ZIMA KILA KITU ILA WASHA JEMBE FM 93.7 MWANZA

ZIMA KILA KITU ILA WASHA JEMBE FM 93.7 MWANZA

Sunday, July 15, 2018

OBAMA KARIBU TANZANIA NCHI YA AMANI DUNIANI.

 NA ZEPHANIA MANDIA GSENGOtV

Rais Mstaafu wa Marekani Mhe. Barack Obama akilakiwa na Waziri wa Mambo ya Nje na Ushirikiano wa Afrika Mashariki Balozi Augustine Mahiga alipowasili uwanja wa ndege wa kimataifa ya Kilimanjaro (KIA) akitokea hifadhi ya wanyama ya Serengeti mkoani Mara alikotalii yeye na familia yake kwa muda wa siku nane, kabla ya kuelekea Afrika Kusini kwenye maadhimisho ya miaka 100 ya Nelson Mandela.

KARATA YAKO KOMBE LA DUNIA 2018 INAANGUKIA WAPI?

 TIMU 30 zimeng'oka na kupewa tiketi ya kurejea makwao na sasa timu mbili tu ndizo zilizosalia nchini Urusi nayo macho yakielekezwa kwao.

Ni suala mtambuka sasa linalojulikana kote ulimwenguni, Croatia itakwaruzana na Ufaransa uwanja wa Luzhniki Moscow Jumapili ikilenga kushinda taji kwa mara yake ya kwanza nao wapinzani wake Croatia wakishiriki fainali ya Kombe la Dunia kwa mara ya tatu.
Aidha, wanasaka taji lao la pili Kombe la Dunia baada ya kulinyakua miaka 20 iliyopita. mjini Paris.
Kocha wa Ufaransa Didier Deschamps, naye huenda akaweka historia kwa kuwa mtu wa tatu kubusu Kombe la Dunia akiwa mchezaji na mkufunzi.
Kinyume na mpinzani wake, Zlatko Dalic, ameinoa Croatia miezi 9 pekee lakini amebakisha dakika 90 kuweka historia kwa kuwaongoza kuinua Kombe la Dunia licha ya kutopigiwa upatu.

Croatia: 'Kudumisha ndoto'

Taifa lenye idadi ya watu milioni 4.17, huenda wakaonekana wachache lakini rekodi ya taifa lenye idadi chache ya watu kuwahi kubeba Kombe la Duia mpaka sasa ni Uruguay, walioondoka na ubingwa 1930 wakiwa na idadi ya watu milioni 1.7
Ingawa wanaorodheshwa nafasi ya 20 jedwali la FIFA, kikosi cha Dalic ndicho cha nafasi ya chini zaidi kuwahi kufika fainali ya Kombe la Dunia.
Kufika fainali ni ufanisi unaostahili kongole kwani inakuja baada ya miaka 20 walimaliza wakiwa nafasi ya 3 baada ya kung'olewa hatua ya nusu fainali na Ufaransa.
Ingawa waliiacha England na huzuni kwa kuzima ndoto zake, mji mkuu wa taifa hilo wa Zagreb ulikuwa kinyume huku maelfu ya wananchi wakijaa kwenye barabara za miji kwa nyimbo na shamrashamra wakiwa wamejihami kwa jezi za rangi nyeupe na nyekundu.
Isitoshe, Croatia ilijinyakulia uhuru wake mnamo 1991.

Mtazamo wa Ufaransa: 'Kupona kutoka uchungu wa 2016'

Ufaransa ilipokuwa mwenyeji wa Dimba la Euro 2016, ililizwa na Ureno baada ya kufungwa mbele ya wafuasi wa nyumbani.
Taifa zima na mashabiki wake hawajasahau jeraha walilopata kutokana na matokeo hayo.
Ufaransa imekuwa ikisukumwa na azma ya kurudisha tabasamu nyuso za mashabiki wake kwa kuwategemea wachezaji wake waliokomaa akiwemo kinda Kylian Mbappe ambaye kasi yake imekuwa kibarua kwa mabeki wa wapinzani.
Tofauti na Croatia, Ufaransa haijasubiri kufika kipindi cha dakika za ziada kwani ilikuwa na mazoea ya kumalizana na mahasimu wake ndani ya muda wa kawaida.
Lakini licha ya kufanikiwa kwa matuta na dakika za ziada, haijakuwa kikwazo Croatia.

