BREAKING NEWS KESI YA KIWIA KUPINGA MATOKEO JIMBO LA ILEMELA YAFUTWA

Wakili Mutabaazi wa Mbunge Angelina Mabula (mwenye suti nyeusi) akiwa na Katibu wa Ofisi ya Mbunge Jimbo la Ilemela Kheri James wakati wa kutoa ufafanuzi wa uamuzi wa Mahakama Kuu Kanda ya Mwanza mapema hii leo, juu ya kufutwa kwa kesi ya Mbunge Mabula iliyofunguliwa na aliyekuwa Mbunge wa jimbo hilo kwa tiketi ya CHADEMA H. Kiwia.

Na PETER FABIAN, MWANZA.

MAHAKAMA Kuu Kanda ya Mwanza jana ilifuta rasmi Kesi ya madai ya kupinga matokeo ya uchaguzi wa Mbunge wa Jimbo la Ilemela Angelina Mabula (CCM) baada ya mlalamikaji aliyekuwa mgombea kwa tiketi ya Cha Cha Demokrasia na Maendeleo (CHADEMA) Haighness Kiwia kushindwa kulipi kiasi cha Sh 10 milioni ili kuanza kusikilizwa kwa kesi hiyo.

Kesi hiyo hiyo Namba 2 ya mwaka 2015 ilifunguliwa na mgombea Kiwia ambaye alikuwa Mbunge wa jimbo hilo kwa miaka mitano kabla ya kushindwa na Mabula katika uchaguzi wa Oktoba 25 mwaka 2015, ambapo awali kesi hiyo ilifunguliwa Novemba 25 mwaka 2015 na Wakili wa kujite Agrey Labani ambaye alikuwa akimtetea Kiwia.

Akitoa uamuzi wa kufutilia mbali kesi hiyo, Msajili wa Mahakama Kuu Kanda ya Mwanza, Eugenia Rujwahuka, alieleza mahakama hiyo imekubaliana na Hati iliyowasilishwa na Wakili wa kujitegemea Paul Kipeja kutoka Kampuni ya Goldstone Chamber akiwa upande wa mlalamikaji kuwa mteja wake Kiwia ameshindwa kumudu kulipia gharama za kufunguliwa kesi hiyo kiasi cha Sh 10 milioni ambazo zilitakiwa kulipwa kwanza kabla kesi ya msingi kusikilizwa.

Rujwahuka alieleza kwamba kutokana na mlalamikaji kushindwa kulipia gharama za ufunguaji wa kesi ambapo Mahakama hiyo ilimtaka kulipa kiasi cha Sh 10 milioni ikiwa ni kutokana na kushitakiwa Mbunge Mabula na Mwanasheria Mkuu wa Serikali ambao kwa pamoja walitajwa katika madai ya kesi hiyo ya kupinga matokeo ya uchaguzi mkuu jimbo la Ilemela.

“Mahakama haina pingamizi na uamuzi uliofikiwa na mlalamikaji wa kuliondoa shauri hili, leo hii asubuhi upande uliokuwa ikilalamika uliwasilisha Hati ya kuomba kuifuta kesi hii lakini pia mlalamikaji Kiwia alishindwa kulipia gharama ya ufunguaji wa kesi kwa watu aliotajwa kwenye madai yake ndani ya muda pamoja na kuomba kupunguziwa na Mahakama gharama hiyo ambapo Mahakama ilimtaka kulipa,”alieleza.

Rujwahuka alimhoji Wakili wa kujitegemea, Mutabaazi Lugaziya, kutoka  Kampuni ya M.J. Lugaziya aliyekuwa akimtetea Mbunge Mabula kama anakubaliana na Hati hiyo ya kufuta kesi ambaye alikubaliana na hatua hiyo na kudai hana kupingamizi, lakini akiomba Mahakama hiyo kukubali ombi la mteja wake Mabula kufungua kesi ya madai ya kwa Kiwia ambazo walitumia wakati wa kufatilia kesi hiyo.

Wakili Kipeja alisema kwamba kutokana na mteja wake kushindwa kumudu gharama za kufungua kesi naye amekubaliana na uamuzi huo kwa madai kuwa Kiwia alimuomba kupeleka Hati hiyo ili kutoendelea na kesi hiyo ngazi yoyote ile ambapo uamuzi huo anakubaliana nao kwa asilimia 100 na anaishukuru Mahakama hiyo kulikubali ombi hilo na kutoa uamuzi.

Wakili wa Lugaziya aliwashukuru walalamikaji kwa kuifuta kesi hiyo mapema ili kuwezesha mteja wake Mbunge Mabula ambaye pia ni Naibu Waziri wa Ardhi, Nyumba na Maendeleo ya Makazi apate muda wa kuwatumikia wapiga kura wake na majukumu mengine ya kiserikali kwa kuwa ingweza kuchukua muda mrefu, lakini pia haki ya imetendeka kama tulivyokuwa tukisubiria kwa kuwa tuliamini mteja wetu alishinda kihalali kwenye uchaguzi huo wa Oktoba 25 mwaka 2015 na hakuna ubishi.

Tupe maoni yako