SASA MWANZA NI KILA KITU

SASA MWANZA NI KILA KITU

KARIBU KISIWA CHA RUBONDO

KARIBU KISIWA CHA RUBONDO

ZIMA KILA KITU ILA WASHA JEMBE FM 93.7 MWANZA

ZIMA KILA KITU ILA WASHA JEMBE FM 93.7 MWANZA

Tuesday, January 17, 2017

WASICHANA WANNE WA TANZANIA WAENDA KUPATA MAFUNZO YA UONGOZI, UTAMADUNI AFRIKA MASHARIKI NA KATI.

 Wasichana wanne wa Tanzania wakiaga  kwa kupungia mikono huku wakiwa na , Bendera ya Taifa waliyokabidhiwa na Kamishna Mkuu wa Chama cha Tanzania Girl Guids (TGGA), Symphorosa Hangi katika hafla ya kuwaaga kwenda Uganda ambako watakutana na wenzao 31 kutoka nchi za Afrika Mashariki na Kati katika mafunzo ya uongozi na utamaduni katika nchi hizo. Hafla hiyo ilifanyika Uwanja wa Ndege wa Julius Nyerere, Dar es Salaam juzi. Kutoka kulia ni Farida Mjoge,Elizabeth Betha, Edna Chembele na Ummy Mwabondo. (PICHA, HABARI NA RICHARD MWAIKENDA;KAMANDA WA MATUKIO BLOG)
 Kamishna Mkuu wa Chama cha Tanzania Girl Guids (TGGA), Symphorosa Hangi (kushoto) akiwakabidhi wasichana wanne, Bendera ya Taifa katika hafla ya kuwaaga kwenda Uganda ambako watakutana na wenzao 31 kutoka nchi za Afrika Mashariki na Kati katika mafunzo ya uongozi na utamaduni katika nchi hizo. Hafla hiyo ilifanyika Uwanja wa Ndege wa Julius Nyerere, Dar es Salaam jana. Kutoka kulia niElizabeth Betha, Edna Chembele, Farida Mjoge na Ummy Mwabondo. 

Na Richard Mwaikenda

WASICHANA wanne wameondoka kwenda Uganda  kwenye programu maalumu ya kubadilishana uzoefu wa mafunzo ya uongozi na utamaduni.

Wakifika Uganda wataungana na wenzao 31 kutoka nchi nane za Afrika Mashariki na Kati, ambapo watapigwa msasa wa mafunzo hadi Januari 25, mwaka huu watakapotawanywa kwenda nchi mbalimbali.


Wasichana hao wanachama wa Chama cha Tanzania Girl Guids (TGGA),waliondoka Uwanja wa Ndege wa Kimaitafa wa Julius Nyerere, Dar es Salaam, juzi kwa Ndege  ya Kenya Airways, baada ya kukabidhiwa Bendera ya Taifa na Kamishna Mkuu wa Tgga,  Symphorosa Hangi.


Wasichana hao 35 watagawanywa katika nchi hizo nane ambapo nchini wataletwa watatu kutoka katika baadhi ya nchi hizo, kuja kujifunza masuala ya uongozi na utamaduni.


Akizungumza wakati wa kuwaaga wasichana hao, Kamishna Mkuu wa Tgga, Hangi  alisema lengo la mafunzo hayo ni kuwajengea uwezo wasichana ili wawe viongozi bora wa baadaye katika nchi zao ikiwemo pia kujiamini na kujithamini.


Alitaja nchi zitakashiriki kwenye programu hiyo ambayo kwa hapa nchini  ilianza mwaka jana, kuwa ni; Tanzania, Kenya, Uganda, Zambia, Rwanda, Burundi, Zimbabwe na Afrika Kusini.


Alisema kuwa watakapokuwa kwenye nchi hizo husika, kila mmoja ataishi maisha ya kujitegemea kwa kwenda vijijini kuishi na wananchi na kuzungumza nao kuhusu mambo mbalimbali ya maisha ikiwemo uongozi, utamaduni, kujiamini na kujithamini. Gharama za kwenda katika nchi hizo hufahiliwa na Taasisi ya FK Norway ambayo huwapatia nauli, fedha za malazi, posho na masuala ya afya.


