MANSOOR AKAMILISHA UJENZI WA BARABARA ZAKE 19.

NA ZEPHANIA MANDIA/GSENGOtV

Zaidi ya wakazi laki nne wilayani Kwimba mkoani Mwanza, wameondokana na tatizo la ubovu wa miundombinu ya barabara, baada ya Mbunge wa jimbo hilo Shanif Mansoor kukamilisha ujenzi wa barabara kumi na tisa, zenye urefu wa kilometa 98.2.

Akikabidhi moja kati ya barabara hizo katika kijiji cha Mwang’ombe, Mbunge wa Jimbo la Kwimba Shanif Mansoor, amesema ameamua kuzijenga barabara hizo kwa gharama zake binafsi bila kugusa fedha za mfuko wa Jimbo, ili kufungua milango ya fursa za kiuchumi kwa wananchi.

Kabla ya ujenzi barabara hizo kukamilika, fursa za kiuchumi kwa wananchi wa jimbo hilo zilikuwa zikisuasua, hasa kwa kuwakwamisha wakulima kushindwa kusafirisha mazao yao ya biashara kwenda katika masoko.

Katika makabidhiano hayo mkuu wa wilaya ya Kwimba Senyi Ngaga, amemshukuru Mbunge huyo kwa jitihada zake, huku akiwahimiza wananchi kuchangamkia fursa za kibiashara, kwa kuwa vikwazo vilivyokuwa vikiwakabili kiuchumi vimetoweka.

Akipokea barabara hizo kwa niaba ya serikali.mkuu wa wilaya kwimba mkoani Mwanza mhe.SENYI NGAGA,pamoja na meneja wa wakala wa barabara za Mijini na Vijijini (TARURA) Edwin Madoshi, amemshukuru Mbunge wa Jimbo la Kwimba Shanif Mansoor, ni mfano wa kuigwa kwa juhudizake za kuchochea maendeleo katika jimbo la kwimba.huku akiwataka wadau wengine kuunga mkono jitihada za serikali za kuwaletea wananchi maendeleo.

Wakati ujenzi wa barabara hizo ukiwa unalenga kutekeleza ilani ya Chama cha mapinduzi (CCM) kwa wananchi, miradi mingine ya kijamii ambayo tayari imeshakamilishwa na mbunge wa Jimbo hilo, ni ujenzi wa vituo vya afya, uboreshaji wa miundombinu ya sekta ya elimu, Maji na umeme.

Tupe maoni yako