Nani ataibuka na tuzo ya mchezaji bora Urusi 2018?

Luka Modric analenga kujizolea medali nyingine baada ya kupokea dhahabu akiiwakilisha Real Madrid walipoibuka na Kombe la Champions League mwezi mei.
Hapo awali, macho yote yalielekezwa kwa mabingwa wa vizazi vya sasa, Mreno Cristiano Ronaldo na nyota wa Argentina Lionel Messi lakini wote waliondoka mapema alfajiri katika hatua ya mchujo na kuwapisha mastaa wapya watakaojulikana baada ya fainali Urusi.
La kustajaabisha ni kuwa, hakuna mshindi wa Kombe la Dunia aliyewahi kutunukiwa mchezaji bora kwa miaka 24. Hata iwapo timu ya nyota itafungwa, haitamzuia kuzawadiwa.
Kuna uwezekano mambo yakabadilika mwaka huu kwani kiungo wa Croatia Luka Modric amemiminiwa sifa kedekede kutokana na fomu yake mechi zote alizoiwakilisha Croatia Urusi.
Amekabidhiwa taji la mchezaji bora wa mechi katika mechi 3 kati ya sita walizocheza ikiwemo mechi aliyoidhalilisha Argentina hatua ya makundi mbele ya Maradona.
Mshambulizi chipukizi wa Ufaransa Kylian Mbappe amejitambulisha kwenye jukwaa la Urusi kutokana na umahiri wake mechi dhidi ya Argentina kwa kutumia mbinu mbalimbali ikiwemo kasi, chenga za dhihaka na mabao ya maana yaliyoirahisishia Ufaransa kuizima Argentina.
Anasaka kuwa chipukizi wa pili tangu shujaa wa Brazil Pele mnamo 1958 kufunga goli fainali ya Kombe la Dunia.

Antoine Griezmann, ni mwingine ambaye anatishia ufanisi wa Mbappe.

Wote wawili, licha ya kuwa katika safu moja, wanashikilia mabao sawa na wanahitaji mabao matatu kutuzwa mfungaji bora kwani anayeongoza jedwali, Mfungaji wa England Harry Kane amefunga mabao sita.


UTABIRI WA MAKOCHA WA ZAMANI SIMBA WAANGUKIA UFARANSA
Makocha wa zamani wa Simba, Mcroatia Zdravko Logarusic na Selemani Matola wametabiri kwamba Ufaransa inabeba Kombe la Dunia leo Jumapili kwa kuipiga Croatia kwenye mechi ya fainali ndani ya Uwanja wa Luzhniki Moscow Urusi.

“Wengi wanaipenda Ufaransa na wanawapa nafasi, vijana wa nchi yangu, lakini wanatakiwa kuwa makini na kupambana kuhakikisha wanafanya maajabu ingawa Ufaransa ndiyo ina nafasi,” alisema Loga ambaye ni Mcroatia anayeinoa Sudan kwa sasa.

Kwa upande wa Matola yeye alisema kuwa; “Ufaransa mimi naipa nafasi sababu ina wachezaji ambao wana uwezo wa kubadili matokeo wakati wowote tofauti na Croatia ambao wanawategemea viungo wawili tu.

KIONGOZI WA MBIO ZA MWENGE AKATAA KUZINDUA MRADI WA KITUO CHA AFYA IKWIRIRI.


KIONGOZI wa mbio za mwenge mwaka huu, Charles Kabeho ,amekataa kuzindua mradi wa upanuzi wa kituo cha afya cha Ikwiriri wilaya ya Rufiji mkoa wa Pwani.

