MCHUNGAJI ANASHIKILIWA KWA TUHUMA ZA KUHUSIKA NA MAUAJI YA MKEWE

Jeshi la Polisi Mkoa wa Geita linamshikilia na linaendelea kumhoji mchungaji wa Kanisa la Habari Njema, Kasese Gervas Bilalo (47), kwa tuhuma za kumuua mke wake, Martha Faustine (45).

Tukio hilo limebainika Mei 12, 2026 majira ya saa 6:00 mchana katika Kijiji cha Nyarututu, Kata ya Bwanga, Wilaya ya Chato, mkoani Geita, ambapo marehemu alikutwa amefariki ndani ya nyumba yao katika mazingira ambayo Jeshi la Polisi limebaini kuwa ni ya kutengenezwa. Uchunguzi wa awali umeonesha kuwa mtuhumiwa alimvizia mkewe akiwa amelala, kisha akamkaba shingoni kwa kutumia kamba ya katani kabla ya kumning’iniza juu ya kenchi ili tukio hilo lionekane kama kujinyonga.

Chanzo cha tukio hilo kinadaiwa kuwa marehemu alikuwa akimtuhumu mumewe kuwa na mahusiano ya nje ya ndoa yao, hali iliyosababisha migogoro ya mara kwa mara katika familia hiyo. 

Mwili wa marehemu umehifadhiwa katika Hospitali ya Wilaya ya Chato kwa ajili ya uchunguzi, huku taratibu nyingine za kisheria zikiendelea kukamilishwa ili mtuhumiwa afikishwe katika mamlaka husika za kisheria.

Jeshi la Polisi linatoa wito kwa wananchi kutumia njia za amani na za kisheria katika kutatua migogoro badala ya kujichukulia sheria mkononi, jambo linaloweza kusababisha madhara makubwa au kupoteza maisha.

Imetolewa na:

SACP Safia Jongo

Kamanda wa Polisi

Mkoa wa Geita

WANAODAIWA KUMUUA MTEJA KWA KIPIGO WAPANDISHWA KIZIMBANI

Jeshi la Polisi Mkoa wa Mwanza limewafikisha Mahakamani mlinzi (baunsa) pamoja na mfanyakazi wa usafi waliokuwa wakifanya kazi katika baa ya Las Vegas, wakituhumiwa kwa mauaji ya Mkazi wa Mwanza, Mzafuru Faisal Yunusu.

Washtakiwa hao ni Yohana Paul Peter (22), ambaye ni mlinzi wa eneo lilipotokea tukio hilo na Hamis Juma Mussa (27), mfanyakazi wa usafi. 

Wawili hao wamepandishwa kizimbani leo Alhamisi Mei 14, 2026, katika Mahakama ya Wilaya ya Ilemela na kusomewa shtaka la mauaji.

​Akisoma shauri hilo la jinai namba 10492 la mwaka 2026 mbele ya Hakimu Mkazi Mfawidhi wa Mahakama ya Wilaya ya Ilemela, Mhe. Christian Mwalimu, Wakili wa Serikali Clara Muhando, akisaidiana na Evance Kaiza, aliieleza mahakama kuwa washtakiwa walitenda kosa hilo mnamo tarehe 05.02.2026 katika baa ya Las Vegas iliyopo eneo la Kona ya Bwiru, mtaa wa Nyamanoro, wilaya ya Ilemela.

​Washtakiwa wote wawili, wakiwa katika baa hiyo ya Las Vegas, wanadaiwa kumshambulia na kumuua Mzafuru Faisal Yunusu kinyume na kifungu cha 196 na 197 cha Sheria ya Kanuni ya Adhabu, Sura ya 16 kama ilivyofanyiwa marejeo mwaka 2023.

Hata hivyo, watuhumiwa hao hawakutakiwa kujibu chochote kwa kuwa mahakama hiyo haina mamlaka ya kisheria ya kusikiliza mashauri ya mauaji.

​"Mahakama haina mamlaka ya kusikiliza shauri hili, kwa hiyo hamtatakiwa kujibu chochote juu ya tuhuma zenu. Vilevile, kesi inayowakabili haina dhamana, hivyo mtaendelea kuwa mahabusu hadi pale upelelezi utakapokamilika," alisema Hakimu Mwalimu.

​Kesi hiyo imeahirishwa hadi Mei 28, 2026, na washtakiwa wamerejeshwa rumande.

SIKU YA ZIWA VICTORIA 2026 KUFANYIKA JIJINI MWANZA NA MAONESHO KUANZIA TAREHE 18 HADI 21 MEI 2026

 

 

NA ALBERT G.SENGO 🌍 KARIBU MWANZA 🇹🇿 Maadhimisho ya Siku ya Ziwa Victoria 2026 yanakuja kwa kishindo jijini Mwanza kuanzia tarehe 18 hadi 21 Mei 2026! Kutakuwa na: Upandaji miti Uhamasishaji wa utunzaji wa maji Jukwaa la wadau Uzinduzi wa Kituo cha Kikanda cha Utafutaji na Uokoaji Maonesho makubwa ya biashara, huduma na bidhaa mbalimbali katika viwanja vya Nanenane Nyamhongolo. Nchi mbalimbali za Afrika Mashariki na Ukanda wa Ziwa Victoria zitashiriki pamoja na Tanzania kuwa mwenyeji. Kauli mbiu: “MAJI YETU, MUSTAKABALI WETU: TUUNGANE KWA UENDELEVU WA BONDE LA ZIWA VICTORIA” 📍 Mwanza ndiyo mahali pake! #LakeVictoriaDay2026 #Mwanza #ZiwaVictoria #Tanzania #EastAfrica #Environment #Nyamhongolo #VictoriaLake

