NGEREJA KUMWAGA MIPIRA NA JEZI KWA ZIDI YA TIMU 110 ZITAKAZOSHIRIKI KOMBE LA MBUNGE

NA PETER FABIAN, SENGEREMA.

TIMU za vijiji zaidi ya 110 vya Kata za Jimbo la Sengerema kumwagiwa mipira kwa ajili ya kuanza maandalizi ya kucheza mashindano ya kupata wachezaji watakaunda timu za Kata za jimbo hilo katika mashindano ya Kombe linaloandaliwa na Mbunge wa jimbo hilo.

Kauli hiyo ilitolewa juzi na Mbunge wa Jimbo la Sengerema William Ngeleja kwa nyakati tofauti kwa wananchi kwenye mikutano ya hadhara katika Kata za Busisi,Nyamatongo, Nyampande, Ngoma wakati wa ziara yake ya kikazi inayoendelea ya kukagua miradi ya maendeleo na kusikiliza hoja za wananchi  jimboni humo kupitia utaratibu uliozoeleka.

Ngeleja aliwataka vijana katika maeneo mbalimbali ya vijiji vya Kata za Wilayani humo kuanza kupasha misuri kabla ya timu za Kata zote kuanza kushiriki mashindano ya kombe analoliandaa ambapo aliwaeleza vijana kuwapatia vifaa ikiwa ni mipira kwa timu za vijiji na timu za Kata zote kuzipatia kila moja jezi seti moja na mipira miwili zitakazoshiriki mashindano hayo.

“Tukimaliza mambo ya Brazil na kombe la dunia tunaanza na sisi kupasha misuri yetu kujiweka sawa na mashindano makubwa ya jimbo letu ya kombe la Mbunge hivyo kaeni mkao wa kujiweka fiti kwa mazoezi, baada ya mfungo wa ramadhani kazi inaanza mara moja,” Alisema.

Mbunge Ngereja alisema kwamba mashindano ya mwaka huu yatakuwa na utofauti kidogo baada ya kuboreshwa ambapo vifaa vitakavyotolewa ni vyakiwango cha kwa mipira na jezi huku zawadi za mshindi wa kwanza hadi watatu zikiongezeka pamoja na kipa bora, mfungaji bora,na timu iliyoonyesha nidhamu katika mashindano hayo ya mwaka huu 2014.

Ngeleja pia alitoa wito kwa viongozi wa Vijiji, Kata na timu kuanza mikakati ya maandalizi ya timu zao huku akiwataka kuwapuuza baadhi ya wapinzani wake kisiasa wanaopita kumchafua kwa madai kuwa mwaka huu mashindano hayo hayatakuwepo kutokana na kushindwa kuwaletea vifaa, “waelezeni yapo na wataona wenyewe wakati tutakapoanza kugawa vifaa hivyo,” alisisitiza.

Tupe maoni yako