TASAF YAZINDUA UTEKELEZAJI WA AWAMU YA TATU KWA KUWAGENGEA UWEZO VIONGOZI NA WATAALAMU JIJI LA MWANZA

Mhandisi Sanya Warioba, mgeni rasmi aliyemwakilisha Mkuu wa Mkoa wa Mwanza Mhandisi Evarist Ndikilo, akifungua warsha ya siku moja ya Mfuko wa Maendeleo ya Jamii (TASAF) awamu ya tatu jijini Mwanza jana, kulia ni Mkurugenzi wa Halmashauri ya Jiji la Mwanza, Halfa Hida, kushoto ni Naibu Meya wa Jiji la Mwanza, John Minja.

Naibu Meya wa Jiji la Mwanza, John Minja (aliyesimama), akizungumza wakati wa uzinduzi wa warsha ya siku moja ya Mfuko wa Maendeleo ya Jamii (TASAF) awamu ya tatu katikati ni Mhandisi Sanya Warioba, mgeni rasmi aliyemwakilisha Mkuu wa Mkoa wa Mwanza na kulia ni Mkurugenzi wa Halmashauri ya Jiji la Mwanza, Halfa Hida, iliyofanyika jijini Mwanza.

 Mgeni rasmi Mhandisi Sanya Warioba, aliyemwakilisha Mkuu wa Mkoa wa Mwanza (wasita kutoka kushoto mbele), Mkurugenzi wa Halmashauri ya Jiji la Mwanza, Halfa Hida (wa tano mbele), Naibu Meya wa Jiji la Mwanza, John Minja (wa tano kulia mbele) na Meneja wa Fedha Godwin Mkisi (TASAF) wa nne kutoka kushoto aliyemwakilisha Mkurugenzi Mkuu wa TASAF wakiwa katika picha ya pamoja na madiwani wa Halmashauri ya Jiji la Mwanza jana baada ya kuzinduliwa mpango wa awamu ya tatu jijini Mwanza.

MWANZA.

MFUKO wa Maendeleo ya Jamii (TASAF) jana imezindua  mwendelezo wa utekelezaji  mpango wa kunusuru kaya maskini milioni moja zenye wakazi milioni 6.5 katika Halmashauri na Manispaa 161 nchini.

Kaimu Mkurugenzi wa TASAF, Godwin Mkisi ambaye ni meneja wa fedha makao makuu alisema  wakati wa uzinduzi wa warsha ya mafunzo kwa wataalamu na madiwani na wadau wa jamii uliofanyika katika ukumbi wa Halmashauri ya Jiji la Mwanza   kwamba awamu ya tatu inashirikisha halmashauri 33 ikiwemo Jiji katika mikoa ya Mwanza, Morogoro, Pwani, Tanga na Simiyu.

Mkisi alisema mpango huo unataraji kutekelezwa kwa awamu mbili ndani ya miaka kumi ambapo kila awamu moja itakuwa ya miaka mitano na unaolenga kaya maskini zaidi .

“ utekelezaji wa mpango huu umelenga kuwajengea uwezo kwenye mfumo wa kijamii , katika ngazi zote  za utekelezaji ili kuwezesha uelewa mzuriwa kanuni na taratibu  za utekelezaji wake.” Mkisi.

Aidha alieleza umakini wa wawezeshaji ambao ni munimili muhimu ili kuondokana na familia zinazoishi maisha duni kwenye lindi la umaskini uliokithiri hapa nchini utapungua endapo mpango huu utatekelezwa kikamilifu katika kaya zilizoingizwa mpango huo kabambe.

Mkisi alifafanua kuwa mpango huo utatekelezwa katika sehemu kuu nne, kwanza  ni uhawilishaji wa fedha utakaotoa  ruzuku kwenye  kaya masikini zaidi, pili kuongeza kipato kwa uwekaji  akiba.

Tatu, kutoa ajira za muda kwa wananchi wa  kaya masikini zaidi wenye uwezo wa kufanya kazi hususani wakati wa hari na kujenga pia kuboresha miundombinu inayolenga sekta ya afya, elimu na maji.

Naye Mkuu wa Mkoa wa Mwanza, Mhandisi Evarist  Ndikilo ambaye alikuwa mgeni rasmi alisema katika utekelezaji wa mpango huo uliozinduliwa na Rais wa Jamhuri ya Muungano wa Tanzania Dkt. Jakaya Kikwete Februari 15 , 2012 mjini Dodoma.

“ Mpango huu ulizinduliwa kwa lengo la kunusuru kaya maskini ukilenga kuimarisha uwazi, uwajibikaji na kutoa fursa kwa makundi mbalimbali ya kijamii  kushiriki kwa nia madhubuti,” alisema.

Pia Ndikilo alieleza usimamizi na utekelezaji wa awamu hii ya tatu uzingatie vyema changamoto zilizojitokeza katika utekelezaji wa awamu ya pili katika maeneo mbalimbali ya mkoa wa Mwanza  katika wilaya  za Sengerema , Nyamagana, Ilemela, Misungwi, Kwimba, Magu na Ukerewe pia mikoa ya kanda ya ziwa.

“ Katika Halmashauri za Wilaya, Jiji na Manispaa pia kata zote zifuatilie kwa ukaribu  utendaji wa shughuli za mfuko wa maendeleo ya jamii zisiingie kwenye  malengo yasiyokusudiwa ,” alieleza.

Mpango huu unaendele kutekelezwa kikamilifu katika halmashauri zote Tanzania Bara pia  Zanzibar katika visiwa vya Pemba na Unguja kuhakikisha azma ya serikali ya kuwakomboa wananchi dhidi ya umaskini ili wapate maendeleo na huduma bora za kijamii huku mpango huu usipotoshwe na baadhi ya wanasiasa kwa manufaa yao ya kisiasa bali ulenge zaidi kuwaelimisha.

Tupe maoni yako