MANISPAA YA KIBAHA KUCHELE YAPANIA KUBORESHA MIUNDOMBINU YA BARABARA ZA MITAA, MAJI, NA FYA

 

Na Victor Masangu, Kibaha

 
Halmashauri ya Manispaa ya Kibaha katika kumuunga mkono Rais Dkt. Samia Suluhu Hassan katika kuleta chachu ya maendeleo imeamua kutumia fursa ya makusanyo ya fedha za mapato yake ya ndani katika kuhakikisha inakabiliana na changamoto mbali mbali zinazowakabili wananchi ikiwemo suala la kuboresha  miundombinu ya  barabara za mitaa zilizopo katika kata zote 14.

Hayo yamebainishwa na Mstahiki meya wa Halmashauri ya Manispaa ya Kibaha Dr. Nicas Mawazo wakati wa kikao cha kikanuni cha  baraza la madiwani robo ya tatu  ya kuanzia mwezi januari mwaka huu wa 2026 hadi kufikia Machi ambapo amebaini lengo kubwa ni kuhakikisha wanawaletea mabadiliko chanya ya kimaenndeleo katika nyanja mbali mbali kupitia mapato ya ndani.

 
Mstahiki Meya amebainisha kwamba katika kikao hicho wamemeweza kupata fursa ya kupokea taarifa mbali mbali kutoka katika baadhi ya taasisi ikiwemo Dawasa, Tanesco, Bima ya afya, Tarura, pamoja na nyinginezo kwa lengo la kujadili mambo mbali mbali ambayo yataweza kuletaa tija zaidi katika kutatua changamoto mbali mbali za wananchi katika maeneo ambayo wanaishi.

"Tumefanya  kikao chetu cha kikanuni cha baraza letu la  madiwani   na kwamba tumejadili mambo mbali mbali ikiwemo suala la  upatikanaj  wa huduma ya maji safi na salama, kuboresha miooundombinu ya barabara za mitaa ambapo tumeweza kutenga kiasi cha shilingi milioni 50 kwa kila mtaa na hii itaweza kusaidia kwa kiais kikubwa katika kuboresha miundombinu ya barabara sekta ya elimu na afya ,"amebainisha  Dr. Nicas

Kwa upande  Mkurugenzi wa Halmashauri ya Manispaa ya Kibaha Dkt. Rogers Shemwelekwa amesema kwamba lengo kubwa niu kuzidi kuendelea kuongeza kasi zaidi katika suala zima  ukusanyaji wa mapato ya ndani ambayo pia yataweza  kusaidia  katika  kutekeleza  baadhi ya miradi mbali mbali ya maendeleo.

Shemwelekwa  ameahidi kuendelea kushirikiana bega kwa bega na viongozi pamoja na  madiwani kwa lengo la kuweza   kuleta dhana pana ya ushirikishwaji  ambayo   itaweza  kuleta matokeo chanya kataika suala zima la maendeleo.

Nao baadhi ya madiwani wa viti maalumu akiwemo Selina Wilson katika kupambana naa maambukizi mapya ya virusi vya ukimvi (VVU) hakusita kuwahimiza wakinababa kutumia kinga kwa lengo la kuweza kuepukana na maambukizi mapya na kwamba ni vema sasa kuwahimiza umuhimu wa kutumia kondomu katika tendo la ndoa na kuacha na ngono zembe.

Naye Diwani wa viti maalumu Shufaa Mshana pamoja na Sara  Uledi wamesema wameomba juhudi za makusudi zifanyika katika kuboresha sekta ya afya hasa kwa upande wa wakinamama wajawazito ambao wamekuwa wakitembea umbari mrefu katika baadhi ya maeneo kwa ajili ya kwenda  kupata huduma ya kujifungua.

Kikao cha kikanuni  cha baraza la madiwani robo ya tatu ya kuanzia Januari hadi machi mwaka huu kimeweza kujadili mambo mbali mbali ikiwemo suala la kuimarisha miundombinu ya barabara za mitaa, kuboresha huduma ya maji safi na salama, upatikanaji wa bima ya afya kwa wote, suala la afya, elimu  pamoja na mambo  mengine yaa msingi kwa ajili ya maslahi ya wananchi kwa ujumla.

BONGE MOJA LA MPINI WA INJILI TOKA KWA FRED RUSHAKA - MY BABA

 

YANGA SC DHIDI YA COASTAL UNION NI GAME NZURI YA KUTIZAMA.

 

Yanga SC leo Mei 9, 2026 inatarajiwa kushuka dimbani kuikaribisha Coastal Union katika mchezo wa kusisimua wa NBC Premier League utakaopigwa majira ya saa 12:15 jioni kwenye KMC Complex.

