MKUTANO WA KAMATI YA MAUDHUI NA WATUMIAJI WA HUDUMA ZA UTANGAZAJI KANDA YA ZIWA WAFANYIKA LEO MWANZA.

JAMII YA WATANZANIA IMEASWA KUENDELEZA, KULINDA NA KUZINGATIA MATUMIZI SANIFU YA LUGHA FASAHA YA KISWAHILI BADALA YA KUITELEKEZA NA HATIMAYE SISI TULIOKUWA WAALIMU WAZURI TENA WAANZILISHI WA LUGHA HIYO KUTAFUTA WATAALAM KUTOKA NJE WAJE KUFUNDISHA KISWAHILI.
HAYO YAMESEMWA NA MAKAMU MWENYEKITI BI.MARIA KASHONDA KTK MKUTANO WA ZIARA YA KAMATI YA MAUDHUI YA MAMLAKA YA MAWASILIANO TANZANIA TCRA ULIOFANYIKA LEO NJUMBANI HOTEL JIJINI MWANZA, AMBAPO WADAU NAO WALIPATA FURSA YA KUCHANGIA.

SAWA KUNA SERA ZA UANZISHWAJI KWA KILA CHOMBO CHA HABARI LAKINI VYOMBO VYA HABARI VIWEKE MBELE UTAIFA, TAARIFA ZA KITAIFA, AJALI, MAADHIMISHO YAHUSUYO UTAIFA MF. SIKUKUU YA UHURU WA NCHI NA TAARIFA ZA HOTUBA YA MKUU WA NCHI. KAMA NI LUNINGA BASI HATA KWA MAANDISHI YAPITAYO CHINI YA HABARI.
NAYE MWAKILISHI KUTOKA BAKWATA MWANZA SHEKHE MRISHO AMESHAURI WADAU WAHABARI KUZINGATIA ISHARA NA MLENGO WA MATANGAZO YA KUELIMISHA JAMII, MFANO MATANGAZO YA UKIMWI KUWA NA UWIANO SAWA PALE LINAPOKUJA SUALA LA KIFO MARA NYINGI MATANGAZO HUTUMIA ISHARA YA MSALABA MAZISHINI. HII INAJENGA DHANA POTOFU KWAMBA UGONJWA HUO HUWAKUMBA ZAIDI WAKRISTO HIVYO WAISLAMU HAWAHUSIKI.

WAMILIKI WA VYOMBO VYA HABARI NA WATANGAZAJI WAZINGATIE MAADILI ZAIDI KULIKO BIASHARA. TUNATAKA KUIBADILI JAMII IELEWE NA KUTHAMINI UMUHIMU WA KUSHIRIKI KUBADILI TAIFA LETU KUTOKA DHANA YA KUWA WALAJI TU NA KUWA WAZALISHAJI AKA JAMII YA MAENDELEO. PICHANI HII NDIYO MEZA YA KAMATI.

VYOMBO VIWE NA UBUNIFU SIO KUNAKILI VINAVYOTOKA NJE NA KABLA YA KUTENGENEZA KIPINDI VYOMBO VYA VIWE VINAJIULIZA VINATAKA KUJENGA MTU WA AINA GANI KWA TAIFA LA SASA NA LA BAADAE.

Tupe maoni yako