BALOZI ZA CHINA NA CANADA SASA KUWEKEZA JIJINI MWANZA.

MEYA wa Jiji la Mwanza Stanislaus Mabula (Aliyevaa Mkufu ) wa pili kutoka kushoto akiwa na Balozi mdogo wa Taifa la China Li Xuhang nchini (wa pili wa kutoka kulia), Mkurugenzi wa Jiji la Mwanza Alfa Hassan Hida (wa kwanza kulia), Mjumbe aliyeongozana na Balozi (kushoto) na Joseph Mlinzi Afisa Mahusiano wa Jiji la Mwanza (nyuma)

Mstahiki wa Jiji la Mwanza Stanislaus Mabula akiwa kikaoni na Balozi mdogo wa China nchini Li Xuhang na ujumbe wake ofisini kwa Meya alipotembelea Jiji la Mwanza 

Mstahiki Meya Mabula akifafanua jambo kwa Balozi mdogo wa China nchini Li Xuhang 

Afisa Mahusiano wa Jiji la Mwanza Joseph Mlinzi akiwakaribishwa wageni na kufanya utambulisho kwa Meya Mabula na Balozi mdogo wa China nchini Li Xuhang na ujembe wake alioongozana nao ofisini kwa Meya.

Meya wa Jiji la Mwanza wa Jiji la Mwanza akimsikiliza Balozi mdogo wa China Li Xuhang na ujumbeumisha wake alioambatana nao walipotembelea ofisi za Jiji la Mwanza kudumisha uhusiano kwa miaka 50 na Taifa letu

Mstahiki Meya wa Jiji la Mwanza Stanislau Mabula (Diwani wa Kata ya Mkolani) akiwa ni Meya wa 10 tangu kuanzishwa Mji na Jiji hili la Mwanza 

Meya wa Jiji la Mwanza Stanislaus Mabula (kushoto) akiwa na Balozi mdogo wa Canada nchini alipomtembelea ofisini kwake Jijini Mwanza.

Mchumi wa Jiji la Mwanza Joseph Kashushula (kulia) akiwa na Balozi mdogo wa Canada ofisini kwa Meya wa Jiji la Mwanza kwa picha ya kumbukumbu baada ya kutembelea Jiji hilo.

Picha ya pamoja Meya wa Jiji la Mwanza Stanislaus Mabula (wa nne kutoka kushoto), Balozi mdogo wa china nchini Li Xuhang (wa nne kutoka kulia) , Mkurugenzi wa Jiji Alifa Hassan Hida (wa tatu kutoka kulia), Bi Olina wa Kampuni ya Ujenzi ya CRJE ya China na Mchumi wa Jiji Joseph Kashushula (kulia) na kushoto ni wajumbe walioongozana na Balozi na Afisa Mahusiano wa Jiji Joseph Mlinzi (aliye nyuma).

Na PETER FABIAN (gsengoblog)

UBALOZI wa China umekusudia kuwaleta wafanyabiashara na makampuni kutoka nchini humo kuja kuwekeza Jiji la Mwanza kutokana na rasilimali zilizopo ikiwemo maeneo ya uwekezaji.

Hayo yalisemwa hivi karibuni na Msaidizi wa Balozi wa China nchini Bw. Li Xuhang aliyeongoza ujembe mdogo wa china walipotembelea Jijini Mwanza na kukutana na uongozi wa Jiji la Mwanza ambapo walikutana na Meya wa Jiji Bw.Stanislaus Mabula na Mkurugenzi wa Jiji hilo Bw. Alfa Hassan Hida kwa mazungumzo jinsi ya kushirikiana katika Nyanja mbalimbali.

Bw. Xuhang alisema kwamba lengo la ujumbe huo kubisha hodi kwa uongozi wa Jiji la Mwanza ni kudumisha ushirikiano katika Nyanja za Uchumi na Biashara kwa miaka hamsini tangu kuwa na mahusiano na Taifa la China ambapo pia jina la Jiji la Mwanza linao umaarufu nchini china kutokana na kuwa Kitovu cha nchi za Maziwa Makuu sanjari na kuwepo rasilimali na maeneo ya uwekezaji.

“Ni fursa ya pekee kwa wafanyabiashara na makampuni ya nchini kwangu kuchangamka na kuja kuwekeza Jiji la Mwanza ambapo kwa upande wa Viwanda mbalimbali vya kutengeneza bidha za vyombo vya ndani, nguo, ofisini na mitambo mbalimbali ikiwemo ya ujenzi na ujenzi wa majengo marefu ya kitega uchumi ikiwemo miundombinu ya barabara” alisema

Bw. Xuhang aliongeza kuwa wawekezaji wa china wakitumia fursa hii kuja kuwekeza hakika Jiji la Mwanza litakuwa mfano na litaongeza kasi ya ukuaji wake kutokana na kuwa na maeneo ya uwekezaji, rasilimali na maeneo mengi ya vivutio mbalimbali vya utalii likiwemo ziwa Victoria na kusaidia upatikanaji wa ajira kwa wananchi wakazi wa Jiji hili na Mkoa wa Mwanza.