Alisema kuwa watakaporejea nchini Julai mwaka huu, watapaswa kutoa mrejesho wa waliojifunza huko, ili usaidie kuwaelimisha wasichana wengine nchini.




 Kamishna akiwakabidhi nyaraka mbalimbali za kazi

 Ni furaha iliyoje
 Wakipiga picha na baadhi ya wafanyakazi wa TGGA

 Wakipiga picha na dereva wa TGGA,Juma Rashid
Kamishna akiagana na mmoja wa wasichana hao

MCHEZO WA KUMBUKUMBU YA ISMAIL MWANZA 'KITUO KILICHOMLEA KINASEMA HAKITOKATA TAMAA KUSAKA VIPAJI NA WAKALI WENGINE'

Naibu waziri wa Habari, utamaduni na Michezo Anastazia Wambura akizungumza na malfu ya wanafunzi na wananchi wa mkoa wa Mwanza waliojitokeza katika uwanja wa CCM Kirumba kwenye Tamasha la michezo la kumuenzi mchezaji wa U20 aliyefariki uwanjani mkoani Kagera mjini Bukoba Ismail Halfan, ikiwa ni sehemu ya kuchangisha fedha zitakazo tumika kuifariji familia yake.

Meza kuu.
Ndugu wa karibu waliojitokeza katika uwanja wa CCM Kirumba kwenye Tamasha la michezo la kumuenzi mchezaji wa U20 aliyefariki uwanjani mkoani Kagera mjini Bukoba Ismail Halfan, ikiwa ni sehemu ya kuchangisha fedha zitakazo tumika kuifariji familia yake.

Khalid Bitegeko (kulia) ni Afisa Michezo jiji la Mwanza akiwa na Afisa Michezo wilaya ya Ilemela (kushoto).
Mc Seki shughulini.
Burudani ya utangulizi ilisanukishwa na Dogo Dee.



Dogo Dee part two.
Kwa utulivu wanafunzi toka shule mbalimbali macho kwenye mchezo.
Wanafunzi hawakutaka kuwa nyuma kushiriki siku hii ya kumbukumbu ya mwenzao.



Msanii Sajna aliwakosha wahudhuriaji na kazi zake.
Wanafunzi walionesha vipaji.
Kwa stage...
Macho mbele...
Kiduku kikipata tabu.
ShangwezZZ.

BAADA YA BURUDANI MTANANGE:- NYAMAGANA Vs ILEMELA

Naibu waziri wa Habari, utamaduni na Michezo Anastazia Wambura akikagua wachezaji wa Kombaini ya wanafunzi wa Shule za Ilemela katika uwanja wa CCM Kirumba kwenye Tamasha la michezo la kumuenzi mchezaji wa U20 aliyefariki uwanjani mkoani Kagera mjini Bukoba Ismail Halfan, ikiwa ni sehemu ya kuchangisha fedha zitakazo tumika kuifariji familia yake.
Naibu waziri wa Habari, utamaduni na Michezo Anastazia Wambura akikagua wachezaji wa Kombaini ya wanafunzi wa Shule za Nyamagana katika uwanja wa CCM Kirumba kwenye Tamasha la michezo la kumuenzi mchezaji wa U20 aliyefariki uwanjani mkoani Kagera mjini Bukoba Ismail Halfan, ikiwa ni sehemu ya kuchangisha fedha zitakazo tumika kuifariji familia yake.
Naibu waziri wa Habari, utamaduni na Michezo Anastazia Wambura akitoa neno kwa wachezaji.
 Ilemela wakitoa salamu kwa Nyamagana. 
Ilemela.

