NAIBU KATIBU MKUU WIZARA YA ELIMU AWAAFUNDA WATUMISHI WA SEKTA YA ELIMU

HABARI NA VICTOR MASANGU, PWANI SAUTI NA ALBERT G.SENGO Naibu katibu mkuu Wizara ya ya Elimu, Sayansi na Teknolojia Dkt. Wilson Mahera amewataka watumishi wa sekta ya elimu kufanya kazi kwa weredi na kuhakikisha wanatumia nafasi zao kwa maslahi ya umma ikiwa pamoja na kutumia vikao mbali mbali kwa ajili ya kutoa ushauri ambao utaweza kuleta mabadiliko makubwa katika kuimarisha misingi ya uongozi pamoja na utawala bora. Hayo ameyabainisha wakati wa halfa ya mahafali ya 32 ya wakala wa maendeleo ya uongozI wa elimu (ADEM) ambapo amewahimiza wahitimu 998 waliomaliza mafunzo ya kozi mbali mbali kuhakikisha wanakwenda kuyaatumia vizuri kwa lengo la kuweza kuchochea maendeleo katika sekta ya elimu.

KAYA 19,530 KUNUFAIKA NA MAJIKO YA GESI YA RUZUKU MKOANI ARUSHA

  Kaimu Meneja Usaidizi wa Kiufundi kwa Waendelezaji Miradi REA, Mhandisi Emanuel Yesaya (kulia) akikabidhi taarifa ya utekelezaji wa mradi wa kusambaza majiko ya gesi kwa bei ya ruzuku Mkoani Arusha kwa Katibu Tawala wa mkoa huo, Missaile Musa wakati wa kumtambulisha mtoa huduma anayesambaza majiko hayo mkoani humo.

Katibu Tawala wa Mkoa wa Arusha, Missaile Musa akisisitiza jambo wakati wa utambulisho wa mradi wa usambazaji wa majiko ya gesi kwa bei ya ruzuku ya 50% mkoani humo. Mradi huo unasimamiwa na Wakala wa Nishati Vijijini (REA).

Wakala wa Nishati Vijijini (REA) umeingia mkataba na mtoa huduma Kampuni ya Lake Gas Limited kwa ajili ya kutekeleza mradi wa shilingi milioni 406.7 wa kusambaza majiko ya gesi 19,530 (LPG) ya kilo sita kwa bei ya ruzuku ya 50% katika maeneo ya vijijini ndani ya Wilaya ya Arusha, Karatu, Longido, Meru, Monduli na Ngorongoro Mkoani Arusha.

Kaimu Meneja Usaidizi wa Kiufundi kwa Waendelezaji Miradi REA, Mhandisi Emanuel Yesaya amebainisha hayo Desemba 6, 2024 Mkoani Arusha wakati wa kumtambulisha mtoa huduma katika Ofisi ya Mkuu wa Mkoa huo.

"Tumeanza utekelezaji wa Mkakati wa Taifa wa Matumizi ya Nishati Safi ya Kupikia 2024-2034 ambao unasisitiza miaka 10 kutoka sasa 80% ya Watanzania wawe wanatumia nishati safi ya kupikia, na hili linaweza kufikiwa kupitia mbinu na mikakati mbalimbali ikiwemo hii ya usambazaji wa majiko ya gesi kwa bei ya ruzuku," alisema Mhandisi Yesaya.

Alifafanua kuwa REA imeandaa programu mbalimbali ili kufanikisha azma hiyo ya Serikali ambayo imeasisiwa na Rais Mhe. Dkt. Samia Suluhu Hassan katika kulinda afya za wananchi wake sambamba na kuhifadhi mazingira kwa kukabiliana na mabadiliko ya tabia nchi.

Alisema kuwa lengo la mradi huo ni kukuza, kuchochea, kuwezesha na kuboresha upatikanaji wa huduma za Nishati Safi ya kupikia ili kupunguza ukataji miti ambapo alibainisha kuwa takribani hekta 400,000 hukatwa kila mwaka.

"Mradi huu unakwenda kusaidia kuondokana na athari za kiafya, pia utasaidia kuepuka vitendo vya kikatili, kulinda vyanzo vya maji na kutunza Mazingira na pia kupunguza uzalishaji wa hewa ya ukaa inayosababisha mabadiliko ya tabia ya nchi," alifafanua Mhandisi Yesaya.

Aidha, alisema kuwa mradi huo vilevile ni nyenzo muhimu ya kupunguza umaskini miongoni mwa jamii za maeneo ya vijijini kwani utatoa fursa kwa akina mama kujikita katika shughuli za uzalishaji mali pindi wanapotumia mitungi ya gesi kama njia mbadala ya kupikia sababu inaokoa muda ikilinganishwa na matumizi ya kuni na mkaa.

Kwa upande wake Katibu Tawala wa Mkoa wa Arusha, Missaile Musa amemshukuru Rais wa Jamhuri ya Muungano wa Tanzania, Mhe. Dkt. Samia Suluhu Hassan kwa kuja na mpango huo ambao amesema unakwenda kusaidia wananchi ambao hawana uwezo wa kumudu gharama ya manunuzi ya majiko hayo ya gesi.

"Tunashukuru kwa mawazo haya ya Mhe. Rais na kwa kazi inayofanywa na REA. Ninaamini kwa ruzuku hii iliyowekwa na Serikali, Watanzania walio wengi wataweza kumudu gharama na hii itafanikisha lengo la 80% ya Watanzania kutumia nishati safi ya kupikia ifikapo mwaka 2034," alisema.

Naye Meneja Masoko wa Kampuni ya Lake Gas, Kanda ya Kaskazini, Ismail Juma alithibitisha kuwa wamejipanga vyema kuhakikisha wanufaika wa majiko hayo wanafikiwa kikamilifu na alitoa wito kwa wananchi mkoani humo kuchangamkia fursa hiyo iliyotolewa na Serikali kupitia REA.

