WACHOMA NYAMA MWANZA WAPIGWA MSASA.

Jaji mkuu wa Mashindano ya Safari Lager Nyama Choma 2014 Laurent Patrick Salvi akiwapa darasa wachoma nyama wa baa mbalimbali za jijini Mwanza, kuinua uwezo wa wataalam hao ili kuboresha uwezo wao katika semina iliyofanyika katika kiunga cha Villa Park Resort Mwanza. 

Washiriki wa shindano la Safari nyama choma 2014 wakiwa katika semina ya kujengewa uwezo iliyofanyika jana ukumbi wa VIP wa Villa Part Resort  jijini Mwanza, kwa nia ya kujengewa uwezo wa kuboresha huduma zao ili kujiongezea wateja na kukuza kipato chao, mshindi wa Safari Lager Nyama Choma, mashindano yatakayo fanyika mnamo tarehe 9 March uwanja wa Furahisha jijini Mwanza, ataibuka na kitita cha shilingi milioni moja tasilimu.

Kwa umakiiini huku wakichukuwa maelezo muhimu mafunzoni.

Washiriki toka baa mbalimbali za jijini Mwanza wako hapa.

Mshiriki wa semina ya Safari Lager Nyama choma 2014, Datius paregrinu kutoka Shooters Pub Kirumba Mwanza, ambaye ni mara yake ya kwanza kushiriki semina hiyo, anasema kuwa semina licha ya kumjenga pia imempa nafasi kutambua jinsi ya kuchagua nyama kwaajili ya kuteka soko la wateja wake. Licha ya yeye kushiriki mara ya kwanza bar yake imekuwa ikishiriki mashindano hayo kila mwaka.

Rejina Mussa Sakara yeye si mshiriki toka bar yoyote jijini Mwanza, bali ni mshiriki toka nyumbani, anasema ameshiriki semina ya Safari Lager Nyama Choma kwaajili ya kuboresha ndoa yake kwa kujijengea uwezo kumpikia mumuwe.

Alex Temba kutoka Lunala Hotel ya jijini Mwanza anasema kuwa licha ya kujifunza jinsi ya kuchagua mnyama au nyama inayopaswa kwaajili ya kupata nyama choma nzuri pia amegundua kuwa usafi wa mzingira ya jiko yanachangia kuwa kivutio kwa wateja. 

Wanasemina seminani. 

Wachoma Nyama wapigwa msasa - Mwanza

KAMPUNI ya Bia Tanzania(TBL) kupitia kinywaji chake cha Safari Lager jana imetoa mafunzo kwa  wachoma nyama kutoka Baa mbali mbali za Mkoa wa Mwanza ikiwa ni maandalizi ya mashindano ya Safari Nyama Choma kwa mwaka 2014 yatakayo fanyika katika viwanja vya Furahisha.

Akizungumza na waandishi wa habari, Meneja matukio wa Kampuni ya Bia Tanzania(TBL) kanda ya Ziwa, Erick Mwayela, alisema lengo la kutoa mafunzo ni kutoa elimu kwa wachoma nyama ukizingatia uchomaji nyama ni moja  sehemu ya kujiingizia kipato katika Bar.

Mwayela alisema kutokana na hali hiyo wakaona ni vema wakaendesha Semina kwa wachoma nyama ili waweze kukidhi vigezo vya mahitaji ya Wateja ili waweze kufurahia Nyama choma kama ilivyo kwa vyakula vingine ili kuendana na kauli Mbiu ya Bia ya Safari Lager isemayo“ Safari Lager bila nyama choma haijakamilika.”

Aliongeza kuwa baada ya mafunzo hayo yaliyotolewa kwa Baa 37 ambao wametunukiwa vyeti vya ushiriki  pia kutakuwa na mashindano ya kuchoma nyama ambapo washindi 10 watapatikana kutokana na watakaofuzu vigezo na masharti waliyopewa katika semina hiyo.

Alisema Fainali za Mashindano zitafanyika Machi 9, Mwaka huu katika Viwanja vya Furahisha ambapo washindi watapewa zawadi kuanzia mshindi wa kwanza atakayejinyakulia Shilingi Milioni moja na Kikombe, mshindi wa pili Laki nane, Mshindi wa tatu Laki 6, Mshindi wa nne laki nne na Mshindi wa Tano shilingi laki mbili huku mshindi wa Sita hadi wa Kumi watajinyakulia kifuta jasho cha shilingi 50,000/=.

Alisema namna ya kuwapata washindi ni kutokana na wateja kupiga kura katika utaratibu utakaobandikwa katika Baa shiriki ambapo mteja atapiga kura kupitia simu ya mkononi ili kuichagua baa inayochoma nyama vizuri.

Aliongeza kuwa baada ya zoezi hilo kukamilika katika Mkoa wa Mwanza itaendelea katika Mikoa mingine ambayo ni Kilimanjaro,Arusha na Dar Es Salaam, mikoa ambayo imetajwa kuwa ndiyo vinara wa uchomaji nyama pamoja na kuongoza kwa mauzo ya bia ya Safari Lager tofauti na maeneo mengine.

Kwa upande wake Mkufunzi wa Mafunzo hayo, Laurence  Salvi ambaye pia ni Jaji Mkuu wa mashindano hayo amesema huwezi kuandaa mashindano bila ya kutoa Elimu, hivyo TBL wamefikiria jambo la msingi sana lenye manufaa kwa waandaaji yaani wachoma nyama mpaka kwa watumiani yaani mlaji.

Bwana Lawrence binfsi aliishukuru TBL kupitia bia ya Safari Lager kufikiria jambo zuri la kufadhili elimu kwa kwa wachoma nyama jambo ambalo si faida kwa wachoma nyama tu bali hata watumiaji sasa watakula nyama inayostahili.

Tupe maoni yako