Nyamagana.
Bonge la chenga... mchezaji wa Nyamagana akifanya yake.
Licha ya Ilemela na kasi yao mchezoni huku wakitangulia kufunga katika dakika za awali kipindi cha pili Nyamagana walikuja juu na kusawazisha kisha wakaongeza la ushindi. Hivyo hadi dakika 90 ziamalizika Ilemela wanatota 1-2 dhidi ya Nyamagana.
Hatari langoni mwa Nyamagana
Mbaki Mutahaba ambaye ni Mkurugenzi wa The Footbal House (TFH ) kituo kilichomlea marehemu Ismail Halfan akizungumza na Gsengo Blog.
Khalid Bitegeko (kulia) ni Afisa Michezo jiji la Mwanza (kushoto) akizungumza na Gsengo kupitia Jembe Fm.
"Licha ya mchezo huu kuwa kumbukumbu na kumthaminisha mtoto wetu aliyetangulia mbele za haki pia mchezo huu tunaufanya kama maandalizi kwa wanafunzi kuelekea mashindano ya Umiseta na Umishumta yatakayoanza mapema mwezi wa pili na watatu" 

WACHEZAJI KLINIKI YA ARS WAASWA KUJITUMA.


Wachezaji kliniki ya ARS waaswa kujituma

Wachezaji wanaoshirki kliniki ya mpira wa miguu ya  Airtel Rising Stars wameaswa kujituma ili kufanikisha malengo yao ya kuwa wachezaji bora na  wakulipwa nchini.

Akizungumzia kuhusu siku ya pili ya mafunzo hayo, Kocha Mkuu wa Timu ya  Serengeti Boys, Bakari Shime  alisema kuwa mafunzo ya leo yamelenga kumiliki mpira, kuomba na kutoa pasi. Shime aliongeza kwa ku kusema ukitaka kucheza kwa mafanikio ni lazima  mchezaji awe na uwezo wa kumiliki mpira na ili kufanikisha hilo ni lazima mchezaji awe na stamina nzuri.

Kliniki ya Airtel Rising Stars ambayo ilizinduliwa jana Jumatatu inaendelea mpaka Jumamosi ambapo wachezaji bora watachaguliwa kujiunga na timu ya vijana ya Serengeti Boys pamoja na Kilimanjaro Queens

MBOWE:- KUKAMATWA KWA LOWASSA NI MUENDELEZO WA HUJMA ZA JESHI LA POLISI DHIDI YA CHADEMA

MWENYEKITI wa Chama Cha Demokrasia na Maendeleo nchini (CHADEMA) Mhe. Freeman Mbowe amelaani vikali kitendo cha kukamatwa kwa muda na jeshi la polisi mkoa wa Geita, kwa aliyekuwa Mgombea urais kwa tiketi ya Chama hicho ambaye pia ni Waziri Mkuu Mstaafu Edward Lowassa.
Mbowe amesema kuwa kukamatwa kwa Lowassa mjini Geita siku ya Jana ni muendelezo wa hatua za jeshi hilo kuingilia shughuli halali za chama hicho.
"Huu ni muendelezo wa Jeshi la Polisi kuendelea kuwa wakala wa Chama Cha Mapinduzi, Ni muendelezo wa Jeshi la polisi kukihujumu chama hiki pindi zinapotokea chaguzi mbalimbali kuanzia za Rais, za Wabunge, Madiwani na hata viongozi wa Serikali za Mitaa na vijiji" Alisema Mbowe
KUHUSU MAJIBU YA KAMANDA WA POLISI MKOA WA GEITA KWAMBA WALIFANYA HIVYO KUMPA ULINZI LOWASSA.
Mbowe akasema  " Nimesikitishwa na kauli ya kinafiki iliyotolewa na Kamanda wa Polisi wa mkoa wa Geita kwamba eti walifanya kitendo kile kumlinda Mhe. Edward Ngoyai Lowassa, Hayo ni maneno ya kudhihaki Umma, kwani haiwezekani ukamlinda mttu kwa kumkamata kumzuia kufanya shughuli yake aliyokusudia kuifanya, shughulia ambayo inamuda maalum wa kutekelezwa"
"Ukamshindisha kwenye kituo cha Polisi, ukamhamisha ofisi moja hadi nyingine, ukawapiga mabomu wananchi waliokuwa wakimpokea bila kuwa na hatia yoyote ukawapiga wandishi wa habari bila kuwa na hatia yoyote wakati wakitekeleza wajibu wao, kisha huyu unayedai kumlinda ukamtaka aandike maelezo......"
"Haijawahi kutokea duniani bali hii imetokea Geita peke yake" BOFYA PLAY KUSIKILIZA
  Waziri Mkuu wa zamani Edward Lowassa Jana alikamatwa na polisi mkoani Geita akituhumiwa kufanya mkutano bila kibali.

