SERIKALI YA DRC YAKOSOLEWA KWA KUZUIA KUREJESHWA NCHINI HUMO MWILI WA ETIENNE TSHISEKEDI KWA AJILI YA MAZISHI.

Serikali ya Jamhuri ya Kidemokrasia ya Congo imeendelea kukosolewa kutokana na kuzuia kurejeshwa nchini humo kwa ajili yua mazishi mwili wa kiongozi mkongwe wa upinzani Etienne Tshisekedi.

Chama cha kiongozi huyo wa zamani aliyefariki yapata mwaka mmoja uliopita huko Brussels Ubelgiji kimekosoa vikali hatua ya serikali yya Rais Joseph Kabila ya kukwamisha kurejeshwa nchini humo mwili wa mwanasiasa huyo mkongwe.

Akizungumza na waandishi wa habari mjini Brussels, Mitch Katumba, kiongozi wa chama cha UDPS amesema kuwa, umepita mwaka mmoja sasa tangu Tshisekedi aage dunia na kwamba, hadi sasa serikali ya Rais Kabila haijaruhusu mwili wa kiongozi wao huyo urejeshwe Kinshasa kwa ajili yya mazishi. Katumba amekuwa akikutana na viongozi wa Ubelgiji, Ufaransa pamoja na Umoja wa Ulaya, ili kuwezesha kurejeshwa nyumbani mwili wa Tshisekedi.

Rais Joseph Kabila wa DRC

Chama cha UDPS kinasisitiza kwamba, kipaumbele chake cha kwanza ni kurejeshwa Kinshasa mwili wa Waziri Mkuu huyo wa zamani wa Jamhuri yya Kidemokrasia ya Kongo, ambapo inapasa azikwe katika moja ya sehemu ya familia yake katika eneo la N'Sele, katika mji mkuu huo wa Kongo DR.

Imeelezwa kuwa, hadi sasa familia ya Etienne Tshisekedi imelipa Euro 16,000 kwa ajili ya kuendelea kuhifadhiwa mwili wa Tshisekedi katika chumba cha kuhifadhi maiti mjini Brussels Ubelgiji.

Familia ya kiongozi huyo wa zamani wa chama cha upinzani cha UPDS imeendelea kulaani vikali uamuzi wa serikali wa kuzuia kurejeshwa nyumbani mwili wa ndugu yao huyo. KWA HISANI YA PARSTODAY SWAHILI. 

Tupe maoni yako