DROO YA KWANZA NDOVU SPECIAL MALT YAFANYIKA WASHINDI KUTEMBELEA HIFADHI ZA SELOUS.

Meneja wa bia ya Ndovu Special Malt, Pamela Kikuli(kulia) akizungumza na waandishi wa habari(hawapo pichani) wakati wa kuchezesha droo ya kwanza yakampeni ya “Ndovu Golden Experience” ya kusaka washindi wa kutembelea hifadhi ya Selous.Sigfrid Masawe alishinda katika droo hiyo.Kushoto ni mwakilishi kutoka bodi ya kubahatisha nchini, Mrisho Millao.

Wakichezesha droo ya kwanza ya Ndovu Golden Experience.

DROO YA KWANZA YA NDOVU SPECIAL MALT CHINI YA “NDOVU GOLDEN EXPERIENCE”   YAFANYIKA KUSAKA WASHINDI  WA KUTEMBELEA HIFADHI  ZA SELOUS.

TAARIFA KWA VYOMBO VYA HABARI

Dar es Salaam, Jumatatu 17-11-2014

Ndovu Golden Experiencekupitia  kinywaji chake cha Ndovu Special Malt, leo hii imechezesha droo yake ya kwanza ya kupata washindi watakaoweza kutembelea  hifadhi  za Selous.

Akizungumza na waandishi wa Habari, Meneja wa Bia ya Ndovu Special Malt, Bi. Pamela Kikuli  alisema kuwa “Washindi hao watajipatia fursa ya kutembelea hifadhi hizo na tunaamini kuwa fursa hii itawapa hamasa kubwa ya kujifunza zaidi  na kuendelea kumlinda Mnyama Tembo na hifadhi za Wanyama kwa ujumla” Utalii ni sekta muhimu sana katika kukuza uchumi wa Tanzania, ila,  utalii mkubwa unaofanyika hapa Tanzania ni wa wageni kutoka nchi za nje. Hivyo basi tunaamini kuwa kwa kuendeleza kampeni yetu hii ya ‘Ndovu Golden Experience’ inayoendeshwa kupitia namba zilizo chini ya kizibo cha bia ya Ndovu Special Malt, itawa fursa muhimu sana watanzania ya kutembelea vivutio vya utalii vilivyo ndani ya nchi yetu.

Gharama za malazi, chakula pamoja  na usafiri  zitakuwa chini ya kampeni  ya “Ndovu Golden experience” kupitia kinywaji chake cha Ndovu Special Malt. Washindi hao wataongeza  idadi  katika takwimu ya Wazawa wanaotembelea hifadhi za Wanyama Nchini.

Alimalizia kwakusisitiza  kuwa,watumiaji wote wa kinywaji cha Ndovu Special Malt kushiriki kwa wingi katika shindano  hilo kwa kutuma  namba zilizofichwa kwenye kizibo kwenda 15499 au kwa njia ya tovuti www.ndovuspecialmalt.com/goldenexperience.

Hifadhi za Selous ziko Kusini mwa Tanzania, ukubwa wa kilometa za mraba 54,600.Ina Wanyama wakubwa kama vikle Tembo, Mbwa Mwitu, Nyati, Kiboko, Mamba, Simba na aina 450 za ndege warukao.

Tupe maoni yako