Mhe. Rais Dkt. Samia kwa kuendelea kutoa fedha  za miradi mbalimbali ambapo kiasi cha Shilingi Bilioni 121.1 zimepokelewa kwa ajili ya utekelezaji wa miundombinu ya barabara zinazosimamiwa na TANROADS na TARURA.

Naye, Mkuu wa Wilaya ya Mkuranga, Khadija Ali ameeleza kuwa Wilaya hiyo imepokea fedha nyingi za ujenzi wa shule mpya ambapo katika Kata ya Mwandege Shule za Sekondari za Serikali tatu.

Akiwasilisha taarifa ya mradi wa Jengo la Utawala, Mkuu wa Shule ya Sekondari ya Mwandege Bw. Ditrick Hokororo ameeleza kuwa kukamilika kwa jengo hilo kumewezesha zoezi la ufundishaji na ujifunzaji katika Shule hiyo kuwa rafiki kwa wanafunzi na walimu ambapo madarasa mawili yaliyokuwa yanatumika kama ofisi za walimu yamerejeshwa kwenye matumizi ya kawaida kwa wanafunzi.

WASHINDI WA BUGANDO HEALTH MARATHON 2024 WAFUNGUKA HALI YA HEWA YA MWANZA ILIVYOKUA ZITO

 

RC BATILDA AWATAKA WANANCHI KUTUMIA HAKI YAO YA MSINGI KUSHIRIKI KWENYE UCHAGUZI WA SERIKALI ZA MITAA NOVEMBA 27,2024

 

 

Na Oscar Assenga, LUSHOTO.

MKUU wa Mkoa wa Tanga, Balozi Batilda Burian amewahimiza wananchi katika maeneo mbalimbali mkoani humo kuhakikisha wanatimiza haki yao  ya msingi kushiriki katika uchaguzi wa Serikali za Mitaa utakaofanyika Novemba 27 mwaka huu.

Aliyasema hayo wakati akihimitisha zoezi la kuwahamasisha wananchi kujiandikisha kwenye daftari la wapiga kura katika wilaya za Mkinga, Lushoto na Korogwe ambapo alikutana na wananchi wa makundi mbalimbali.

Alisema kwamba ni muhimu wananchi baada ya kwisha zoezi la kujiandikisha kwenye daftari la wapiga kura wajipange kushiriki kwenye uchaguzi huo kwa kupiga kura ikiwemo kuwania nafasi mbalimbali kwenye uchaguzi huo.

“Niwashukuru sana wananchi kwa kushiriki kwenye zoezi hili muhimu la kujiandikisha katika Daftari la Wapiga kura ambapo limehimitishwa Jumapili Octoba 20 hivyo sasa nawaomba tujipange katika kuhakikisha tunatimiza haki ya msingi kuwachagua viongozi.

Aidha alisema hivi sasa ni fursa ya kupiga kura kuwachagua viongozi ambao watakuwa chachu ya kuwaletea maendeleo katika maeneo yenu

“Uchaguzi huu ni muhimu hivyo niwaombe wananchi tuhakikisha tunajiandikisha kwenye daftari la wapiga kura tuweze kupata haki ya msingi ya kuwachagua viongozi ambao watatuletea maendeleo”Alisema

 Aidha alisema ni muhimu wananchi kutumia muda wa lala salama ili kujiandikisha kwenye daftari hilo ili waweze kupata ridhaa ya kuwachagua viongozi ambao watashirikiana na wengine kuwaletea maendeleo.

 “Labda niwaambie kwamba viongozi wa Serikali za mitaa ndio msingi wa viongozi wa ngazi za juu hivyo niwaombe wananchi wa maeneo haya kuhakikisha tunajiandikisha lakini tushiriki kwenye zoezi la uchaguzi tuweze kuwachagua viongozi ambao watatuletea maendeleo”Alisema

 Awali akizungumza wakati wa zoezi hilo la Mkurugenzi wa Halmashauri ya wilaya ya Lushoto Ikupa Mwasyoge alisema kwamba wilaya hiyo ilikuwa imejiwekea lengo la kuandikisha wananchi 183,575 na hadi sasa wamejiandikisha zaidi ya wananchi 170,000 sawa na asilimia 92.9 na lengo lao ni kufikisha zaidi ya asilimia 100

TAMBO ZA SHABIKI WA YANGA BAADA YA MECHI DHIDI YA SIMBA

 

MBUNGE UMMY APITA VIJIWENI KUHIMIZA WANANCHI KUJIANDIKISHA NA KUSHIRIKI UCHAGUZI WA SERIKALI ZA MITAA.