Hali hiyo imezua sintofahamu mara baada ya kusomwa ripoti ya matumizi ya fedha ambazo hazijaeleweka zimetumikaje huku serikali ikiwa imechangia kiasi cha sh.milioni 400.

Aidha kwa mujibu wa taarifa ya wilaya imedaiwa wananchi wamechangia milioni tatu wakati taarifa ya mkoa inaonyesha ilichangia milioni moja.Akizungumza kwenye kituo hicho cha afya, Kabeho alishtushwa na kuhoji kutokea kwa hali hiyo.

Alimtaka mkuu wa wilaya atoe kauli yake na kukataa kuuzindua mradi mpaka watakapotoa taarifa ya uhakika.Kabeho aliasa halmashauri na wilaya mbalimbali ,kusimamia miradi ya maendeleo ili iendane na thamani halisi ya fedha .

Nae mkuu wa wilaya ya Rufiji,Juma Njwayo aliviagiza vyombo vya ulinzi na usalama hususani taasisi ya kupambana na rushwa (TAKUKURU) kufuatilia suala hilo.Kati ya miradi tisa ambayo ilipaswa kukaguliwa,kuwekwa jiwe la msingi na kuzinduliwa wilayani Rufiji ,iliyogharimu bilioni 2.654.40 mradi huo mmoja ulikwama kuzinduliwa .

July 13 mwenge huo ulikuwa Rufiji na July 14 umetembelea miradi ya maendeleo katika wilaya ya Kibiti.

KANGI LUGOLA ATEMBELEA KITUO KIKUU CHA UZALISJHAJI VITAMBULISHO VYA TAIFA KIBAHA, MKOANI PWANI


Waziri wa Mambo ya Ndani ya Nchi,Kangi Lugola, akimuuliza swali,Mkurugenzi Mkuu wa Idara ya Uzalishaji Vitambulisho, Alphonce Malibiche (kushoto), wakati wa ziara ya kutembelea Kituo Kikuu cha Uzalishaji Vitambulisho vya Taifa,kilichopo Kibaha,Mkoani Pwani.Wapili kulia ni Kaimu Mkurugenzi Mkuu wa Mamlaka ya Vitambulisho vya Taifa(Nida),Andrew Masawe.Picha na Wizara ya Mambo ya Ndani ya Nchi

Mkurugenzi Mkuu wa Idara ya Uzalishaji Vitambulisho,Alphonce Malibiche,akifafanua jambo wakati wa ziara ya Waziri wa Mambo ya Ndani ya Nchi,Kangi Lugola(wapili kulia),kutembelea Kituo Kikuu cha Uzalishaji Vitambulisho vya Taifa,kilichopo Kibaha,Mkoani Pwani.Wakwanza  kulia ni Kaimu Mkurugenzi Mkuu wa Mamlaka ya Vitambulisho vya Taifa(Nida),Andrew Masawe.Picha na Wizara ya Mambo ya Ndani ya Nchi

Waziri wa Mambo ya Ndani ya Nchi,Kangi Lugola akizungumza na Kaimu Mkurugenzi Mkuu wa Mamlaka ya Vitambulisho vya Taifa(Nida),Andrew Masawe wakati wa ziara yake ya kikazi  kutembelea Kituo Kikuu cha Uzalishaji Vitambulisho vya Taifa,kilichopo Kibaha,Mkoani Pwani.Picha na Wizara ya Mambo ya Ndani ya Nchi

Waziri wa Mambo ya Ndani ya Nchi,Kangi Lugola akisalimiana na watumishi wa Mamlaka ya Vitambulisho vyaTaifa(Nida), baada ya kuwasili  Kituo Kikuu cha Uzalishaji Vitambulisho vya Taifa,kilichopo Kibaha, mkoani Pwani.Picha na Wizara ya Mambo ya Ndani ya Nchi
Waziri wa Mambo ya Ndani ya Nchi,Kangi Lugola (watatu kulia), akiwa katika picha ya pamoja na Watendaji Wakuu wa Mamlaka ya Vitambulisho vya Taifa(Nida), baada ya kutembelea Kituo Kikuu cha Uzalishaji Vitambulisho vya Taifa,kilichopo Kibaha,Mkoani Pwani.Wapili kulia ni Kaimu Mkurugenzi Mkuu wa Mamlaka ya Vitambulisho vya Taifa(Nida),Andrew Masawe Picha na Wizara ya Mambo ya Ndani ya Nchi.