Lowassa ambaye ni mjumbe wa Kamati Kuu ya CHADEMA alikuwa njiani akitokea mkoani Kagera, ikiwa nimuendelezo wa ziara za viongozi wa chama hicho katika Kanda zake kutekeleza 'Oparesheni KataFunua' inayohusisha mikutano ya ndani. Hata hivyo aliachiwa jana jioni na leo amehudhuria kikao cha Kamati Kuu kilichofanyika Gold Crest jijini Mwanza.

Upinzani umekuwa ukishutumu Serikali ya Rais Magufuli kwamba, ina lengo hasi kuhusu la kuua vyama vya upinzani nchini.
Mara kadhaa imekuwa ikikosoa kauli zake dhidi ya upinzani na kwamba, mwelekeo wake unalenga zaidi kuua demokrasia kinyume na mtangulizi wake Dk. Jakaya Kikwete.








CHAMA CHA WAANDISHI WA HABARI CHALAANI SHAMBULIO LA WAANDISHI MKOANI GEITA

Inline image 1

Mwenyekiti wa chama cha waanishi wa habari(GPC)Mkoani Geita  Daniel Limbe akitoa tamko na kulaani vikali juu ya tukio walilofanyiwa waandishi wa habari.



IMEANDALIWA NA MADUKAONLINE
Chama cha waandishi  wa habari Mkoani  Geita(GPC) kimelaani vikali kitendo cha  kushambuliwa kwa waandishi habari   na jeshi la polisi wakati   wakiwa katika majukumu yao ya kikazi.

Akizungumza na waandishi wa habari mapema leo ,mwenyekiti wa chama hicho Mkoani humo,Daniel Limbe,amesema kuwa swala lililofanyika kwa kushambuliwa kwa waandishi wa habari ni mwendelezo wa jeshi  hilo kuminya uhuru wa habari kwa watanzania ambao walipenda kujua ni kipi ambacho kilijiri siku ya jana.
Waandishi wa habari wakimfatilia kwa makini mwenyekiti wa GPC

“Kama chama cha waandishi Mkoani Geita,tumesikitishwa sana na kitendo cha jeshi polisi kuwavamia waandishi na kuwapiga sisi kama chama tumeona hatuwezi kukaa kimya swala hili tunalilaani vikali kwani ni mwendelezo wa uonevu kwa waandishi wa habari hapa nchini kupitia kwa jeshi la polisi”Alisema Limbe

Hata hivyo Limbe amemtaka Waziri wa Mambo ya ndani ya Nchi,Mwigulu Nchemba  kujitokeza hadharani na kutoa tamko juu ya tukio lililofanywa na askali ambao wamehusika na kitendo cha kuwapiga waandishi wa habari .

Viongozi wa GPC wakiwa kwenye kikao cha waandishi wa habari kulia ni Victor Bariety ambaye ni makamu mwenyekiti wa chama hicho na kushoto ni katibu wa GPC Salum Maige .
“Sisi kama chama cha waandishi wa habari mkoa wa Geita  tunamwomba sasa Waziri wa Mambo ya ndani , Mh Mwigulu Nchemba  kujitokeza hadharani na kutoa tamko dhidi ya jeshi la Polisi kutokana na unyanyasaji wanaofanya kwa wanahabari na vyombo vya habari kimsingi tunaomba asimame na kuwaeleza wa watanzania kuhusiana na tukio la jana kama  vitendo  vilivyo fanywa na jeshi la Polisi kama ni yake au  maagizo ya mkuu wa polisi  wa mkoani Geita  ama ni ukiukwaji wa taratibu za kiutumishi wa vijana wa jeshi la polisi”Alisisitiza Limbe

Aidha baadhi ya wananchi Mkoani humo wamelaani kitendo walichofanyiwa waandishi wa habari kuwa swala hilo ni ukiukwaji wa sheria za nchi na kutokutoa uhuru vyombo vya habari kuripoti vitu ambavyo vinakuwa vimejitokeza.

