AJALI YA BODABODA YAUA WAWILI PAPO HAPO.

TUNAOMBA RADHI KWA PICHA HIZI ZINAZOTISHA.

WATU wawili wamefariki dunia papo hapo wilayani Bukombe mkoani Geita wakitumia usafiri wa bodaboda kufuatia pikipiki waliyokuwa wakisafiria kuteleza kwenye mchanga ikiwa kwenye mwendo kasi na kisha kukanyagwa vibaya vichwani na gari aina ya Noah ambayo walikuwa wakipishana nayo.

Kwa mujibu wa shuhuda aliye safarini aliyepenyeza habari hii amesema kuwa dereva wa bodaboda ambaye alikuwa na abiria wake mwanamke mwenye mizigo mingi ambaye pia hajatambulika jina, alikuwa katika mwendo wa kasi hatua kadhaa kabla ya kupishana na gari hilo, matairi ya pikipiki yake yalishindwa kuhimili mchanga uliopo barabarani ndipo alipokosa uwiano wa kumiliki chombo hicho cha usafiri na kutereza kisha akaanguka katikati ya barabara.

Sekunde chache gari la abiria aina ya Noah ambalo mpaka shuhuda wetu anaondoka kwenye tukio la ajali hakufanikiwa kulinasa namba zake likiwa kwenye kasi liliwapitia vichwani bodaboda na abiria wake ambao walikufa papo hapo. 

Kofia ngumu ya dereva wa bodaboda hiyo iliyopta ajali imepasuka kufuatia matairi ya gari kumpitia kichwani akiwa ameanguka naye abiria mwanamke kwa upande wake amepasuka vibaya kichwani kiasi cha damu nyingi kuvuja na baadhi ya malighafi za kichwa zinazohifadhiwa ndani kufumuka nje kiasi cha kutisha. 

Ajali hizi mpaka lini?

Tupe maoni yako