MBUNGE KOKA AFANYA KWELI UTEKELEZAJI WA ILANI YA CHAMA KWA MWAKA 2020/2025

 NA VICTOR MASANGU, KIBAHA

Mbunge wa Jimbo la Kibaha mjni Mhe: Silvestry Koka ameweza kutekeleza ilani ya chama cha mapinduzi (CCM) kwa vitendo kwa kipindi cha kuanzia mwaka 2020 hadi 2025 katika nyanja mbali mbali ikiwemo katika  sekta ya elimu, afya, maji, pamoja na kuboresha miundombinu ya barabara.

Koka akizungumza katika mkutano mkuu maalumu wa Jimbo kwa ajili ya utekelezaji wa Ilani kwa kipindi cha  mwaka 2020 hadi 2025 amebainishwa kwamba ameweza kushirikiana na serikali katika kuboresha sekta ya elimu ikiwa pamoja na kuhakikisha kwamba anaboresha miundombinu kwa ajili ya ujenzi wa madarasa mbali mbali.

Amesema kwamba katika kipindi cha miaka mitano ameweza kupambana kwa hali na mali katika kuboresha sekta ya elimu ya msingi ambapo jumla ya shule zipatazo 9 za msingi zimejengwa  kwa gharama ya zaidi ya bilioni 2.4 lengo ikiwa ni kuboresha sekta ya elimu kwa wanafunzi wa shule za msingi.

Amebainisha kwamba shule ambazo zimeweza kujengwa ni pamoja naa shule ya Muheza,(Mailimoja) shule ya msingi Mkoleni iliyopo kata ya Mbwawa, shule ya misingi Madina iliyopo kata ya Msangani, shule ya msingi Zegereni iliyopo kata ya Visiga, shule ya msingi Sofu , shule ya msingi Amani, iliyopo kata ya Kongowe,shule ya msingi Kanesa iliyopo kata ya Kongowe, shile ya msingi Saini iliyopo kata ya Visiga, pamoja na shule ya msingoi Mtakuja iliyopo kata ya Pangani.

Aidha Koka amebainisha kwamba serikali kwa kipindi cha mwaka 2020 hadi 2025 imeweza kutoa fedha ambazo zimeweza kwenda kukarabati madarasa 62 katika shule mbali mbali zilizopo katika Jimbo la Kibaha mjini ambapo madarasa hayo yameweza kuwa katika mazingira mazuri na kuwapa wanafunzi kuweza kusoma katika hali ya utulivu.

Kwa upande wake Mkuu wa Wilaya ya Kibaha Nickson John  ambaye alikuwa mgeni rasmi katika mkutano huo maalumu amesema kwamba  serikali ya awamu ya sita imetenga fedha nyingi ambazo zimeweza kwenda kusaidia katika utekelezaji wa miradi mbali mbali katika Jimbo la Kibaha mjini ikiwemo mradi mkubwa wa maji katika kata ya Pangani.

Aidha amempongeza kwa dhati Mbunge wa Jimbo la Kibaha mjini Silvstry Koka kuweza kutekeelza ilani ya chama kwa vitendo na kuwatumikia wananchi katika kutatua changamoto zao na kuwaletea chachu ya maendeleo.

Naye Mwenyekiti wa chama cha mapinduzi (CCM)  Wilaya ya Kibaha mjini Mwalimu Mwajuma Nyamka amesema kwamba katika kipindi cha miaka mitano Mbunge Koka ameweza kushirikiana bega kwa bega na serikali  pamoja na wananchi katika  kutekeleza ilani kwa vitendo katika suala zima la utekeelzaji wa ilani.

Mkutano mkuu maalumu wa Jimbo kwa ajili ya utekelezaji wa Ilani kwa kipindi cha  mwaka 2020 hadi 2025  umewashirikisha wajumbe mbali mbali kutoka kata tatu ikiwemo Kata ya Mbwawa, Visiga, pamoja na Misugusugu.

AKATAA NAFASI YA KAZI KUTOKA KWA RAIS, ASEMA TAYARI ANA MIPANGO YAKE

Aliyekuwa waziri Peter Munya alisema havutiwi na ofa zozote za kazi kwa sasa. 

 Akizungumza wakati wa mkutano wa kimkakati na viongozi na wafuasi wa Party of National Unity (PNU), Munya alisema kuwa hatafuti, wala hatatumbuiza, majukumu yoyote mbadala ya kisiasa nje ya kaunti yake. "Ili kuepusha shaka, nitaangazia kiti cha ugavana wa Kaunti ya Meru katika uchaguzi ujao," Munya alitangaza. 

