MJUMBE WA KAMATI TENDAJI YA BARAZA LA VIJANA CHADEMA W'ILEMELA AJIENGUA CHAMA HICHO

Bw. Samson Chacha Boroyi

KADA wa CHADEMA Bw. Samson Chacha Boroyi ambaye ni Mjumbe wa Kamati Tendaji ya Baraza la Vijana la Chadema (BAVICHA) Wilayani Ilemela Mkoani Mwanza, amejiengua katika chama hicho huku akikiponda chama hicho kuwa kinaongoza nchini kwa kuwafanya watu Chambo na kuongozwa kwa maslahi ya Ukanda .

Akizungumza na vyombo vya habari Jijini Mwanza amewataja waziwazi baadhi ya viongozi wa CHADEMA wakiwemo wale wa Kitaifa kuwa hawataki kutii Sheria, Kanuni na Taratibu za nchi hivyo siku wakipatiwa Dola, hali itakuwa mbaya kuliko ya Misri na Libya.

Mwalimu Samson Boroyi ameyasema hayo huku akikiita Chama hicho kuwa ni Kampuni ya kundi dogo la vigogo wa Kanda ya Kaskazini japokuwa wamekuwa wakijinadi kuwa ni Taasisi ya Kisiasa, alidai kwamba viongozi wa Chama hicho wakiwemo Katibu Mkuu Dkt Willbroard Slaa wamekuwa wakiitumia CHADEMA vibaya kwa kushindwa kufuata Katiba yake na hata kuwa watu wasiotii sheria za Nchi na Katiba ya Jamhuri ya Muungano wa Tanzania. Msikilize Bofya play..

Bw.Boroyi ambaye pia alikuwa Katibu Mwenezi wa Chadema Kata ya Nyamanoro wilayani Ilemela,  alieleza kwamba pamoja na chama hicho kuendeshwa kama kampuni ya mtu binafsi, kundi hilo dogo ndilo linalotoa maamzi bila kuzingatia Katiba yake na maslahi ya wengi.

 Ameongeza kuwa hata Bw Wenje alitoa ahadi ambayo ameshindwa kuitekeleza tangu aitangaze kwenye mikutano yake ya hadhara na kujigamba kusomesha watoto 1,960 katika Sekondari za Kata na kuzipatia madawati, kuboresha huduma ya Hospitali ya wilaya ya Nyamagana ya Butimba wakati hali ni kinyume na mbwembwe hizo. Msikilize Bofya play..

 

Hata hivyo Bw.Boroyi hakuwa tayari kutaja chama atakachojiunga nacho hadi hapo baada ya wiki mbili,atakapokuwa ametafakari kwa kina ni Chama kipi bora atakachojiunga nacho ili asikosee tena kama alivyopotea muda wake  kujiunga na Chadema toka mwaka 2007akiwa mwanachama hai kwa Kadi namba 0359614 na kuahidi kuirejesha Kadi hiyo kwa Katibu wa Wilaya ya Ilemela Jumatatu ijayo ili kuthibitisha kukiacha kabisa chama hicho.  
Tuko mbioni kusikiliza upande wa pili.

Tupe maoni yako