SIKU 3 TU ZIMESALIA KWA MAMLAKA YA MAWASILIANO KUZIMA RASMI MITAMBO YA ANALOJIA MWANZA

Bw. Habbi Gunze

Zimesalia siku 3 tu ambapo Mamlaka ya Mawasiliano nchini TCRA itachukuwa hatua ya kuzima mitambo ya utangazaji wa televisheni ya mfumo wa analojia kwa mkoa wa Mwanza.

Hayo yamebainishwa leo jijini Mwanza na Mkurugenzi wa Utangazaji wa Mamlaka ya Mawasiliano nchini Bw. Habbi Gunze wakati akizungumza na waandishi wa habari jijini humo kuhusiana na utekelezaji wa hatua hiyo kwa mujibu wa makubaliano ya nchi wanachama wa jumuiya ya Afrika Mashariki ambapo amesema kuwa ifikapo tarehe 28 februari 2013 zoezi hilo litafanyika kwa mkoa wa Mwanza.

Msikilize Mkurugenzi wa Utangazaji TCRA akibainisha maeneo yatakayoguswa na zoezi hilo la uzimaji wa mitambo ya kurusha matangazo ya televisheni kwa njia ya Analojia Bofya play..

Maandalizi ya kuzima mitambo ya analojia ya Utangazaji wa televisheni kwa jiji la Mwanza na vitongoji vyake, yamekamilika kwa kuwashirikisha wadau wa sekta ya utangazaji hapa Mwanza ambapo mitambo hiyo itazimwa usiku wa tarehe 28 Februari 2013.

Elimu kwa umma kupitia mbinu mbalimbali kuhusu mchakato wa kuhamia katika teknolojia ya mfumo wa utangazaji wa digitali imekuwa ikitolewa kwa kiwango cha kuridhisha. Matangazo ya digitali yanawafikia watu asilimia zaidi ya 22% kati ya asilimia 24% ya wanaopata matangazo ya televisheni ya analojia. 

Kutoka kulia ni Mabere Makubi, Sita Tuma, .. na Nashon Kennedy.

Bei ya ving'amuzi imekuwa rungu jingine kwa mwananchi wa kipato cha chini kushindwa kumiliki hatimaye wengi wameghaili kuvinunua hivyo kukosa haki yao ya msingi ya kupata mawasiliano TCRA mnakauli gani juu ya suala la bei?

 Sikiliza jibu kwa kubofya play...

Vipi hatma ya simu zinazonasa mawasiliano ya televisheni zikitumia antena zake ndogo hivi, ndiyo tuseme sasa zitageuka kuwa mapambo? 
Sikiliza jibu kwa kubofya play...

Serikali ilifikiria kwa kina zoezi zima lakuzima mitambo ya televisheni ya teknolojia kwa makini sana. Ili kufanikisha zoezi hili bila kuwa na usumbufu mkubwa, serikali iliweka ratiba ya uzimaji kama ifuatavyo:- 
(1) Dar es salaam- 31 dec 2012; Tayari mitambo imezimwa.
(2) Dodoma & Tanga- 31 jan 2013; Tayari mitambo imeshazimwa.
(3) Mwanza- 28 feb 2013; Zimebaki siku 3 tu!
(4) Moshi & Arusha- 31 march 2013;
(5) Mbeya- 30 April, 2013.

Sehemu ya waandishi wa habari waliohudhuria hii leo kwaajili ya kuuhabarisha umma hatua hiyo ya Mamlaka ya Mawasiliano nchini.

Mamlaka ya Mawasiliano imeagiza watoa huduma za kusambaza ving'amuzi walioko Mwanza kuhakikisha kuwa kunakuwa na ving'amuzi vya kutosha pia imefanya ukaguzi katika jiji la Mwanza na kugunda kuwa kuna ving'amuzi vya kutosha huku vingine vikiwa njiani kuwasili madukani kwaajili ya kukidhi mahitaji ya wengi.

Serikali inatarajia kupata ushirikiano wa karibu kutoka kwa wadau wa sekta ya utangazaji na wananchi kwa ujumla katika kipindi cha uzimaji wa mitambo ya utangazaji wa televisheni ili kufanikisha zoezi la uzimaji wa mitambo ya utangazaji ya taknolojia ifikapo tarehe 28 Februari 2013.

Tupe maoni yako