JESHI LA POLISI LAKABIDHI VYETI KWA WAHITIMU MAFUNZO ULINZI SHIRIKISHI WILAYA YA ILEMELA.

Mkuu wa Upelelezi wa Makosa ya Jinai mkoa wa Mwanza Joseph Konyo akizungumza kwenye hafla fupi ya kufunga mafunzo ya vijana 85 wa polisi jamii iliyofanyika katika uwanja wa Magomeni tarafa ya Ilemela jijini Mwanza. 

Mkuu wa polisi wilaya ya Ilemela Debora Magiligimba akitoa nasaha kwa vijana 85 waliopata sifa ya kuwa polisi jamii tarafa ya Ilemela.

Risala ya wahitimu wa mafunzo ya polisi jamii ilisomwa.

Nao wahitimu wakaonyesha ukakamavu wakati wa kupambana na kujilinda na wahalifu.

Parade.

Kikazi zaidi.

Hureeee...na vyeti vyao.

Anaitwa Hamza Msafiri Katemi.

Mkaguzi wa polisi tarafa ya Ilemela Afande Joyce Kotecha akiwa na mmoja wa wakufunzi wa mafunzohayo toka jeshi la polisi Afande Shahban Kaguna (aliyevaa kibarakashia) katika picha ya pamoja na wahitimu. 

  Na Peter Fabian

MWANZA.

VIJANA wa vikundi ya Polisi jamii Wilaya ya Ilemela wameonyesha ujasili na mafanikio tangu kuanzishwa kwa Polisi Jamii kwenye Kata na kufanikiwa kukamata silaha zilizotumika kufanya uhalifu katika maeneo mbalimbali ya Kata na mitaa Wilayani hapa.

Akizungumza wakati wa hafla fupi ya kufunga mafunzo ya miezi mitatu ya Polisi Jamii kwa kikundi cha vijana 85 waliomaliza kwenye uwanja wa Magomeni Kirumba Mkuu wa Wilaya ya Ilemela Amina Masenza alisema kwamba  kutokana na kuporomoka kwa misingi ya amani na kuanza kujitokeza vitendo vingi vya uvunjifu wa amani na kuwepo matukio ya uhalifu wa kutumia silaha Wilayani hapa.

Mkuu huyo alisema kwamba kutokana na dunia sasa kukabiliwa na matishio mengi ya kiusalama na vitendo vya uhalifu wa kutumia silaha (wizi), uingizaji dawa za kulevya , vitendo vya ujangiri na kuingia kwa wahamiaji haramu kumeanza kuporomoka kwa misingi ya amani katika taifa letu jambo hili ni lazima lipigwe vita kwa kila namna na kila mwananchi kwenye eneo lake.

“Tukubali kutofautiana kwenye hoja zetu za kawaida na kisiasa lakini tukubaliane na kushirikiana kudumiasha amani na umoja wetu na kuendeleza msingi iliyopo ya kuwalinda wananchi na mali zao kwa kila mmoja kuwa askari huku kukiendela kuzingatia matumizi ya sheria mkiwa wadau wakubwa wa ulinzi wa nchi kwenye maeneo mbalimbali ya mitaa yetu tunakotoka” alisema

Mkuu huyo wa Wilaya, ambaye pia ni Mwenyekiti wa Kamati ya Ulinzi na Usalama aliwataka wahitimu hao kuzingatia sheria na kufuata taratibu za kazi ya kulinda maisha ya wananchi na mali zao kwa kushirikiana na Jeshi la polisi na viongozi wa mitaa na Kata wanazotoka badala ya wao kuwa chanzo cha kuongezeka uhalifu kutokana na kupata mafunzo na mbinu za kuwabaini na kuwakamata wahalifu.

“Siri ni moja ya maadili ya mafunzo yetu lakini wajibu wenu pia ni kutoa taarifa kwa viongozi wa mtaa, kata na vituo vya polisi wa Kata na Wilaya na kuhakikisha mnashirikiana na jamii kwa kila mmoja, hii ndiyo dhana ya ulinzi shirikishi na polisi jamii ambayo leo mmehitimisha mafunzo haya kwa muda wa miezi mitatu” alisema.

Masenza alisema mfumu huu wa ulinzi wa kushirikisha wananchi umelenga kumshirikisha kila mmoja katika nafasi yake, kwa wakati wake na uwezo wake kubaini  na kuzuia viashiria vya uhalifu na uhalifu sehemu zao kwa kushirikiana na jeshi la polisi.

“Ni vyema mkatambua juhudi za serikali katika kuiweka nchi yetu katika hali ya salama na amani, kupitia Jeshi la polisi nchini na vyombo vingine vya dola pamoja na kuweka mikakati na kufanya operesheni mbalimbali lengo lake kubwa ni kuifanya nchi kulindwa na raia na mali zao huku jeshi la polisi likitekeleza mikakati na dhana ya polisi jamii na ulinzi shirikishi kwa vitendo ikiwemo utii wa sheria bila shuruti.alisema na kuongeza

Kwamba baada ya kuanzisha Polisi Kata, tukaazimia kuwa na Polisi jamii ya vikundi vya vijana wenye mafunzo ya ukakamavu na mbinu ya kukamata wahalifu, jeshi la polisi pia likaanzisha na kuweka Mkaguzi wa Polisi kila Tarafa huku pia kila tarafa ikiwa na kikosi kazi kisichopungua askari 15kwa lengo la kusogeza, kuimarisha na kutoa huduma za jeshi la polisi kwa wananchi.

Awali Mkaguzi wa Polisi Tarafa ya Ilemela Joyce Kotecha aliyesimamia na kuhakikisha vijana wanapatikana kushiriki mafunzo hayo kwa ihali alisema kwamba ilikuwa ni vigumu kupata washiriki lakini baada ya kufanya vikao na wenyeviti na watendaji wa mitaa na kuoa elimu kwa vijana, kisha  walionyesha nia na kukubali kushiriki mafunzo hayo ya Polisi Jamii.

“Walianza vijana 130 lakini wengine waliacha na wengine walikosa sifa na hatimaye vijana 85 ndiyo walioweza kumaliza na leo wanahitimu mafunzo kwa  kuwa na sifa ...ITAENDELEA...

Tupe maoni yako