WATU 18 WAPOTEZA MAISHA KWA UGONJWA WA KIPINDUPINDU NCHINI TANZANIA KUANZIA SEPTEMBA.

Wizara ya Afya nchini Tanzania imetangaza kuwa, jumla ya watu 18 wamepoteza maisha kwa ugonjwa wa kipindupindu. 

Taarifa iliyotolewa na Wizara ya Afya ya nchi hiyo imetangaza kuwa, kuanzia tarehe Mosi Septemba hadi tarehe 31 Oktoba mwaka huu ambayo ni miezi iliyoshuhudia mvua nyingi nchini humo, jumla ya kesi 570 ziliripotiwa kuhusiana na ugonjwa huo ambapo 18 ni kati ya walipoteza maisha. 

Kadhalika wizara hiyo imewataka viongozi pamoja na wananchi hususan katika maeneo ya vijijini kuchukua tahadhari za kiafya kwa lengo la kuzuia kuenea zaidi maradhi hayo.

Baadhi ya wagonjwa wa kipindupindu waliolazwa wakiendelea kupata matibabu.

Ugonjwa wa kipindupindu umekuwa ukizisababishia hasara kubwa ya kiroho na kifedha katika nchi nyingi masikini hususan za bara la Afrika. Kwa mujibu wa Shirika la Afya Duniani WHO, licha ya kuboreka hali ya afya duniani, hadi sasa zaidi ya watu milioni mbili hawapati maji safi ya kunywa suala linalochangia kukumbwa na ugonjwa huo. Dalili za ugonjwa wa kipindupindu ni mwathirika kutapika, kuharisha na kupoteza nguvu nyingi mwilini. 

KWA HISANI YA:-  Parstoday Swahili

Tupe maoni yako