Kuelekea mchezo huo, benchi la ufundi la Yanga SC limeweka wazi kuwa mashabiki wanapaswa kutarajia soka la kuvutia lenye ushindani mkubwa ndani ya dakika 90.

Wananchi wanaingia kwenye mchezo huo wakiwa na morali kubwa baada ya kupata ushindi mwembamba wa bao 1-0 dhidi ya KMC FC katika mchezo uliopita, bao pekee likifungwa na Allen Okello dakika ya 65.

Akizungumza kuelekea mchezo huo, Kocha Mkuu wa Yanga SC, Ahamid Moallin amesema kikosi chake kinaiheshimu Coastal Union lakini hakitabadilisha falsafa yake ya kucheza soka la kumiliki mpira na kulitawala dimba.

“Kitu ninachoweza kuwaahidi mashabiki wa Yanga ni mchezo mzuri. Sisi kama Yanga tuna namna yetu ya kucheza, msingi wetu ni kumiliki mchezo. Tunaiheshimu Coastal Union lakini hatuwezi kuacha utamaduni wetu.

Tunataka kumiliki mchezo kwa dakika zote 90, si kwa vipindi fulani. Kila mchezaji anapaswa kutoa kiwango chake cha juu kuhakikisha tunatawala mchezo na kupata matokeo mazuri,” amesema Moallin.

Kwa sasa Yanga SC inaendelea kuongoza msimamo wa ligi ikiwa na pointi 51 baada ya kucheza mechi 21, huku Coastal Union ikishika nafasi ya 13 ikiwa na pointi 22, hali inayoufanya mchezo huo kuwa na presha tofauti kwa kila upande.

JUMUIYA YA WAZAZI KIBAHA MJI YAMUUNGA MKONO RAIS DKT. SAMIA KWA KUPANDA MITI BUNDIKANI

 

Na Victor Masangu, Kibaha

 
Jumuiya ya wazazi ya chama cha mapinduzi (CCM) Wilaya ya Kibaha mjini katika kusherekea miaka 48 ya maadhimisho ya wiki yao ya wazazi ngazi ya Wilaya  imeamua kufanya shughulio mbali mbali za kijamii  katika shule ya sekondari Bundikani ikiwemo kufanya zoezi laa upandaji wa miti ikiwa pamoja na kutoa zawadi na tuzo  mbali mbali kwa walimu pamoja na wanafunzi wanaofanya vizuri katika masomo yao.

Katika  sherehe za maadhinmisho hayo ambazo zilikwenda sambamba na matukio mbali mbali ya ugawaji wa zawadi kwa wanafunzi  wenye mahitaji maalumu zilihudhuliwa na viongozi mbali mbali wa Chama pamoja na jumuiya zake ikiwemo viongozi wa serikali wakimwemo wanafunzi, walimu pamoja na wazazi na walezi.

Katibu wa Jumuiya hiyo ya wazazi  Latifa Semweza amesema kwamba  wameamua kutumia wiki hiyo kwa kwenda kutembelea shule ya sekondari Bundikani kwa lengo la kuweza kuwapa motisha zaidi walimu pamoja na wanafunzi kwani wamekuwa wakifanya vizuri sana katika sekta ya elimu katika Halmashauri ya Manispaa ya Kibaha.

"Tupo katika sherehe za maadhimisho ya kuzaliwa kwa jumuiya yetu ya wazazi na tumetimiza miaka 48 tangu ilipozaliwa na leo hii tymeongozana na viongozi wenzangu mbali mbali n atumekuja katika shule ya Sekondari Bundikani na tumeweza kuendesha zoezi laa kupanda miti mbali mbali ikiwemo ya maatunda pamojaa na miti ya kivuli ikiwa sambamba na kutoa  motisha ya zawadi kwa walimu na wanafunzi waliofanya vizuri katika masoma," amebainisha Katibu Latifa.

Kadhalika Katibu huyo amebainisha kuwa katika wiki yao ya wazazi kata zote 14 zilizopo katika Wilaya ya Kibaha mjini tayari zimeshafanya maadhimisho yao na kwamba katika ngazi ya Wilaya wao wameamua kufanya sherehe hizo katika shule ya sekondari Bundikani na lengo kubwa ni kuweza kuboresha sektya ya  elimu pamoja na suala zima la upandaji wa miti ambayo itasaidia kuboresha utunzaji wa  mazingira.

Katika hatua nhyingine Katibu huyo amesema kwamba katika jumuiya  yao wamepewa malengo mbali mbali kwa ajili ya kuyatekeleza ikiwemo suala la kusimamia elimu kuanzia ngazi ya msingi, sekondari,pamoja na vyuo,ikiwa pamoja na kusimamia sekta ya afya, elimu pamoja na malezi.

 
 Naye Mwenyekiti wa jumuiya ya wazazi Wilaya ya Kibaha mjini Yahaya Mtonda amesema kwamba  waatendelea kushirikiana bega kwa bega na walimu na wanafunzi wa shule mbali mbali za msingi na sekondari lengo kubwa ikiwa ni kuweza kuleta mabadiliko chanya ya kimaeneleo katika kuongeza kasi ya ufaulu kwa wanafunzi.

