WANAAPOLO WAFIA MGODINI BAADA YA KIBERENGE KUKATIKA

wanaapolo wakiwa mgodini (picha na maktana)

Na Woinde Shizza wa libeneke la kaskazini blog

Wachimbaji wadogo wawili (wanaapolo) wanaofiwa kufa na wengine kadhaa

kujeruliwa  katika mgodi  wa madini ya Tanzanite uliopo Mererani

mkoani Manyara .

Kwa mujibu wa mashuhuda wa tukio hilo walieleza kuwa tukio hilo

lilitokea  usiku wa kuamkia leo ambapo wachimbaji hao

waliangukiwa na kiberenge ndani ya mgodi huo uliopo block C unao

milikiwa na  Said Nassor (mwarabu) walipo kuwa wakiendelea na kazi.

Shuhuda huyo aliyejitambulisha kwa jina la Edison Onyango alisema kuwa

kiberenge hicho kilikatika na kuporomoka na kisha kuwaangukia watu hao

na kusababisha vifo na majeruhi.

Akizungumza kwa njia ya simu mmiliki wa mgodi huo Said Nassor

alithibitisha kutokea kwa tukio hilo na kueleza kuwa wamepata maiti ya

mtu mmoja na wako katika harakati za kusafirisha mwili huo kwenda kwa

ndugu zao kwa ajili ya maziko.

Hata hivyo alieleza kuwa tukio hilo ni lakawaida na kwamba polisi

walifika kwa ajili ya uchunguzi wakiwemo maofisa wa idara ya madini

ili kuchunguza undani wa tukio hilo.

www.woindeshizza.blogspot.com

“kwakweli ndugu muandishi wa habari tukio hili ni kweli limetokea

katika mgodi wangu na alijasababishwa na uzembe ila ni tukio la

kawaida kutokea na linaweza kutokea katika mgodi wowote “alisema Said

Kwa upande wa kamanda wa polisi mkoani manyara Christopher Fuime

alithibitisha kutokea kwa tukio hilo na kueleza kuwa aliyefariki dunia

ni mtu mmoja Joseph Kimati (27).

Aliongeza kuwa waliojeruliwa katika tukio hilo ni wawili ambao

aliwataja kwa majina ya Regan Rabiel(29) na Hussen Juma (25)na kueleza

kuwa chanzo cha tukio ni kiberenge kilichokatika  na kupoteza

muhelekeo.

Tupe maoni yako