Hali hiyo  imekuja ikiwa ni siku moja tangu kutokea kwa tukio hilo wakati waandishi  wa habari wa storm fm na channel ten  walipokuwa wakifatilia taarifa ya kukamatwa kwa waziri mkuu mstaafu wa awamu ya nne na mjumbe wa kamati kuu wa  Taifa chadema,Edward Lowasa kukamatwa akiwa anatokea Mkoani Kagera wakati alipokuwa akisalimiana na wananchi kwenye eneo la stend ya zamani.

CHADEMA WATINGA MWANZA.

Muda huu ndani ya ukumbi wa Mikutano Gold Crest Hotel Mwanza Mwenyekiti wa CHADEMA Mhe. Mbowe ana kwa ana na vyombo vya habari katika Mkutano wa Kamati Kuu ya Chama hicho uliogawanywa sehemu kuu 3:-

1. Kutoa Taarifa kwa vyombo vya habari
2.Kupokea taarifa za mikutano mbalimbali ya *Amshaamsha*
3.Ajenda ya Uchaguzi Kanda ya Ziwa.

ITAENDELEA HAPA HAPA..

CCM MKOA WA MWANZA YAONYA MAKADA WAKE WALIOANZA KUJIPITISHA KUSAKA UONGOZI KWENYE KATA NA WILAYA NA KUANZISHA MAKUNDI


Na Peter Fabian, 
GSENGO BLOG
MWANZA.

CHAMA Cha Mapinduzi (CCM) Mkoa wa Mwanza kimeanza kufatilia nyendo za baadhi ya makada wake wanaodaiwa kuanza mikakati na kupitapita kwenye Kata na Wilaya kwa lengo la kuwashawishi wanachama wenzao kuwaunga mkono katika nafasi wanazotaraji kugombea.

Hatua hiyo inafuatia kuwepo madai ya Makada na wanachama wa Chama hicho kuanza kupishana na kupigana vikumbo katika Kata za Wilaya saba za Mkoa wa Mwanza kwa lengo la kushawishi wanachama kuwasaidia pindi watakapojitosa kugombea nafasi mbalimbali huku nafasi hizo zikitajwa ni Mwenyekiti wa Kata, Wilaya, Mkoa na Ujumbe wa Halmshauri Kuu ya Taifa (NEC) ngazi ya Mkoa.

Akizungumza na GSENGO BLOG jijini Mwanza, Kaimu Katibu wa CCM Mkoa wa Mwanza, Elias Mpanda, alieleza kuwa CCM ni Taasisi kubwa ya kisiasa ambayo imejielekeza kuhangaika na shida na kero za watu wanyonge ambao ni wananchi na serikali yake iliyopo madarakani inalo jumumu moja tu la kutekeleza Ilani ya Uchaguzi mkuu ya 2015/2020 kama ilivyoelekeza sanjali na kushughulika na maisha ya watanzania kwa kila hali ikiwemo maendeleo ya taifa zima.

Mpanda alieleza kuwa kumekuwepo taarifa za madai na tetesi kuwa wapo baadhi ya makada wanaojiandaa kugombea nafasi katika ngazi mbalimbali za Kata, Wilaya na Mkoa kuanza harakati za chinichini wakianzisha makundi yatakayowasaidia kuwanadi kwa wanachama katika uchaguzi mkuu ndani ya Chama baada ya kutolewa ratiba inayoanzia ngazi ya mashina, matawi, Kata, Wilaya na Mkoa.