Alitoa rai kwa wananchi kutumiza masharti ya kupata majiko hayo ya ruzuku ikiwa ni pamoja na kuwa na kitambulisho cha Taifa cha NIDA ili kurahisisha utoaji wa huduma kwa kila mwananchi.

Wakala wa Nishati Vijijini unatekeleza Mkakati wa Taifa wa Matumizi ya Nishati Safi ya Kupikia 2024-2034 ambao ulizinduliwa rasmi na Rais wa Jamhuri ya Muungano wa Tanzania, Mhe. Dkt. Samia Suluhu Hassan mwezi Mei mwaka huu.

ADEM YAWEKA MIPANGO KABAMBE YA KUWANOA WATUMISHI KATIKA SEKTA YA ELIMU

 

NA VICTOR MASANGU, BAGAMOYO

 Wakala wa maendeleo ya uongozI wa elimu (ADEM) katika kuunga mkono juhudi za Rais wa awamu wa sita Dkt. Samia Suluhu Hassan katika kuboresha sekta ya elimu hapa nchini inaendelea kuweka mikakati kabambe  ya kuongeza juhudi katika uendeshaji wa elimu katika shule za msingi, sekondari, vyuo vya ualimu pamoja na maafisa elimu wote kuanzia ngazi za kata Wilaya, Mkoa hadi Taifa ikiwa ni moja ya kutekeleza adhma  ya serikali ya kuboresha uongozi.  

Hayo yamebainishwa na   mtendaji mkuu wa Wakala wa maendeleo ya uongozi wa elimu (ADEM)  Dkt. Maulid Maulid  wakati wa halfa ya mahafali ya 32 ambayo yameudhuliwa na  viongozi mbali mbali wa serikali, wadau  wa elimu ikiwa sambamba na wahitimu wapatao 998 ambao wamehitimu katika kozi mbali mbali.

Mtendaji huyo amesema kwamba malengo makubwa ya kuanzishwa kwa Wakala ni kwa ajili ya kuweza kuboresha uongozi ikiwa sambamba na na usimamizi na uendeshaji wa elimu  ikiwa pamoja na kutoa mafunzo mbali mbali kwa wadhibiti wa ubora katika shule ili kutekeleza majukumu yao kwa ufanisi mkubwa.

"Jumla ya wanachuo wapatao 998 wameweza kufanikiwa kuhitimu katika mahafali ya 32 ya ADEM, na kati ya hao wahitimu wapatao 745 ni wale ambao wamesoma stashahada ya uongozi na usimamizi wa elimu (DEMA) na wanachuo 250 ni waliomaliza kozi ya stashahada ya udhibiti ubora wa shule (DSQA) na wanachuo wengine watatu wamehitimu astashahada ya uongozi , usimamizi na utawala wa elimu (CELMA)

 

Aidha mtendaji huo amebainisha kwamba ADEM  imeweza kushirikiana na chuo cha Aga Khan University  katika kuendesha mafunzo ya stashahada ya uongozi na usimamizi  wa elimu (DEMA)  kwa walimu  wakuu wapatao 47 kutoka katika Mkoa wa   Lindi  ambao nao wameweza kupata fursa ya kusoma na kuhitimu.

Kadhalika amewahimiza wahitimu wote kuhakikisha kwamba wanayatumia vizuri mahalifa ambayo wameyapata katika kipindi chote wakiwa masomoni kwa lengo la kuweza kulitumikia vema Taifa la Tanzania katika  suala zima la sekta ya elimu.

"Nipende kuchukua fursa hii kuwapongeza kwa dhati kabisa wahitimu wote ambao wamefanikiwa kumaliza katika kozi zao mbali mbali lakini kikubwa wanapaswa kuwekaa misingi mizuri ya kutumia taaluma yao waliyoipata katika kipindi chote kwa ajili ya kuweza kuisaidia Wizara pamoja na Taifa la Tanzania katika sekta ya elimu,"alisema  Dkt. Maulid

Kwa upande wake Naibu katibu mkuu Wizara ya ya elimu ,sayansi na teknolojia Dkt. Wilson Mahera amesema kwamba serikali inatambua umuhimu wa mafunzo kazini ikiwa ni pamoja na yale ambayo yanatolewa na ADEM aambayo lengo lake kubwa ni kuimarisha utendaji,usimamizi na udhibiti wa ubora wa elimu inayotolewa shuleni.

Aliongeza kuwa mafunzo ambayo yanatolewa na ADEM kwa baadhi  ya watumishi wakiwa kazini ni moja ya chachu kubwa katika kuwajengea uwezo watumishi hao kwa ajili ya kuendana na mabadiliko katika mazingira ya kiutendaji wa kazi zao za kila siku.

"Ujio wangu wa leo kwa kweli umeweza kunipa nafasi ya kujionea shughuli mbali mbali ambazo zinafanywa na ADEM katika suala zima la utoaji wa elimu na kwamba kupitia mafunzo haya yataweza kuwaongezea ujuzi zaidi ambao utawasaidia kwa kiasi kikubwa katika utekelezzaji wa majukumu yao ya kazi,"alisema

Pia alibainisha kuwa Wizara ya Elimu , Sayansi na Teknolojia inatambua kuwa mafunzo ambayo yanatolewa na ADEM  yamekuwa na matokea chaanya kwa watendaji na viongozi , wasimamizi pamoja na wadhibiti ubora  hapa nchini.

Katika hatua nyingine aliuomba uongozi wa ADEM kuhakikisha kwamba wanapaswa kuongeza  juhudi zaidi na ubunifu  na kuzingatia misingi ya utawala bora katika mafunzo wanayoyatoa ili kuweza kuisaidia serikalhi kufanikisha dhima ambayo imejiwekea katika sekta ya elimu hapaa nchini.

