YANGA SC YAAMBULIA SULUHU NYINGINE KWA TRA UNITED ARUSHA

 

MABINGWA watetezi, Yanga SC wametoa sare ya bila kufungana na wenyeji, TRA United katika mchezo wa Ligi Kuu ya NBC Tanzania jioni ya leo Uwanja wa Sheikh Amri Abeid Jijini Arusha.

TRA United ilicheza pungufu kwa dakika 10 za mwisho kufuatia kiungo wake, Muzamil Yassin Selemba kutolewa nje kwa kadi nyekundu dakika ya 76 baada ya kuonyeshwa kadi ya pili ya njano.

 

Majeruhi bado yanaiandama Yanga huku Dube na beki wa kulia Israel Mwenda wote wakitoka uwanjani kutokana na kugongana. Sare hiyo inaifanya Yanga ibaki kileleni kwa pointi zake 37, tisa mbele ya Azam inayoshika nafasi ya pili na JKT Tanzania inayoshika nafasi ya tatu, wakiwa na pointi 28 kila mmoja, huku Simba wakishika nafasi ya nne kwa pointi 27 nayo TRA nafasi ya 10.

Huu unakuwa mchezo wa pili mfululizo kwa Yanga wa ligi bila bao, kufuatia sare ya 0-0 dhidi ya Azam wikendi iliyopita. Baada ya mechi 15 za mzunguko wa kwanza, Yanga imeshinda 11 na kutoa sare nne, huku ikiwa haijafungwa.

Azam wamecheza mechi 14, mechi inayofuata dhidi ya Mashujaa mjini Kigoma kesho, huku Simba wakicheza mechi yao ya 13 dhidi ya Pamba ya Jiji, hiyo ikimaanisha kuonyesha kwa nguvu kwenye michezo hii kunaweza kuwafanya kupunguza pengo la pointi moja tu nyuma ya wapinzani wao hao wa jadi.

Tupe maoni yako