WATU WAWILI WAMEFARIKI DUNIA NA WENGINE WATATU KUJERUHIWA KATIKA AJALI YA GARI ILIYOHUSISHA ROLI LA MIZIGO NA GARI DOGO AINA YA SUBARU FORESTER SALOON WILAYANI MAGU.

TAARIFA YA JESHI LA POLISI MKOA WA MWANZA KWA VYOMBO

VYA HABARI LEO TAREHE 9.01.2016

·         WATU WAWILI WAMEFARIKI DUNIA NA WENGINE WATATU KUJERUHIWA KATIKA AJALI YA GARI ILIYOHUSISHA ROLI LA MIZIGO NA GARI DOGO AINA YA SUBARU FORESTER SALOON WILAYANI MAGU.

·         MTU MMOJA AMEFARIKI DUNIA BAADA YA KUGONGWA NA GARI WILAYANI MISUNGWI.

KWAMBA MNAMO TAREHE 8.01.2017 MAJIRA YA SAA 06:10HRS ASUBUHI KATIKA KIJIJI CHA KISESA ENEO LA KONA YA KAYEZE BARABARA YA MWANZA – MUSOMA WILAYANI MAGU MKOA WA MWANZA, WATU WAWILI WALIOJULIKANA KWA MAJINA YA 1. DANIEL JOACKIM @ NYAMBO MIAKA 33, MFIPA NA 2. JANET ADEN @ KAGOSA MIAKA 22, MJALUO, WAMEFARIKI DUNIA PAPO HAPO NA WENGINE WATATU KUJERUHIWA KATIKA AJALI YA GARI ILIYOHUSIAHA LORI LA MIZIGO LENYE NAMBA T.575 BAT AINA YA SCANIA TRUCK LENYE TELA LENYE NAMBA 270 AKK LILILOGONGANA NA GARI DOGO LENYE NAMBA T. 480 CAS AINA YA SUBARU FORESTA SALOON LILILOKUWA LIKIENDESHWA NA DEREVA AITWAYE DANIEL JOACKIM AMBAYE ALIFARIKI DUNIA KATIKA AJALI HIYO.

MAJERUHI WA AJALI HIYO NI 1. ADEN KAGORA MIAKA 55, MJALUO, 2. MICHAEL JOSEPHAT KAGOSA MIAKA 15 NA 3. VICTORIA KAGOSA MJALUO MIAKA 13, WOTE NI ABAIRI WA GARI NDOGO LENYE NAMABA T. 480 AINA YA SUBARU FORESTA SALOON,  AIDHA HAKUNA DEREVA AU ABIRIA WA LORI ALIYE JERURIHIWA  AU KUPOTEZA MAISHA KATIKA AJALI HIYO.

CHANZO CHA AJALI NI MWENDO KASI WA DEREVA WA GARI DOGO AMBAYE ALISHINDWA KULIMUDU GARI ALIPOKUWA KWENYE KONA YA ENEO LA KAYEZE NA KUSABABISHA AJALI, MAJEERUHI WAMELAZWA HOSPITALI YA RUFAA YA BUGANDO  NA HALI ZAO ZINAENDELEA VIZURI, MIILI YA MAREHEMU PIA IMEHIFADHIWA HOSPITALINI HAPO PINDI UCHUNGUZI UKIKAMILIKA ITAKABIDHIWA KWA NDUGU WA MAREHEMU KWA AJILI YA MAZISHI.

KAMANDA WA POLISI MKOA WA MWANZA NAIBU KAMISHINA WA POLISI AHMED MSANGI ANATOA RAI KWA WAENDESHAJI WA VYOMBO VYA MOTO AKIWATAKA KUWA MAKINI WAKIZINGATIA SHERIA NA ALAMA ZA USALAMA BARABARANI PINDI WANAPOKUWA BARABARANI ILI KUEPUKA VIFO NA AJALI ZINAZOWEZA KUEPUKIKA. AIDHA ALIWATAKA ABIRI KUTOA TAARIFA  MAPEMA POLISI PINDI WANAPOONA VIASHIRIA VYA MWENDO KASI ILI HATUA ZICHUKULIWE HARAKA KABLA MADHARA HAYAJATOKEA.

KATIKA TUKIO LA PILI

KWAMBA TAREHE 08.01.2017 MAJIRA YA 22.30HRS USIKU KATIKA BARABARA YA MWANZA – SHINYANGA ENEO LA KIKIJI CHA USAGARA KATA NA TARAFA YA USAGARA WILAYA YA MISUNGWI MKOA WA MWANZA,  GARI NAMBA SU 40653 AINA YA TOYOTA HILUX MALI YA SHIRIKA LA TENESCO MKOA WA MWANZA LILILOKUWA LIKIENDESHWA NA DEREVA AITWAYE WEREMA IKWEBE MIAKA 35 MKAZI WA IGOGO TANESCO LIKITOKEA MWANZA KWENDA  SHINYANGA LILIMGONGA  MTEMBEA KWA MIGUU AMBAYE HAJAFAHAMIKA JINA WALA MAKAZI ANAYEKADIRIWA KUWA NA UMRI KATI YA MIAKA 50 HADI 55, WAKATI AKIVUKA BARABARA NA KUFARIKI DUNIA PAPO HAPO.

CHANZO CHA AJALI NI MWENDO KASI WA DEREVA GARI ALIYESHINDWA KULIMUDU GARI NA KUSABABISHA AJALI HADI KIFO, DEREVA WA GARI HILO AMEKAMATWA PINDI UCHUNGUZI UKIKAMILIKA ATAFIKISHWA MAHAKAMANI, MWILI WA MAREHEMU UMEHIFADHIWA KITUO CHA AFYA CHA MISASI KWA AJILI YA UCHUNGUZI NA UTAMBUZI, PINDI UCHUNGUZI UKIKALIKA UTAKABIDHIWA KWA NDUGU WA MAREHEMU KWA MAZISHI.

KAMANDA WA POLISI MKOA WA MWANZA NAIBU KAMISHINA WA POLISI AHMED MSANGI ANATOA WITO KWA WAENDESHAJI WA VYOMBO VYA MOTO AKIWATAKA KUZINGATIA ALAMA NA SHERIA ZA USALAMA BARABARANI, LAKINI PIA ANAWATAKA WATEMBEA KWA MIGUU KUWA MAKINI WAKATI WOTE PINDI WANAPOKUWA BARABARANI ILI KUEPUSHA VIFO VINAVYOWEZA KUEPUKIKA.

IMETOLEWA NA,

DCP: AHMED MSANGI

KAMANDA WA POLISI (M) MWANZA

Tupe maoni yako