MWIZI ANASWA NA MASTER KEY OFISI ZA HALMASHAURI YA JIJI LA MWANZA

Kumekuwa na ripoti nyingi za matukio ya wizi katika ofisi za Halmashauri ya jiji la Mwanza huku baadhi ya wafanyakazi wa ofisi hizo pamoja na wananchi wanaofika eneo hilo kupata huduma wakilalamika kila kukicha kuibiwa baadhi ya vitendea kazi vyao vyenye thamani, fedha pamoja na mali mbalimbali ambazo wamekuwa wakiziacha kwenye magari yao kwenye maeneo ya maegesho ya magari katika ofisi hizo.

Mbali na hayo baadhi ya watumishi wa vitengo mbalimbali ofisini hapo wamekuwa wakilalamikia suala la kuibiwa simu, laptop pamoja na vitu vingine vyenye thamani ndani ya maofisi yao na magari yao ambayo huyaaacha wakiwa wameyafunga na kuyakuta yamefungwa, ndani mali zikiwa zimeibiwa.

Yote kwa yote za mwizi arobaini kwani walinzi wa ofisi hiyo wamefanikiwa kumnasa jamaa huyu pichani anayesadikika kuwa ni mwizi sugu akiwa na lundo la funguo bandia zenye uwezo wa kufungua mahala popote.

Tupe maoni yako