FAMILIA YAOMBA MSAADA WA KUMZIKA MPENDWA WAO ALIYEISHI MOCHARI MWAKA.

 

Eunice Nyambura alisema mumewe alilazwa hospitalini mnamo Septemba 2021 akiwa na matatizo ya Covid-19. Picha: Kenya News Agency. 

Familia moja katika Kijiji cha Olrongai mjini Nakuru inaishi kwa uchungu kwani hawawezi kumzika baba yao aliyeaga dunia zaidi ya mwaka mmoja kutokana na bili kubwa ya hospitali na ada ya mochari. 

 Mwili wa Kigera Mwai umelazwa katika makafani ya Umash mjini Nakuru tangu Oktoba 6, 2021, baada ya familia hiyo kukosa kulipa bili ya matibabu ya KSh 5.5 milioni kwa Nakuru Nursing Home. "Mume wangu alilazwa hospitalini mnamo Septemba 2021 akiwa na matatizo ya Covid-19," mke wake, Eunice Nyambura Kigera, aliambia Kenya News Agency. 

Afisa anayesimamia rekodi katika chumba cha kuhifadhia maiti ambaye hakutaka kutajwa alisema kituo hicho kiko tayari kujadiliana na familia kuhusu masharti ya malipo kwa muda wote watakapoondoka hospitalini. "Tunalinda bili ya hospitali kwa kuzuilia mwili. 

Ni lazima tupate kibali kutoka kwa Nakuru Nursing Home ili kuiachilia familia,” alisema.

 Kulingana na idara ya uhasibu ya kituo hicho, ada ya chumba cha maiti sasa ni Ksh 500,000, huku rekodi za hospitali zinaonyesha kuwa familia bado haijalipa KSh 5.1 milioni. 

Mjane huyo, mama wa wasichana watatu-wawili na mvulana mmoja - ambao wote hawana ajira, sasa anaomba wasamaria wema kuwasaidia kuchagisha pesa ili kufuta bili. "Tunachotaka tu ni kumpa baba yetu mazishi ya heshima. 

Tumewafikia viongozi wakuu wote wa kisiasa na wasmaria wema katika mji wa Nakuru ili watusaidie lakini hatujapata usaidizi wowote,” alisema Nyambura. 

Alisema familia imeweza kuchangisha KSh 30,000 pekee kupitia mitandao ya kijamii. “Tulitarajia wangepokea kiasi hicho na kuturuhusu kuuchukua mwili kwa ajili ya mazishi, huku salio likitolewa baadaye. 

Hospitali, hata hivyo, ilisema hela hizo ni kidogo sana,” Nyambura alisema. Nyambura sasa ana wasiwasi kwamba huenda wasiweze kumzika jamaa yao katika Kijiji cha Olrongai huko Rongai kwani gharama za kuhifadhi maiti zinaongezeka kwa kiwango cha KSh 1,000 kwa siku na KSh 2,000 za ziada za kuhifadhi mwili. 

Nyambura alisema kwa sasa familia ina wasiwasi kwamba wakati mwili huo ukiendelea kuzuiliwa katika makafani, huenda wasiweze kumzika jamaa yao katika hali nzuri kwani unazidi kuoza. 

Tupe maoni yako