WAZIRI KALEMANI AWASHA UMEME KIJIJI CHA KISANGA.

  Waziri wa Nishati, Dkt. Medard Kalemani akiwasha umeme katika Kijiji cha Kisanga Kata ya Kisanga wilaya ya Sikonge tarehe 12 Julai, 2018. Wengine wanaoshuhudia ni Viongozi Waandamizi kutoka kwa Mkuu wa Wilaya Sikonge, REA, TANESCO, Wakandarasi pamoja na wananchi.

NA RHODA JAMES - SIKONGE
WAZIRI wa Nishati, Dkt. Medard Kalemani, jana tarehe 12 Julai, 2018   amewasha rasmi umeme  katika kijiji cha Kisanga kata ya Kisanga wilaya ya Sikonge mkoa wa Tabora.
Waziri Kalemani amewasha umeme huo baada ya kufanya uzinduzi wa mradi husika mwaka jana wilayani Sikonge.
“Leo nimekuja kuwasha umeme, kukagua utekelezaji wa mradi wa REA hapa Sikonge na kuwakabizi Wakandarasi ili kumalizia vijiji vilivyobakia,” alisema Waziri Kalemani.
Akizungumza katika mkutano huo, Waziri Kalemani alisema kuwa Wilaya ya Sikonge ina jumla ya vijiji 71 na hadi sasa vijiji 30 tayari vina umeme ingawa sio kikamilifu, vijiji 40 vilivyobakia vyote vitapelekewa umeme.
Aliongeza kuwa, mradi huu wa REA III awamu ya kwanza takriban vijiji 26 vitaletewa umeme, vijiji 4 vipo off gridi kwa hiyo vitapatiwa umeme wa Jua (Solar) na vijiji vingine 11 vilivyobakia vitaendelea kuunganishiwa umeme.
“Wakandarasi hawa watawaletea umeme Kijiji kwa Kijiji, Kitongo kwa Kitongoji, Nyumba kwa Nyumba bila kuruka nyumba yoyote” alisisitiza Waziri Kalemani.
Pia, Waziri Kalemani aliendelea kuwahimiza Wafanyakazi wa Halmashauri kutenga pesa kwa ajili ya kuunganishia umeme Taasisi zote za Umma.
Alisema kuwa, ikiwa suala la kutenga pesa hiyo itakuwa ngumu basi, Ofisi zenye chumba kimoja hadi vitatu wekeni kifaa cha Umeme Tayari (UMETA) ambacho hakihitaji wiring ili taasisi zote za umma zipate nishati hii ya umeme.
Aidha kwa upande wake, Naibu Waziri wa TAMISEMI, Joseph Kakuda ambaye pia ni Mbunge wa Jimbo la Sikonge alimshukuru sana Waziri wa Nishati, Dkt. Medard Kalemani kwa ushirikiano mkubwa anaoendelea kumpa na kusema kuwa wananchi wa Sikonge wanahitaji umeme ili kuendelea kufungua Viwanda vidogo vidogo na hata kuboresha kipato cha kiuchumi katika miongoni mwao.

  Waziri wa Nishati, Dkt. Medard Kalemani akijiandaa kukata utepe na kuwasha umeme katika Kijiji cha Kisanga. Kulia kwake ni Naibu Waziri wa TAMISEMI, Joseph Kakuda ambaye pia ni Mbunge wa Jimbo la Sikonge.

  Wananchi wa kijiji cha Kisanga wakisalimia viongozi waliofika katika kijiji hicho.

