WATAKAOTUMIA KIINGEREZA KATIKA MAWASILIANO KUPIGWA FAINI ITALIA

Serikali ya Italia yapania kuanzisha sheria ya kuwatoza faini raia wake watakaotumia maneno ya Kiingereza au lugha nyingine yoyote ya kigeni katika mawasiliano au nyaraka rasmi.

 

Sheria hiyo mpya sasa itawataka Waitaliano wote wanaofanya kazi kwenye idara za umma kuwa na uwezo wa kusoma, kuandika na kukimudu Kiitaliano

 

Wale watakaoenda kinyume na sheria hiyo watalipa faini ambayo inaweza kufikia kiasi cha zaidi ya euro 100,000(254,954,420.30 tsh).Japo sheria hiyo inajumuisha lugha zote za kigeni, hata hivyo Kiingereza ndiyo inalengwa zaidi.

 

Kwa mujibu wa taarifa iliyotolewa na chama cha Brothers of Italy ambao ndio waanzilishi wa muswada huo, matumizi ya maneno ya Kiingereza yanakidhalilisha na kukishushia hadhi Kiitaliano.

Tupe maoni yako