 
Kwa upande wake Mwenyekiti   wa chama cha mapinduzi (CCM) Mwalimu Mwajuma Nyamka aliwahimiza wanafunzi wa shule hiyo ya bundikani kuweka misingi imara katika kuingeza juhudi ya kufanya vizuri katika masomo yao ikiwemo kusoma kwa bidii kwa lengo la kufanya vizurii katika mitihani yao.

Nao baadhi ya wanafunzi wanaosoma kaatika shule hiyo ya sekondari Bundikani pamoja naa walimu wao hawakusita kutoa shukrani  zao za kipekee kwa Jumuiya hiyo ya wazazi kwa kuona umuhimu mkubwa wa kwenda kutimia wiki ya sherehe za maadhimisho yao kwa kuwatembelea na kuwapa motisha ya zawadi mbali mbali hali amabyo wamesema imewapa molali zaidi katika kufanya vizuri katika elimu.

Jumuiya ya wazazi inasherekea maadhimisho ya miaka 48 tangu ilipozaliwa  rasmi na kauli mbiu ya mwaka huu  wa 2026 ikiwa inasema kwamba malezi bora na uzalendo ni msingi wa Taifa.

WAZIRI MCHENGERWA ALIVYOIKOMALIA VITA YA SERIKALI DHIDI YA VIFO VYA MAMA NA MTOTO NCHINI TANZANIA

 NA ALBERT G.SENGO/MWANZA

Afya ya mama na mtoto ndiyo msingi wa taifa lenye nguvu. Kila maisha yanayopotea wakati wa ujauzito, kujifungua au baada ya kujifungua ni kengele inayotukumbusha wajibu wetu kama jamii na wataalam wa afya. Ndiyo maana vikao vya mara kwa mara kwa wahudumu na wataalam wa afya vinaendelea kuwa silaha muhimu katika kupunguza vifo vya mama na mtoto nchini Tanzania. Leo tunaangazia sababu 10 zinazoonesha kwa nini mikutano hii ya kitaalam ni muhimu katika kuokoa maisha, kuboresha huduma na kujenga kizazi salama kwa taifa letu. Moja kati ya sababu hizo ni pamoja na kuhuisha maarifa na miongozo ya tiba Sekta ya afya hubadilika mara kwa mara kutokana na tafiti na maboresho ya kitabibu. Vikao huwasaidia wahudumu wa afya kuendelea kutumia mbinu sahihi za kuhudumia wajawazito, wajifungua na watoto wachanga. 2. Kupunguza makosa ya kitabibu Kukumbushana wajibu, taratibu na tahadhari muhimu husaidia kupunguza uzembe, kuchelewa kutoa huduma au maamuzi yasiyo sahihi ambayo yanaweza kusababisha vifo. 3. Kuimarisha huduma za dharura za uzazi Kupitia vikao, wahudumu hukumbushwa namna ya kushughulikia haraka changamoto kama kutokwa damu nyingi, kifafa cha mimba, uchungu wa muda mrefu na matatizo ya mtoto mchanga. 4. Kujenga ushirikiano wa timu Huduma za mama na mtoto zinahitaji ushirikiano wa madaktari, wauguzi, wakunga, maabara na famasia. Vikao huongeza mawasiliano mazuri na mshikamano kazini. 5. Kuchambua sababu za vifo vilivyotokea Kupitia tathmini za vifo vya mama na mtoto, wataalam hujifunza makosa yaliyotokea ili yasijirudie tena katika vituo vingine vya afya. 6. Kuongeza uwajibikaji kazini Vikao huwafanya wahudumu wa afya kukumbuka kuwa maisha ya wananchi yako mikononi mwao hivyo kuwajibika zaidi katika utoaji wa huduma. 7. Kuboresha huduma kwa wananchi Elimu na ukumbusho wa mara kwa mara huwasaidia wahudumu kutoa huduma zenye utu, upendo na kuwahudumia wajawazito kwa haraka na usalama zaidi. 8. Kusaidia kufikia malengo ya taifa na dunia Tanzania inaendelea kupambana kupunguza vifo vya mama na mtoto kwa mujibu wa malengo ya maendeleo endelevu (SDGs). Vikao ni sehemu muhimu ya kufanikisha azma hiyo. 9. Kuibua changamoto za vifaa na mazingira ya kazi Kupitia mikutano, wahudumu hupata nafasi ya kueleza changamoto kama uhaba wa dawa, damu salama, vitanda au watumishi ili hatua zichukuliwe mapema. 10. Kujenga moyo wa kujituma na kupeana hamasa Wataalam wanapokutana mara kwa mara hupata hamasa mpya, kubadilishana uzoefu na kuendelea kufanya kazi kwa ari ya kuokoa maisha ya mama na mtoto.

WAZIRI MKUU ATAKA WATENDAJI SERIKALINI WATUMIE USHAWISHI BADALA YA UDHIBITI KWA WAWEKEZAJI

_Azindua Hoteli ya Mikumi Wildlife

_Asema Serikali imetoa sh. bilioni 35 kuboresha uwanja wa Kikoboga, Mikumi

Waziri Mkuu Dkt Mwigulu Nchemba amewataka watendaji katika taasisi na mamlaka za Serikali wawe tayari kuwawezesha wawekezaji badala ya kuwadhibiti ili wavutiwe kuwekeza zaidi na zaidi.


