YANGA KUTUA MWANZA IJUMAA HII (05/07/2013) KUFANYA ZIARA YA MICHEZO KANDA YA ZIWA

John Kadutu.

NA ALBERT G. SENGO: MWANZA

Mabingwa wa soka wa Tanzania bara Dar es salaam Young African ijumaa hii ya terehe 5 july 2013, wanataraji kushuka mikoa ya kanda ya ziwa kulionyesha Kombe la Ubingwa walilolitwaa na kucheza michezo kadhaa ya kirafiki ikiwemo miwili ya kimataifa kwa mikoa ya Mwanza, Shinyanga na Tabora.

Akizungumza na Clouds Fm Sports Xtra Mwenyekiti wa Taasisi ya Michezo ya National Wide Bw. John Kadutu, amesema kuwa mchezo wa kwanza wa mabingwa hao utafanyika uwanja wa CCM Kirumba jijini Mwanza jumamosi hii ya tarehe 6 mwezi july pale timu hiyo itakaposhuka dimbani na kupepetana  na timu ya KCC ya nchini Uganda ambayo tayari iko kambini ikifanya mazoezi kwaajili ya mchezo wake na Yanga.. 

Katika ziara hiyo mabingwa hao wa soka watarudiana na KCC uwanja wa CCM Kambarage mjini Shinyanga katika sikukuu ya sabasaba (07/07/2013) kisha watatumia mwanya wa zara hiyo kutimba mkoani Tabora ikiwa ni kwa mara ya kwanza tangu mkoa huo ulipokosa wawakilishi  wa ligi kuu enzi za timu iliyoacha historia kwa kutandaza soka safi timu ya Mirambo ya Tabora.

Zaidi huyu hapa John Kadutu ...(SAUTI YAJA HIVI PUNDE)

Mabingwa wa Tanzania Bara Young Africans

Mabingwa wa Uganda KCC.

Tupe maoni yako