MSHINDI WA BAJAJI YA SERENGETI AKABIDHIWA ZAWADI YAKE

KAMPUNI ya Serengeti Breweries Ltd (SBL) tawi la Mwanza mwishoni mwa wiki imekabidhi mshindi wa Droo ya nane iliyofanyika jijini Mwanza zawadi ya pikipiki aina ya Bajaji wakati wa tamasha la Serengeti Fiesta Soka Bonanza lililofanyika katika uwanja wa michezo wa Nyamagana jijini hapa.

Meneja wa mauzo Kanda ya Ziwa wa Kampuni hiyo Patrick Kisaka (kulia) akimkabidhi funguo mshindi Bw. Mgeni Jackob

Akikabidhi zawadi hiyo mbele ya waandishi wa habari kwa mshindi Bw. Mgeni Jackob (27) mkazi wa eneo la Nyakato National, Meneja wa mauzo Kanda ya Ziwa wa Kampuni hiyo Patrick Kisaka alisema kwamba mshindi huyo aliweza kushinda zawadi ya Bajaji kutokana na droo ya wiki ya nane ambapo aliibuka mshindi.

Kisaka alisema kwamba kupitia bia yake ya serengeti Lager, kampuni hiyo inaendesha shindano la Vumbua Hazina Chini ya Kizibo ambapo kila mteja anapokunywa kinywaji hicho na kutuma namba na tarakimu zilizopo ndani ya kizibo cha chupa kwenda namba 15317 ambayo hutoa maelezo ya kuingizwa kwenye droo kabla ya kuchezeshwa na hatimaye mshindi kupatikana.

Makabidhiano hayo yaliyoshuhudiwa na mamia ya washabiki wa soka, wachezaji na wananchi wa jiji hilo waliokuwa wamefurika katika uwanja wa Nyamagana kushuhudia Tamasha la Serengeti Fiesta Soka Bonanza likishirikishika timu za mashabiki wa timu kubwa zinzzoshiriki ligi kuu soka barani Ulaya toka nchi za Uingereza, Hispania na Ujerumani.

"Kampuni yetu ambayo imeandaa bonanza hili kupitia bia ya Serengeti kabla ya kufanyika Serengeti Fiesta ni moja ya shamrashamra za utangulizi huku pia tukiwapatia wateja wetu nchi nzima fursa ya kunywa bia yetu na kushiriki kwenye shindano letu la VUMBUA HAZINA CHINI YA KIZIBO ambapo washindi wamekuwa wakijinyakulia zawadi mbalimbali" alisema meneja huyo.

Kisaka alifafanua kwamba tangu kuanzishwa kwa shindanohilo tayari washindi kutoka Mkoa wa Mwanza wameisha jinyakulia zawadi za bajaji 3 na genereta 1 ikiwa ni droo ya nane huku gari 1 likienda kwa washindi kutoka mkoa wa Morogor, pikipiki 1 na genereta 1 zikienda kwa washindi wa mji wa Moshi mkoa wa kilimanjaro huku zawadi ya fedha ikiwa shilingi milioni 780 nazo zikitolewa kwa washindi.

Kakita bonanza hilo lililokwenda sambamba na utoaji zawadi timu ya mashabiki wa soka wa Manchester City iliibuka mabingwa na kujinyakulia kitita cha shilingi 500,000/= na sanduku mbili za bia ya Serengeti mara baada ya kuifunga timu ya mashabiki wa Real Madrid katika fainali.

Zawadi kwa mshindi wa pili (Real Madrid ) toka kwa wadhamini Serengeti Breweries Limited ilikuwa ni shilingi 300,000/= na sanduku moja la bia zawadi zote zikikabidhiwa kwa timu zote mbili na mratibu wa Bonanza hilo mkoa wa Mwanza Shaffi Dauda .

Tupe maoni yako