DC KIBAHA KUZINDUA RASMI SOKO LA KISASA 'KIBAHA SHOPING MOLL' KESHO

 

NA VICTOR MASANGU,KIBAHA 

Halmashauri ya Kibaha mji iliyopo Mkoa wa Pwani kesho  inatarajia kuzindua rasmi soka jipya la kisasa linalojulikana kama (Kibaha Shoping Moll) Novemba 7 mwaka huu lililogharimu kiasi cha shilingi bilioni 7.

Akizungumza na waandishi wa habari Afisa mapato wa Halmashauri ya Mji wa Kibaha Luna Kakuru  amebainisha kwamba  mradi huo ni kati ya miradi ya kimkakati na kwamba fedha hizo zimetolewa na Rais wa awamu ya sita Dkt.Samia Suluhu Hassan

Luna amesema kwamba katika mradi huuo  wanategemea baadae mapato kuongezeka zaidi kutokana na huduma zitakazoendelea kutolewa ikiwepo maeneo ya maegesho ya magari.

 Naye Afisa Masoko wa soko hilo Sabrina Kikoti amesema katika ufunguzi huo mgeni rasmi anatarajiwa kuwa Mkuu wa Wilaya ya Kibaha Nickson John na mradi huo unaokwenda kutoa huduma nyingi  huduma nyingi ambazo wananchi walikuwa hawazipati kwa wakati.

Amesema katika ufunguzi huo wafanyabiashara mbalimbali wakubwa watashiriki wakiwemo wasanij kutoka ndani na nje ya Mji wa Kibaha.

Nao baadhi ya wafanyabiashara akiwemo Charles Chandika  amesema kwamba uwepo wa soko hilo ni fursa kwa wafanyabiashara kutoa huduma mbalimbali kwa wakazi wa mji huo kwa gharama nafuu.

Naye Lidya Vicent mfanyabiasha wa nguo katika soko hilo amesema uwepo wa soko hilo umewawezesha kupata fursa ya mahali sahihi pa kuuzia bidhaa zao .

MAJIKO YA GESI 19,530 KUSAMBAZWA KWA BEI YA RUZUKU MKOANI KILIMANJARO

Meneja Usaidizi wa Kiufundi kwa Waendelezaji Miradi REA, Mhandisi Emanuel Yesaya (kulia) akizungumza wakati wa kutambulisha mradi wa kusambaza majiko ya gesi ya ruzuku Mkoani Kilimanjaro. Kushoto ni Katibu Tawala wa mkoa huo, Kiseo Nzowa. Mradi umelenga kusambaza majiko ya gesi 19,530 mkoani humo ikiwa ni utekelezaji wa Mkakati wa Taifa wa Matumizi ya Nishati Safi ya Kupikia 2024-2034.

Katibu Tawala wa Mkoa wa Kilimanjaro, Kiseo Nzowa (katikati) akisisitiza jambo wakati wa utambulisho wa mradi wa kusambaza majiko ya gesi yanayotolewa kwa ruzuku kupitia Wakala wa Nishati Vijijini (REA). Kulia ni Meneja Usaidizi wa Kiufundi kwa Waendelezaji Miradi REA, Mhandisi Emanuel Yesaya na Kushoto ni Msimamizi wa mradi kutoka REA, Mhandisi Gift Kombe.

Maafisa kutoka Wakala wa Nishati Vijijini (REA) wakimsikiliza Katibu Tawala wa Mkoa wa Kilimanjaro, Kiseo Nzowa wakati wa utambulisho wa mradi wa kusambaza majiko ya gesi ya ruzuku Mkoani Kilimanjaro.

·       Kila wilaya kupata majiko 3,255 

 

·       Kilimanjaro wamshukuru Rais Samia

Wakala wa Nishati Vijijini (REA) unatarajia kusambaza jumla ya majiko ya gesi (LPG) ya kilo sita 19,530 yanayotolewa kwa bei ya ruzuku ya 50% Mkoani Kilimanjaro ikiwa ni utekelezaji wa Mkakati wa Taifa wa Nishati Safi ya Kupikia 2024-2034.

Hayo yameelezwa Novemba 6, 2024 na Meneja Usaidizi wa Kiufundi kwa Waendelezaji Miradi REA, Mhandisi Emanuel Yesaya Mkoani Kilimanjaro wakati wa kutambulisha mradi wa kusambaza majiko ya gesi kwa bei ya ruzuku sambamba na kumtambulisha msambazaji ambaye ni Kampuni ya Lake Gas katika Ofisi ya Mkuu wa Mkoa wa Kilimanjaro.

"Tumeanza utekelezaji wa mradi wa kusambaza majiko ya gesi kwa bei ya ruzuku tupo hapa kutambulisha rasmi mradi huu unaogharimu kiasi cha shilingi 407 kwa mkoa huu na pia  kumtambulisha msambazaji katika mkoa huu ambaye ni Kampuni ya Lake Gas," amesema Mhandisi Yesaya.

Mhandisi Yesaya amesema REA imejipanga kutekeleza azma ya Serikali inayoongozwa na Rais. Mhe. Dkt. Samia Suluhu Hassan katika kuhakikisha ifikapo mwaka 2034; 80% ya Watanzania wawe wanatumia nishati safi ya kupikia.

Akizungumza wakati wa kupokea mradi huo, Katibu Tawala wa Mkoa wa Kilimanjaro, Kiseo Nzowa kwa niaba ya Mkuu wa Mkoa, aliipongeza REA kwa kuendelea kuwa mstari wa mbele katika kutekeleza dhamira na ajenda kuu ya Rais. Mhe. Dkt. Samia Suluhu Hassan ya matumizi ya nishati safi ya kupikia.

