ZIMA KILA KITU ILA WASHA JEMBE FM 93.7 MWANZA

ZIMA KILA KITU ILA WASHA JEMBE FM 93.7 MWANZA

Monday, May 21, 2018

JAFO AGUSWA NA JUHUDI ZA MAENDELEO NYAMAGANA


NA ZEPHANIA MANDIA/GSENGOtV.
Waziri wa tamisemi SULEIMAN JAFFO amempongeza mkurugenzi mtendaji, KIOMONI KIBAMBA, wa halmashauri ya jiji la Mwanza kwa kuridhishwa na miradi ya Halmashauri ya jiji la Mwanza.

Jaffo ametembelea miradi hiyo ikiwemo ukarabati wa shule kongwe ya wasichana Nganza sekondari.

Ziara ya waziri Jaffo jijini Mwanza inaanza kwa kukagua miradi mbalimbali iliyotekeleza katika halmasahuri hiyo, kubwa kati ya miradi hiyo ni utayari wa jiji hili kuona kuana haja ya kupunguza msongamano katika jiji hili kwa kutenga eneo la maegesho ya magari ya mizigo.

Hekari 23 zimetengwa katika eneo la buhongwa nje kidogo ya jiji la Mwanza lengo ikiwa ni kupunguza msongamano pamoja na kuengeza mapato kwa jiji hilo.

Akiwa katika eneo hilo JAFFO ameeleza kufurahishwa na hatua ya jiji la Mwanza kubuni mradi huo ambao utaongeza mapato kwa halmashauri na kupunguza msongamano katikati ya jiji.

Awali alianza kwa kukagua maboaresho ya shule ya wasichana ngaza ambapo zaidi ya shilingi milioni 900 zimatumika kuboresha shule hiyo ambayo kwasasa inakabiliwa na changamoto ya gari la kuhudumia wanafunzi.

Halmashauri ya jiji la mwanza limefanikiwa kuanzisha na kuboresha miradi mbalimbali ikiwemo ya afya,miundo mbinu ,elimu pamoja na machinjio ya kisasa ,huku ikiwa na malengo ya kuboresha stendi kuu ya mabasi nyegezi.

TIMU YA TSC YA JIJINI MWANZA YALETA TENA USHINDI NYUMBANI KOMBE LA DUNIA

NA ZEPHANIA MANDIA/GSENGOtV
Timu ya soka ya wasichana wanaoishi katika mazingira magumu TSC Sport Academy (Tanzania Street Children) ya Jijini Mwanza imepokelewa kwa kishindo hii leo katika uwanja wa ndege wa Mwanza baada ya kutwaa nafasi ya pili ya michuano ya kombe la dunia 2018 ya watoto wanaoishi katika mazingira magumu nchini Urusi.
Mkuu wa Mkoa Mwanza John Mongella ameongoza mapokezi hayo ambapo amesema hatua hiyo inapaswa kuleta changamoto kwa timu nyingine kufanya vizuri katika michuano mbalimbali huku akiwahimiza wadau wa michezo kushirikiana na serikali kuendeleza michezo mkoani Mwanza.
Mkurugenzi wa kampuni ya MOIL na mlezi wa timu hiyo, Altaf Mansoor ameipongeza kwa ushindi huo na kubainisha kwamba TSC imekuwa kitovu cha kuibua na kuendeleza wachezaji wengi na baadhi yao wanachezea timu mbalimbali ikiwemo Simba huku wengine wakipata fursa ya za kimasomo.
Michuano hiyo imemalizika nchini Urusi ambapo timu ya wasichana TSN imeshika nafasi ya pili baada ya kufungwa kwa tabu goli 1-0 na wenzao kutoka nchini Brazir.
Itakumbukwa mwaka 2010 nchini Afrika Kusini timu wavulana TSC ilishika nafasi ya pili kwenye michuano hiyo, mwaka 2014 ikabeba kombe nchini Brazir.

Sunday, May 20, 2018

CHELSEA YATWAA UBINGWA FA.


GSENGOtV
CHE LSEA jana ilitwaa ubingwa wa Kombe la FA, baada ya kuwachapa Manchester United bao 1-0 kwenye mchezo wa fainali uliopigwa kwenye Dimba la Wembley jijini London.
Huu ulikuwa mchezo wa mwisho kwa timu za Ligi Kuu England msimu huu na ubingwa huu unaweza kumfanya kocha Antonio Conte aongezewe mkataba mwingine kwenye timu hiyo na kupunguza presha ya kutimuliwa.

