MWILI WA MAREHEMU WA AJALI YA HAICE NA BASI WAGOMBEWA KUZIKWA MWANZA

Na Peter Fabian MWANZA.                     

MMOJA wa mwili wa marehemu Elias Edward (28)aliyekufa katika ajali ya gari la abiria (Haice) likihusisha basi la Kampuni ya Allys iliyotokea Ijumaa iliyopita eneo la Buhongwa Jijini hapa imegombewa na kuleta tafurani kubwa kwa familia nani achukue mwili huo kwa ajili ya maziko.

Mvutano huo uliozua mabishano makali kupelekea ugomvi wa kutupiana maneno yasiyofaa kati ya Mjane wa marehemu Edward na upande wa baba wa marehemu aliyekufa katika ajali uliohifadhiwa katika Hospitali ya Rufaa ya Bugando Jijini hapa kufatia mabishano hayo.

Habari zilizotufikia kuwepo na mvutano huo, mazishi ya marehemu Edward yaliyokuwa yanatarajiwa kufanyika jana mchana bado kilikuwa ni kitendawili baada ya kushindikana na hadi tukienda mitamboni jana, kutokana na kutojulikana wapi na lini yatafanyika.

Kufatia ugomvi huo uliopo, umedaiwa kuwepo baada ya mmiliki wa basi hilo la Kampuni ya Allys, kukubali kugharamia mazishi ya marehemu huyo na wengine wa ajali hiyo yaliyotarajiwa kufanyika jana Nyasaka Wilayani Ilemela alikokuwa marehemu amejenga na kuishi hadi mauti yanamkuta ama Wilayani Misungwi alikozaliwa.

“Marehemu alikuwa akiishi na familia yake na mke aliyetajwa kwa jina la Veronika Makoye na watoto watatu akiwa na marehemu Edward” imefahamika.

Baadhi ya ndugu na waombolezaji wakizungumza gazeti hili jana wakati wa sakata hilo katika Hospitali ya Bugando, mjane na mama mzazi wa marehemu, Kulwa Daudi, walisema kuwa wao walitaka marehemu akazikiwe nyumbani kwake lakini shangazi zake na baba zao wadogo walipinga na kutaka wakazike kwao.

“Mrehemu mme wangu kwa zaidi ya miaka saba hadi mauti ya ajali mbaya hii yalipomkuta,inanisikitisha wakwe zangu (shangazi zake marehemu na baba zake wagogo) wakatae nisimzike mme wangu ….”  Aliesema huku akitokwa na machozi mjane huyo.

Kwa upande wake Mama mzazi wa marehemu huyo Bi Daud aliungana na mjane huyo kwa kutaka mwili huo ukazikwe Nyasaka lakini shangazi zake Misungwi, Tatu Misungwi na baba yake mdogo aliyefahamika kwa jina moja la Mabula, walikataa na kutoa maneno makali kwa mjane, wakidai yeye na mama mzazi wa marehemu, hawana maamzi kuliko wao.  

“Sijawahikuona mke wa marehemu na familia yake kupangiwa na mwinga (yani mjane) au shemeji (mama mzazi) marehemu ni mtoto wetu, vinginevyo hatutaki, leo hatutazika hadi mahakama itakapotoa maamzi.” Alidai Mabula huku baba mdogo mwingine wa marehemu (jina halikupatikana mara moja) akitishia kuzuia ndugu wengine wa upande wao,  wasikanyage Nyasaka.

Ajali ya basi la Allys lenye namba za usajiri T.961 AGP aina ya Scania, liligongana na Hiace T. 656 AQW katika eneo la Buhongwa na kusabisha vifo vya watu tisa,saba kati yao akiwemo Edward walikufa papo hapo.

Tupe maoni yako