SERIKALI INAPASWA KUJITATHIMINI MACHAFUKO YA MTWARA, YASEMA CUF.

WAZIRI wa Afya wa Serikali ya Umoja wa Kitaifa Zanzibar Juma Duni Haji (CUF) amesema kuwa Serikali ya Tanzania haina budi kuketi chini na kujitathimini ili kukabiliana na tatizo la vurugu za Mtwara.

Akizungumza Jijini Mwanza jana Duni amesema kwamba ghasia zinazoendelea Mkoani Mtwara serikali haipaswi kutumia nguvu kubwa ikiwemo mabomu na risasi za moto kuwapiga wananchi hivyo ni vyema ikaenda kukaa nao na kuwasikiliza ikiwemo kuwapatia elimu ya kutosha badala ya kuwapuuza na kutumia mabavu..

Duni ameongeza kuwa wananchi wa Mtwara wanategemea zao la Korosho tu huku Bandari ya Mtwara ikiwa imetelekezwa na hakuna juhudi zilizochukuliwa kuijenga, nazo barabara zikiendelea kuwa mbovu  kwani tangu uhuru na sasa ni miaka 52 mkoa wa Mtwara unaendelea kuwa nyuma kiuchumi na kimaendeleo hivyo hakuna budi kutatua yale yanayo ikabili mikoa hiyo ya kusini ndipo uvunaji wa gesi ufanyike.

“Mkiona mtawala anaanza kutumia risasi na mabomu hizo ni dalili za kushindwa hoja, na hili si jambo jema serikali inatakiwa kujibu hoja na si kutumia vyombo vyake vya dola kuuwa kwa kutumia risasi za moto hivyo wananchi wajiandae watakufa sana kwa kuwa serikali haitaki suruhu na wananchi wake hivyo ikataeni CCM” alisema.

Duni amekinyooshea kidole Chama cha Mapinduzi (CCM) kwani tangu kupata uhuru kilipounda serikali kimeshindwa kutoa Elimu yenye ubora na matibabu kwa wanawake wajawazito bure kama ilivyofanywa na serikali ya umoja wa kitaifa Zanzibar hivyo wananchi wasikichague chama hicho kwa mwaka 2015 kuunda tena serikali huku pia akiwataka CHADEMA kuacha kujiita kuwa Chama kikuu cha upinzani kwa vile hakiungwi mkono Zanzibar hivyo hakitaweza kushika dola .

Kwa upande wake Mbunge wa viti maalum CUF, Mkiwa adam Kimwanga amewaasa wananchi hasa vijana wasikubali kutumiwa na wanasiasa kwani tangu vijana watano waliodaiwa kuwa wafuasi wa CHADEMA waliokamatwa kwa tukio la kuchoma moto ofisi za CCM Kata za Isamilo na kuhukumiwa kwenda jela miaka 15 hakuna hata kiongozi na wabunge wa CHADEMA wanaowakumbuka hata kuwapelekea sabuni huko Gereza la Butimba. Msikilize zaidi hapo juu.

Mjumbe wa Baraza Kuu la CUF ambaye pia ni diwani wa kata ya Lyoma jimbo la Sumve wilaya ya Kwimba Julius Samamba, akihutubia mkutano huo. 

Sehemu ya wananchi waliojitokeza kiwanjani hapa.

Wananchi  kusanyikoni.

Tafakari kwa kina na usikivu.

“Wananchi wa Mtwara wana haki na hoja yao niya msingi hivyo ni vyema sisi viongozi wa serikali tuliopewa dhamana na wananchi hao tuzitafutie ufumbuzi na kuhakikisha tunawasikiliza badala ya kuwapuuza na kuwalaumu kuwa hoja yao si ya msingi,hapana tutakuwa tunakosea kwa kufanya hivyo”alisisitiza Mjumbe huyo wa Baraza kuu la taifa wa Chama cha CUF.

Safu iliyosheheni akinamama kusanyikoni hapo.

Waziri wa Afya wa Serikali ya Umoja wa Kitaifa Zanzibar Juma Duni Haji akizungumza na waandishi wa habari kwa masuala ya ufafanuzi.

Tupe maoni yako