HABARI KAMILI NA SIMULIZI YA KIJANA ALIYEUAWA JIJINI MWANZA ENEO LA CHUO CHA SAUT.

Hope ulipata kuisikia taarifa ya kuuawa kinyama kwa kijana aitwaye Justus Jackson ambaye mpaka sasa kuna mengi yamegubika mauaji yake, huku maswali mengi yakizuka yenye majibu ya haraka na yasiyo jitosheleza kwani kila kukicha kumekuwa na stori mpya nyingi zikizushwa juu ya uhasilia wa kifo chake.

Marehemu Justus ambaye alikuwa kijana mjasiliamali pia hivi majuzi alifanikiwa kwa kiwango kikubwa kuandaa na kuratibu tukio la kihistoria la kinyang'anyiro cha kumsaka Miss Albinism mkoa wa Mwanza alikumbwa na umauti wakati akikimbizwa hospitalini mara baada ya kupigwa na watu wasiojulikana akidhaniwa mwizi eneo la Chuo Cha SAUT Nyegezi Malimbe jijini Mwanza.

Jembe Fm imefuatilia sakata hilo la kusikitisha na hatimaye kuzungumza na watu kadhaa mashuhuda akiwemo mama mzazi wa marehemu anayeitwa Jemimah James ambaye akiwa na huzuni kubwa alisimulia kisa na mkasa wa wanae kupoteza uhai ile hali akiwa bado anamtegemea. BOFYA PLAY KUSIKILIZA.
MAOMBELEZO.

Gsengo Blog inakemea vitendo vyote vya wananchi kujichukulia sheria mkononi iwe kwa kubaini, kushuku au kwa namna yeyote ile iliyo kinyume na sheria za nchi.

Tunaisihi jamii kuwasilisha mashitaka kwenye vyombo vya sheria pindi linapotokea tatizo.

Bwana ametoa na Bwana ametwaa jina la Bwana lihimidiwe.

Tupe maoni yako