  Kamishna wa Nishati, Mhandisi Innocent Luoga akiwasalimia wananchi katika mkutano huo wa kuwasha umeme katika kijiji cha Kisanga Kata ya Kisanga.


Mwenyekiti wa Bodi ya Wakala wa Nishati Vijijini, Gidion Kaunda akiwasalimia wananchi kabla ya zoezi la kuwasha umeme.

HII HAPA FURSA NYINGINE GEITA.

A..kibao cha bandari ya nyamirembe.


Fursa Nyingine Geita;Bandari ya Nyamirembe kufufuliwa
Waziri wa Ujenzi, Uchukuzi na Mawasiliano, Mhe. Mhandisi Isack Aloyce Kamwelwe (MB), ametembelea na kuona miradi mbalimbali inayotekelezwa Mkoani Geita akiambatana na Mkuu wa Mkoa wa Geita Mhe. Mhandisi Robert Gabriel, Mkuu wa Wilaya ya Chato Mhe. Shaaban Ntarambe, Mkurugenzi wa Mamlaka ya Bandari Mhandisi Deusdedith Kakoko, pamoja na Meneja wa TANROADS Mkoa wa Geita Mhandisi Harun Senkuku.
F.waziri wa ujenzi, uchukuzi na mawasiliano, mhe. eng. isack aloyce kamwelwe (kulia) akipeana mkono wa kwaheri na mkuu wa mkoa wa geita mhe.eng robert gabriel

Miradi aliyoitembelea ni pamoja na Bandari ya Nyamirembe iliyoko kijiji na Kata ya Nyamirembe Wilayani Chato ambayo ilikua ikitumika tangu enzi ya Mkoloni ambayo kwa sasa haifanyi kazi. Mhe. Waziri amewaeleza wananchi wajiandae kufurahi kwani muda si mrefu bandari hiyo itafufuliwa na kuanza kazi; ni baada ya kujitokeza kumlaki kwa fuaraha baada ya kumuona akitembea kwenye bandari hiyo.
E.barabara ya bwanga-biharamulo
Amesema “mwezi wa nane mwaka huu tunasaini mkataba, tunairudisha Bandari ya Nyamirembe. Na sasa tunajenga meli kubwa, itakayokuwa na uwezo wa kubeba abiria elfu moja mia mbili (1,200), mizigo tani mia nne (400) ambayo itapita hapa kwenda Bukoba ndiyo maana kituo hiki lazima tukijenge na mkandarasi anaingia hapa mwezi wa nane. Hivyo ni ushindwe mwenyewe mwananchi kwa sababu sasa meli itakuwepo, barabara ya lami ipo, kiwanja cha ndege kinaendelea kujengwa unataka nini tena?” alimaliza kwa kushangiliwa na wananchi.

Kisha, Mhe. Waziri amembelea na kujionea maendeleo ya hatua ya ujenzi wa barabara ya Bwanga – Biharamulo yenye urefu wa kilomita sitini na saba (Km.67) inayojengwa kwa kiwango cha lami na kufurahishwa na hatua iliyofikiwa baada ya kupewa taarifa kuwa, barabara hiyo imeshajengwa hadi kilomita hamsini na saba (Km.57) hivyo bado kilometa kumi (Km.10) ili iweze kukamilika.
Naye Mkuu wa Mkoa wa Geita Mhe. Mhandisi Gabriel amemshukuru Mhe. Waziri kwa ujio wake lakini pia kwa kuteuliwa kuwa msimamizi wa  wizara hiyo na kupendekeza maombi ya kutanuliwa barabara za kuingia Geita mjini ili ziwe mbili wakati wa kuingia na mbili wakati wa kutoka, lengo ikiwa ni kupunguza ajali na kuokoa maisha ya watumia barabara waendesha baiskeli na watembea kwa miguu ambao hupata ajali kutokana na msongamano barabarani. 