Staa wa Chelsea, Eden Hazard ndiye alikuwa shujaa kwenye mchezo huo baada ya kuifungia timu yake bao la kwanza kwa mkwaju wa penalti katika dakika ya 22 ya mchezo huo, baada ya kuchezewa madhambi na beki Phil Jones.


Hata hivyo, baada ya bao hilo Manchester United walicharuka, lakini mashambulizi yao mengi yalishindwa kuwapa bao na kujikuta wakimaliza mchezo huo bila bao.

Hata hivyo, dakika kumi za kipindi cha kwanza Chelsea walionekana kuwa bora sana huku wakikosa nafasi kadhaa za wazi.

Safu ya ushambuliaji ya Manchester United haikuwa na makali yaliyozoeleka baada ya kumkosa mshambuliaji wake, Romelu Lukaku ambaye alianzia kwenye benchi.

Kipindi cha pili, United ndiyo walionekana kukitawala huku wakipeleka mashambulizi ya nguvu langoni mwa Chelsea lakini hayakuzaa matunda.

Saturday, May 19, 2018

MBELE YA MAGUFULI, KASEJA AKWAMISHA NJOZI ZA SIMBA KUCHUKUWA UBINGWA BILA KUFUNGWA

Rais wa Jamhuri ya Tanzania, Dk. John Pombe Joseph Magufuli akiinua Kombe la ubingwa wa Ligi Kuu kabla ya kumkabidhi Nahodha wa Simba SC, John Bocco (wa pili kulia) 

RAIS MAGUFULI AWAKABIDHI SIMBA KOMBE BAADA YA KUPIGWA 1-0 NA KAGERA SUGAR…AWAAMBIA; “KABORESHENI KIWANGO CHENU…KIMATAIFA BADO”


Na Sada Salmin, DAR ES SALAAM

RAIS wa Jamhuri ya Muungano wa Tanzania, Dk, John Pombe Joseph Magufuli amewakabidhi Kombe la ubingwa wa Ligi Kuu ya Vodacom Tanzania Bara Simba SC wakitoka kufungwa 1-0 na Kagera Sugar jioni ya leo Uwanja wa Taifa, Dar es Salaam. 


Na kabla ya kuwakabidhi Kombe hilo, Rais Magufuli akawaambia Simba SC hajaridhishwa na kiwango cha mchezo wao na akawataka wakakiboreshe kuelekea kwenye michuano ya Ligi ya Mabingwa Afrika mwakani.
Pamoja na hayo, Rais Magufuli amewapongeza Simb SC kwa kufikia kutwaa la ubingwa wa Ligi Kuu bila ya kupoteza mechi kabla ya kufungwa na Kagera leo.

Rais Dk. John Magufuli akimkabidhi Kombe Nahodha wa Simba SC, John Bocco leo 

Wachezaji wa Simba SC wakifurahia na Kombe lao ubiongwa wa Ligi Kuu

“Mimi huwa ninafuatilia ligi mbalimbali, nilifuatilia hadi juzi timu ambazo zilikuwa zimechukua ubingwa bila kufungwa, zilikuwa zimebaki mbili, Barcelona na Simba, Jumapili iliyopita Barcelona wakafungwa na leo Simba nao wamefungwa,”alisema Rais Dk. Magufuli kabla ya kuwakabidhi Kombe hilo Simba SC.

Rais amesema kwamba anawapongeza Simba SC kwa sababu pia wamepitia kipindi kirefu bila kuchukua ubingwa na akasema anazipongeza na timu nyingine zilizoshiriki Ligi Kuu msimu huu huku akiwatania SImba; “Nashukuru hakuna timu iliyokwenda FIFA (Shirikisho la Soka la Kimataifa) kudai pointi za mezani msimu huu,”.

Aidha, Rais Magufuli aliyewapongeza Kagera Sugar kwa kuonyesha mchezo mzuri leo pia alisema Simba SC nayo ilijitahidi na kudhihirisha wao ni mabingwa.
Katika mchezo huo uliochezeshwa na marefa Florentina Zablon wa Dodoma aliyesaidiwa na Jesse Erasmo wa Morogoro na Mashaka Mwandile wa Mbeya, bao pekee la Kagera Sugar limefungwa na mshambuliaji wa zamani wa Simba SC, Edward Christopher Shijja kwa kichwa dakika ya 84 akimalizia krosi ya Japhet Makalai kutoka upande wa kulia.

Mshambuliaji Mganda, Emmanuel Okwi akapoteza nafasi ya kuisawazishia Simba SC dakika ya nne ya muda wa nyongeza baada ya kukamilika kwa dakika 90 za kawaida kufuatia mkwaju wake wa penalti kupanguliwa na kipa Juma Kaseja.