"Tunashuhudia REA inatekeleza kwa vitendo dhamira ya Rais wetu Mhe. Dkt. Samia Suluhu Hassan ya kuhakikisha wananchi wanatumia nishati safi kupikia na wanaachana na matumizi ya kuni na mkaa ili kulinda kuhifadhi mazingira na pia kulinda afya," amesema.

Ametoa wito kwa wananchi mkoani humo kuchangamkia fursa hiyo iliyotolewa na Serikali kupitia REA hasa ikizingatiwa kuwa matumizi ya nishati safi ya kupikia yanaokoa gharama na muda ambao mwananchi anaweza kutumia kufanya shughuli nyingine za kiuchumi lakini pia ni rafiki wa mazingira na afya kwa mtumiaji.

Akizungumzia utekelezaji wa mradi kwa ujumla, Mhandisi Yesaya amesema kwa mwaka huu wa fedha 2024/2025, jumla ya majiko ya gesi 452,445 ya kilo sita yenye thamani ya shilingi bilioni 10 yatasambazwa kote nchini kwa bei ya ruzuku ya asimilia 50.

Mhandisi Yesaya ameeleza kuwa mbali ya mradi huo wa usambazaji wa majiko ya gesi; REA vilevile inaandaa mradi wa kusambaza majiko banifu kwa bei ya ruzuku ambapo alisema jumla ya majiko 200,000 yatasambazwa kwa bei ya ruzuku ya 75% hadi 85% kwa maeneo ya vijijini kote nchini.

Amesema lengo ni kuhakikisha kila mwananchi anafikiwa kulingana na hali yake ya kiuchumi ili kufikia lengo kuu la mkakati la kufikisha 80% ya watanzania watakaotumia nishati safi na iloyo bora ya kupikia ifikapo mwaka 2034.

KATIBU MSTAAFU WA BAVICHA TANGA AKANA MADAI YA KUTUHUMIWA KUKIHUJUMU CHAMA

 

Na Oscar Assenga,TANGA.

KATIBU Mstaafu  Baraza la Vijana wa Chama Cha Demokrasia na Maendeleo Chadema Mkoa wa Tanga (Bawavicha) Hemed Said amekana madai ya viongozi wa chama hicho ngazi ya wilaya wanaomtuhumu kukihujumu chama wakati wa uchaguzi wa Serikali za mitaa uliofanyika November 27, 2024.

Tuhuma hizo dhidi yake zinadaiwa ni baada ya Said kushiriki katika kikao cha pamoja na viongozi wa kisiasa wilayani Tanga ambapo Kwa pamoja walipongeza mchakato wa uchaguzi wa viongozi wa Serikali za mitaa , vijiji na vitongoji pamoja na wajumbe ambapo yeye alishiriki kama mgombea licha ya kuwa alienguliwa baada ya kukosa sifa ya kukidhi vigezo.

Akizungumza katika mkutano huo Said alisema kuna sintofahamu kwa chama hicho kumtuhumu kwamba anahusika moja kwa moja katika kuhujumu mipango ya chama jamba ambalo alilipinga kutokuhusika kutokana na kwa sasa amekwisha kustaafu na hawezi kuingia kwenye chama kwa njia yeyote bila kufuata taratibu za kichama"

" Kufuatilia kadhia hii nimekupa nikipata wasiwasi kwa sababu ninapata vitisho kwa baadhi ya wenzangu wakiwemo viongozi na wanachama changu kwamba ninahusika wakati siwezi kuhusika kwa namna yeyote ya kukihujumu chama hivyo naomba nijivue na sihusiki kwa sababu nipo ndani ya chama kwa zaidi ya miaka 15 nafahamu taratibu miongozi na kanuni zinazohusu uendeshaji wa chama" Alisema Said.

Alisema wakati alipokwenda kwenye kikao cha pamoja na viongozi wa kisiasa alikwenda kama mmoja wa wagombea ambaye alienguliwa kwa hiyo maoni aliyoyatoa ni kama mgombea aliyeenguliwa kwenye uchaguzi wa Serikali za mitaa .


“Sasa hapo mimi ninahusikaje na tuhuma za kuuza au kurubuni mipango au kukwamisha shughuli zozote za mafanikio ya chama changu" alihoji Said.

Aidha amesema kuwa licha ya kupokea vitisho kutoka kwa viongozi na wanachama wa chama hicho lakini hakukuwa na utaratibu wowote wa kichama ambao uliofuatwa ikiwemo kumuita kwa nia ya barua.

Kiongozi huyo Mstaafu wa Bavicha Mkoa wa Tanga amesema alishiriki kikamilifu mchakato mzima wa uchaguzi kujisaidia chama chake kusaidia kuwapatia wagombea ambao watakwenda katika uchaguzi wa Serikali za mitaa , vitongoji na vijiji.

“Tofauti zozote zinazozungumzwa kwamba Mimi nimehusika kukirubuni chama hizo sio za kweli kwa sababu nimeshiriki ndani ya chama ngazi ya wilaya kutafuta wagombea na mimi nikiwa ni mgombea wa mtaa ambao ninaoishi sasa nahusikaje kukihujuma chama “Alihoji.

“Haiwezekani nasikia wengine wanasema nimenunuliwa sio kweli nina maisha yangu ninajiendesha kila mtu anafahamu kwa sababu nina uchumi wangu binafsi" alisisitiza mwanachama huyo.

Ameeleza kuwa Chadema wilaya ya Tanga kwenye uchaguzi wa viongozi wa Serikali za mitaa vijiji na vitongoji iliweza kusimamisha wagombea 50 lakini wapo 8 ambao walijitoa wakati mchakato huo ikiendelea licha ya kukidhi vigezo alihoji kuwa wamechukuliwa hatua gani tofauti na yeye ambaye aliyeenguliwa kikanuni.