Katika video iliyoonekana  Munya alieleza kuwa anajitolea wakati na rasilimali zake zote kufanya kampeni na kushirikiana na wapiga kura, akiongeza kuwa uamuzi wake wa kurejea katika uongozi wa kaunti unatokana na wito wa wakazi wa Meru ambao walithamini utendakazi wake wa awali. 

Mgogoro watia guu ndani ya serikali ya msingi mpana, wa Raila waumiza wa Ruto "Najikita katika kutafuta hiyo kazi ambayo zamani nilikuwa nayo, na ninaamini nilifanya vizuri, watu wa Meru wamenihimiza niende kuwatumikia kwa muhula mwingine, nasikiliza sauti zao," alisema Katibu huyo wa zamani wa Baraza la Mawaziri la Kilimo.

 Peter Munya atangaza nia ya kugombea ugavana wa Meru 2027 Munya alikuwa akisisitiza kutupilia mbali madai yoyote yanayopendekeza kuwa anazingatia uteuzi mwingine wa kisiasa au utumishi wa umma, akisema uvumi kama huo hauna msingi na ni wa kupotosha.

 "Acha niweke wazi. Sitafuti kazi nyingine yoyote. Ninaweka kila juhudi kuelekea ugavana wa Meru. Wakati wangu mwingi unatumika kupanga mikakati na kutafuta njia za kutwaa tena kiti hicho," alisisitiza. 

Katika kile ambacho wengi walitafsiri kama kufichua utawala wa Rais William Ruto, Munya aliongeza kuwa hana anasa au mwelekeo wa kuhudumu katika nafasi nyingine yoyote, iwe sasa au siku zijazo. "Nataka kusema hili kwa rekodi, sijapewa kazi yoyote na mtu yeyote, na hata kama ningepewa, nisingekubali. Sina hamu. Vipaumbele vyangu viko wazi sana na vinazunguka kaunti ya Meru na watu wake," alisema. 

 "Nataka majibu" Je, chama cha PNU kitakuwa na mgombea urais 2027? Kuhusu mwelekeo mpana wa chama, Munya alibainisha kuwa PNU bado haijaamua kuhusu mgombeaji urais kwa uchaguzi ujao wa 2027. 

Hata hivyo, aliwahakikishia wanachama kuwa chama hicho kiko wazi kwa ushirikiano na vyama vingine vya siasa vyenye nia moja, na kwamba utaratibu uliopangwa na wa uwazi utafuatwa katika kubaini wagombea wanaofaa. 

“Tutafuata utaratibu unaoeleweka na shirikishi katika kuchagua wagombea, hadi sasa chama bado hakijamalizana na mgombea urais, hatua ya kwanza ni kwa wanachama wenye nia kueleza nia yao rasmi, na kuanzia hapo mchakato wa uhakiki wa ndani na mashauriano utafanyika,” alifafanua. 

Mkutano huo, uliowaleta pamoja wadau wakuu na wawakilishi wa vijana, ulikuwa sehemu ya maandalizi ya mapema ya PNU kwa uchaguzi wa 2027. 

Munya aliahidi kuwa chini ya uongozi wake, vijana hawatarudishwa kwenye pembezoni mwa siasa, badala yake watakuwa kiini cha juhudi za kufanya maamuzi na uhamasishaji wa chama. Peter Munya akihutubia wanahabari baada ya mkutano wa PNU. 

 "Wakati Ni Sasa" Mapema mwezi wa Aprili, Ruto alifichua kuwa alikuwa ameanzisha mazungumzo na Munya na Mithika Linturi kuhusu nyadhifa zinazowezekana katika serikali yake. Hii ilifuatia ombi la gavana mpya wa Meru Isaac Mutuma aliyeapishwa, ambaye alimtaka rais kuwajumuisha viongozi hao wawili katika serikali yake pana. 

Akizungumza mjini Maua, Ruto alithibitisha mazungumzo yanayoendelea kati yake na Munya na Linturi, akidokeza kuwa tayari mipango inaendelea kuwarejesha katika majukumu ya serikali. Munya, ambaye alihudumu kama Waziri wa Kilimo chini ya rais wa zamani Uhuru Kenyatta, alirithiwa na Linturi, ambaye alifutwa kazi na Ruto mnamo 2024. 

LISSU, MAWAKILI WAKE WAPINGA KESI KUSIKILIZWA KWA NJIA YA MTANDAO.