“Nitoe wito kwa taasisi na mamlaka za Serikali, tumieni muda mwingi kuwawezesha wawekezaji badala ya kuwadhibiti. Washawishini waongeze uwekezaji badala ya kuwafanya waonekane wanaomba. Tumieni vivutio zaidi ili washawishike zaidi na zaidi,” amesema.


Ametoa wito huo leo (Ijumaa, Mei 8, 2026) wakati akizungumza na wadau waliohudhuria uzinduzi wa hoteli ya Mikumi Wildlife katika Hifadhi ya Taifa ya Mikumi, wilayani Kilosa, mkoani Morogoro.

Amesema hoteli hiyo ambayo zamani ilikuwa inamilikiwa na serikali lakini ikapata janga la kuungua moto, ina historia ya miaka mingi; na ana imani na uwekezaji uliofanyika kwani umesaidia kuongeza ajira na kipato kwa wananchi.


“Sina shaka uwekezaji huu utaongeza mvuto kutokana na viwango vilivyopo kwenye hoteli hii. Viwango vya hoteli hii ni vya juu sana, ninaamini vitasaidia kuongeza muda wa watalii kukaa ndani ya hifadhi na uwepo wa malazi mazuri pia utaongeza idadi ya watalii,” amesema.


Akielezea juhudi za serikali kuboresha hifadhi ya Mikumi, Waziri Mkuu amesema Serikali imetoa sh. bilioni 35 za kuboresha uwanja wa ndege wa Kikoboga na ifikapo Oktoba mwaka huu, utakuwa umekamilika.


Amezitaka Wizara ya Maliasili na Utalii, TANAPA washirikiane na mamlaka nyingine za Serikali na kutumia fursa ya stesheni ya Kilosa ili kufungua njia na kuboresha miundombinu itakayorahisisha watalii kuingia katika Hifadhi ya Mikumi na hivyo kuongeza idadi ya watalii.


Ameitaka Wizara ya Maliasili na Utalii iendelee kubuni mikakati ya kwa kuhamasisha sekta binafsi iwekeza katika maeneo ya utalii huku akizitaka taasisi zote za umma ikiwa ni pamoja na mikoa yenye maeneo yaliyo na fursa za utalii ziendelee kuboresha mazingira ya uwekezaji ili kuvutia wawekezaji wengi zaidi. “Suala hili litekelezwe sambamba na kutangaza vivutio vilivyopo.”


Waziri Mkuu amewataka wadau wa utalii waweke mipango ya kuendeleza mazao mapya ya utalii yatakayochochea ongezeko la watalii na kuwahamasisha kuchagua kutembelea vivutio vilivyopo katika Kanda ya Utalii Kusini.


Ametumia fursa hiyo kumwelekeza Waziri wa Maliasili na Utalii aangalie namna ya kuongeza programu za utalii kwenye Chuo cha Ufundi (VETA) kilichopo Mikumi. “Waziri wa Utalii tuongeze programu nyingi za utalii ili vijana wa hapa wanufaike na rasilimali zilizopo katika eneo lao. Kwa maono ya Mheshimiwa Rais Dkt Samia Suluhu Hassan, alitaka hivi vyuo vinapojengwa viweke programu kulingana na shughuli za kiuchumi za eneo husika kama vile utalii, uvuvi ili viwasaidie vijana wa maeneo husika.”


Mapema, akimkaribisha Waziri Mkuu kuzungumza na washiriki wa hafla hiyo, Waziri wa Maliasili na Utalii, Dkt. Ashatu Kijaji alisema miaka ya nyuma hifadhi ya Mikumi ilikuwa ikipokea watalii 60,000 kwa mwaka lakini mwaka jana idadi ya watalii iliongezeka sana kufikia 174,808.


“Mapato yanayotokana na utalii yalikuwa sh. milioni 2.5 lakini nayo kwa mwaka jana yaliongezeka na kufikia sh.milioni 9.81. Hadi kufikia tarehe 31 Machi, 2026 idadi ya watalii waliofika kwenye hifadhi ya Taifa ya Mikumi walikuwa 151,275 na mapato yaliyokusanywa yalikuwa yamefikia sh. milioni 10.12,” alisema.


Alisema tayari sh. bilioni nne za kujenga geti upande wa Kilosa zimeshatolewa na ziko hifadhini tayari kuanza kazi hiyo ambapo mtu akishuka Kilosa kwa treni ya SGR atatumia dk.20 tu kuingia hifadhini.


Naye Bw. Simon Nguka, akisoma taarifa kuhusu mradi huo, alisema ujenzi na ukarabati wa hoteli hiyo yenye vyumba 48 na ambayo inamilikiwa na Watanzania kwa asilimia 100, umetumia sh. bilioni 26.8.


Alisema mradi huo ni miongoni mwa miradi 24 waliyonayo. Wellworth Group inamiliki mahoteli, loji, resorts na kambi za kitalii zenye uwekezaji wa thamani ya sh. bilioni 640.

JE KWANINI KOCHA PEDRO AMEFUTWA KAZI?/MSIKIE ALLY KAMWE HAPA.

