MSONDO KUTOA BURUDANI UKUMBI WA EMIRATE MASDASI JUNE 2

Na Mwandishi Wetu.
BENDI Kongwe ya Msondo ngoma ya jijini Dar es salaam inatalajia kufanya uzinduzi wa ukumbi mpya kabisa wa kisasa wa burudani wa Emirate Hall uliopo Masasi June 2 mwaka huu.

Akizungumza na waandishi wa habari Msemaji wa bendi hiyo Rajabu Mhamila 'Super D' alisema wamealikwa kwa ajili ya kutoa burudani siku ya ufunguzi wa ukumbi huo ambapo watatoa burudani isiyo na kifani "Unajua sisi ni baba ya Muziki nchini ndio maana wapenzi wengi wanahitaji burudani kutoka kwetu hivyo tunapopata nafasi ya kwenda mikoani tunakwenda,  kwa sasa tumealikwa kutoa burudani siku hiyo tutatoa burudani ya uwakika" alisema Super D.

Pia aliongeza kuwa siku hiyo bendi hiyo itapiga vibao vyake vya zamani na vipya akivitaja baadhi ya vibao vitakavyonogesha uzinduzi huo ni pamoja na Suluhu wa Shabani Dede, Nadhiri ya Mapenzi wa Juma Katundu na Baba Kibene wa Eddo Sanga.

Vile vile Nyimbo za zamani zitakuwa na nafasi yake.  Alisema Super D Kundi hilo litaambatana na wanamziki wake wote wakiwemo wakongwe katika mziki wa Dansi Nchini Maalimu Gulumo ' Kamana' Saidi Mabela ' DKT Mabela' na wengine wote watafanya vitu vyao siku hiyo kwa ajili ya kukonga nyoyo za mashabiki wao wa Masasi.

Tupe maoni yako