Florentina Zablon aliwapa Simba penalti hiyo baada ya Okwi mwenyewe kuangushwa na kiungo mkongwe wa Kagera Sugar, George Kavilla.

Simba SC inabaki na pointi zake 68 baada ya kucheza mechi 29 na itakwenda mjini Songea kukamilisha msimu kwa kumenyana na wenyeji Maji Maji Mei 28 Uwanja wa Maji Maji. Kagera Sugar inafikisha pointi 34 katika mechi ya 29, ingawa wanabaki nafasi ya 10.

Kikosi cha SimbaSC kilikuwa; Said Mohamed Nduda, Nicholas Gyan/Muzamil Yassin dk46, Mohammed Hussein ‘Tshabalala’, Paul Bukaba, James Kotei/Salim Mbonde dk50/John Bocco dk70, Erasto Nyoni, Jonas Mkude, Shomari Kapombe, Emmanuel Okwi, John Bocco, Shiza Kichuya,

Kagera; Juma Kaseja, Suleiman Mangoma, Abdallah Mguhi, Juma Nyoso, Mohamed Fakhi, Peter Mwalyanzi, Japhet Makalai, Ally Ramadhani/George Kavilla dk58, Japhery Kibaya/Paul Ngalyoma dk79, Edward Christopher, Atupele Jackson/Omar Daga dk32.

PICHA ZOTE NA BINZUBEIR

MWANZO MWISHO WERRASON JUU YA JUKWAA NCHINI KENYA [ KOROGA FESTIVAL]



GSENGOtV
Werrason gave a high energy performance at Two Rivers Mall during the 22nd edition of Koroga Festival.
Here is footage from the event.

CONTE ASEMA UTATA ULIOJITOKEZA KATI YAKE DHIDI YA JOSE MOURINHO NI MATUKIO YALIYOPITA.

Meneja wa Chelsea Antonio Conte amesema atamsalimia Jose Mourinho kwa mkono watakapokutana Chelsea wakikabiliana na Manchester United katika fainali ya Kombe la FA uwanjani Wembley leo Jumamosi.

Mameneja hao wawili wamekuwa na uhasama kila klabu zao zinapokabiliana Ligi ya Premia.

Lakini jana Ijumaa, Conte alisema: "Kesho, nitamsalimia kwa mkono na sote wawili tutafikiria kuhusu mechi."

"Si muhimu yale yaliyopita awali. Kuna uhusiano wa kawaida kati yangu naye."

Uhasama kati ya wawili hao ulianza Oktoba 2016, msimu wa kwanza wa Conte ligi kuu England pale Mwitaliano huyo alimpomshambulia Mourinho akisherehekea baada ya Chelsea kuwalaza United 4-0.

januari, Conte alimweleza Mreno huyo kama "mwanamume mdogo" baada ya kurushiana maneno kupitia vyombo vya habari.

Conte anatarajiwa na wengi kuondoka Chelsea majira ya joto na alipoulizwa kuhusu mustakabali wake, aliwachezea wanahabari na kusema: "Ninaweza kusema kwa kweli kwamba mechi hii itakuwa yangu ya mwisho, msimu huu.

"Kwangu na wachezaji, itakuwa mechi yetu ya mwisho. Kisha, kama mjuavyo vyema sana, nina mkataba na nimejitolea kwa klabu hii."

Mourinho alikataa kuzungumzia mustakabali wa Conte akisema: "Hadi iwe rasmi kwamba Antonio ameondoka, sijui. Kwa kweli, mkiniuliza kama nafuatilia hili - ni hamu tu ya kutaka kujua.
"Kuhusu mechi ya kesho (Jumamosi), iwapo itakuwa mechi yake ya mwisho au la, sifikiri hilo litabadilisha mtazamo wake kwa mechi hii na hamu yake ya kutaka kushinda."

Mourinho alipoulizwa kuhusu heshima kati yake na mashabiki wa Chelsea, alisema: "Kitu pekee ninaweza kusema kuhusu mashabiki wa Chelsea ni kwmaba tangu siku yangu ya kwanza 2004 hadi siku ya mwisho nilipofutwa miaka kadha iliyopita, waliniunga mkono kikamilifu," alisema Mourinho, 55, aliyeshinda vikombe vinane akiwa Stamford Bridge.
"Waliniunga mkono kila siku. Waliniunga mkono kila mechi, waliniunga mkono haa siku nilipofutwa - mara mbili, moja 2008 na miaka kadha iliyopita.