“Viongozi wamekuwa wakisisitiza na kuonya kuwa Katiba ya CCM haitaruhusu makundi na utoaji rushwa kupata uongozi hivyo nirejee kwa kuwasihi wanachama na makada walioanza kujipitisha na kuunda mtandao wa makundi na hata kudaiwa kufanya vishawishi vya rushwa wakibainika hawatapitishwa hata kama watakuwa wameshinda katika nafasi walizoomba kugombea,”alisema.

Kaimu Katibu huyo alisema kwamba uchaguzi wa ndani ya Chama chini ya Mwenyekiti wa CCM Taifa Dk John Magufuli ambaye ni Rais wa Jamhuri ya Muungano wa Tanzania na Katibu Mkuu wa CCM, Abdulhman Kinana na viongozi wengine wamejipanga kuwashughulikia wanachama na makada wenye taibia ya kuendekeza na kuanzisha makundi pamoja na kutumia rushwa kupata uongozi.

“Tulipokuwa na kura za maoni kwa ajili ya uchaguzi mdogo wa Kata ya Malya Jimbo la Sumve Wilaya ya Kwimba ndani ya Chama kulitokea halufu ya rushwa uongozi wa Wilaya na Mkoa ulifuta mchakato huo na kuanza upya na Chama kimempata mgombea sahihi ambaye sasa kinamnadi kwa wananchi ili apigiwe kura za ushindi hivyo tumejipanga kwenye hili,”alisisitiza.

Mpanda alitoa onyo kwa baadhi ya wanachama na makada kuanda watu ambao hupelekea kuwanzisha makundi na wanaposhindwa kukidhi vigezo na kuteuliwa kuwa wagombea kuanzisha chuki na usaliti ndani ya Chama jambo ambalo kamwe halitavumilika na CCM imejipanga na kuwachukulia hatua kali watakaobainika.

“Viongozi wa kitaifa wamesisitiza kwamba makundi na rushwa havina nafasi katika uchaguzi wa viongozi wa ndani ya Chama kuanzia ngazi ya tawi, shina, Kata, Wilaya, Mkoa mpaka Taifa hivyo wanaojidanganya watabue mbinu zao za kuanza kuanda makundi, kutoa rushwa na kuwachafua wenzao kwa madai hawafai kugombea zinafanyiwa kazi kwa kufatiliwa na kamwe halitaachwa liendelee na hatua kali zitachukuliwa kwani litakuwa na malengo ya kukichafua Chama na Taasisi hii kubwa ya kisiasa ,”alisisitiza Mpanda.

Mpanda amewataka wanachama na makada wa Chama hicho kuwa watulivu na ikiwezekana kuwatolea taarifa za siri wale ambao wameanza mikakati na kujipitisha Kata, Wilayani kwa malengo ya kuandaa watu ili viongozi wachukue hatua ikiwemo kuwafikisha kwenye uongozi wa sekretarieti ya maadili na kamati za siasa ili kuitwa na kuojiwa ikiwemo kuonywa badala ya kuwafumbia macho waendele kuharibu utaratibu na ukiukwaji wa Katiba.

MVUA YA MAWE YANYESHA JIMBO LA NAIBU WAZIRI OFISI YA MAKAMU WA RAIS MAZINGIRA NA MUUNGANO.

NA. ZEPHANIA MANDIA
GSENGO BLOG
SIMIYU. Naibu waziri ofisi ya Makamu wa Rais Muungano na Mazingira Mhe. Luhaga Mpina.akiwa ameshika mabarafu ya mvua iliyonyesha ktk kijiji cha Maalagani kata ya Mbugabani jimbo la Kisesa wilaya Meatu Mkoani Simiyu.

Mvua hiyo imenyesha ikidumu kwa muda wa takribani dakika 45 imesababisha kuharibika kwa mimea na mazao kama pamba, mahindi huku baadhi ya wananakijiji wamesema wako katika hali duni kwani Nyumba zao zimeathirika.

Blog ya G.Sengo inaendelea kufwatilia tukio hilo. Luhaga mpina mbunge Wa jimbo hilo ameshuhudia tukiohilo.