 

Dar es Salaam. Mwenyikiti wa Chama cha Demokrasia na Maendeleo (Chadema), Tundu Lissu amegomea kesi yake ya kuchapisha taarifa za uongo kwa njia ya mtandao wa Youtube kusikilizwa kwa njia ya video na badala yake anataka kesi hiyo isikilizwe kwa njia ya wazi.

Taarifa hiyo imetolewa leo Alhamisi, Aprili 24, 2025 na askari magereza mwenye nyota tatu, wakati kesi hiyo ilipoitwa kwa mara ya pili kusikilizwa kwa njia ya mtandao.

Askari huyo wa Magereza ambaye hakujitambulisha jina lake, ametoa taarifa hiyo kwa njia ya video akiwa mahabusu.

Awali, wakili wa Serikali Mwandamizi, Job Mrema ameieleza Mahakama hiyo kuwa kesi hiyo imeitwa kwa ajili ya mshtakiwa kusomewa hoja za awali na upande wa mashtaka upo tayari, ila mshtakiwa hayupo mahakama hapo.

Mrema ametoa maelezo hayo mbele ya Hakimu Mkazi Mwandamizi, Geoffrey Mhini.

Kutokana na maelezo hayo, upande wa utetezi umepinga upande wa mashtaka kumsomea hoja za awali mteja wao kwa njia ya video na badala yake wanataka mshtakiwa apelekwe mahakamani kama sheria inavyoelekeza.

Wakili wa utetezi, Peter Kibatala amepinga Lissu kusomewa PH kwa njia ya video kwa madai kuwa sheria iko wazi anatakiwa kuletwa mahakamani.

CCM TANGA YASAJILI ZAIDI WANACHAMA 500,000 KIELETRONIKI KWA MUDA WA SIKU 10

 

Na Oscar Assenga, TANGA

CHAMA cha Mapinduzi Mkoa wa Tanga (CCM) wamefanikiwa kusajili zaidi ya wanachama 550,000 kwa mkoa wa huo kwa mfumo wa kieletroniki kwa muda wa siku 10 wakiziita siku 10 za moto, katika zoezi hilo wamefanikiwa kuhakiki Taarifa za wanachama wao na sasa wako kwenye siku 10 za moto za kugawa kadi za kieletroniki kwa Wilaya za Mkoa huo baada ya usajili na uhakiki kukamilika.

Akizungumza na Mtandao huu,Katibu wa Siasa,Uenezi na Mafunzo Mkoa wa Tanga Ndugu Samwel Kiondo Mngazija alisema kwamba wanaendelea na zoezi hilo katika Wilaya mbalimbali za mkoa huo huku usajili nao ukiwa unaendelea na kwa sasa kwenye mfumo wana wanachama zaidi ya 700,000 mpaka 800,000 ambao wamesajiliwa.

“Zoezi hili la uhakiki wa wanachama wetu tunalifanya kwa umakini mkubwa na weledi na tunazunguka Mkoa mzima kwa siku 10 za moto kugawa kadi za kieletroniki za CCM kwa wanachama wetu na tunaendelea na uhakiki wa Taarifa na usahihishaji wa taarifa za wanachama wetu na zoezi la usajili wanachama wapya linaendelea”Alisema

Aidha alisema kwamba awali kwenye mkoa wa Tanga walikuwa na zaidi ya wanachama 200,000 wanatarajia kufikiwa na mfumo wa kadi za kieletroniki ambao usajili ulianza 2018 na mwaka huu walihuisha zoezi kwa maana watu wengi walikuwa hawajaingia kwenye mfumo na usajili ulikuwa unaendelea.

“Kutokea mwaka huu tulikuwa na siku 10 za moto ambapo wilaya zote za Mkoa wa Tanga tumezifikia kwa Maelekezo ya Mwenyekiti wetu wa CCM Taifa Dkt Samia Suluhu Hassan kuleta Vitendea Kazi kila kata kwa ajili ya kurahisisha usajili na kwenda na kasi kutokana na uhitaji wa kadi kwa wanachama wetu hivyo kupelekea zoezi la siku 10 za moto kuwa na tija kubwa pamoja na Usimamizi wa Jemedari wa Vita Ustadhi Rajab Abrahamani Abdallah Mwenyekiti wa CCM Mkoa wa Tanga na Mjumbe wa Kamati Kuu ya Halmashauri Kuu ya CCM Taifa” Alisema  

Hata hivyo alisema kwamba kila siku wanachama wanajiunga nao kutokana na maendeleo makubwa yanayofanywa na Serikali inayoongozwa na CCM chini ya Daktari Samia Suluhu Hassan Mwenyekiti wa CCM Taifa na Rais wa Jamuhuri ya Muungano wa Tanzania na wasaidizi wake. 