 

Mbunge wa Jimbo la Tanga Mjini (CCM) Mhe Ummy Mwalimu  Octoba 18 mwaka 2024 ametembelea vijiwe mbalimbali katika mitaa ya Mwambani, Mchukuuni, Mwahako, Mwakidila na Mwang'ombe katika kata za Tangasisi na Masiwani kuhamasisha wananchi kujiandikisha katika daftari la mkazi na pia kushiriki katika uchaguzi wa serikali za mitaa utakao fanyika tarehe 27/11/2024.

Akizungumza mara baada ya kuvitembelea vijiwe hivyo amesema  kuwa mitaa ndio chimbuko la Amani na Maendeleo kwa Wananchi hivyo ni muhimu kila wananchi wa Tanga Mjini kushiriki.

Mbunge wa Jimbo la Tanga Mjini (CCM) Mhe Ummy Mwalimu akisikiliza maoni ya wananchi wake, na kutathimini uelewa wao kwa masuala ya umuhimu wa uchaguzi wa serikali za mitaa.

Mbunge wa Jimbo la Tanga Mjini (CCM) Mhe Ummy Mwalimu akipokea mawazo ya mmoja wa vijana baada ya kutoa elimu ya umuhimu wa kujiandikisha katika daftari la orodha ya uchaguzi serikali ya mtaa.

Wavuvi mpo tayari!!....Mbunge wa Jimbo la Tanga Mjini (CCM) Mhe Ummy Mwalimu.

Boda boda mpooo!!...

Mbunge wa Jimbo la Tanga Mjini (CCM) Mhe Ummy Mwalimu na wananzengo.

KOKA AONGOZA MAMIA YA WANANCHI ZOEZI LA HAMASA YA KUJIANDIKISHA

 

NA VICTOR MASANGU,KIBAHA

Mbunge wa Jimbo la Kibaha mjini Silvestry Koka amewahimiza wananchi kuhakikisha wanajitokeza kwa wingi katika kushiriki zoezi la kujiandikisha kwenye daftari la makazi kwa ajili ya kumwezesha kupiga kura katika uchaguzi wa serikali za mitaa.

Koka ameyasema hayo wakati alipokwenda kutimiza haki yake ya msingi ya kwenda kujiandikisha katika daftari hilo katika ofisi ya serikali ya mtaa kituo cha Mkoani 'A'

Aidha Koka mbali na kujiandikisha alitumia fursa ya kuweza kuzungumza na wananchi mbali mbali na kutoa hamasa juu ya umuhimu wa kujiandikisha katika daftari hilo.

"Leo nimeweza kushiriki kikamilifu katika zoezi la kujiandikisha na nimeungana na wananchi wangu na kutoa hamasa waweze kujiandikisha "alifafanua Mbunge Koka.

Aidha Mbunge huyo alifanya ziara ya kutembelea vituo vya kujiandikishia ambapo amedai mwamko wa wananchi ni mzuri na kuwahimiza waendelee kujitokeza.

Mbunge huyo aliweza kutembea kwa miguu na kupita maeneo kadhaa likiwemo la stendi ya Loliondo,Soko la mnarani na kuwatembelea wafanyabiashara wa bidhaa mbali mbali na mafundi magari.

Koka aliwahiza wananchi kutofanya makosa na kuhakikisha kwamba wanamchagua viongozi mwenye sifa na uwezo ambaye ataweza kusikiliza changamoto zao na kuwaletea chachu ya maendeleo.

Mike Tee ft. Juma Nature - Nampenda Nani (Visualizer)