"Hilo sitalisahau kamwe kwa sababu walifanya kile ambacho ninaamini mashabiki wazuri hufanya, ambacho ni kumuunga mkono meneja wao hadi siku ya mwisho.
"Kuhusu mashabiki wa Chelsea, hilo sisahau: walikuwa wazuri sana."

Mourinho ndiye meneja aliyefanikiwa zaidi Chelsea baada ya kushinda mataji matatu vipindi viwili alivyokuwa Stamford Bridge mwaka 2005, 2006 na 2015.

KIAPO CHA MAHARUSI | ROYAL WEDDING: HARRY AND MEGHAN EXCHANGE VOWS

   GSENGOtv  
Imekusongezea matukio yaliyojiri sanjari na yale yaliyojiri hii leo kwenye harusi ya mjukuu wa himaya ya Malkia Elizabeth. 

Katika harusi hiyo maandalizi muhimu yote yalifanywa na kukamilika mapemaa, ulinzi ukizingatiwa kila sekunde kwaajili ya kuhudumia wageni takribani 2500 waliodhuru jijini London kushiriki shughuli hiyo wakiwemo marafiki wa karibu wa Meghan kutoka nchini Marekani na Canada, pamoja na askari na marafiki wa karibu wa Harry .

Bi Meghan Markle na Mwanamfalme Harry wamevishana pete na kutangazwa kuwa mume na mke Windsor Castle katika sherehe inayofuatiliwa na mamilioni ya watu kupitia runinga, mtandao na redio.

Wawili hao walifunganishwa katika ndoa mbele ya Malkia na wageni 600 waliokuwemo ndani ya kanisa la St George, katika Windsor Castle.

Bi Markle alikuwa amevalia vazi la harusi lililoshonwa na fundi mbunifu wa mitindo Mwingereza Clare Waight Keller.

Bi Meghan alitumia gari aina ya Rolls Royce Phantom kufika kanisani ambapo alipokelewa kwa shangwe na nderemo aliposhuka kutoka kwenye gari hilo na kuingia kanisa la St George.

Miongoni mwa wageni waliofika ni nyota wa televisheni Marekani Oprah Winfrey na mwigizaji Idris Elba.
George na Amal Clooney, David na Victoria Beckham pamoja na Elton John pia wamewasili.

Mwanamfalme Harry na Meghan Markle baadaye walipitia kwenye mji wa Windsor kwa msafara kwa kutumia kigari maalum cha kuvutwa na farasi.

Harry, ndiye aliyeyemsindikiza Bi Markel kwenda kwenye madhabahu baada ya babake Thomas kushindwa kuhudhuria harusi hiyo kutokana na sababu za kiafya.

Mkesha wa harusi, Mwanamfalme Harry, 33, aliambia umati wa watu Windsor kwamba anajihisi "mtulivu" na kwamba Bi Markle, 36, anajihisi "vyema sana".

Katika kiapo chake cha ndoa, Bi Markle hakuahidi "kumtii" mume wake. Mwanamfalme Harry ameamua kuwa na pete ya ndoa.

Wageni 600 walifuatilia harusi hiyo, ambayo iliongozwa na Askofu Mkuu wa Canterbury, Justin Welby, katika kanisa la St George.

Umati wa watu wakiungana na waandishi wa habari kutoka maeneo mengi duniani wamlikusanyika Windsor kwa sherehe hii kubwa.

Inakadiriwa kwamba watu hadi 100,000 walikuwa kwenye barabara za mji huo.
Watu wa kawaida 1,200, wengi ambao wametambuliwa kwa juhudi zao za hisani katika jamii, walialikwa kuhudhuria harusi hiyo Windsor Castle.

Bi Markle alikuwa na mabinti 10 wapamba harusi na wavulana, wote wa chini ya miaka minane, wakiwemo Mwanamfalme George na Bintimfalme Charlotte.

Bi harusi alilakiwa na Mwanamfalme Charles, ambaye alimtembeza hadi kwenye madhabahu.

Wakati wa ibada, wawili hao walikula kiapo kila mmoja akijitoa kwa mwenzake na kusema: "kwa mema, kwa mabaya, kwa ujatajiri, kwa umaskini, kwa ugonjwa na kwa afya, kukupenda na kukuenzi, tangu kifo kitutenganishe."

Friday, May 18, 2018

HRW: WATU 15 WALIUAWA WAKATI WA KAMPENI ZA KURA YA MAONI BURUNDI; MATOKEO YA AWALI YATANGAZWA.


