HAZINA YA UTALII ILIYO TELEKEZWA KISIWA CHA UKEREWE.

TANZANIA INA VIVUTIO VINGI VYA KITALII. LAKINI HAVIJATUMIKA IPASAVYO KULETA MAENDELEO TARAJIWA KWA WANANCHI WAKE. KWA MENGI MAZURI NILIYOJIONEA KATIKA SAFARI YANGU KISIWA CHA UKEREWE LAITI KAMA YANGETUMIKA VYEMA, HAKIKA MAENDELEO YANGEKUWA KWA KASI KATIKA KISIWA HICHO CHENYE RASILIMALI NA UTAJIRI WA KUTOSHA.

KWANI KUPITIA UTALII NA BIASHARA, MAMBO YA USAFIRI, BARABARA NA HUDUMA ZA KIJAMII YOTE YANGEBORESHWA TOFAUTI NA SASA. MMH!!
HANDEBEZYO HILL SEHEMU ILIYO JUU YA KILELE CHA KILIMA CHA PANGO LA BENKI YA WATEMI. ENEO AMBALO LILITUMIKA KWA AJILI YA ULINZI NA USALAMA WA KISIWA, KUONA MAADUI WANAOKUJA KUVAMIA NA KADHALIKA. UKISIMAMA ENEO HILI UNAONA SEHEMU KUBWA YA KISIWA CHA UKEREWE.

MFANO WA ENEO KUBWA UNALOWEZA KULIONA UKIWA HANDEBEZYO HILL.

TIZAMA MAHALA HAPA PANAVYOPOTEA. KUNA NCHI ZENYE VIVUTIO VICHACHE DUNIANIKAMA BOTSWANA NA MAURITIUS LAKINI NCHI HIZO ZIMEFAULU KUVIBORESHA, KUVITANGAZA VIVUTIO VYAKE VYA UTALII NA KUJIINGIZIA MAPATO MAKUBWA CHACHU YA MAENDELEO KWA NCHI. TANZANIA INASHINDWA NINI?

KATIKA POZI MASUPER STAR WA KESHO KUTOKA KUSHOTO MELI, MTEBA, MSEKWA, NYEBHUNU, CHIFYWE NA EMMANUEL.

LIKIWA NA MVUTO WA KIPEKEE HILI NI KANISA LA KWANZA LA ROMAN CATHOLIC LILILOJENGWA ENZI ZA UKOLONI KTK KISIWA CHA UKARA WILAYANI UKEREWE.

JIWE LA MSINGI LA MAKUMBUSHO YA OLWEGO LILILOWEKWA NA MKUU WA WILAYA BW. T.A.K MSONGE KWA MAENDELEO YA TAIFA LA TANZANIA. JE! LENGO LIMEFIKIWA?

JIWE HALISI LA MSINGI LILILOWEKWA NA BW. T.A.K MSONGE.

KWA NYUMA MUONEKANO WA PANGO LA BENKI YA WATEMI WA UKEREWE MAHALA AMBAPO WATEMI HAO WALIKUWA WAKIHIFADHI MALI ZAO ZA THAMANI, VITO, FEDHA, MADINI NA KADHALIKA, NA KILA MTEMI ALIKUWA NA SEHEMU YAKE YA HIFADHI. CHINI YA ULINZI WA UHAKIKA.

MLANGO WA KUINGIA PANGO LA BENKI.

MVUTO ENEO LA MBELE BARAZANI LANGO KUU LA BENKI YA WATEMI UKEREWE.

MAANDHALI YA KIPEKEE MVUTO WA KITALII PEMBEZONI MWA HIMAYA YA MAKUMBUSHO YA WATEMI UKEREWE. ENEO LOTE HILI HALINA MLINZI WALA MFANYA USAFI BALI MWANGALIZI ASIYE LIPWA.

KORIDO INAYOTENGANISHA PANGO LA HIFADHI (SEHEMU YA BENKI YA WATEMI) NA UKUMBI WA MAPUMZIKO.
ILI KUKUZA MAENDELEO YA SEKTA YA UTALII, KAMA MCHANGO WA SEKTA HII KWA TAIFA, JUHUDI ZAIDI ZA KUBORESHA MIUNDOMBINU KATIKA VIVUTIO VYA UTALII SHURTI VIPEWE KIPAUMBELE.

MUHIMU NI KWA SERIKALI NA WAENDESHA SHUGHULI ZA UTALII NCHINI, KUANDAA UTALII KWA WANANCHI ILI WAWEZE KUONA VIVUTIO NA UTAJIRI WA NCHI YAO. OF COZ' SEHEMU YA SOMO LA HISTORIA UTALII NI NJIA NYINGINE YA KUPATA ELIMU.


WENU KATIKA UJENZI WA TAIFA LENYE 'RASILIMALI ZA KUMWAGIRIRU MPAKA KUSAZA'

ALBERT G. SENGO,
MWANZA TANZANIA.
NAOMBA KUWAKILISHA.

Tupe maoni yako