MAONYESHO SIKU YA MAZINGIRA DUNIANI YAANZA RASMI JIJINI MWANZA.

Mkuu wa Mkoa wa Mwanza Mhandisi Evarist Ndikilo akitoa salamu za Mkoa wake wakati wa uzinduzi wa maonyesho ya siku ya maadhimisho ya mazingira duniani yaliyozinduliwa Juni 2 mwaka huu na Waziri Nchi Ofisi ya Makamu wa Rais Mazingira Binilith Mahenge, ambapo kitaifa yanaadhimishwa jijini hapa.

MKOA wa Mwanza ni miongoni mwa Mikoa inayokabiliwa na changamoto kadhaa za athari ya uharibifu wa uhifadhi ya mazingira, ambapo katika kukabiliana na hali hiyo tayari umehamasisha upandaji miti milioni 6,355, 903 sawa na asilimia 78 kwa kipindi cha mwaka 2012/2013.

Hayo yamezungumzwa na Mkuu wa Mkoa wa Mwanza Mhandisi Evarist Ndikilo wakati akitoa salamu za Mkoa huo wakati wa uzinduzi wa maonyesho ya siku ya maadhimisho ya mazingira duniani yaliyozinduliwa Juni 2 mwaka huu na Waziri Nchi Ofisi ya Makamu wa Rais Mazingira Binilith Mahenge, ambapo kitaifa yanaadhimishwa jijini hapa.

Afisa Mazingira wa banda la maonyesho la Ofisi ya Makamu wa Rais Mazingira akitoa maelezo ya utekelezaji kwa Waziri Nchi Ofisi ya Makamu wa Rais Mazingira Binilith Mahenge (wa kwanza kulia) ambaye aliambatana na na Mkuu wa Mkoa wa Mwanza Mhandisi Evarist Ndikilo (wa pili kulia) kutembelea mabanda mbalimbali katika viwanja vya Furahisha jijini Mwanza.

Mhandisi Ndikilo alieleza kuwa, athari hizo za uharibifu wa mazingira zimesababisha pia kupotea kwa vyanzo vya maji safi na salama katika baadhi ya maeneo ya mkoani humo hali ambayo imepelekea kupotea kwa makazi ya viumbe hai mkoani humo.

Katika kukabiliana na hali hiyo Mkoa wa Mwanza umechukua hatua mbalimbali  ikiwemo upandaji miti kwa asilimia 78, kutoa elimu juu ya hifadhi ya mazingira kwa njia ya vikao, semina, makongamano na maadhimisho ya kimkoa na kitaifa, kusimamia sheria za nchi ikiwa ni pamoja na kutunga sheria ndogo na kuzitekeleza.

Aliongeza kuwa hatua zingine ni kuhamasisha matumizi ya Nishati mbadala kama gesi na umeme jua, kuhamasisha shughuli za ujasiriamali zinazotoa ajira mbadala kama vile ufugaji nyuki, samaki na utalii katika visiwa na mwambao wa Ziwa Victoria, kuanzisha utaratibu wa usafi kwa kila wiki ya kwanza ya mwezi na kuwachukulia hatua wanaokaidi sheria zilizopo.

Aidha Mkuu huyo aliwataka wananchi wa Mkoa huo katika maeneo yao kuwa tayari kushirikiana na viongozi na watendaji wa Serikali ambao watatoa ushauri kwa jamii juu ya usafi na uhifadhi wa mazingira watakapowafikia.

“Mkoa unakabiliwa na changamoto ya ukame katika maeneo ya Wilaya za Kwimba, Magu na Misungwi, pia uvunaji miti kiholela kwa ajili ya mbao na mkaa, uvuvi haramu kwa kutumia sumu na vyavy haramu, uchimbaji holela wa madini, uvamizi wa maeneo ya mistu kwa ajili ya kilimo, makazi na ufugaji hali hii imeharibu mazingira,”alisema.

Huku Waziri Mahenge akiwataka wananchi nchini kote kutumia nishati mbadala ya jua, upepo na biogesi ili kupunguza matumizi ya kuni na mkaa, kutumia majiko banifu yanayotumia kuni chache, kupanda miti kwa wingi, kudhibiti uchomaji moto ovyo, wamiliki wa viwanda wazingatie matumizi ya nishati zisizoongeza gesijoto angani na kilimo chenye kuzingatia matumizi bora ya ardhi. 

Afisa Udhibiti wa ubora wa Maji wa banda la maonyesho la Bonde la Maji Ziwa Victoria akitoa maelezo ya utekelezaji kwa Waziri Nchi Ofisi ya Makamu wa Rais Mazingira Binilith Mahenge (wa kwanza kulia) ambaye aliambatana na na Mkuu wa Mkoa wa Mwanza Mhandisi Evarist Ndikilo (wa pili kulia) kutembelea mabanda mbalimbali katika viwanja vya Furahisha jijini Mwanza.

Mmoja wa maafisa wa Taasisi inayo jihusisha na uopoaji wa magugu ziwa Victoria akitoa maelezo ya utekelezaji wa taasisi yake kwa Waziri Nchi Ofisi ya Makamu wa Rais Mazingira Binilith Mahenge (wa pili kulia) ambaye aliambatana na Mkuu wa Mkoa wa Mwanza Mhandisi Evarist Ndikilo (wa tatu kulia) pamoja na Mkuu wa Wilaya ya Nyamagana Baraka Konisaga (wa kwanza kulia) walipo kutembelea mabanda mbalimbali katika viwanja vya Furahisha jijini Mwanza.

Afisa wa ofisi ya LIVEMP akionyesha baadhi ya miradi kwa wageni waliodhuru banda lake akiwemo Waziri Nchi Ofisi ya Makamu wa Rais Mazingira Binilith Mahenge pamoja na Mkuu wa Mkoa wa Mwanza Mhandisi Evarist Ndikilo.

Burudani ya ngoma ikitawala.

Kula kitu nyoka balaaa!!.

Ameingia wapi tena ayaaaaaa!! Akila mzigo utamlaumu nani?

Meza kuu kutoka kushoto ni Mstahiki Meya wa jiji la Mwanza Stanslaus Mabula, Katibu wa CCM Mama Joyce Masunga, Mkuu wa Mkoa wa Mwanza Evarist Ndikilo, Waziri Nchi Ofisi ya Makamu wa Rais Mazingira Binilith Mahenge, Mkuu wa Wilaya ya Nyamagana baraka Konisaga na wengine .

Manjonjo kwenye burudani....

Nyoka alipopelekwa jukwaa kuu kila Mhe. ilibidi ajisalimishe kwa kuingia mfukoni na kutoa mkwanja aka 'umateumate'.

Hata nyoka wadogo ni balaaa... si unakumbuka ule msemo mtoto wa Nyoka naye ni Nyoka.

Tupe maoni yako