Mkuu wa Mkoa pia ametumia nafasi hiyo kuomba Daraja la Wavuka kwa Miguu (Pedestrian Bridge) karibu na soko jipya la kisasa Mjini Geita litakalokuwa na duka lenye bidhaa zinazotengenezwa Tanzania pekee katika kutafuta soko la bidhaa za ndani, jambo lililopelekea Mhe. Waziri kusema amelipokea ombi hilo na kuahidi kulishughulikia kwa kumuagiza Meneja TANROADS Mkoa kuandaa maombi hayo na kumwasilishia ili aweze kusaidia utekelezaji wake. 
B.. mkuu wa mkoa wa geita, mhe.eng robert gabriel akiwa(mweye kofia nyeusi-kulia) , mkurugenzi wa mamlaka ya bandari,eng deusdedith kakoko, (kushoto) wakitembea bandarini

C.waziri wa ujenzi,uchukuzi na mawasiliano, eng. isack aloyce kamwelwe (koti la mistari, wapili mbele kushoto) na alioambatana nao wakitafakari jambo.
Kisha alimshukuru Mhe. Waziri kwaniaba ya wananchi wa Geita kuendelea kufungua milango ya fursa na kutoa wito kuhusiana na jukwaa la fursa za biashara litakalofanyika mkoani Geita kuanzia tarehe 15 hadi 16.08.2018 na kwamba endapo bandari hiyo itakamilika, uwanja wa ndege ukakamilika, basi wageni wengi watakuja kwani kuna vivutio vya utalii lakini pia biashara ya dhahabu.

Kwa upande wake Mkuu wa Wilaya ya Chato, Mhe. Shaaban Ntarambe alimhakikishia Mhe. Waziri kuwa, wananchi wapo tayari kupokea maendeleo na ameshukuru kwa namna ambavyo mkandarasi anayejenga barabara hiyo ana mahusiano mazuri na wananchi wa Chato jambo linalosaidia utekelezaji mzuri wa mradi usiwe na migogoro.

Saturday, July 14, 2018

MAGUFULI ATENGUA UTEUZI WA MKURUGENZI MKUU NSSF.



Profesa Godius Kahyarara 
Profesa Godius Kahyarara.

Rais  John Magufuli ametengua uteuzi wa Mkurugenzi Mkuu wa Shirika la Hifadhi ya Jamii (NSSF) Profesa Godius Kahyarara na kumteua William Erio kuwa mkurugenzi mpya.

Kwa mujibu wa taarifa iliyotolewa leo Jumamosi Julai 14, 2018 na Mkurugenzi wa Mawasiliano ya Rais Ikulu, Gerson Msigwa inasema kabla ya uteuzi huo Erio alikuwa Mkurugenzi Mkuu wa Mfuko wa Pensheni wa PPF.
Taaifa hiyo imesema Profesa Kahyarara atapangiwa kazi nyingine.

SERIKALI YADHAMIRIA KUPUNGUZA VIFO VYA MAMA MJAMZITO NA MTOTO MCHANGA MWANZA

Waziri wa afya maendeleo ya jamii jinsia wazaee na watoto Ummy Mwalimu amesema licha ya kuwepo kwa changamoto nyingi za upatikanaji wa huduma za afya nchini serikali imejipanga kupunguza magonjwa na vifo vya mama mjamzito na mtoto mchanga kwani sababu zinazochangia vifo hivyo zinaweza kuzuilika.

