PIGO JINGINE BONGO FLEVA; LANGA TUTOKA

Ikiwa bado hata wiki haija kamilika tangu Taifa la Tanzania kuingia kwenye  simanzi hata kumzika  mmoja ya wasanii wa muziki wa kizazi kipya nchini mkali wa free style Albert mangwea, familia ya Bongo fleva hii leo majira ya saa 11 jioni imepata pigo jingine tena kwa kuondokewa na mmoja kati ya Hip hop star wake huyu si mwingine ni msanii Langa Kileo.

Kwa mujibu wa baba mzazi wa marehemu mzee Mengiseni Kileo aliyethibitisha kifo hicho amesema kuwa mwanaye amefariki dunia hii leo jioni majira ya saa 11 katika hospitali ya taifa Muhimbili baada ya kuugua ugonjwa wa maralia na hatimaye kulazwa hospitalini hapo.

Mama mzazi wa marehemu aitwaye Venus Kileo aliyeko nchini Marekani tayari ameshafanya taratibu za kuwasili nchini mara moja kwa ajili ya huduma nyingine.

Umahiri wa Langa katika muziki utakumbukwa kupitia vibao kama Hoi alichotoa na kundi lililo mtambulisha la Wakilisha Coca cola Pop Star, na track zake binafsi kama Matawi ya juu. Video ya mwisho aliyotoa ni Marafiki na  kabla haja fariki alitoa wimbo Am Suppliying.

R.I.P LANGA KILEO. 

Tupe maoni yako