PPF KUYAFIKISHA MAHAKAMANI BAADHI YA MAKAMPUNI YA ULINZI.

MFUKO wa Pesheni wa PPF Kanda ya Ziwa imeyaonya baadhi ya Makampuni mbalimbali yakiwemo ya Ulinzi kwa tabia na mazoea ya kuwaandikisha wafanyakazi wao na kushindwa kuwasilisha michango yao hali inayopelekea wafanyakazi kuangaika kupata fedha za michango waliyokuwa wakikatwa na kuchangiwa na waajiri wao mara wanapotoka katika ajira.

Kauli hiyo imetolewa mwishoni mwa wiki na Meshack Bandawe Meneja wa Kanda ya Ziwa (PPF) alipokuwa mgeni rasmi wakati wa hafla fupi ya kufunga mafunzo ya askari wa ulinzi 35 waliohitimu kati ya 40 Kampuni ya K.K Security walioanza mafunzo hayo kwenye uwanja mkongwe wa michezo wa Nyamagana jijini Mwanza. (ZAIDI BOFYA PLAY KUMSIKILIZA )

Bandawe alisema kuwa Kampuni ya K. K Security imekuwa ikithamini shughuli za Mfuko wa Pesheni wa PPF kama mdau muhimu katika sekta ya Hifadhi ya Jamii kwa manufaa ya mwajiri na wafanyakazi kwa ujumla katika kuwakinga na majanga mbalimbali wawapo katika ajira ama nje ya ajira.

Mkurugenzi huyo, alisema kwamba PPF imedhamilia kutoa huduma bora kwa makampuni yanayo wasilisha michango yao kwa wakati huku baadhi ya makampuni yanayoshindwa kufanya hivyo yatachukuliwa hatua kali za kisheria ili kulinda maslahi ya wafanyakazi na katika kutekeleza hilo tayari Mfuko wa PPF umekwisha yafungulia kesi Mahakamani baadhi ya makampuni ya ulinzi yaliyoshindwa kutimiza wajibu wao.

Bandawe alisema kwamba baadhi ya makapuni yamekuwa yakikumbwa na changamoto kubwa na kuibuka migogoro na wafanyakazi wao kutokana na kuwalipa mishahara midogo , lakini mbaya zaidi mishahara hiyo midogo hailipwi kwa muda na wakati hali hiyo inawafanya baadhi ya wafanyakazi wamekuwa na maisha ya shida na familia zao huku wakikabiliwa kufanya kazi katika mazingira magumu.

Mkurugenzi huyo aliipongeza Kampuni ya ulinzi ya K.K.S kuwa mfano wa kuigwa na makapuni mengine nchini ambapo kumbukumbu zilizopo zinaonyesha kuwa kampuni hiyo inajumla ya wafanyakazi 6285 walioandikishwa katika mfuko wa pesheni wa PPF na huwasilisha michango yao isiyopungua kiasi cha shilingi milioni 267,771,967.00 kila mwezi katika ofisi mbalimbali za PPF katika Kanda zote nchini.

Ukaguzi wa parade.

“Mwaka huu 2013 mmeandikisha askari wapya wa ulinzi 533 hongereni, PPF inapenda kuwahakikishia huduma bora ya mafao mbalimbali ikiwemo kulipwa mafao yenu kwa muda wa siku saba mara baada ya kutoka katika ajira huku PPF ndio Mfuko pekee unaotoa fao la elimu  kwa wanachama wake kwa kusomesha watoto wasiozidi wane kuanzia shule ya awali hadi kidato cha sita ikitokea mwanachama amefariki” alisema na kuongeza kuwa.

PPF itaendelea kutoa mikopo ya gharama nafuu kupitia SACOSS zilizopo kwenye sehemu za kazi pamoja na kushiriki katika ujenzi wa nyumba za gharama nafuu zinazokopeshwa kwa wanachama wake ili kuwawezesha kumiliki nyumba kabla ya kustaafu, PPF pia inawasii wafanyakazi wapya watakaoajiriwa na makampuni na taasisi katika sekta ya umma , serikali kuu, serikali za mitaa, binafisi na zisizo za kiserikali na isiyo rasmi kujiunga wapate mafao bora na huduma bora zinazotolewa na Mfuko huo.

Kakakamavu wa wahitimu.

Mguu sawa.

Attention..!

Namna ya kujilinda.

Meza kuu ya wadau wa PPF na KK Security Mwanza.

Kwa umakini yanayojiri uwanjani kutoka jukwaa kuu.

Parade likitoa heshima kwa jukwaa kuu.

Naye Meneja wa Tawi la Mwanza wa Kampuni ya K.K.S Bi. Levina Beal (pichani) alisema kuwa kutokana na askari walioajiriwa kukubali kukatwa asilimia 10 ya mishahara yao kumesaidia wao kupeleka michango ya asilimia 10 kama mwaajiri kutokana na sheria za mfuko huo zinavyoelekeza kwa wakati ili kuondoa malalamiko yanayojitokeza baada ya wafanyakazi kuacha au kutoka kazini ili kukwepa malimbikizo jambo ambalo wamekuwa wakilitekeleza kila mwezi. (ZAIDI BOFYA PLAY KUMSIKILIZA)

Beal alisema kuwa kutokana na Kampuni yake kuwekeza katika sekta ya ulinzi imeamua kutenga fedha kwa ajili ya kugharamia mafunzo kwa askari wake inaowaajiri ili kuwa na weledi wa ulinzi wenye kiwango kinachokubalika ikizingatiwa kuwa Jeshi la Polisi pekee haliwezi kumudu kufika kila mahali kuweka ulinzi na badala yake sekta binafisi imekuwa mdau wa kutoa ulinzi kwenye makampuni, taasisi za umma, mashirika ya umma na yasiyo ya serikali na watu binafisi hapa nchini.

Tupe maoni yako