Akizindua mradi wa impact unaolenga kupunguza magonjwa na vifo vitokanavyo na uzazi kwa mama mjamzito na mtoto mchanga Waziri wa Afya, Jinsia wazee na watoto ummy mwalimu amesema sekta ya afya bado inakabiliwa na changamoto huku akiahidi kuendelea kushirikiana na wadau kuzitatua. BOFYA KUMSIKILIZA Ummy Mwalimu……Waziri wa Afya,Jinsia,Wazee na watoto



Akimuwakilisha Mkuu wa Mkoa wa Mwanza Mary Tesha ambae ni Mkuu wa Wilaya ya Nyamagana na Mbunge wa Jimbo hilo Stanslaus Mabula wanaelezea taarifa ya utoaji wa huduma za Afya Mkoani Mwanza



Vifo vitokanavyo na uzazi bado ni tatizo,huku takwimu za kitaifa zikionyesha akina mama 556 hupoteza maisha katika kila vizazi  hai laki moja na kwa Mkoa wa Mwanza vifo vimeongezeka kutoka 150 hadi vifo 195 katika vizazi hai laki moja,Ambavyo husababishwa kupoteza damu nyingi kabla na baada ya kujifungua,kifafa cha mimba,uchungu pingamizi na vifo vya watoto njiti na wanaoshindwa kupumua.

Hapa Ummy Mwalimu anatoa onyo kwa waganga wakuu na kuelezea mikakati ya serikali katika kuboresha huduma ya mama na mtoto

Mradi huo wa miaka minne wa Afya ya uzazi mama mjamzito na mtoto mchanga unaofadhiliwa na serikali ya Canada pamoja na shirika la Aghakan utagharimu kiasi cha shilingi bilioni 25.3 za kitanzania na unalenga kuwafikia wanawake wenye umri wa kuzaa 650,000.




















FEISAL 'FEI TOTO' SALUM NA JAFFAR MOHAMED 'WATAMBULISHWA YANGA SC'


Kiungo wa timu ya JKU na timu ya taifa ya Zanzibar Feisal Salum 'Toto' na kiungo wa Wanalizombe, Majimaji ya Songea Jaffar Mohamed wamekamilisha uhamisho wa kuziacha timu hizo na kujiunga na miamba ya soka ya Tanzania, Yanga SC.

Friday, July 13, 2018

MBUNGE ANGELINA MABULA ATOA TAHADHARI KWA WANAODHARAU ZOEZI LA UTOAJI HATI YA UMILIKI ARDHI.



GSENGOtV
Naibu waziri wa Ardhi Nyumba na Maendeleo ya Makazi ambaye pia ni Mbunge wa Jimbo la Ilemela Mhe. Angelina Mabula ametoa tahadhari kuwa hatokuwa tayari kumtetea mwananchi yeyote atakaye kosa haki yake ya umiliki wa ardhi kwa kudharau zoezi linaloendelea sasa la utoaji hati ya umiliki ardhi.

Mhe. Mabula ameyasema hayo alhamisi ya tarehe  12 July 2018 wakati akizungumza na wananchi wa Jimbo lake katika viwanja vya Ofisi ya Kata ya Pasiansi wilayani humo kwenye ziara yake ya siku 4 kukagua shughuli za kimaendeleo pamoja na zungumza na wananchi kujadili changamoto na kuwakutanisha wananchi na wataalamu wa idara mbalimbali za Halmashauri.
Mbunge wa Jimbo la Ilemela Mhe. Angelina Mabula.
Akizungumzia suala la upimaji shirikishi na zoezi la urasimishaji linaloendelea amesema zoezi hilo linaukomo ambapo muda wake ulikwishaisha toka tarehe 30 mwezi wa sita mwaka huu lakini Waziri Lukuvi aliongeza muda kutokana na hamasa kubwa ya watu kote nchini lakini pamoja na muda huo kuongezwa bado kuna baadhi ya wananchi wameonekana kudharau hatua hiyo. 

Aidha masuala mbalimbali yameweza kujadiliwa na kupatiwa majibu likiwemo suala la Ujenzi wa barabara mpya, Uboreshaji huduma za Afya, Miundombinu ya maji na umeme, Elimu, Ulinzi na Usalama. VIDEO INASEMA.







 ZIJUE FAIDA ZA KUMILIKI KIWANJA KILICHOPIMWA NA KUSAJILIWA;

Wengi wetu tunajua kuwa ardhi ndiyo nyenzo kuu ya uzalishaji hasa katika mfumo wa maisha ya kibepari (Capitalism).