“Nimefurahi kupatiwa taarifa za kuwepo wananchi wenzangu kutoka nchini china wapatao 200 wanaojishughulisha na miradi mbalimbali ikiwemo ujenzi wa majengo marefu, barabara, zana za kilimo, uvuvi na biashara mbalimbali jambo ambalo litaongeza chachu ya kuwahamasisha wenye uwezo kuja kuwekeza zaidi” alisisitiza Balozi huyo mdogo.

Naye Mstahiki Meya wa Jiji la Mwanza Bw. Stanislaus Mabula kwanza aliupongeza Ujumbe huo wa China na kuonyesha ushirikiano na Jiji la Mwanza kwa muda mrefu na kutaka udumishwe na kuendelezwa na kuenziwa ili kutoa fursa kwa kila upande kubadilishana uzoefu na kufahamiana zaidi ili kuweka mahusiano ambayo itakuwa chachu ya kuwavutia wawekezaji.

Mstahiki Mabula alisema kwamba katika bmazungumzo ya kina na ujumbe huo uongozi wa Jiji la Mwanza umekusudia kuushawishi ujumbe huo kuendelea kulisaidia Jiji hili katika sekta na Nyanja mbalimbali za maendeleo na kiuchumi pamoja na kulipatia vitendea kazi (mitambo) kwa ajili ya barabara za Jiji, uzoaji taka na usafi wa mazingira, redio ya jiji, idara ya ardhi na mipango miji na vifaa vya Teknolojia, ulinzi na mawasiliano.

“Tunao ushirikiano wa muda mrefu kwa miaka hamsini (50) sasa na wenzetu hawa wa china ambapo katika uhusiano wetu kuna Kampuni ya  China Railway Jianchang Engineering Co.(T) Ltd (CRJE) inajenga jengo la Kituo cha Kibiashara maeneo ya Ghana ambalo Jiji limeingia ubiya ya LAPF ambapo pia tunayo mahusiano kwa miaka 50 na Mji rafiki lijulikanalo Yungup District uliopo Jiji la Shanghai nchini China ambapo tangu mwaka 2008 mahusiano yaliboreshwa.

Meya pia aliomba ujumbe huo kwa kushirikiana na serikali ya china kujitokeza kulisaidia katika ujenzi wa soko la kisasa la samaki na nafaka linalotaraji kujengwa maeneo ya Kata ya Mkuyuni ambalo liko katika mpango wa Jiji kuwa na kitega uchumi na litakalotoa huduma kwa mikoa ya jirani na wakazi wa Mkoa wa Mwanza ikiwa ni chanzo kipya cha kuliingizia jiji mapato zaidi.

Kwa upande wake Mkurugenzi wa Jiji la Mwanza Hida alimwomba Balozi huyo mdogo na ujumbe wake kulisaidia jiji katika sekta ya Elimu katika ujenzi wa Maabara katka shule za sekondari za Kata zote 12, Makitaba  na kuzipatia madawati ya kutosha ili kuondokana na tatizo hilo ambalo limekuwa kero kwa wazazi kutakiwa kuchangia gharama za upatikanaji wake.

Mkurugenzi Hida pia alisema Ubalozi huo ufikishe ombi la Jiji kwa serikali ya china kulisaidia jiji kuboresha vifaa vya kuboresha na kurusha matangazo ya redio yake na kulipatia pia mitambo ya kisasa ya kuanzisha Televishion (TV) yake kwa ajili ya kutoa elimu na matangazo mbalimbali kwa jamii juu ya shughuli za kijami zinazofanywa na Jiji katika maeneo ya kata zake 12.

“Tunaimani na wenzetu hawa kutusaidia kwa kiasi furani kutokana na mahusiano yetu kwa miaka hamsini (50) kwani ikitekelezwa hakika jiji la mwanza litakuwa na hadhi ambayo itawavutia wawekezaji wengi zaidi kutoka mataifa ya China (Asia), Ulaya na Amerika kutokana na kuwepo maeneo ya uwekezaji na miundombinu iliyo rafiki kwa wawekezaji” alisema.

Wito wangu kwa wananchi wa Jiji la Mwanza kuwa tayari kuwapokea wawekezaji kutoka mataifa ya china na mataifa mengine na kudumisha usafi wa mazingira yetu pamoja na kuwa tayari kushirikiana na wawekezaji kupitia fursa na rasilimali zilizopo katika sekta mbalimbali za kiuchumi na maendeleo ili kulipaisha kimataifa jiji hili lilio kitovu cha nchi za Maziwa Makuu na Kanda ya ziwa  

Tupe maoni yako