BIG BROTHER AFRICA INAYODHAMINIWA NA AIRTEL YAZINDULIWA RASMI

Mshindi wa droo iliyochezeshwa wakati wa uzinduzi wa program ya Big brother Afrika  Akionyesha Samngung tablet aliyozawadiwa na Airtel baada ya kuchaguliwa mshindi wakati wa halfa  ya   uzinduzi wa program ya Big Brother Africa  8 iliyofanyika katika ukumbi wa Samakisamaki mjini jijini Dar es Salaam

Mkurugenzi wa Bendi ya Twanga pepeta Asha Baraka (kulia) akichezesha droo iliyoandaliwa na Airtel wakati wa Uzinduzi wa Big Brother Africa program inayoendeshwa na kampuni ya Multhoice – DSTV ambapo Airtel  ni wadhamii. akishuhudia ni mtangazaji wa Radio ya Clouds FM MIllad Ayo

Big Brother Africa inayodhaminiwa na Airtel yazinduliwa rasmi
•       Wateja Airtel kulipia huduma ya DSTV kwa Airtel Money kwa Urahisi

Na Mwandishi wetu
MASHINDANO ya Big Brother Africa ‘Big Brother-The Chase’ yamezinduliwa rasmi juzi nchini Afrika Kusini.

Mashindano hayo ambayo yanafanyika kwa mara ya nane mwaka huu, yanashirikisha jumla ya watu 24 kutoka katika nchi 14 za Afrika.

Washiriki hao wanatarajiwa kukaa ndani ya nyumba hiyo kwa muda wa siku 90 ambapo wataanza kuchujwa kuanzia mwishoni mwa wiki hii.

Tanzania inawakilishwa na Feza Kessy pamoja na Ammy Nando ambapo mshindi wa mwaka huu ataondoka na kitita cha dola za Kimarekani 300,000.

Akizungumza Dar es Salaam juzi wakati wa uzinduzi huo, Ofisa Habari wa Dstv Tanzania  Barbara Kambogi, alisema kuwa pamoja na kuwa msimu huu Ligi mbalimbali zimeshamalizika hivyo mashabiki wengi watapata burudani kupitia katika shindano hilo.

Alisema kuwa mashindano hayo yanaonyeshwa moja kwa moja na Dstv kupitia chaneli 197 na 198 ambapo mashabiki kutoka nchi 50 watapata fursa ya kuyaangalia.

Pia Mkurugenzi wa Masoko wa Kampuni ya Simu ya Airtel ambao pia ni wadhamini wa mashindano hayo kwa mwaka huu Bw, Levi Nyakundi alisema kuwa mashindano hayo yanazidi kupata umaarufu kutokana na kila mwaka kuwa tofauti.

Aliongeza kuwa wateja wa Airtel wananafasi ya kulipia huduma ya DSTV kwa kupitia huduma ya Airtel kwa kupiga *150*60# kwa urahisi wakiwa nyumbani au sehemu zao za kazi.

“Airtel Money itasaidia sana wateja wetu kuokoa muda wao wa kazi pale wanapolipia huduma ya DSTV wakati wowote wakati wa msimu huu wa Big Brother, mashabiki hawana budi uwapigia kura washiriki wanaoiwakilisha Tanzania ili kuhakikisha wanaibuka na ushindi”  alisema Bw Nyakundi “Mashindano ya mwaka huu yanaonekana kuwa tofauti na yaliyopita hivyo tunatarajia kupata burudani nzuri na hivyo mashabiki wawapigie kura Watanzania ili  afanye vizuri” alisema.

Katika uzinduzi huo kulikuwa na burudani zilizotolewa na wasanii kutoka Afrika Kusini  afikizolo pamoja na Stela Mwangi wa Kenya.

Tupe maoni yako