AMOSI MAKALA ACHARUKA AZIONYA KAMATI ZA SIASA PWANI KUACHANA NA TABIA YA KUPENDELEA WAGOMBEA

 VICTOR MASANGU/KIBAHA  

Katibu wa Nec  Itakadi Uenezi na mafunzo wa chama cha mapinduzi (CCM) Taifa CPA Amos  Makala amekemea vikali vitendo vya baadhi ya Viongozi na Kamati za siasa ngazi  za Wilaya na mikoa kuachana na tabia ya kuwabeba wagombea na kuchukua tahadhari kubwa na kujiepusha na kamati za fitina ambazo lengo lake ni kubomoa na sio kujenga.

Makala ametoa onyo hilo wakati wa mkutano mkuu.maalumu  wa Jimbo la Kibaha mjini kwa ajili ya utekelezaji wa chama kwa kipindi cha kuanzia mwaka 2020 hadi mwaka 2025 ambao umeandaliwa na mbunge Jimbo hilo SLYVESTRY KOKA.

Kwa upande wake Mbunge wa Jimbo la Kibaha mjiini Solivestry Koka akisoma taarifa ya utekelezaji wa ilani ya CCM  2020/2025 amesema kwamba fedha nyingi zimetolewa na Rais Dkt.Samia Suluhu Hassan ambazo zimekwenda kutekeleza miradi mbali mbali ya maendeleo ikiwemo maji,afya,elimu na miundombinu ya barabara.

Nao baadhi ya wajumbe wa mkutano huo wamemshukuru Rais Samia Suluhu Hassan pamoja na Mbunge wao kwa kuwaletea wananchi wake maendeleo na kutekeleza ilani kwa kishindo katika Jimbo hilo..

MZIZE APIGA MBILI YANGA YAITANDIKA FOUNTAIN GATE 4-0 BABATI

 

MABINGWA watetezi, Yanga SC wameibuka na ushindi wa mabao 4-0 dhidi ya Fountain Gate katika mchezo wa Ligi Kuu ya NBC Tanzania Bara Uwanja wa Tanzanite Kwaraa, Babati mkoani Manyara.

Mabao ya Yanga yamefungwa na mshambuliaji wake nyota, Clement Francis Mzize mawili dakika ya 39 na 70 na viungo, Mburkinabe Stephane Aziz Ki dakika ya 43 na Mzambia, Clatous Chota Chama dakika ya 89.

Kwa ushindi huo, Yanga inafikisha pointi 70 katika mchezo wa 26 na kuendelea kuongoza Ligi Kuu kwa pointi 13 zaidi ya watani, Simba ambao hata hivyo wana mechi nne mkononi.

Kwa upande wao Fountain Gate baada ya kupoteza mchezo wa leo wanabaki na pointi zao 29 za mechi 27 sasa nafasi ya 11.

PAPA FRANCIS AFARIKI AKIWA NA UMRI WA MIAKA 88, VATICAN YASEMA

 

Kiongozi wa Kanisa Katoliki Duniani, Papa Francis alifariki dunia Jumatatu ya Pasaka, Aprili 21, 2025, akiwa na umri wa miaka 88 katika makazi yake katika Casa Santa Marta, Vatican.

Taarifa zilizotoka mapema leo, Mwadhama, Kardinali Farrell, alitangaza kwa masikitiko kifo cha Baba Mtakatifu Francis, kwa maneno haya:

"Ndugu wapendwa, kwa huzuni kubwa sina budi kutangaza kifo cha Baba Mtakatifu Francisko''.

Farrell anaongeza: "Kwa shukrani nyingi sana kwa ajili ya kielelezo chake kama mfuasi wa kweli wa Bwana Yesu, tunaipongeza roho ya Papa Francisko kwa upendo wa huruma usio na kikomo wa Mungu Mmoja na wa Utatu."

Kifo cha Papa kimekuja chini ya saa 24 baada ya kujitokeza kwenye Uwanja wa St Peter's Square mjini Vatican kwa ajili ya Jumapili ya Pasaka.

Alitoka akiwa kwenye kiti cha magurudumu na kupunga mkono kutoka kwenye baraza ya Basilica ya St Peter's kwa umati wa watu waliokuwa wakishangilia na kusema: "Ndugu wapendwa, Pasaka njema."