"Ndani ya chama chetu katika halmashauri ya Jiji la Tanga ambayo tuna mitaa 181 tulikuwa na wagombea 50 lakini 8 katika hao tulikuwa na mawakala 182 , je kwanini hawa 8 na Mimi na Hawa ni nani amerubunika , kama walijitoa chama kimewachukulia hatua gani mpaka mimi nionekane kama ninahusika moja kwa moja? Alihoji.

Alieleza kuwa tangu alipojiunga na chama hicho akiwa shule ya Sekondari na baadye kupata nafasi ya uongozi wa Baraza la vijana Bavicha Mkoa wa Tanga na ni miongoni mwa vijana ambao walisimama imara kukitetea chama hicho hivyo kuhusishwa na tuhuma za kukihujumu chama chake inampa wakati mgumu.

“Chama kinafahamu kuwa katika vijana ambao walisimama na kupambana kwaajili ya kukisimamisha chama Mimi ni mmoja wapo kwa sababu Nina nafasi yangu kuanzia ngazi ya chuo nimehusika kwenye project nyingi mpaka kwenye ushindi wa ubunge ambao tulipata 2015." Alisema.

Kutokana na hali hiyo amesema kwamba atawaandikia barua viongozi wa chama hicho ngazi ya wilaya kisha kupeleka nakala ngazi ya Taifa ili kidai haki yake kama mwanachama halali wa chama hicho.

Alisisitiza kuwa kila mwananchi anauhuru wa kujiunga na chama chochote na kuwa mwanasiasa ambaye anaweza kusimamia maslahi ya wananchi pamoja na Maendeleo ya Taifa kwa ujumla.

"Kuchagua chama chochote cha siasa ni utashi wa mtu binafsi kwa sababu wakati ninajiunga na CHADEMA hakuna mtu ambaye alinilazimisha tupo katika harakati kwaajili ya kuwasaidia wananchi popote pale ambapo upo uweze kupaza   sauti ya wananchi isikike"Alisema 

YANGA WAFANYA MAZOEZI YA KWANZA ALGERIA.

 YANGA wameshatua Algeria kwa ajili ya mchezo wa pili wa kundi A la Ligi ya Mabingwa Afrika wakiwafuata wenyeji wao, MC Alger ambao wanakutana Jumamosi, wiki hii jijini Algiers.

Mabingwa hao wa Ligi Kuu Bara wamefanya mazoezi ya kwanza usiku wa kuamkia leo Ijumaa baada ya kutua nchini humo wakitoka kushinda mchezo wa ligi dhidi ya Namungo, ikiwa ni baada ya kupoteza michezo miwili ya mashindano hayo na mmoja wa Ligi ya Mabingwa dhidi ya Al Hilal.

NMB YASHINDA TUZO 30 KITAIFA NA KIMATAIFA MWAKA 2024

NA ALBERT G. SENGO/MWANZA

Benki ya NMB imedhihirisha tena ukubwa wake nchini, baada ya mwaka huu kuweka rekodi kwa kutwaa zaidi ya tuzo 30 zinazotambua ubora wa huduma zake, ubunifu, ufanisi katika uendeshaji na utendaji, pamoja na mchango wake mkubwa katika ujenzi wa taifa. Mafanikio hayo ya kipekee kitasnia na makubwa kitaifa na kimataifa yalibainishwa jana jijini Mwanza na Afisa Mtendaji Mkuu, Ruth Zaipuna, katika mkutano wa viongozi wakuu wa benki hiyo pamoja na mameneja wa matawi yake zaidi ya 240. Akizungumza pembezoni mwa mkutano huo, Zaipuna alisema ushindi huo ni hatua kubwa kwao inayotokana na juhudi za wafanyazi pamoja na uwekezaji unaofanyika katika teknolojia za kisasa na kubuni masuluhisho ya kuwahudumia wateja na taifa kwa ujumla. Kwa upande wake, Mkuu wa Wilaya ya Kwimba, Ng'wilabuzu Ludigija, pamoja na kuipongeza NMB kwa mafanikio makubwa inayoendelea kuyapata na kuchangia katika ujenzi wa taifa na maendeleo ya nchi kwa ujumla pia ameuambia mkutano huo kuwa uwepo wa benki hiyo katika kila eneo nchini kunaifanya kutegemewa na Watanzania karibu wote hata wale wanaoishi vijijini pamoja na viongozi wa ngazi zote kutokana na kushirikiana kwake kwa karibu na Serikali.

BODI YA WANAJIOLOJIA TANZANIA (TGS) MBIONI KUANZISHWA

 

Na Oscar Assenga,TANGA

SERIKALI imesema kwamba itahakikisha uundwaji wa Bodi ya Wanajiolojia Tanzania (TGS) ili waweze kuwa na chombo ambacho kinaweza kuwaunganisha wataalamu hao  kuweza kuleta mabadiliko chanya kwenye sekta hiyo.

Hayo yalisemwa leo na Naibu Katibu Mkuu wa Wizara ya Madini Msafiri Mbibo wakati akifungua mkutano Mkuu wa Mwaka wa Wataalamu wanajiolojia ulishirikisha wataalamu kutokana ndani na nje ya nchi wa siku mbili unaofanyika Jijini Tanga.

Hatua hiyo inatokana na kauli iliyotolewa kwenye mkutano huo na Rais wa Jumuiya wa Wanajiolojia Tanzania Dkt Elisante Mshiu ambapo alisema kwamba kama taasisi hiyo haitopata bodi basi kunaweza kuwa kikwazo katika mchango wao kuweza kutimiza maono ya 2030.

