ZOEZI LA KUHAKIKI WASTAAFU LAANZA JIJINI MWANZA: WASTAAFU NAO

Akizungumza na waandishi wa leo jijini Mwanza Mkaguzi mkuu wa ndani, msaidizi wa serikali Stansilausi Mpembe amesema lengo la uhakiki huo ni kuiwezesha wizara ya fedha na mipango kujua idadi ya wastaafu wanaolipwa ikiwemo viwango vyao na maeneo wanayopatikana.

Ni nyaraka gani muhimu zinazo hitajika, nini wito, na vipi kuhusu wastaafu walio wagonjwa mahospitali wasiojiweza? BOFYA PLAY KUSIKILIZA.

Wastaafu nje ya Ghand Hall.

.



NA ANNASTAZIA MAGINGA, MWANZA.

BAADHI ya wastaafu wanaofanyiwa uhakiki hivi leo na Wizara ya fedha na mipango jijini mwanza wameiomba serikali kuboresha pesheni zao kutokana na gharama za maisha kupanda.

Wakizungumza na Gsengo blog kwa nyakati tofauti wamesema licha ya serikali kuamua kuwalipa  mafao yao kila mwezi badala ya miezi mitatu lakini bado fedha hiyo haikidhi mahitaji na kwamba wanaomba waongezewe kiwango fulani cha fedha kwenye  pesheni zao ili kusaidia kuendesha maisha.

Mmoja wa wastaafu hao  Jumanne Bambe ameomba  fedha hizo zifike kwa kwa wakati ili mtu aweze kutatua matatizo yake yanayomkabili kuliko kusubilia huku akiendelea kulimbikiza madeni yanatakayokuja kulipwa na pesheni.

“Uamuzi huu ni mzuri utatusaidia kutatua matatizo yetu kwa mwezi kuliko ya miezi mitatu pamoja na kulipwa pesheni zetu basi na sisi watujali angalau ile asilimia ya mishahara tusaidiwe kwani pia pesheni yangu iko kwenye uzalishaji sio kwamba imekaa tu kwa hiyo waliangalie na hili”amesema Bambe.

Aidha  Wiazra ya  fedha na mipango imezindua leo zoezi la uhakiki  kwa wastaafu katika mikoa ya kanda ya ziwa  ili kupata takwimu iliyo sahihi pamoja na  kuwezesha serikali kulipa wastaafu wanaostahili.

Akizungumza na waandishi wa leo jijini Mwanza Mkaguzi mkuu wa ndani, msaidizi wa serikali Stanslaus Mpembe amesema lengo la uhakiki huo ni kuiwezesha wizara ya fedha na mipango kujua idadi ya wastaafu wanaolipwa ikiwemo viwango vyao na maeneo wanayopatikana.

Amesema wastaafu hao watahitajika kufika na nyaraka zitakazo mtambulisha na kwamba ambao hawataakikiwa wataondolewa kwenye orodha ya malipo ya pesheni.

“Wastaafu wanatakiwa kufika na Barua ya tuzo la kustaafu,Barua ya kustaafu au kupunguzwa kazini,Nakala ya hati ya malipo ya kiinua gongo au mkopo,Barua ya ajira ya kwanza,Kitambulisho cha pesheni,Barua ya kuthibitishwa kazini,Kadi ya Benki na picha ndogo mbili hivyo tunatoa wito waastafu wote kujitokeza kwa wingi ili kuhakikiwa”amesema Mpembe.

 "Kuanzia julai 1995 Serikali ilianza kulipa Pensheni kwa kipindi cha miezi 6-6 (Yaani kuanzia Julai hadi Disemba na Januari hadi Juni kwa mwaka husika) hadi kufikia Julai 2011 utaratibu wa kulipa Penseni kwa miezi sita, sita ulikoma tukaingia mfumo mwingine lakini mpaka sasa utaratibu uliopo ni kwamba wastaafu wanalipwa kila mwisho wa mwezi hivyo napinga hakuna mstaafu ambaye hajalipwa"  ni kauli ya Ishmail Kasekwa Mhasibu Mkuu wa Serikali Msaidizi anayesimamia deni la Taifa pamoja na huduma za Ujumla akijibu moja ya maswali kwa vyombo vya habari mkoa wa Mwanza ikiwemo GSENGO Blog.

Zoezi hilo limeanza Oktoba 10 mwaka jana katika Mkoa wa Pwani ikifuatiwa na mikoa ya kanda ya kati,nyanda za juu kusini na kanda ya ziwa kuanzia leo Januari 9 ambapo litaendelea hadi januari 13 mwaka huu na kufuatiwa na mikoa ya Kigoma na Tabora januari 16  hadi 20 .

Maafisa wa ukaguzi wakipokea taarifa za wastaafu.

Maelezo ya kina yakitolewa.

Zoezi hili la uhakiki wa wastaafu limepokelewa kwa mikono miwili na wastaafu waliohudhuria hii leo wakisema kuwa limekuwa na manufaa kadri siku zinavyosoonga kwani katika zoezi la awali walikuwa wakipata shida kupata pesheni zao ambazo walizipata baada ya miezi 6, kisha miezi mitatu kwa uhakiki wa pili na hatimaye mwezi mmoja. Ni imani yao sasa kwamba hatua ya zoezi la sasa itawakwamua na kuwa na manufaa zaidi ikiwa ni pamoja na uboreshaji wa kipato chenyewe.

Maafisa shughulini nao wastaafu mezani wakiwasilisha taarifa zao.

Wizara ya Fedha na Mipango inaendelea na zoezi la Uhakiki wa Wastaafu kwa wastaafu wanaolipwa Pesheni na Wizara ya Fedha na Mipango katika Mikoa ya Mwanza, Mara, Geita, Shinyanga, Kagera na Simiyu linaendelea kufanyika katika Ofisi za Halmashauri za Wilaya husika na wastaafu watatakiwa kufika katika Halmashauri husika kwaajili ya Uhakiki mwisho tarehe 13/01/2017.

Kwa mkoa wa Mwanza shughuli ya uhakiki inaendelea hapa Ghand Hall ambapo wastaafu wamejitokeza wa wingi kuhakikisha wanahakikiwa.

Wastaafu wanaohusika wanaombwa kufika kwenye vituo vyao wakiwa na nyaraka zifuatazo:-
1.Barua ya tuzo la kustaafu.
2.Barua ya kustaafu au kupunguzwa kazini
3.Nakala ya Hati ya Malipo ya kiinua Mgongo au Mkupuo.
4.Barua ya ajira ya Kwanza.
5.Kitambulisho cha Pensheni.
6.Barua ya kuthibitishwa kazini
7.Kadi ya Benki
8.Picha 2 zapassort size zilizopigwa hivi karibuni.

Tupe maoni yako