RIDHIWAN KIKWETE KUWA MGENI RASMI HARAMBEE YA CHAMA CHA WANDISHI WA HABARI MWANZA

Mwenyekiti wa Mwanza Press Club (MPC) akizungumza na waandishi wa habari ambapo chama hicho kimeandaa harambee ya kuchangisha shilingi milioni 100,000,000/= kwaajili ya kununua mtambo wa kuchapa magazeti ilikukiwezesha chama kuwa na mradi wake ambao utasaidia kukuza kipato, mgeni rasmi anatarajiwa kuwa Ndugu Ridhiwan Kikwete.  

Waandishi wa habari toka vyombo mbalimbali wamehudhuria kupata taarifa hiyo ambayo imenuia kuleta mabadiliko katika jamii ya wakazi wa kanda ya ziwa ambao kwa kipindi kirefu wamekosa wigo wa kupata taarifa zao kwa kina. 

Waandishi wa habari pamoja na chama chao wamekuwa wakikabiliana na changamoto ya upatikanaji na uchapishaji wa habari za vijijini na zile zinazohusu shughuli za kijamii, ambazo ni muhimu kwa maendeleo ya jamii yetu na taifa kwa ujumla.

Wadau wa habari vituo vya televisheni nchini.

TAARIFA KWA VYOMBO VYA HABARI

Chama Cha Waandishi wa Habari mkoa wa Mwanza kimeandaa harambee ya kuchangisha shilingi milioni mia moja  (100,000,000/-) kwa ajili ya kununua mtambo wa kuchapa magazeti ili kukiwezesha chama kuwa na mradi wake ambao utasaidia kukiingizia chama kipato.

Pamoja na kuingiza kipato cha chama mradi huo utakiwezesha chama kuanzisha gazeti la kijamii ambalo litakuwa na jukumu la kuandika habari za kijamii na za vijijini zaidi kwa ajili ya mikoa ya kanda ya ziwa zitakazosaidia kuchochea maendeleo ya jamii.

Chama kina wajibu wa kuhakikisha kuwa jamii ya wananchi wa Mkoa wa Mwanza na kanda ya ziwa wanapata haki yao ya kupata habari sahihi kwa wakati na zinazohusu shughulli za maendeleo yao ambazo ni chachu muhimu kwa maendeleo ya jamii yeyote ile.

Katika kutekeleza jukumu la kuwapatia mazingira mazuri ya kuwafikishia wananchi habari sahihi na kwa wakati chama kimekuwa kikikabiliwa na changamoto ya upatikanaji na uchapishaji wa habari za vijijini na zile zinahusu shughuli za kijamii, ambazo ni muhimu kwa maendeleo ya jamii yetu na taifa kwa ujumla.

Ili kukabiliana na changamoto hiyo Chama cha Waandishi wa habari Mkoani Mwanza kimeandaa harambee kwa ajili ya kupata shilingi milioni mia moja (100,000,000/-) kwa ajili ya kununua Mtambo wa kcuhapa magazeti. Mtambo huu utakiwezesha chama kufufua gazeti lake la TAA pamoja na kufanya kazi zingine za nje kama chanzo cha mapato kwa chama.

Harambee hiyo itafanyika tarehe 04/05/2013 katika Ukumbi wa JB BELMONT Hotel ambapo wadau mbali mbali wa habari wakiwemo wafanyabiashara, viongozi wa vyama na serikali, wakuu wa mashirika na taasisi mbali mbali za umma na binafsi ili kufanikisha harambee hiyo.

Tumewaalika wananchi wa kada mbali mbali wa Mkoa wa Mwanza kushiriki katika Harambee hii kwa sababu kama MPC tunaamini kwamba Chama kiko kwa ajili ya wananchi ili kuwatumikia wananchi wa mkoa wa Mwanza na kanda ya Ziwa. Ushiriki wao ni ishara ya umiliki wao wa mchakato huu na sisi kama chama ni waratibu na wasimamizi tu wa shughuli hii lakini katika hali halisi waandishi wote wa wana  Mwanza ndio wamiliki halisi wa mtambo utakaonunuliwa na hata gazeti litakaloanzishwa.

Mgeni rasmi ambaye ataongoza harambee hiyo atakuwa ni Ridhiwan Kikwete.

Mwanza Press Club (MPC) ni chama cha Waandishi wa habari Mkoani Mwanza ni taasisi isiyo ya kiserikali inayowaleta pamoja waandishi wa Mkoa wa Mwanza katika kutekeleza majukumu yao kwa weledi na kuzingatia maadili ya taaluma hiyo.

Deus Bugaywa                                                                                                                       

Mwenyekiti                                                

Mwanza Press Club

Tupe maoni yako