JESHI LA POLISI MKOA WA MWANZA LAWAHAKIKISHIA ULINZI WA KUTOSHA WAKAZI WA JIJI NA VISIWA VYAKE ZAMA HIZI ZA SIKUKUU

Kamanda wa Polisi mkoa wa Mwanza Ernest J. Mangu akizungumza na wandishi wa habari (hawako pichani) leo katika ukumbi wa mikutano wa ofisi za jeshi la polisi mkoa wa Mwanza.

Jeshi la Polisi mkoani Mwanza katika kuhakikisha kuwa wananchi wanasheherekea vyema sikukuu ya Christimas na Mwaka mpya katika hali ya amani na utulivu, limepanga mikakati madhubuti ya kupambana na uhalifu na wahalifu katika ngazi zote kuanzia visiwani na vitongoji, vijiji, wilaya na mkoa kwa ujumla.

Kamanda wa Polisi mkoa wa Mwanza Ernest J. Mangu  amesema kuwa katika kipindi chote cha sikukuu ulinzi utaimarishwa katika maeneo yote ambayo yatakuwa na mikusanyiko ya watu kuanzia katika maeneo ya starehe, sehemu za ibada, aidha wamiliki wenye vyombo vya usafiri wanakumbushwa kuzingatia wajibu wao wa kufuata sheria zote za usalama barabarani.

Kuhusu hali tete ya usalama na matukio ya uvamizi yanayo ripotiwa kila kukicha toka maeneo ya visiwa vya mkoa wa Mwanza hususani la utekaji wavuvi lililojitokeza hivi karibuni kwenye kisiwa cha Ukerewe, Kamanda amesema kuwa jeshi lake limeongeza vikosi vya askari polisi na kwa kushirikiana na wamiliki wa vyombo vya usafiri majini jeshi la polisi litaendesha doria ziwani muda wote. 
BOFYA PLAY UMSIKILIZE. 

Pia wazazi wamekumbushwa kuhakikisha kuwa watoto wadogo wanakuwa na watu wazima wa kuwaongoza barabarani.

Aidha Kamanda Mangu amewataka wazazi na wananchi kwa jumla kutowaruhusu watoto wadogo kushiriki kwenye mikusanyiko ya usiku kwa mfano baa na kumbi za starehe  kwani ni watawaepusha na mawaa yanayoweza kujiri na kuhatarisha usalama wa maisha yao.

Kwa wamiliki wa kumbi za starehe wamekumbushwa kuzingatia kuingiza watu katika kumbi za starehe kulingana na idadi ambayo kumbi hizo zinastahili ili kuepuka misongamano ya watu inayoweza kuleta maafa.

Tupe maoni yako