 

 

NANI ANATUDANGANYA NANI ANASEMA KWELI KATI YA IRAN NA MAREKANI?

 

KOCHA MKUU WA YANGA ATIMULIWA

SIKIA SIMULIZI YA RUTO JUU YA HISTORIA YA KISWAHILI

 

🔴#TBCLIVE: RAIS RUTO KUHUTUBIA BUNGE LA TANZANIA LEO

 

SERIKALI KUENDELEA KUSHIRIKIANA NA TAASISI ZA DINI KUIMARISHA AMANI NA MAADILI NCHINI

▪️︎ Asema dini ni nguzo muhimu ya malezi na mshikamano wa Taifa

▪️︎ Asisitiza jamii kuendelea kuombea na kulinda amani ya nchi

Waziri Mkuu, Dkt. Mwigulu Nchemba, amesema Serikali itaendelea kushirikiana kwa karibu na taasisi za dini nchini ili kuimarisha maadili, mshikamano wa kijamii na kudumisha amani ambayo ni msingi wa maendeleo endelevu ya Taifa.

Amesema hayo leo Jumapili, Mei 3, 2026, aliposhiriki ibada katika Kanisa Kuu la Kanisa la Kiinjili la Kilutheri Tanzania (KKKT), Dayosisi ya Mufindi, lililopo Mafinga Mjini, mkoani Iringa.

FT: SIMBA 2 - 2 YANGA

 

Dabi ya Kariakoo kati ya Simba na Yanga nchini Tanzania imeendelea kuthibitisha ukubwa wake, safari hii ikichezwa katika mazingira ya kipekee, kwenye uwanja wa kambini ama jeshini, Meja Jenerali Isamuhyo, Dar es Salaam.

Sare ya mabao 2-2 haikuwa tu matokeo, bali ilikuwa picha halisi ya ushindani, ubora na presha ya mechi kubwa. Simba walianza kwa kasi na dhamira ya wazi ya kutawala mchezo mapema. Mabao ya Libasse Gueye na Clatous Chama yaliwapa faida ya mapema na kuonyesha mpango wao wa kushambulia kwa nguvu.

Lakini Yanga walirejea kwa utulivu na uzoefu. Kupitia Prince Dube na nahodha Bakari Mwamnyeto, walionyesha uthabiti na kupambana hadi dakika ya mwisho, japo matokeo yalisalia kuwa sare.

Sare hiyo inaacha pengo la alama tano likiendelea kuwepo, lakini zaidi ya hilo, imeacha mjadala mpana kuhusu kiwango cha dabi, mazingira ya mchezo na mchango wa wachezaji binafsi. 

SERIKALI KUENDELEA KUSHIRIKIANA NA TAASISI ZA DINI KUIMARISHA AMANI NA MAADILI NCHINI

▪️︎ Asema dini ni nguzo muhimu ya malezi na mshikamano wa Taifa

▪️︎ Asisitiza jamii kuendelea kuombea na kulinda amani ya nchi

Waziri Mkuu, Dkt. Mwigulu Nchemba, amesema Serikali itaendelea kushirikiana kwa karibu na taasisi za dini nchini ili kuimarisha maadili, mshikamano wa kijamii na kudumisha amani ambayo ni msingi wa maendeleo endelevu ya Taifa.

Amesema hayo leo Jumapili, Mei 3, 2026, aliposhiriki ibada katika Kanisa Kuu la Kanisa la Kiinjili la Kilutheri Tanzania (KKKT), Dayosisi ya Mufindi, lililopo Mafinga Mjini, mkoani Iringa.

Akizungumza na waumini, Dkt. Nchemba amesema taasisi za dini zina mchango mkubwa katika kujenga jamii yenye maadili mema, inayozingatia misingi ya haki na uwajibikaji.

“Serikali inaendelea kusisitiza Watanzania wote kuwa wadau wa kuombea na kusimamia amani ya nchi yetu,” amesema.

Ameongeza kuwa mafanikio ya mipango ya maendeleo ya Taifa yanategemea uwepo wa amani.

“Pasipokuwa na amani, hata malengo binafsi ya mtu mmoja mmoja ya Mtanzania mmoja mmoja hayawezi kufikiwa,” amesema.

Waziri Mkuu pia ameeleza mabadiliko ya mazingira ya dunia na changamoto zinazoweza kujitokeza.

“Kuna aina mpya ya mapambano, na mapambano hayo ni ya rasilimali na kila palipo na rasilimali mara nyingi huwa kunavutia maadui na hupenda kupitia migawanyiko ya raia wa nchi hizo husika,” amesema.

Katika hatua nyingine, amepongeza juhudi za Kanisa katika malezi ya watoto na vijana.

“Maandalizi ya watoto hivi si tu manufaa kwa Kanisa, ni manufaa pia kwa Taifa tunalolitaka,” amesema.

Kwa upande wake, Askofu wa KKKT Dayosisi ya Mufindi, Dkt. Anthony Kipangula, ameipongeza Serikali kwa kazi ya kuwahudumia wananchi na kusisitiza kuwa ziara za Waziri Mkuu zimeonesha uongozi unaowagusa wananchi moja kwa moja.

