TUMSAIDIE MTOTO HUYU

Rukia akitaabika na maumivu.

Ndugu wapendwa, mtoto huyu Rukia ameungua vibaya na maji ya moto huko kwao Luangwa mkoani Lindi. Kwa bahati mbaya wazazi wake ni masikini na wameshindwa kumfikisha katika hospitali kubwa za Ndanda na Muhimbili kama alivyoshauriwa katika zahanati ya kijiji chao.

hali ya mtoto ni mbaya, na kwa juhudi zangu, za Mwenyekiti wa Lindi Press Club Abdulaziz na ndugu Victor aliye Ruangwa tunakusanya michango popote ili kunusuru maisha ya mtoto huyu.

Tunaomba kila mwenye mapenzi mema, atume mchango wake, kwa wafuatao kwangu 0756219342/0713235592 au Abdulaziz 0716-483532 au Victor 0715-754494.

Hadi sasa tumepata fedha kidogo ambazo leo zimetumika kumsafirisha kwa shida kubwa mtoto huyo na wazazi wake kwenda hospitali ya misheni ya Nyangao ambako amelazwa katika wodi namba 3, kitanda namba 2, lakini tumeshauriwa kumpeleka hospitali kubwa zaidi kwani hali yake sio nzuri.
Tunachangie kwa chochote. Huyu ni mtoto wetu sote

Tupe maoni yako