VIDEO: YANGA YAVALISHWA TENA NDALA ZA MBAO

MBAO FC imeendeleza ubabe mbele ya Yanga baada ya ushindi wa mabao 2-0 leo Uwanja wa CCM Kirumba mjini Mwanza.
Shujaa wa Mbao FC alikuwa ni mshambuliaji chipukizi, Habib Hajji Kiyombo aliyefunga mabao yote hayo dakika za 53 na 68. 

Katika mchezo huo uliochezeshwa na refa Suleiman Kinugani aliyesaidiwa na Jesse Erasmo wote wa Morogoro na Godfrey Kihwili wa Arusha, kipindi cha kwanza timu zote zilishambuliana kwa zamu.

Kiyombo  alifunga bao la kwanza dakika ya 53 kwa shuti la umbali wa mita 25 baada ya kuwatoka wachezaji wa Yanga kisha baadaye kunako dakika ya 68 Habibu Kiyombo anarudi tena ili kubisha hodi langoni mwa Yanga na safari hii anakuta mlango wa matete anausukuma na kuweka mzigo wake ndani baada ya kupokea pasi ya Boniphace Maganga.

Tupe maoni yako