“Nimeona juhudi zinazofanywa na Serikali katika kuwajali wananchi mtu wa ngazi yako kushuka mpaka kusikiliza kesi ya mwananchi na kumruhusu ajieleze, niliona ni maajabu kabisa,” amesema.

Ameongeza kuwa Kanisa litaendelea kushirikiana na Serikali katika kuhamasisha maadili mema, kutoa ushauri na kuliombea Taifa ili kudumisha amani na ustawi wa jamii.

NANI ASIYEPENDA CHOMACHOMA ANYOOSHE MKONO AU AFANYE KAMA ANAJIKUNA HIVI.....

 

DKT. MWIGULU ASHIRIKI MAADHIMISHO YA SIKU YA WAFANYAKAZI DUNIANI NJOMBE

WAZIRI MKUU, Dkt. Mwigulu Nchemba, leo Mei 1, 2026, ameshiriki Maadhimisho ya Siku ya Wafanyakazi Duniani (Mei Mosi) yaliyofanyika mkoani Njombe.

Mgeni Rasmi katika maadhimisho hayo alikuwa Rais wa Jamhuri ya Muungano wa Tanzania, Mheshimiwa Dkt. Samia Suluhu Hassan.

Akizungumza katika maadhimisho hayo, Waziri Mkuu Dkt. Mwigulu ametoa wito kwa wafanyakazi wote nchini kuwa wavumilivu na kuto kata tamaa katika majukumu yao ya kazi ili kufikia mafanikio ya pamoja.

Kadhalika, Dkt. Mwigulu amewaasa waajiri kujenga mazingira chanya yatakayowafanya wafanyakazi wajisikie kuthaminiwa, jambo linalosaidia kuongeza mshikamano na ustahimilivu wa kiutendaji.

Kaulimbiu ya maadhimisho hayo ilikuwa: “Kazi zenye Staha ni Nguzo Imara kwa Maendeleo Endelevu katika Utekelezaji wa Dira ya Taifa 2050.”

Tanzia : MWANDISHI WA HABARI EDITHA KARLO AFARIKI DUNIA

 

Mwandishi wa habari wa mkoa wa Kigoma, Editha Karlo, amefariki dunia baada ya kuugua kwa muda mfupi.

Taarifa za kifo chake zimethibitishwa na Kaimu Mwenyekiti wa Chama cha Waandishi wa Habari mkoa wa Kigoma, Jacob Ruvilo, aliyesema kuwa marehemu alifariki Jumatano mchana Aprili 28,2026 akiwa nyumbani kwao wilayani Kasulu.

Kwa mujibu wa taarifa hiyo, kabla ya umauti wake marehemu alikuwa akipatiwa matibabu katika Hospitali ya Rufaa ya Muhimbili jijini Dar es Salaam.

Kifo cha Editha Karlo ni pigo kwa familia, ndugu, marafiki na tasnia ya habari mkoani Kigoma na nchini kwa ujumla.

R.I.P Editha

NI YANGA DHIDI YA SIMBA KOMBE LA MUUNGANO 2026

 

Michuano ya Muungano Cup 2026 inafikia tamati leo kwa mchezo wa Fainali kupigwa katika dimba la New Amaan.

Ni Yanga SC dhidi ya Simba SC.

Mechi hii itachezwa kuanzia saa 2:15 usiku na kuruka mbashara AzamSports1HD.

Je, Yanga SC ambae ni bingwa mtetezi atalitetea Kombe ama kuvuliwa Ubingwa na Mnyama?

#MuunganoCup

SIKU YA UHURU WA AFRIKA KUSINI.

 

Kwa niaba ya Serikali na wananchi wa Jamhuri ya Afrika Kusini, napenda kutoa salamu za dhati kwa Mheshimiwa Rais Samia Suluhu Hassan, Serikali na wananchi wa Jamhuri ya Muungano wa Tanzania, raia wa Afrika Kusini wanaoishi Tanzania, makampuni ya Afrika Kusini, pamoja na washirika na marafiki wetu wa Kitanzania tunapoadhimisha Siku ya Uhuru wa Afrika Kusini tarehe 27 Aprili 2026.

Mwaka huu inatimia miaka 32 tangu Waafrika Kusini walipotumia haki yao ya kidemokrasia kupiga kura kwa uhuru kwa mara ya kwanza mwaka 1994, hatua iliyofungua enzi mpya iliyojengwa juu ya utu, usawa, kutokuwepo kwa ubaguzi wa rangi, kutokuwepo kwa ubaguzi wa kijinsia, na utawala wa sheria. Siku ya Uhuru inaendelea kuwa kumbukumbu muhimu ya kujitoa mhanga kwa wale waliopigania ukombozi na haki, na kwa ajili ya Afrika Kusini ya kidemokrasia inayowahusu wote wanaoishi ndani yake.

Mwaka huu pia inatimia miaka 30 tangu Mahakama ya Katiba ilipoidhinisha Katiba tarehe 4 Desemba 1996, mafanikio makubwa yaliyoweka msingi wa dola ya kidemokrasia inayozingatia utu wa binadamu, usawa na uhuru. Katiba inaendelea kuwa sheria kuu ya Jamhuri yetu na nguzo muhimu katika kukuza utawala unaowajibika, kulinda haki za msingi, na kuimarisha taasisi za kidemokrasia.