Alisema kwamba wamelipokea wapo pamoja na wataendelea kuwasiliana kuona jinsi ambavyo wanaweza kuharakisha uundwaji wa bodi hiyo ili kuchochea kasi ya ukuaji wa chombo chenu.

“Wizara ya madini imeendelea kutumia wanajiosayansi katika kufanya tafiti kwa lengo la kubaini uwepo wa madini nchini kupitia maono ya Vision 2030 madini ni maisha,madini ni utajiri ni lengo la wizara ya madini na maono ya mheshimiwa Waziri kuhakikisha kwamba maisha ya watanzania yanabadilishwa kutokana na rasilimali hizi ambazo ni za thamani sana zilizopo Nchini,”alibainisha Katibu Mkuu.


‘Ili kufanikisha maono haya wanajiosayansi wameendelea kutumia utaalamu wao kkatika kufanya utafiti wa kina wa jiofizikia kwa kutumia teknolojia ya kisasa kwa lengo la kutambua tabia za miamba utambuzi huu unatuwezesha kufanyika kwa tafiti nyingine za jiosayansi zenye kuwezesha kubaini aina mbalimbali za madini yanayopatikana nchini,”alisisitiza Katibu Mkuu huyo.


Kwa upande wake Rais wa jumuiya ya wanajiolojia Tanzania Dkt. Elisante Mshiu amesema kwamba wamekutana kwajili ya kujadiliana juu ya mabadiliko kutoka kwenye nishati chafuzi kwenda kwenye nishati salama ambazo zote ukiangalia ni malengo ya serikali.

Amewataka wanajiolijio kuelewa majukumu yao hususani katika kuelekea kwenye maono ya 2030 huku akieleza kwamba bila kuwa na bodi ya usajili ya wanajiosayansi maono ya 2030 yanaweza kuwa na changamoto hivyo ameendelea kusisitiza umuhimu wa uundwaji bodi hiyo.

“Kupitia Wizara ya madini tayari kuna juhudi kubwa zinafanyika na hatua hizo ziko mwishoni lakini ujumbe wetu kwa serikali ni kupeleka jambo hili kwa haraka ili liendane na kasi ya serikali kimaendeleo wito wangu kwa watanzania ni kwamba madini ni utajiri na nchi yetu ni tajiri kirasilimali tuko hapa hapa kuhakikisha tunaisaidia serikali kufikia malengo iliyojiwekea,”alisema Rais Mshiu.

TUZO NI KUBWA SANA KWA KANDA YA ZIWA USIPANGE KUKOSA.

 Tuzo ni kubwa sana kwa Kanda ya Ziwa usipange kukosa.

WAWILI MWANZA WAJISHINDIA BAJAJI ZA MIZIGO KUTOKA 'BONGE LA MPANGO' LA NMB.

 NA ALBERT G. SENGO/MWANZA

Pancras Hassan na Deogratius Joseph Kisoka mfanyabishara na mkazi wa Mahina wilayani Nyamagana jijini Mwanza, ni washindi wawili waliojishindia pikipiki ya magurudumu matatu kila mmoja na kukabidhiwa papo hapo na Mkuu wa Matawi na Mauzo NMB, Donatus Richard. ............................................................................................................................ Katika kuhamasisha utamaduni wa watanzania kujiwekea akiba ili kukabiliana na dharura zinazoweza kujitokeza za uhitaji wa fedha, Benki ya NMB imetoa zawadi kwa wateja wake kupitia kampeni ya ‘Bonge la Mpango, mchongo ndio huu’. Zawadi hizo zimetokana na washindi wa bahati nasibu inayochezeshwa na benki hiyo kwa wateja wake waliojiwekea akiba ya kuanzia shilingi 100,000 na kuendelea. Akizungumza wakati wa kukabidhi zawadi hizo, Mkuu wa Matawi na Mauzo NMB, Donatus Richard amesema kampeni hiyo ya kila mwaka ya ‘Bonge la Mpango’ inalenga kuhamasisha watu kufungua akaunti na kujiwekea akiba ili kutatua matatizo ya dharura yanayohitaji fedha . Amesema zawadi wanazotoa kwenye kampeni hiyo ya kila mwaka inayodumu kwa miezi 12 ni pamoja na kitita cha shilingi milioni 100 kila mwaka, 100,000 kila wiki, friji, TV, pikipiki ya magurudumu mawili (Toyo) na pikipiki ya magurudumu matatu (Guta na Bajaji sambamba na mashine ya kufulia,majiko ya Gesi, trekta za kilimo (Power tiller).

CCM NYAMAGANA WAFANYA SHEREHE BAADA YA KUSEPA NA MITAA 172 KATI YA 175 UCHAGUZI SERIKALI ZA MITAA

 NA ALBERT G.SENGO/MWANZA

Hatoki mtu haingii mtoto wala, mtoto hatumwi dukani, hivi ndivyo ilivyokuwa Jumamosi ya tarehe 30 Novemba 2024, jijini Mwanza mara baada ya wanachama na wadau wa Chama Cha Mapinduzi (CCM) wilaya ya Nyamagana kufanya matembezi yao ya amani kusherehekea ushindi wa kishindo walioupata katika Uchaguzi wa Serikali za Mitaa kuchaguwa wenyevititi na wajumbe wawakilishi kwa mahudhurio makubwa yasiyo na mfano. Kati ya mitaa 175, CCM imesepa na mitaa 172 ikiacha mitatu tu kumilikiwa na upinzani, rubani wa kusanyiko hili Peter Bega ambaye ni mwenyekiti wa CCM Wilaya ya Nyamagana baada ya kuwasili katika viwanja vya Kemondo garden, yeye na wanachama wote wanajikabidhi kwa mwenyezi Mungu. Swali linabaki - sasa jeh CCM itafanyaje kazi na hawa wenyeviti watendaji waliochaguliwa kutoka upinzani, jeh itakuwa ni figisu za kosa ukose wewe, mimi nipate sifa au pengine itakuwa ni siasa za mizengwe yenye vuta nikuvute?