Hotuba yake ya Pasaka na baraka ilisomwa na msaidizi alipokuwa ameketi, akitazama.

Baada ya baraka, alizungushwa kwenye uwanja. Alipopita katikati ya umati, msafara wake ulisimama mara kadhaa huku watoto wachanga wakiletwa ili awabariki.

Katika miezi ya mwisho ya maisha yake, hali mbaya ya afya ya Papa ilimfanya kutumia wiki kadhaa hospitalini.

Mnamo tarehe 14 Februari, mzee huyo wa miaka 88 alipelekwa katika hospitali ya Gemelli huko Roma kutibiwa homa ya mapafu. Alikuwa na shida ya kupumua kwa siku kadhaa.

Aliruhusiwa kutoka hospitali mnamo Machi 23.

Papa alishambuliwa haswa na homa ya mapafu, ambayo ni maambukizi ya ambayo yanaweza kusababishwa na bakteria, virusi au fangasi, baada ya kuondolewa sehemu ya mapafu akiwa kijana.

"Alitufundisha kuishi maadili ya Injili kwa uaminifu, ujasiri na upendo wa ulimwengu wote, hasa kwa ajili ya maskini zaidi na waliotengwa zaidi."

Katika miezi ya mwisho ya maisha yake, hali mbaya ya afya ya Papa ilimfanya kutumia wiki kadhaa hospitalini.

Mnamo tarehe 14 Februari, mzee huyo wa miaka 88 alipelekwa katika hospitali ya Gemelli huko Roma kutibiwa homa ya mapafu. Alikuwa na shida ya kupumua kwa siku kadhaa.

Aliruhusiwa kutoka hospitali mnamo Machi 23.

Papa alishambuliwa haswa na homa ya mapafu, ambayo ni maambukizi ya ambayo yanaweza kusababishwa na bakteria, virusi au fangasi, baada ya kuondolewa sehemu ya mapafu akiwa kijana.

Viongozi mbalimbali wametoa salamu za rambirambi

Rais Samia Suluhu Hassan, ametuma salamu za pole kufuatia taarifa za kifo cha Kiongozi wa Kanisa Katoliki duniani, Papa Francis, akisema dunia imempoteza kiongozi wa kiroho aliyeacha alama ya amani, upendo na maendeleo ya watu.

Katika taarifa yake aliyochapisha leo Jumatatu Aprili 21, 2025 katika kurasa zake za mitandao ya kijamii, amesema kwa kipindi cha miaka 12 ya uongozi wake, Papa Francis ameishi kama mwalimu na kiongozi aliyesimamia misingi ya utu, ustawi wa jamii na mshikamano wa kidini.

“Kwa niaba ya Serikali na wananchi wa Jamhuri ya Muungano wa Tanzania, ninatuma salamu za pole kwa waumini wote wa Kanisa Katoliki hapa nchini na duniani kote,” amesema Rais Samia.

Amesema mchango wa Papa Francisko katika kudumisha amani na kuhimiza maendeleo ya binadamu utabaki kuwa kumbukumbu ya kudumu kwa vizazi vya sasa na vijavyo.

“Mwenyezi Mungu ailaze roho yake mahali pema Peponi,” ameongeza Rais Samia.

Papa Francisko, ambaye alikuwa Papa wa 266 wa Kanisa Katoliki, amefariki dunia leo Jumatatu akiwa na umri wa miaka 88.

Ikulu ya White House imetoa salamu za rambirambi kwa kifo cha Papa katika chapisho kwenye mtandao wa X.

"Pumzika kwa Amani, Papa Francis," chapisho hilo linasema, pamoja na picha ya Papa akikutana na Rais wa Marekani Donald Trump na mkewe Melania, na picha nyingine ya Papa akikutana na JD Vance jana.

Rais wa Tume ya Umoja wa Ulaya Ursula von der Leyen anasema "aliongoza mamilioni, mbali zaidi ya Kanisa Katoliki, kwa unyenyekevu na upendo wake safi kwa wasiojiweza"

Waziri Mkuu wa India Narendra Modi anasema "ameumizwa sana" na kifo cha Papa Francis.

Waziri Mkuu wa Poland Donald Tusk anamkumbuka Papa Francis kama "mtu mzuri na mchangamfu "

Rais wa Misri Abdul Fattah al-Sisi anasema Papa Francis "alikuwa sauti ya amani, upendo na huruma"