Kwa wanahistoria mtakumbuka kuwa ardhi ilianza kuwa lulu tangu mfumo wa ukabaila (feudalism) ulipoanza kabla ya karne ya ishirini hapa Tanzania. 

Hata hivyo, mpaka leo ardhi imezidi kuwa lulu na ndio nyenzo muhimu zaidi ya uzalishaji.Hii inatokana na ukweli kwamba kila shughuli yoyote ya kiuchumi hutegemea ardhi kwa kiasi kikubwa. Na ndiyo maana katika sheria, ardhi hutambulika kama mali halisi (real property) kwa sababu ya upekee wake. 

Mathalani,huwezi kufanya kilimo bila ardhi, huwezi kufanya biashara bila ardhi na huwezi kujenga bila Kuwa na ardhi.Kwa hiyo kila shughuli hutegemea ardhi.Hata hivyo watanzania wengi wanapenda na wanamiliki ardhi na hili ni jambo zuri sana tu.Hata hivyo suala la msingi zaidi hapa ni je ardhi (kiwanja) chako kimepimwa kusajiliwa kisheria?

NINI FAIDA ZA KUMILIKI ARDHI (KIWANJA) KILICHOPIMWA NA KUSAJILIWA?

Kiwanja kilichopimwa na kusajiliwa hutolewa hati.Hiki ni cheti ambacho mmiliki halali wa kiwanja husika hupewa.
Zifuatazo ni faida chache za kumiliki kiwanja kilichopimwa na kusajiliwa;

1. Ni rahisi kuwekwa dhamana ya mkopo (mortgage). Dhamana ya kiwanja ndiyo dhamana ya uhakika na ya kuaminika.Hata hivyo kiwanja kilichopimwa na kusajiliwa ni muhimu zaidi na ndiyo pekee hupendelewa na maneno. Hii ni sababu kiwanja kilichosajiliwa huwa na hati inayoonesha mmiliki.Kwa hiyo mabenki hutoa mikopo kwa kushikilia hati ya mkopaji.

2. Ni rahisi kuuzika.Kununua kiwanja ni zoezi mtambuka sana.Ni shughuli inayohitaji umakini sana ili kujiridhisha kabla ya kuchukua maamuzi ya kiwanja. Hata hivyo kiwanja kilichosajiliwa hurahisisha zoezi kwani kila kitu kiko kwenye nyaraka na kwa msajili wa hati.Hivyo ni rahisi kuepuka utapeli ukilinganisha na kiwanja ambacho hakijapimwa na kusajiliwa.

3. Kiwanja kilichosajiliwa (chenye hati) ni rahisi kuonesha mmiliki halali kuliko kile kisichosajiliwa. Hii inatokana na ukweli kuwa hati ndiyo ushahidi mkubwa wa umiliki. Ndio maana ukitokea mgogoro wa umiliki, mwenye hati hupewa kipaumbele katika kumtafuta mmiliki sahihi wa kiwanja husika.

4. Kiwanja chenye hati hupunguza migogoro ya ardhi.Hii hutokana na kigezo cha nyaraka za umiliki na mipaka ya kiwanja husika.Si rahisi sana kutokea mgogoro wa umiliki kwa kiwanja kilichopimwa kama kile ambacho hakijapimwa.

5. Kiwanja kilichopimwa na kusajiliwa hupunguza ujenzi holela hivyo kupunguza Malawi ya uswahilini (slums).Hii ni Kwa sababu kila mwenye kiwanja hujenga Kwa kufuata ramani ya kiwanja chake na hivyo kuimarisha mipango miji.



Mpaka hapo kwa nini uendelee kumiliki kiwanja kisichosajiliwa? Ardhi ndiyo utajiri pekee.Kununua kiwanja ni hatua ya kwanza. Hakikisha unalinda umiliki wa kiwanja chako kwa kukisajili kikusaidie leo na kesho. 


UTAJIRI WA KWELI NI ARDHI.