DC KIBAHA AIFAGILIA KIBAHA TC KWA UBUNIFU WA KUKUSANYA MAPATO YA NDANI

 

NA VICTOR MASANGU, KIBAHA

Serikali Wilayani Kibaha imeipongeza kwa dhati uongozi wa Halmashauri ya mji Kibaha kwa kuweka mikakati madhubuti ya kuongeza wigo kwa ajili ya kuweza kukusanya  fedha kutokana na mapato ya ndani  ambazo zimekwenda kusaidia kwa kiasi kikubwa katika kutekeleza miradi mbali mbali ya maendeleo.

Hayo yamebainishwa na Mkuu wa Wilaya ya Kibaha Nickson John  wakati wa kikao cha ushauri cha Halmashauri ya Kibaha mji kilicholenga kuwakutanisha watendaji, wataalamu, wakuu wa idara,  viongozi wa dini pamoja na vyama vya siasa kwa lengo la kujadili mambo mbali mbali ikiwa pamoja na kutoa ushauri ambao utaweza kusaidia katika kutatua kero na changamoto ili ziweze kutafutiwa ufumbuzi.

Mkuu huyo alisema kwamba kupitia mapato ya ndani Halmashauri ya mji Kibaha imeweza kujitahidi kwa hali na mali kutengeneza madawati yapatayo 4000 katika shule mbali mbali ambayo yataweza kuwa msaada mkubwa kwa  wanafunzi kuondokana   na changamoto ya kusoma kwa mlundikano mkubwa.

Kadhalika Mkuu huyo wa Wilaya ameweza kuongeza kuwa katika mapato ya ndani wameweza kupeleka kiasi cha shilingi milioni  ambazo zimekwenda katika kila kata kwa lengo la kuboresha miundombinu ya barabara ili ziweze kupitika kwa urahisi katika kipindi chote na wananchi waondokane na kero hasa katika kipindi cha mvua.

Pia katika hatua nyingine alisema kuwa Halmashauri ya mji Kibaha wameweza kununua gari mpya kupitia mapato ya ndani ambayo itaweza kurahisisha ufanisi kwa  watumishi na wataalamu kutekeleza majukumu yao kwa urahisi, sambamaba na kubuni mradi wa kupaki magari makubwa ambayo itakuwa ni fursa ya kipekee kujiongezea  kiwango cha mapato.
Kwa upande wake Mkurugenzi mtendaji wa Halmasshauri ya mji Kibaha Dkt.Rogers

 Shemwelekwa amesema kwamba wametumia kiasi cha shilingi bilioni 8 kwa ajili ya utekelezaji wa mradi mkubwa wa ujenzi wa soko kubwa la kisasa ambalo limejengwa kutokana na fedha ambazo zimetolewa na Rais wa awamu ya sita Dkt.Samia Suluhu Hassan kwa lengo la kuweza kuwasogezea huduma wananchi kwa urahisi.

Alisema  kwamba soko hilo la kisasa litakuwa ni mkombozi mkubwa kwa wananchi wa Kibaha pamoja na maeneo mengine ya jirani kutokana na kuwepo kwa bidhaa mbali mbali zilizomo katika soko hilo la kisasa ambalo limejengwa  katika kiwango kikubwa ambapo litaweza kuwapunguzia wananchi kwenda  umbari mrefu kwa ajili ya kuweza  kupata mahitaji yao mbali mbali.

Dkt. Rogers amempongeza kwa dhati Rais wa awamu ya sita Dkt. Samia  Suluhu Hassan kwa kutoa fedha hizo  kiais cha shilingi bilioni nane ambazo  ndizo zimeweza kufanikisha kwa kiasi kikubwa  kukamilika kwa mradi wa ujenzi huo wa soko la kisasa ambalo litataweza kuwa ni chachu kubwa ya kuleta maendeleo ya kukuza uchumi.

"Kwa kweli napenda  kuchukua  fursa hii kumshukuru kwa dhati Rais wetu  wa awamu ya sita kwa kutupatia fedha kuweza kufuata mahitaji yao  mbali mbali kwa kwa urahisi na kununua bidhaa bila ya usumbufu wowote kwani  hapo awali walikuwa wanakwenda kununua bidhaa zao katika maeneo ya mbali,"alisema

KARAHA NA RAHA YA MVUA ILIYONYESHA JIJINI MWANZA HII LEO.

 NA ALBERT G.SENGO/MWANZA

Safari yangu imeanzia barabara ya Makongoro katika eneo la Kona ya Bwiru na mwisho nikaweka kambi katika barabara ya kuelekea uwanja wa CCM Kirumba jijini hapa, ambapo changamoto kubwa ilikuwa kuvuka kutoka eneo la A2C Bar kwenda ilipokuwa Villa Park .

MAAMBUKIZI YA VVU YAPUNGUA NCHINI TANZANIA-WAZIRI MHAGAMA

 

Leo ni tarehe 1 Desemba 2024, ambapo dunia inaadhimisha Siku ya UKIMWI Duniani. Kitaifa, maadhimisho haya yamefanyika Mkoani Ruvuma yakiongozwa na mgeni rasmi, Makamu wa Rais wa Jamhuri ya Muungano wa Tanzania, Mhe.  Dkt. Philip Mpango.

Akitoa taarifa yake, Waziri wa Afya nchini, Mheshimiwa Jenista Mhagama, ameeleza juhudi za serikali katika mapambano dhidi ya ugonjwa wa UKIMWI. 

Amesema, Serikali imeendelea kugharamia dawa za kufubaza makali ya virusi vya UKIMWI (ARVs), hatua inayosaidia wananchi wanaoishi na maambukizi ya virusi hivyo kuendelea na maisha ya kawaida.