Tunapoadhimisha tukio hili muhimu hapa Tanzania, tunafanya hivyo kwa kuthamini kwa kina uhusiano wa kihistoria na wa kudumu kati ya mataifa yetu mawili. Tanzania ilichangia kwa kiasi kikubwa katika mapambano ya ukombozi ya Afrika Kusini kwa kuunga mkono harakati za ukombozi na kuonesha mshikamano wakati wa nyakati ngumu. Historia hiyo ya pamoja inaendelea kuunda uhusiano unaojengwa juu ya heshima ya pande zote, Uafrika (Pan-Africanism), na dhamira ya pamoja ya amani, maendeleo na ustawi.

Leo, Afrika Kusini na Tanzania zinafurahia ushirikiano imara katika nyanja za kisiasa, kiuchumi, kiutamaduni, pamoja na mahusiano ya watu kwa watu, unaoonesha maono ya pamoja ya umoja wa Afrika, ushirikiano wa kikanda, na ukuaji jumuishi. Afrika Kusini inaendelea kujitolea kufanya kazi kwa karibu na Tanzania ili kuimarisha zaidi uhusiano wa pande mbili na kuchangia kwa maana katika Ajenda 2063 ya Umoja wa Afrika pamoja na ajenda ya maendeleo ya kimataifa.

Ninatoa shukrani zangu za dhati kwa wenyeji wetu, washirika wetu, na jamii ya Waafrika Kusini nchini Tanzania kwa kuungana nasi katika maadhimisho haya muhimu.

Heri ya Siku ya Uhuru.

Mheshimiwa Noluthando Mayende-Malepe
 Balozi wa Jamhuri ya Afrika Kusini hapa nchini Tanzania

UWANJA WA BENJAMIN MKAPA KUKAMILIKA MIEZI SITA IJAYO.

 Katibu Mkuu wa Wizara ya Habari, Utamaduni, Sanaa na Michezo pamoja na Msemaji Mkuu wa Serikali, Gerson Msigwa, ametangaza kuanza kwa maboresho makubwa katika Uwanja wa Benjamin Mkapa uliopo jijini Dar es Salaam.

Kupitia ukurasa wake wa Instagram, Msigwa amesema maboresho hayo yanahusisha sehemu ya kuchezea (pitch), ambayo inatarajiwa kufikia viwango vya kisasa ndani ya kipindi cha miezi sita.

Ameeleza kuwa lengo ni kuwa na uwanja wenye viwango vya kimataifa, sambamba na kuboresha maeneo mengine ikiwemo sehemu za wageni maalum (lounges), vyumba vya kubadilishia nguo, ubao wa matokeo pamoja na mwonekano wa jumla wa uwanja.

Aidha, ameomba radhi kwa mashabiki wa soka kwa kutoweza kuutumia uwanja huo katika dabi ya Kariakoo iliyopangwa kufanyika Mei 3, 2026.

Hata hivyo, amesisitiza kuwa baada ya maboresho kukamilika, uwanja huo utakuwa katika hali bora zaidi na utadumu kwa matumizi ya muda mrefu.

Mafundi wakiendelea na marekebisho ya sehemu ya kuchezea (Pitch) katika uwanja wa Benjamin Mkapa, Jijini Dar es Salaam. 

Marekebisho ya sehemu ya kuchezea (Pitch) katika uwanja wa Benjamin Mkapa, Jijini Dar es Salaam. 

Marekebisho ya sehemu ya kuchezea (Pitch) katika uwanja wa Benjamin Mkapa, Jijini Dar es Salaam.

NI SIMBA NA YANGA FAINALI YA MUUNGANO 2026

 

Timu ya Simba SC imefanikiwa kwenda Fainali ya Kombe la Muungano baada ya ushindi wa mabao 3-0 dhidi ya wenyeji, Mlandege FC usiku wa jumapili ya tarehe 26 Uwanja wa New Amaan Complex, Zanzibar. 

Mabao ya Simba SC yamefungwa na mshambuliaji mzawa, Suleiman Abdallah Mwalimu ‘Gomez’ dakika ya 61, winga Muivory Coast, Alain Anicet Oura dakika ya 76 na kiungo wa Kimataifa wa Afrika Kusini, Neo Gift Maema dakika ya 89.

Simba SC itakutana na mtani wake, Simba SC katika Fainali ya Kombe la Muungano 2026 Jumatano, Aprili 29 kuanzia Saa 2:15 usiku hapo hapo New Amaan Complex.

Ikumbukwe juzi mabingwa hao, watetezi, Yanga SC walifanikiwa kwenda Fainali ya Kombe la Muungano baada ya ushindi wa mabao 2-1 dhidi ya Azam FC hapo hapo Amaan Complex.

Hii ni maana yake miamba hiyo ya soka nchini italutana mara mbili ndani ya wiki moja, kwani Mei 3 watamenyana katika mechi ya marudiano ya Ligi Kuu ya NBC Tanzania Bara kuanzia Saa 12:00 jioni Uwanja wa Meje Jenerali Isamuhyo, Mbweni, Dar es Salaam.