CHIPUKIZI WA ALLIANCE ANYEMELEWA NA AZAM, AL AHAL (MISRI), KENYA NA NAMIBIA

Na Peter Fabian

NA ALBERT G. SENGO: MWANZA.

MCHEZAJI Chipukizi wa timu ya Alliance cademy Athanas Mudaula (17) aliyeteuliwa kwa mara ya kwanza na kujumuishwa kwenye kikosi cha timu ya Taifa Stars amevisa vilabu  vikubwa nchini na mataifa ya nje kumpatia nafasi ya kuzingatia masomo kwanza kwa muda badala ya kumkodolea macho na kukimbilia kumsajili kuvitumikia.

Mudaula amesema hayo juzi wakati alipoalikwa kukutana na Mkuu wa Wilaya ya Nyamagana Baraka Konisaga aliyeutaka uongozi wa shule ya Sekondari Alliance na Kituo cha Academy anachotoka kijana huyo kumpeleka ofisini kwake kumtambulisha rasmi na kupata fursa ya kuzungumza naye na kumpa busara zake za kumjenga mchezaji huyo chipukizi aliyepata kurejea kutoka Jijini Namibia na Dar es salaam kutekeleza majukumu ya kuitumikia timu ya Taifa (Taifa Stars).

Chipukizi huyo amesema kwamba tangu kuteuliwa kwake kujiunga na kuchezea taifa stars ameanza kupata usumbufu kutoka viongozi wa vilabu vikubwa kuanza kuwasiliana na uongozi wa Kituo Alliance wakiomba hata kumhamisha shule akasome ambako vilabu hivyo vinadhani itakuwa rahisi kumtumia.

“Mimi bado ni mwanafunzi nahitaji kwanza kusoma na kukiendeleza kipaji change kwani hata ushauri niliopewa na Mkuu wa Wilaya Konisaga baada ya kukutana naye leo ameniasa zaidi kusoma na ushauri wake huo imeonyesha kunilenga mimi na kutaka niweke bidii kwenye masomo ikiwa ni pamoja na kuzingatia nidhamu na maadili ya soka ili kuwa mchezaji wa kiwango cha kimataifa name ntauzingatia” alisema. (BOFYA PLAY KUSIKILIZA)

Mudaula ambaye ni mchezaji wa timu ya Alliance chini ya umri wa miaka 17 (U-17) ambaye aliweza kuingia kipindi cha pili katika mchezo kati ya Taifa stars na Namibia ambapo matokeo ya mchezo huo yalikuwa sare ya bao 1-1 na kuwekwa historia ya kituo hicho kumtoa chipukizi kuchezea timu ya taifa na kufuata nyayo za shule ya sekondari Makongo.

“Dhamira yangu mimi kwanza ni kusoma ili niweze kufikia malengo na kuwa mchezaji wa kimataifa kama tunaowasikia na kuwaona kwenye runinga hivyo nitaendelea kuzingatia maadili.

Naye Mkuu wa Wilaya Konisaga amempongeza mchezaji huyo pamoja na kuwa na umri mdogo lakini kipaji chake na kujituma kwa kufuata vyema maelekezo ya walimu ndiyo kimewapa nafasi Makocha na Viongozi wa TFF kumteuwa na kumjumuisha kuwemo kwenye kikosi kilichocheza mchezo wa kirafiki na timu ya taifa ya Namibia  na kuitangaza Alliance na Wilaya ya Nyamagana kitaifa na kimataifa.

“Zingatia masomo kwanza ili kufikia malengo pamoja na kipaji chako pia unao vijana wenzako sasa wewe ni balozi wao utakayewawakilisha na wachezaji wote nyota wana akili za kuzaliwa na hata za darasani sasa zingatia elimu kwanza huku pia ukiendeleza kukilinda kipaji chako kwa nguvu zote”alisisitiza.

Konisaga aliwataka wazazi na walezi wa vijana wote walioko kwenye shule za msingi, sekondari na vyuo mbalimbali vikiwemo vikuu kuhakikisha wanawalea vyema vijana wenye vipaji na kuacha dhana kwamba vijana wataegemea kwenye michezo na kuacha masomo ya kitaaluma jambo sio la kweli kwani shule za Alliance kitaaluma zimefanya vizuri kufaulisha wanafunzi kwa daraja la kwanza nala pili na kuwezesha kuongoza kiwilaya hadi kitaifa.

"Wito wangu kwa wananchi, wafanyabiashara, taasisi mbalimbali, mashirika na kampuni wakiwemo wadau wa maendeleo kujitokeza kusaidia sekta ya michezo katika timu mbalimbali zilizopo Wilayani Nyamagana na Jiji la Mwanza zinazoshiriki mashindano kuanzia ngazi za mtaa hadi ligi kuu jambo ambalo litaongeza chachu ya kukuza soka na kuwezesha kupatikana wachezaji wengi wenye vipaji vya soka "

“Mchezaji star yoyote duniani ni lazima awe na akili kwanza anatumia akili anapokuwa uwanjani hivyo ni vyema sasa mkatambua kuwa vijana ni lazima wapate elimu ili kumuwezesha kuwa mchezaji wa kimataifa ambaye atakuwa mtambuzi wa lugha za kimataifa na kumuwezesha kutekeleza majukumu yake kwa ufasaa zaidi wakati wakupata maelekezo kutoka kwa makocha na hata wachezaji wenzake uwanjani” alisema Konisaga.

Kwa upande wake Mkurugenzi wa Shule za Alliance na Kituo cha Alliance Academy James Bwire alisema kwamba kuteuliwa kwa kijana huyo kuchezea timu ya taifa stars na kwenye timu ya taifa ya waliteuliwa vijana sita kujiunga na Airtel releasing star walichaguliwa vijana watatu akiwemo Mudaula ambao walishiriki mashindano hayo nchini Naigeria na kuibuka mfungaji bora wa mashindano hayo hivyo anacho kipaji.

“Sisi Alliance ndo tunaomsomesha na kuendeleza kipaji chake kijana Mudaula lakini alipoteuliwa tu kujiunga na kuichezea timu ya taifa kwa mara ya kwanza akitokea Kituo cha Alliance Academy kwenye mchezo wa kirafiki wa kutekeleza Kalenda ya FIFA na timu ya taifa ya Namibia na kutoka sare, sasa tumeanza kupata maombi kutoka klabu za Azam (Tanzania), Al Ahal (Misiri), Harambee (Kenya) na baadhi ya timu tatu za nchini Namibia” alisema.

Wito wangu kwa wadau mbalimbali wa michezo na wafanyabiashara, taasisi, mashirika na makampuni kujitolea kukisaidia kituo cha Alliance ambacho kwa sasa kina timu inashiriki ligi daraja la nne Wilaya ya Nyamagana na kwenye mashindano mbalimbali yanayoanzishwa na kituo hicho na inayoshiriki kitaifa na kimataifa ili kuendeleza vipaji kwa vijana wa umri wa miaka 17, 15 na 7 wa Alliance Academy.

Tupe maoni yako