Kwa mujibu wa takwimu zilizotolewa, wananchi takriban milioni 1.7 wanaishi na maambukizi ya virusi vya UKIMWI nchini. 

Serikali imetumia shilingi bilioni 750 kununua dawa za ARVs, ambapo gharama ya matibabu kwa kila mgonjwa mmoja ni takriban shilingi 400,000 kwa mwaka.

"Maadhimisho haya ni fursa muhimu ya kuongeza uelewa kuhusu ugonjwa wa UKIMWI na kupunguza unyanyapaa" amesema Mhe. Jenista

Pamoja na hayo  amehimiza jamii kuchukua hatua za kinga na matibabu kwa ushirikiano wa karibu na wadau mbalimbali. 

Kaulimbiu ya mwaka huu inalenga kuimarisha mshikamano wa kidunia katika kukomesha maambukizi mapya na kuboresha huduma kwa walioathirika.

MWENYEKITI JUNGULU AAHIDI KUSHIRIKIANA NA WENYEVITI WAPYA KULETA MAENDELEO

 

NA VICTOR MASANGU,KIBAHA

 
Mwenyekiti wa chama cha mapinduzi (CCM) Kata ya picha ya ndege Grace Jungulu katika kuhakikisha anaendelea kukijenga na kukiimarisha chama ameahidi kushirikiana bega kwa bega na wenyeviti wote wa mitaa mitatu walioshinda katika uchaguzi wa serikali za mitaa kwa lengo la kuwaletea wananchi maendeleo.

Jungulu ameyasema hayo wakati wa kuzungumzia mikakati mbali mbali  ambayo amejiwekea mara baada ya kumalizika kwa uchaguzi huo na kusema kuwa lengo lake kubwa ni kuendelea kukijenga chama cha mapinduzi kwa kushirikiana na wanachama wengine kuanzia ngazi za mashina na matawi.
Mwenyekiti huyo alisema kwamba ana imani katika kata ya picha ya ndege ataweza kusikiliza kero na changamoto mbali mbali zinazowakabili wananchi kwa kushirikiana  kwa hali na mali  na wenyeviti wa serikali za mitaa ambao wameweza kuibuka na ushindi  kwa lengo la kuweza kuzitafutia ufumbuzi.

"Lengo langu kubwa mimi kama mwenyekiti wa chama cha mapinduzi (CCM) kata ya Picha ya ndege napendakuchukua fursa hii kuwashuru kwa dhati wana chama wote wa ccm ambao wameweza kuwa mstari wa mbele kujitokeza kwa wingi katika zoezi zima la upigaji wa kura na kuweza kushinda katika mitaa yote mitatu hii ni dalili nzuri ya ushirikiano mzuri uliopo katika ya viongozi na wanachama,"alisema Jungulu.

Aidha aliongeza kwamba katika kata ya picha ya ndege amejiwekea mikakati madhubuti ambayo itaweza kusaidia kwa kiasi kikubwa kuleta mabadiliko chanya ya kimaendeleo katika sekta mbali mbali ikiwemo, kuboresha miunombinu ya barabara, huduma ya maji safi na salama, afya, elimu, pamoja na huduma nyingine za msingi.

Katika hatua nyingine Jungulu aliwashukuru wanachama wote wa CCM Kata ya picha ya ndege pamoja na wananchi wote kwa ujumla kwa kuweza  kufanya maamuzi sahihi na kukiamini chama cha mapinduzi kwa kukipigia kura na kufanikiwa kuweza kushinda kwa kishindo katika mitaa yote mitaa.

Aidha Jungulu alimshukuru Rais wa awamu ya sita Dkt. Samia Suluhu Hassan kwa kuweza  kutekeleza ilani ya chama kwa vitendo ikiwa pamoja na kutenga fedha ambazo zimeweza kutekeleza miradi mbali mbali ya maendeleo ikiwemo kuwahudumia wananchi katika nyanja mbali mbali.
                             MWISHO.  

DKT.MPANGO -MKAKATI WA SERIKALI NI KUTOKOMEZA MAAMBUKIZI YA VIRUSI VYA UKIMWI NCHINI

  Siku ya Ukimwi Duniani, Imeadhimishwa Kitaifa leo tarehe 01/12/2024, maadhimisho yamefanyika katika Uwanja wa Majimaji, Manispaa ya Songea, mkoani Ruvuma. 

Hafla hii imeongozwa na Makamu wa Rais wa Jamhuri ya Muungano wa Tanzania, Dkt. Philip Mpango, ambaye amesisitiza azma ya serikali kuhakikisha inatokomeza maambukizi ya Virusi vya UKIMWI (VVU) nchini.

Katika hotuba yake, Mhe. Dkt. Mpango, ameonesha dhamira ya dhati ya Serikali inayoongozwa na Rais Dkt. Samia Suluhu Hassan katika kupambana na maambukizi mapya ya VVU.

Takwimu zinaonesha kwamba vijana, hasa wa kike, wako katika hatari kubwa ya kuambukizwa. Kwa mujibu wa Makamu wa Rais, serikali imeweka mkazo mkubwa katika kutoa elimu kwa vijana ili kuwasaidia kujitambua, kuchukua hatua za kujikinga, na kwa wale wanaoishi na VVU, kuhakikisha wanafuata taratibu kwa kutumia dawa za kupunguza makali ya virusi (ARVs).

Aidha, Mhe. Dkt. Mpango ametoa wito kwa jamii nzima kushirikiana, kuhakikisha kwamba maambukizi mapya yanapungua, kwa kuelimisha vijana kuhusu umuhimu wa afya ya uzazi, matumizi sahihi ya kinga, na upimaji wa afya mara kwa mara.