JIJI LA MWANZA NA MANISPAA ILEMELA KUNGANA OPERESHENI SAFISHA JIJI NA ONDOA MACHINGA.

HALMASHAURI ya Jiji la Mwanza na Manispaa ya Ilemela kushirikiana kwa pamoja kuendesha zoezi la operesheni safisha Jiji na Manispa ya Ilemela ya kuwaondoa wafanyabiashara wadogo “machinga na mamalishe” kwenye maeneo wasiyo ruhusiwa kisheria katikati ya mitaa ya jijini hapa.

Wakizungumza kwa pamoja juzi katika ofisi za Halmashauri ya Jiji la Mwanza, Wakurugenzi hao Halfa Hassan Hida (Jiji la Mwanza) na Zuberi Mbyana (Manispaa ya Ilemela) wameeleza kuwa uamuzi huo ni utekelezaji wa maagizo ya Kikao cha Bodi ya Barabara Mkoa na Kikao cha Ushauri mkoani humo.

Mkurugenzi Hida (Jiji)  alieleza kuwa hatua hiyo pia inatokana na baadhi ya maeneo kuwa na uchafu unaosababishwa na kuwepo kwa wafanyabiashara wadogo ambao wamekuwa wakifanyabiasha kikolela katika maeneo yasiyoruhusiwa kisheria ikiwa ni kuvunjwa kwa taratibu na sheria za mipango miji.

“Haiwezekani tukawaacha watu wafanye biashara kiholela na pengine kwenye maeneo hatarishi, maneo yasiyoruhusiwa, kandokando ya barabara na wengine kujenga vibanda, viosiki na kuziba vichochoro ambavyo vinatakiwa kuachwa wazi kwa taratibu na sheria za mip[ango miji.”alisema

Aidha alieleza kuwa Jiji limeanza kuutekeleza mpango kabambe wa kuwapanga wafanyabiashara wadogo kwenye maeneo waliyotengwa na kuruhusiwa kutumiwa na machinga na mamalishe, usafi na mazingira ili kuweka madhari Mji na Jiji kuwa na mwonekano mzuri wa kupendeza.

Kwa upande wake Mkurugenzi Mbyana (Manispaa) alisema kwamba lengo la kuungana na Jiji kutekeleza zoezi hilo linalotarajia kuanza hivi karibuni baada ya kukamilika taratibu za mwisho kwa kushirikiana na uongozi wa serikali za Wilaya ya Nyamagana na Ilemela makundi ya machinga, Jiji, Manispaa, Polisi na Mgambo.

“Lengo kuu ni kuhakikisha wakati wa operesheni hiyo itakapoanza wafanyabiashara hao wasitoke maeneo ya Jiji na kukimbilia na kuvamia maeneo ya Manispaa kufanyabiashara kiholela katka sehemu ambazo haturuhusu mtu kufanya shughuli yoyote bila utaratibu ikiwa ni kuvunja sheria za mipango miji”alisema.

  

Naye Mwenyekiti wa Shirika la Umoja wa Wamachinga Mkoa wa Mwanza (SHIUMA) Matondo Masanja, alisema kwamba wao wanakubaliana na kufanyika operesheni hiyo katika maeneo ambayo baadhi ya machinga na mamalishe wamevamia bila kufuata utaratibu na kufanyabiashara kwenye maeneo ambayo hawakuruhusiwa.

“Tulishatengewa maeneo na kukabidhiwa ili tufanyebiashara kwa uhuru yapatayo 13 ambayo ni Makoroboi, Dampo soko kuu, Asante moto, uchochoro wa Tanganyika Basi, Libert darajani, Makert, Nyegezi, Stendi ya zamani ya mwaloni, Rwagasore, Buzuruga, Mirongo, nyuma ya uwanja wa Nyamagana na Dampo Bandarini” alisisitiza.

Aliongeza kuwa maeneo mengine ambayo hawaruhusiwi kufanya biashara kiholela ni barabara za Nyerere, Kenyata, Uwanja wa Ndege, Pamba, Rwagasore, Uhuru, Posta ya zamani, Nkhuruma, Libert, Karuta, Lumumba, Stesheni-Uhamiaji, Mkuu wa Mkoa, Bantu, Rufiji, Mkanyenye, Bugando, Mviringo, Mbita, Barewa na zinginezo.

Masanja ametoa wito kwa wamachinga wote ambao baadhi ni mwanachama wa SHIUMA na makundi mengine kufuata na kuzingatia kufanyabiashara katika maeneo waliyotengewa badala ya kuzagaa kila kona na kutandaza chini bidhaa ambapo eneo la Rwagasole bado lipo wazi na sehemu 530 zimetengwa kwa ajili yao.

Tupe maoni yako