TANZANIA MFANO WA KUIGWA HARAKATI ZA KUPAMBANA NA RUSHWA AFRIKA.

Mkutano  wa  Afrika wa Azaki (CSOs)  unafanyika   mji wa Bajul  Gambia   ukiwa  na  lengo  la kutathimini  utekelezaji wa  maazimio ya  Tume ya   Afrika juu  ya  kulinda  haki  za  binadamu Afrika,  Mkutano  huo  umendaliwa  na  kamisheni ya Afrika inayoshughulika  na  haki za binadamu.

Mkutano huo  ulichagizwa  na  uwasilishwaji wa mada mbalimbali  kama kutathimin demokrasia  na   haki za binadamu   Afrika, utawala  wa   sheria  katika  bara  la  Afrika, tathimini ya mkataba wa Maputo wa kulinda  haki  za wanawake  na watoto, rushwa   na  athari zake  katika  jamiii. Onesmo  Olengulumwa  Mratibu wa Mtandao wa Watetezi wa Haki za Binadamu Tanzania, amesema kuwa, Tanzania  imeonekana  kufanya  vizuri  kwenye eneo  la  kupambana  na  rushwa, kwani  Rais   Magufuli mekuwa mstari wa mbele  kwenye kuchukua  hatua  za kupiga vita  rushwa na  kuwepo kwa  usawa katika jamii.

Ameongeza kuwa, changamoto  zimebaki  kwenye  maeneo  machache  kama, haki za kisiasa,  uhuru wa kujieleza, uhuru wa  vyombo  vya  bahari, ambapo  kimsingi azaki  zina nafasi  ya  kuzidi  kuishauri  serikali  juu  ya  hali hiyo.

Suala  la  uwepo wa  rushwa  limeonekana  kuwavuta  washiriki  wengi  kuchangia  na     kuitaka  kamisheni   kamisheni ya  Afrika   ya  haki za watu  kutafuta  njia  ya  kuzihusisha  serikali  za  Afrika  kuchukua  hatua  kali  za  kudhibiti   rushwa. Hasa  kwa  Nchi  ambazo   zilisaini  mkataba  wa kupambana  na rushwa  lakini ndio  zinaongozwa  kwa  vitendo  vya  rushwa  barani  Afrika

Bi Christina Kamili   Mkurugenzi wa  Mtandao wa wa Mashirika  yanayotoa  Huduma  ya  Msaada wa Kisheria alisema kuwa,  hakuna  maendeleo  bila  haki na amani,  hivyo   serikali za  Afrrika zifanye  jitihada  za  kuhakikisha  kuwa  kila Mwananchi anapata  msaada  wa kisheria na pia zijengwe  taasisi  imara  zitakozozingatia  usawa katika  upatikanaji wa haki.

Aliongeza kuwa, Serikali  lazima  zitenge   bajeti  na kuzijengea  uwezo taasisi  zinazotoa  haki katika  kuhakikisha kwamba  jamii iliyopo pembezoni  na watu maskini wanapata  haki.

Naye  Harusi  Mpatani  Mkurugenzi wa Kituo  cha Huduma  za Sheria Zanzibar  alisema kuwa, uwepo  wa kamisheni  ya  Afrika  ya  haki za watu  isistize  Nchi  wanachama  wanalinda na kutetea  haki za  binadamu pamoja  na kuwepo  mikakati thabiti ya  kulinda  taasisi  za  ndani  zinazosimamia  haki za binadamu, pia  ametoa  ushauri   kwa  mheshimwa Rais   John Pombe  Magufuli  kuharakisha  mchakato wa kupatikana  kwa makamishina wa haki za  binadamu, ambao  ni  kiungo  muhimu katika  kusimamia  masuala  ya  haki za binadamu  Tanzania.

Licha   ya  changamoto  zilizopo  katika  kukabiliana  na  vitendo  vya  rushwa   lakini  kuna  baadhi  ya  Nchi  zimeonesha  mfano  mzuri  wa  kupambana  na  Rushwa,  moja  ya  Nchi  hizo  ni  Tanzania, ambayo  imeanzisha  mahakama  maalumu  ya  kupambana  na   vitendo  vya  rushwa.

Mkutano  huo  wa siku  tatu  ulishirikisha  mataifa yote ya  bara  la Afrika  na  washiriki zaidi  ya  500  utamalizika  leo  Katika  mji wa Banjul na kufanya  mwendelezo wa   mkutano  mwingine  hapo  kesho  wa vikao vya   Kamisheni  ya  Afrika  yenye  makao  yake  makuu  hapa  Banjul  Gambia   utakaolenga  kutathimini  mwenendo  wa haki za  binadamu  na utawala  wa  sheria   Afrika.

 Edwin  Soko

Banjul

Gambia

Tupe maoni yako