DALADALA ZA MWANZA ZAGOMA KUTOA HUDUMA HII LEO.

Jiji la Mwanza kwa siku ya leo limekuwa kwenye hali tete katika suala la usafiri mara baada ya daladala za njia kuu za Airport-Igoma, Airport-Kisesa na Airport-Buhongwa kugoma kwa madai ya kunyanyaswa na Trafiki.

Kufuatia mgomo huu wa daladala nauli zimepandakwa vyombo vya usafiri visivyo rasmi vinavyotoa huduma kwa sasa, barabarani kumekuwa ni kelele za milio ya pikipiki huku madereva wa vyombo hivyo wakisherehekea mgomo huo (vita vya panzi neema kwa kunguru)

Huu ndiyo usafiri wetu kwa leo hapaJiji la Mwanza.

Bajaji na Pic up zilizo na abiria zikiingia kituo cha Kemondo Nyamagana jijini Mwanza.

Abiria wakiwa wamepakizwa kwenye moja kati ya pickup ambazo leo zimepata mwanya wa kupiga tripu jiji la Mwanza kuokoa adha ya usafiri ambayo imesababishwa na Daladala kugoma.

Hichi ndicho kituo cha Buzuruga ambacho kinalalamikiwa na Madereva wa Daladala kuwa ni kidogo na hakikidhi mahitaji yao mpaka kipanuliwe ili magari yaweze kuingia na kutoka bila bugudha yoyote.

Mmoja kati ya maafisa wa Tanroads akitoa ufafanuzi kwa Mkurugenzi wa Jiji la Mwanza Hassan Idda (mwenye miwani) jinsi taratibu za kituoni hapo zinavyofanyika.

Hapa ndipo Daladala hupita katika kituo kipya cha kushusha na kupakia abiria kituo cha Buzuruga jijini Mwanza kikianza kuleta nyufa kubwa. Kituo hiki kina takribani wiki moja toka 

Huu ni msingi wa Kituo hicho cha Buzuruga ambacho kimejengwa na kuanza kutumika kama wiki mbili sasa kikianza kuharibika, swali je kikimaliza miezi miwili hali itakuwaje?

Meneja wa Tanroads Mwanza Eng: Leonard Kadashi akizungumzia hatma ya mgomo ambao umeanza leo wa Daladala na nini kifanyike juu ya kituo kilichojengwa na wakandarasi wake na kuzua utata..

Afisa Mfawidhi wa Sumatra Kanda ya Ziwa Eng: Japhet Ole Simaye akitoa maelekezo kwa moja ya barua kutoka Sumatra kuhusu malalamiko ya Madereva wa Daladala waliogoma leo.

SIKILIZA RIPOTI YA CLOUDS FM - POWER BREAKFAST ASUBUHI YA LEO TOKA MWANZA. (BOFYA PLAY)

HEKA HEKA ZA MIGOMO ZALIKUMBA JIJI LA MWANZA SAFARI HII NI WA HAICE.

MGOMO wa baadhi Wamiliki na Madereva wa magari ya abiria aina ya Haice (Daladala) unaoendelea kuanzia majira ya saa 12:30 za asubuhi leo  Jijini hapa umedaiwa kuwa ni batili na Kamati ya ulinzi na usalama Wilaya ya Nyamagana.

Akizungumza na waandishi wa habari leo majira ya saa 11:00 za asubuhi, Mkuu wa Wilaya ya Nyamagana Baraka Konisaga  ofisini kwake alisema kuwa , kufuatia baadhi ya wamiliki na madereva kufanya mgomo wa kutoa huduma ya usafiri kwa wananchi wa Jiji hili kupitia magari yao ya abiria aina ya Haice maarufu kama Daladala aliamua kuitisha kikao cha dharula kilicho shirikisha wadau wote.

Konisaga alisema kwamba baada ya kukaa na kusikiliza hoja za malalamiko zilizotolewa na wamililiki na madereva hao na kuanza kuzitafutia ufumbuzi wake ili kumaliza tatizo hilo lililopelekea kuwepo mgomo ambapo hoja ya kwanza ilikuwa ni kupinga kukamatwa na kosa na kisha kutozwa adhabu (Faini) pamoja na  fedha lakini wamekuwa hawapewi risti ikizingatiwa fedha hiyo inalipwa kwenye Taasisi ya Serikali.

Alieleza kuwa hoja ya pili ilikuwa ni kuhusu maegesho ya Haice yaliyojengwa jirani na Kituo cha mabasi cha Buzuruga kudaiwa kuwa ni kidogo hali ambayo inapelekea magari kusubiri kwa muda huku mengi yakiwa barabara kuu ya Mwanza-Musoma kwenye foleni hali inayosababisha askari kuwakamata endapo wakishusha abiria wanaowahi usafiri wa mabasi na kutozwa faini jambo ambalo wanalipinga.

Huku hoja yatatu ikiwa ni kutotambuliwa na kuthaminiwa na serikali katika kushughulikia malalamiko yao kwa kubezwa kuwa ni ‘wahuni’ jambo lililopelekea kuwashinikiza kufanya mgomo huo ili kusikilizwa kwa malalamiko ya kero zao juu ya taasisi za Jeshi la Polisi, SUMATRA na WAkala wa Barabara (TANROAD) Mwanza , ambapo baada ya kikao hicho kumalizika pande zote kwa pamoja zimekubaliana kusitisha mgomo.

“Tumekubali kuwasikiliza, lakini tumewataka kuendelea kutoa huduma wakati tukishughulikia suala hili, tumewataka pia kufuata sheria za barabarani na kuzingatia utaratibu uliowekwa , ambapo vituo vya kushushia abiria visigeuzwe kuwa vituo rasmi vya kusubiria abiria jambo ambalo huleta msongamano wa magari na wawafikishe abiria kutokana na walivyoomba ruti na si kukatisha na kutoa tiketi kwa abiria.

Mkuu huyo alitoa wito kwa wananchi, wamiliki na madereva wa magari ya abiria yanayotoa huduma ya usafiri kila siku nayale ya  watu binafisi kuwatolea taarifa baadhi ya askari wachache wanaokwenda kinyume na taratibu na sheria kwa kuwatoza fedha bila kuwapatia stakabadhi za malipo na wanaoendekeza vitendo vya rushwa ili wachukuliwe hatua kwa vile wanalichafua Jeshi la Polisi na Serikali.

"Wito wangu wamiliki na madereva wa daladala zinazotoa huduma ya usafiri kati ya Airport hadi Igoma-Kisesa, Bwiru hadi Kisesa na Buhongwa hadi Airport waendelee na kutoa huduma na wasikubali baadhi ya wanasiasa kutumia nafasi hiyo kuwahamasisha kugoma kwani ni kuwatesa wananchi bure huku akisisitiza kuwa “Kiongozi bora ni yule anayewapenda wananchi na si Bora Kiongozi kwani huyo yupo kwa ajili ya masilahi yake binafisi bila kujali kuwasumbua wananchi.

Tupe maoni yako