SHEREHE KUBWA YAFANYIKA ANC IKITIMIZA KARNE

Rais Jacob Zuma wa Afrika Kusini amehutubia maelfu ya wafuasi wa ANC, katika sherehe zinazomalizika leo za kuadhimisha miaka 100 tangu chama hicho kuundwa - chama kikongwe kabisa cha ukombozi barani Afrika.

Maveterani wa ANC wakiwa wamebeba Mwenge kuashiria bado chama kinaangaza.
Bwana Zuma alisema leo ni siku ya furaha kwa watu wa Afrika Kusini, ambao waliangamiza ukoloni na ubaguzi wa rangi, kwa kusaidiwa na Afrika na ulimwengu.

Majeshi ya ulinzi nchini humo yakikagua mabango ya waasisi wa Taifa huru la Afrika ya Kusini akiwemo Nelson Mandela.
Bwana Nelson Mandela hakuweza kuhudhuria kwa sababu ni dhaifu.

ANC hivi karibuni imekumbwa na kashfa za rushwa na mizozo ndani ya chama lakini bado kina wafuasi wengi wenye hamasa kubwa.

Wakereketwa walio kunywa maji ya bendera ya chama.

Desmond Tutu (L), Rais wa Afrika kusini Jacob Zuma na Jesse Jackson (R) wakipata flash mbele ya mwenge wa ANC katika kanisa la Wesleyan mjini Bloemfontein
Kati ya wageni waliohudhuria sherehe hizo ni Kasisi Jesse Jackson, mwanaharakati maarufu wa Marekani wa kutetea haki za weusi.

Alisema: "Baada ya karne moja kutoka ma- dhalilisho kachomoza Nelson Mandela, Thabo Mbeki, Jacob Zuma, na Barack Obama. Ni karne ya mifano ya kuvuka vizingiti vikubwa.

Na hofu waliyokuwa nayo wazungu - kwamba weusi watalipiza kisasi - hayakutokea hayo".

Tupe maoni yako