BREAKING NEWS: MKUU WA MKOA WA MARA JOHN TUPA AFARIKI.

Enzi za uhai wake ni hivi majuzi tu aliyekuwa mkuu wa mkoa wa Mara marehemu John Tupa na hapa alikuwa akichangia mada katika mkutano wa wadau wa sekta ya madini uliofanyika mwishoni mwa wiki jijini Mwanza na kuratibiwa na African Barrick Gold Mining (ABG).

Mkuu wa mkoa wa Mara John Gabriel Tupa amefariki dunia ghafla hii leo asubuhi majira ya saa 4:30 mara baada ya kupatwa ghafla na shiikizo la damu akiwa wilayani Tarime mkoani humo.

Kwa mujibu wa taarifa zilizo tufukia toka chanzo chetu kikuu zinasema kuwa marehemu John Tupa amefariki mara baada ya kuanguka ghafla akiwa kwenye ofisi ya Mkuu wa Wilaya ya Tarime Jackson Msome wakati alipokwenda ofisini hapo kwa ajili ya mazungumzo pamoja na kushauriana masuala mbalimbali ya utekelezaji.

Taarifa za awali zinaeleza kuwa Baada ya kuanguka Tupa alikimbizwa hospitali ya wilaya ya Tarime ili kupatiwa matibabu lakini kwa bahati mbaya madaktari waligundua kuwa tayari amefariki dunia. 

Mwili wa marehemu tayari umesafirishwa kutoka Tarime kuelekea Musoma mjini kwa ajili ya kuhifadhiwa ukisubiri taratibu nyingine na maelekezo ya kiserikali.
TAARIFA KAMILI ZITAKUFIKIA.

Tupe maoni yako