Shirika la kutetea haki za binadamu la Human Rights Watch limesema kwa akali watu 15 waliuawa wakati wa kampeni za kura ya maoni ya kuifanyia marekebisho katiba huko nchini Burundi.
Ida Sawyer, Mkurugenzi wa Human Rights Watch katika eneo la Afrika ya Kati amesema leo Ijumaa katika taarifa kuwa, wamenakili kesi 15 za mauaji wakati wa kampeni hizo, mbali na kesi sita za ubakaji.
Kadhalika shirika hilo la kutetea haki za binadamu limenakili kesi nane za watu kutekwa nyara wakati wa kampeni hizo. 
Kwa mujibu wa shirika la habari la Associated Press, baadhi ya maafisa wa serikali walisikika hadharani wakitoa mwito wa 'kuhasiwa wafuasi wa upinzani' waliokuwa wakipinga kufanyika kura hiyo ya maoni.

Rais Nkurunziza akipiga kura jana Alkhamisi

Kura hiyo ya maoni ilifanyika jana Alkhamisi chini ya mazingira ya taharuki na wasi wasi, haswa baada ya kuenea habari za kushambuliwa wanaharakati wa upinzani waliokuwa wakipinga kufanyika zoezi hilo.
Matokeo ya kura hiyo ya maoni yanasubiriwa leo Ijumaa, na iwapo kwa uchache asilimia 50 ya wapiga kura wataunga mkono mabadiliko hayo ya katiba, watakuwa wamemsafishia njia Rais Pierre Nkurunziza ambaye amekuwako madarakani tokea mwaka 2005, kusalia uongozini hadi mwaka 2034.
Mwandishi wetu Hamida Issa ametuandalia ripoti maalumu kuhusu matokeo ya awali ya kura hiyo ya maoni.

JUSTINE BIBER NA 'MAVIPAJI' YAKE.



Justin Bieber and Questlove Drum-Off

HOSPITALI YA MKOA WA MWANZA YAOKOA ZAIDI YA SHILINGI MILIONI 150 ZILIZOKUWA ZIKIINGIA KWENYE MIFUKO YA WAJANJA KILA MWEZI


GSENGOtV

Baada ya kudhibiti mianya ya kupiga fedha, mchezo unaosemekana ulikuwa ukifanywa na baadhi ya wahudumu na viongozi wasio waaminifu, wakitafuna fedha za mapato ndani ya hospitali ya mkoa wa Mwanza Sekou Toure, hatimaye hospitali hiyo imefanikiwa kukomboa zaidi ya shilingi milioni 150 kwenye makusanyo ya kila mwezi, fedha zilizokuwa zikiliwa na wajanja wachache.

Hayo yamebainishwa na Mkuu wa mkoa wa Mwanza John Mongella wakati akipokea msaada wa vitanda 40 na magodoro yake, uliotolewa na Exim Bank kama mwendelezo wa kampeni ya benki hiyo kurejesha sehemu ya faida kwa jamii.

Kupitia ripoti ya Mganga Mkuu wa Hospitali ya Mkoa Sekou Toure, Dr. Rutachunzibwa Thoma, aliyoipenyeza kwa Mkuu wa Mkoa wa Mwanza John Mongella, inaonesha kwa sasa hospitali hiyo inakusanya wastani wa shilingi za Tanzania milioni 200, kwa mwezi ukilinganisha na kipindi cha nyuma ambapo ilikuwa ikikusanya milioni 40 hadi 50 tu kwa mwezi.


 Mkuu wa mkoa wa Mwanza John Mongella.
Mganga Mkuu wa Hospitali ya Mkoa Sekou Toure, Dr. Rutachunzibwa
 Sehemu ya waganga, wauguzi, wasaidizi na viongozi Hospitali ya Mkoa wa Mwanza ya Sekou Toure
 Sehemu ya waganga, wauguzi, wasaidizi na viongozi Hospitali ya Mkoa wa Mwanza ya Sekou Toure
 Sehemu ya waganga, wauguzi, wasaidizi na viongozi Hospitali ya Mkoa wa Mwanza ya Sekou Toure
 Watu na taaluma zao.
Benki ya Exim imetoa msaada wa vitanda na magodoro 40 kwa hospitali ya Rufaa ya Mkoa wa Dodoma ikiwa ni muendelezo wa kusherehekea miaka 20 tangu kuanzishwa kwake.
Hospitali hiyo ya Sekou Toure imekuwa ya kumi kupokea msaada baada ya Hospitali nyingine za mikoa mbalimbali hapa nchini kunufaika na mapango huo wenye lengo la kutoa vitanda na magodoro 500 katika hospitali za serikali katika mikoa 13 nchini.